Velg emne

Høyringsuttale frå Skånevik IL

14.10.00 Ei storslått markering
  Det var full mobilisering for Norway Foodsfabrikken i Skånevik i går fredag 13. oktober.  Svært mange stilte opp for å høyra appellar av 3 stortingsrepresentantar Sørfonn ( Kr. F), Kleppa ( Sp) og Vihovde ( V), lokale politikarar og andre.  Markeringa blei avslutta med eit stort fakkeltog med plakatar og slagord: La fabrikken leva - La Skånevik leva - Leve King Oscar - I love sardines, var nokre av dei.
  Alle politikarane ga klår beskjed.  Dei ville gjera alt som står i deira makt for å redda fabrikken.  Eit stort oppbud av media med NRK TV/Radio - TV Haugaland - Bergens Tidende - Hgs. Avis - Grannar i spissen, dekka denne fantastiske bekreftinga av kampvilje for fabrikken og bygda.  

- Det er tider det er vanskeleg ikkje lenger å sitja i regjeringa, men eg vel å tolka næringsminister Grete Knudsen positivt med dei signal ho kjem med om eit statleg engasjement. Og eg vil appellera direkte til Rieber & Søn om å visa samfunnsansvar. Dei 63 arbeidsplassane det står om her betyr like mykje for Skånevik som fleire tusen arbeidsplassar i ein by. Me skal trykkja på det me kan for å ta vare på desse arbeidsplassane i distriktet, seier tidlegare sosialminister Magnhild Meltveit Kleppa (Sp).  

Tidligare stortingsrepresentant Hans Olav Tungesvik heldt ein flammande appell tilslutt med desse orda:( Sit. frå Hgs. Avis)  - I 1998 feiret fabrikken 90 års-jubileum, og eierne proklamerte at framtiden for Skånevik var lysende. Da blir det meningsløst å legge ned fabrikken, kun to år etterpå. De kan ikke komme her og varsle nedleggelse. Det er så stikk i strid med enhver logikk, at det kan vi simpelthen ikke godta.

  Tungesvik er her ved eit svært viktig poeng.  Marknaden har sjølvsagt ikkje minka med produksjonsvolumet til ein fabrikk på to år.  Det er arbeidet med sal og marknadsføring som ikkje er godt nok. Verda treng sardinar - eit sunt produkt frå vestlandsfjordane.  Det er å håpa at Norway Foodsleiinga i Bergen snur og innser at vi i Skånevik har rett.  Vi vil halda fram med kampen  - det handlar om vårt viktigaste og største arbeidsplass - det handlar om livsgrunnlaget til Skåneviksamfunnet - det handlar om å produsera ei vare som verda treng.  

  Ikkje la det gå prestisje i saka - trekk tilbake innstillinga om nedlegging.  Det vil King Oscar og Skånevik samfunnet tena på.  La oss samlast over eit sardinmåltid med litt bluesmusikk der det vert stadfesta frå leiinga i Norway Foods og Rieber & Søn :  Fabrikken skal leva - Skånevik skal leva - Leve King Oscar.  
Les i Hgs. Avis,  Bergens Tidende og Grannar.

12.10.00 Staten aktuell som medspelar
  I følge Aksel Kloster i Samarbeidsrådet for Sunnhordland har staten ved SND vist interesse for å delta i eit prosjekt for å utvikla ein meir kostnadseffektiv sardinproduksjon i Skånevik. Gjennom prosjektet skal det også leggjast ein strategi for korleis Norway Foods og eigaren Rieber & Søn med statsstøtte i sterkare grad kan marknadsføra norske sardinar nasjonalt og internasjonalt.  Dette blir også bekrefta av næringsministeren som har hatt møte med konsernsjef Ulf Jespersen om fabrikken i Skånevik.  Styreleiar Kloster  seier at det er framleis sardinproduksjon i Norway Foods-regi det blir lagt opp til dersom Statens nærings- og distriktsutviklingsfond (SND) skyt inn støttemidlar.  Les om dette i Bergens Tidene...   Les også ein tidlegare artikkel i Haugesunds Avis... som ikkje ha fanga det ovanfornemde momentet. 

11.10.00 Fakkeltog med appellar fredag 13. oktober
  Med slagordet "Skånevik skal leva - fabrikken skal leva" som utgangspunkt vert det fakkeltog, appellar av m.a. stortingsrepresentantar og Blues-musikk ved Norway Foodsfabrikken i Skånevik fredag 13. oktober kl. 16.00.  Desse kjem:  Ordførar Amund Enge og andre lokale politikarar, Stortingsrep. Ingebrigt Sørfonn, Kr.F - stortingsrep og tidl. statsråd Magnhild Meltveit Kleppa, Sp -  stortingsrep. May Britt Vihovde, V- Fylkestingsrep. Tordis Nysæter,Ap og tidlegare stortingsrep. Hans Olav Tungesvik. Alle vener av Skånevik må møta fram:  Stor som liten, gamal som ung.                 
                                              Velkommen!!  

11.10.00 Brev frå Kristoffer Vannes til Rieber & Søn
  Kristoffer Vannes skriv i eit brev til styret i Rieber & Søn at fabrikken i Skånevik er referansebedrift for andre fiskeribedrifter og at arbeidskrafta er stabil med ein relativ låg gjennomsnittsalder.  Dette meiner han er berre ein av grunnane til at fabrikken i Skånevik må få leva vidare.  Les heile brevet ...

10.10.00 Pressemelding om Norway Foods
  Dei tilsette ved Norway Foodsfabrikken i Skånevik har sendt ut ei pressemelding der dei uttalar at dei er fortvila over at Rieber & Søn vurderer å leggja ned fabrikken.  I pressemeldinga kjem dei med forslag om at eit utviklings- og omstillingsprosjekt bør vera eit svært godt alternativ til å fjerna hjørnesteinsbedriften i kommunen.  Les pressemeldinga...

10.10.00 Brev fra Inger Matre til Rieber & Søn
  Inger B. Matre har sendt eit brev til styreleiar Nergaard i Rieber & Søn der ho ber om at fabrikken ikkje blir nedlagt.  Ho uttalar at m.a. at fabrikken i Skånevik er ein referansebedrift for andre fiskeforedlingsbedrifter i Noreg.  Les brevet ...

09.10.00 Dette blir for lettvint, Rieber & Søn
  I eit engasjert brev til Rieber & Søn, ber tidlegare stortingsrepresentant og leiaren av Etne Kristeleg Folkeparti Hans Olav Tungesvik om at konsernet no gjev seg sjølv nye 2 år utan å gjera uopprettelege nedleggingsvedtak.  Les heile brevet ...

09.10.00 Hjortafest i Idrettshallen 04.11
  Velkommen til Hjortafest i kafeteria i Skånevik Idrettshall laurdag 4. nov. kl. 20.00. Det vert middag og servering.  Musikk av Arne og Magne frå Ølen.  Billetsal i Kvinnherad Sparebank og Krambua frå 20. okt. - 2. nov.  Pris kr. 160,-.  Aldersgrense 18. år.  Hugs fristen pga. servering av middag.  Arr. Skånevik Idrettslag.

08.10.00 Ope brev til styret i Rieber & Søn ASA
  I brevet til styret i Rieber & Søn med overskrifta Sardinproduksjon – en framtidsrettet næring i Skånevik vert det gjeve ei oppsummering av dei viktigaste argumenta for at Norway Foodsfabrikken i Skånevik er ein framtidsretta bedrift.  Les brevet ...

06.10.00 Skånevik Fordhotel til sals
  Skånevik Fjordhotel er til sals.  Ekteparet Eli og Ole Jørgensen har drive hotellet i 23 år.  Det  har 52 rom, stor kurs-og konferanseavdeling og ligg vakkert til ved fjorden.  Hardt arbeidspress gjennom mange år er grunnen til at dei no vil selgja hotellet.  Les intervju med Eli og Ole i Haugseunds Avis.

06.10.00 Spørsmål til Grete Knudsen
Stortingsrepresentant John Dale, Senterpariet har sendt spørsmål til næringsminister Grete Knudsen om forslaget til Norway Foods om å leggja ned sardinfabrikken i Skånevik.  Les spørsmålet her...

05.10.00 Reaksjon på uttale frå ordføraren
  Dei tilsette ved Norway Foodsfabrikken i Skånevik reagerer sterkt på ein uttale som ordførar Amund Enge kom med i eit intervju med TV-Haugaland etter møtet med Rieberleiinga i går.  Les brevet frå dei tilsette... 

05.10.00 Rieber & Søn på møte i Skånevik
  Konserndirektør Ulf B. Jespersen og divisjonsdir. Geir-Arne Åsnes i Rieber & Søn ASA møtte representantar frå Etne kommune, Skånevik Vekst og Samarbeidsrådet for Sunnhordland på Skånevik Fjordhotel i går for å snakka om framtida til Norway Foodsfabrikken i Skånevik.  Les intervju med ordføraren i  Hgs. Avis.. og i Grannar.

05.10.00 Brev få skulen til Rieber & Søn
Klubben til Norsk Lærarlag ved Skånevik skule har sendt brev til styret i Rieber & Søn der ein ber om at fabrikken i Skånevik må få leva.  Lærarane peikar på dei ressursane som fabrikken representerer ber om at konsernet må utnytta dei betre i staden for å leggja ned fabrikken.  Les brevet ...

05.10.00 Brev frå NNN til næringsministeren
  Norsk Nærings - og Nytelsesmiddelarbeiderforbund har sendt brev til Grete Knudsen.  I flg. Bergens Tidende hadde brevet dette hovudinnhaldet:  NNN si Hord. avdeling ber i eit brev til næringsminister G. Knudsen om at stat og regjering må ta nye initiativ for å vidareutvikla fisk som næringsmiddel.  Bakgrunnen for innspelet er Rieber & Søn sitt framlegg om å leggja ned hermetikkfabrikken i Norway Foods i Skånevik.  NNN har hatt møte med dei tillitsvalde i Skånevik, og ber næringsministeren granska kva offentleg verkemiddel som er tilgjengelege for å vidareutvikla Norway Foods i eit samarbeid mellom tilsette, Riebiekonsernet, Etne kommune, staten og fylkeskommunen.  NNN uttalar at ei nedlegging av 63 arbeidsplassar i lokalsamfunnet Skånevik er "fullstendig uakseptabelt".

03.10.00 Viktig møte om fabrikken
Det er med svært store forventningar alle venner av Skåneviksamfunnet ser fram til møtet mellom Etne kommune og toppleiinga i Rieberkonsernet i morgon 4. oktober i Skånevik.  Det er eit godt teikn at dette møtet kjem i stand og at adm. i Norway Foods har bedt styret utsetja sakja om nedlegging av sardinfabrikken.  Håpet er at Rieber & Søn m.a. vil sjå verdien av dei dyktige tilsette på fabrikken i Skånevik og fortsetja med foredling av marine produkt på ein måte der arbeidsplassane blir oppretthalden.  Fleire stortingspolitikarar har og vil jobba med denne sakja til beste for Skåneviksamfunnet, samstundes som Samarbeidsrådet for Sunnhordland er ein aktiv medspelar.  Lukka til!!  Les meir om vårt store håp i media: Grannar 02.10 -Hgs. Avis 02.10 - Hgs. Avis 03.10 - BT 03.10.

03.10.00 Handballstart - Fotballslutt
Handballjentene starta sesongen med heimekampar.  Her kjem ein rapport frå ein av trenarane Finn Ove Solberg:

A-laget til Skånevik tapte 3-0 mot Vats 94 i siste seriekampen.  Her kjem eit referat frå Bård Henrik Hereide:

I reine ”indian summer” temperatur på Skånevik stadion var dette sesongens siste kamp for begge lag. Vann Vats i dag rykka dei opp i 5. divisjon
1.omgang
Det var ope og fint spel frå start, frå begge lag. Men etter ca 10 min fekk Vats ein klar straffe. 0-1. Det var ikkje den store guffen i Skånevik i dag, dei virka lite inspirert . Vats hadde stor vilje til å vinna kampen. Helge Hus hadde sjansen  til og redusera då Skånevik fekk frispark like utanfor 16 m. Rune Johanson skaut over mål frå 5 meters hald, stor sjanse. Til pause var stillinga 0-1.

2.omgang
Bytte i andre omgang:  Christian Nilsen inn Steinar Ness ut.  Vats gjekk rett igjennom Lars Jarle&co etter avspark. Resultatet var no 0-2
Bytte: Torgeir Tungesvik inn Gerhard Nerheim
Einar Arefjord kom til eit fint skudd like over etter ca 16 min.
Bytte:       Ørjan Løhaugen inn Stian Nedreskår ut

Christian Nilsen åleine med keeper, men han fekk ikkje skikkeleg avslutta. Skånevik kjem seg litt mot slutten.
Bytte:  Tom inn Einar Arefjord ut.  Det vart nok eit mål til Vats i det siste minuttet og dei vann 3-0.
Vats var det beste laget og hadde tydeleg mest og kjempa for i denne kampen. Skånevik har eit forholdsvis ungt å friskt lag, og vi ser fram til neste sesong. Stå på ! og takk for mykje god underhaldning! Ca 60 såg kampen.
Ref: Bård-Henrik Hereide        rudherei@hotmail.com

30.09.00 Skånevik Ungdom er danna
Organisasjonen Skånevik Ungdom er blitt danna og Evely Bøthun er vald til leiar.  Les meir om dette positive tiltaket...

27.09.00 Rieber & Søn og Skåneviksfolk må ta utfordringa
  Vi som bur her har sagt vår meining og argumentert for at fabrikken skal bestå. Vi trur at mange har fått med seg kva vi meiner.  I det vidare arbeidet vil vi også peika på den store, positive ressursen som eit stort konsern og ein engasjert og dugande lokalbefolkning representerer saman.  Hvis Rieber & Søn satsar videre på Skånevik kan vårt engasjement og vår arbeidslyst gi enno større uttelling for båe partar.  Vi vil satsa på framtida!  Utprøving av nye produsjonsformer og nye produkt må vera ein naturleg del av dette.  Kanskje kan vi saman skapa fleire arbeidsplassar enn i dag!  

26.09.00 Fabrikken skal leva!  Vi treng eit levande distrikt!
  Skåneviksamfunnet vil kjempa for at kommunen sin hjørnesteinsbedrift skal leva.  Norway Foodsadministrasjonen sitt forslag om nedlegging av fabrikken i Skånevik fører ikkje til at Skåneviksfolk gir opp.  Ein kan heller sei at det inspirerer til kamp. Når sentraladministrasjonen m. a. bruker som argument at Skånevik ligg for langt frå Bergen trur ein nesten at ein har lest feil.  Bergensarane ønskjer å behalda fabrikkane på Davanger og i Eikelandsosen, men ikkje den i Skånevik.  
  I 93 år har ein på ein framifrå måte lagt sardiner i boks og produsert ei vare som er sunn, god på smak og som fleire og fleire vil ha.  Svært mange i Skånevik vil gjera sitt til at styret i vestlandets største industriselskap Rieber  & Søn seier nei til nedlegging av fabrikken.  Fabrikken i Skånevik  har svært dyktige tilsette og gode fabrikklokaler.  Naturressursene med høg kvalitet finn ein i vestlandsfjordane.  

Skånevik nett vil på vegne av alle bygdafolk komma med følgjande appell 
til styret i Rieber & Søn ASA:

Vi trudde på Dykk då fabrikken blei kjøpt av Rieber & Søn ASA i 1996.  La Norway Foodsfabrikken i Skånevik få leva!  Vi har stor tru på den norskproduserte King Oscar!  Dette er den viktigaste saka for Skånevik og Etne kommune på mange 10 år.

Les artikkelen Norway Foodsfabrikken i Skånevik skal leva!  

3 brev frå dei tilsette - Hgs. Avis den 23.09... - Hgs. Avis den 25.09 - Bergens Tidende 25.09 - Grannar 25.09 -  Hgs. Avis 26.09 - Hgs. Avis 26.09 - Hgs. Avis 26.09 - Bergens Tidende 26.09 - Hgs. Avis 27.09 - Bergens Tidende 27.09 - Grannar 27.09.

21.09.00 Fleire turistar på hotellet
  Skånevik Fjordhotell har auka talet på turistar i sommar i høve til i fjor.  Amland sin hage er blitt ein stor turistattraksjon samstundes som turer i fjellet er særleg populært blant tyske turistar.  Les meir i Grannar...

20.09.00 Huset blei flytta
  Tysdag den 19. september blei det gamle huset i Katinkasvingen flytta til ein ny grunnmur på den andre sida av vegen.  Dette for at svingen skal bli meir oversiktleg og ikkje så traffikkfarleg.  Les i Haugsunds Avis om flyttinga...

18.09.00 Blueshelg i Etne
  I helga var det Blues-helg i Etne.  Bluesklubben Perleblues sto bak arrangementet som hadde ca. 300 besøkjande i Old River Saloon og Fugl Fønix.  Les meir i Grannar...

18.09.00 Står på for sardinfabrikken
  Sist veke sto tre av dei tilsette ved Norway Foods-fabrikken i Skånevik på stand i Obs-butikken og selde sardiner.  Responsen var svært god og salet gikk svært godt.  Les meir i Haugesunds Avis... Ved fabrikken i Skånevik med meir enn 60 tilsette lagar dei eit produkt som er både sunt og godt. Likevel har leiinga ved Rieber & Søn heile strukturen i denne delen av konsernet oppe til vurdering.  Dei tilsette, heile Skånevikssamfunnet og Etne kommune venter i spenning på resultatet. 

14.09.00 Melder seg ut av Høgre
  Seks av ni styremedlemmer melder seg ut av partiet i protest mot Høgre-gruppa i kommunestyret. Tre av desse er frå Skånevik:  Lars L. Markhus, styreleiar, Bjørg Winterhun og Torbjørn Åsheim.  Protesten er retta mot at 3 av 5 kommunestyre- representantar stemte imot partiprogrammet og gikk inn for å leggja ned 2 krinsskular i kommunen.  Les meir i Grannar...

11.09.00 Ny bok av Hans Olav Tungesvik
  Psykiater Hans Olav Tungesvik har komt ut med ny bok Nytt mot på livet.  Les omtale av boka i einskilde aviser:  Dagbladet

10.09.00 Seier til Skånevik IL
  Skånevik vant 4-3 over Sveio laurdag den 9. september på Skånevik Stadion.  Her kjem eit referat av Bård - Henrik Hereide:

Skånevik har nå vunne fira kampar på rad, har 23 poeng og ligg på 5 plass. Dei store vassdammane på banen gjorde spelet vanskelig.     

1.omgang
Skånevik viser frå start at dei  har taket på Sveio. Lars Jarle Ness starta med eit fint skudd like over mål. Sveio hadde eit ganske solid forsvar. Kjell Larsen kom igjennom etter ca. 20 min., han sklei inn ballen etter eit innlegg. 1 - 0. Sveio kom ikkje til dei store målsjansane, men hadde eit farlig skudd over mål i det 25 min..

Rune Johnson hadde mange gode skudd, og fekk lønn for strevet i det 35. min. 2-0 til Skånevik.   Sveio fekk gå lett igjennom mot slutten og dei reduserte til 2-1 etter 40 min utter.  Jan Audun Johansen hadde eit skudd like utanfor i det siste minutt.   2-1 til Skånevik ved pause.

I pausen koste publikum seg med Steners gode pølser.

2.omgang
Eit bytte før 2. omgang:  Reidar Ness Håland kom inn og Ørjan Løhaugen gikk ut.   Torgeir Tungesvik fekk gult kort i byrjinga på andre omgang. Lars Jarle Nes fekk ballen i mål etter 55 min, etter mykje klabb å babb.   3-1 til Skånevik. Magnus viste også i dag gode takter i mål.               Skånevik fekk nok eit mål etter ca. 65 min.  Det blei scora av Rune Johansson. Bytte:  Rune Svendsen inn, Torgeir Tungesvik ut.   Skånevik begynte å slappa av og Sveio fikk eit mål etter ca 75 min.  Resultatet var no 4-2 til heimelaget.

Etter dette var Jan Audun Johansen åleine med keeper, men han skaut like utanfor. Thomas Langhelle blei bytta inn og Stian Nedreskår gikk ut.  Etter 37 min. reduserte Sveio til 3-4.   ”Nå må Skånevik byrja og jobba igjen!” høyrde ein frå tribunen.  

Heilt på slutten hadde bortelaget frispark like utanfor 16 m, men Skånevik sin solide mur stoppa ballen.  Heilt på slutten kom Torgeir Tungesvik inn igjen på banen og Gerhard Nærheim gikk ut.                                                                                                                                                                                       Alt i alt var Skånevik eit betre lag enn Sveio, men me kunne hatt mange fleire mål. Ca. 20 personar såg kampen på Skånevik Stadion.  

Ref: Bård- Henrik Hereide
rudherei@hotmail.com

09.09.00 Restaurantkveld med revy
  Laurdag den 23. september er du velkommen til restaurantkveld med lokal revy i Skånevik Idrettshall.  Ta med godt humør - dette kan bli ein svært kjekk kveld i idrettshallen.  Les meir...

07.09.00 Stor nyetablering i Etne
  Det er ein stor prestasjon som er utført av Etne kommune med ordførar Enge i spissen når dei no har klart å få selskapet Cabeltech AS til å etablera seg på Tongane i Etne.  Selskapet skal produsera halvfabrikata til eit veletablert selskap i Lindås, Geco AS - Fjordinstruments og reknar med å sysselsetja ca. 20 - 30 personar innan november i år. Les meir om etableringa i Grannar og Hgs. Avis art. 1 og Hgs. Avis art. 2....

06.09.00 Kyrkjejubileum i stålande ver søndag 3. september
  Jubileumsgudstenesta for Skånevik kyrkje vart halden i strålande ver søndag den 3. september.  Biskop Hagesæter, noverande og tidlegare prestar i Skånevik og prosten i Sunnhordland prosti var hovudgjestar ved 100 års jubileet.  Les meir i Grannar...

31.08.00 Framtida til Langfossen
  Langfossens venner, Grendeutvalet for Åkrafjorden og Etne reiselivslag inviterer til møte om framtida til Langfossen i Åkrafjorden.  Spørsmålet "Er Langfossen til sals" skal drøftast grundig.  Møtet vert halde i Etne Samfunnshus torsdag 7. september kl. 19.30.  Les om møtet...
Les også aktuelle artiklar i Hgs. Avis:  I tøffe forhandlingar og Tusenvis vil redda fossen.

30.08.00 Nye treningstider i volleyball

29.08.00 Handballgruppe i SIL

28.08.00 Nye treningstider og tilbod frå Trimgruppa i SIL
  Tida er no inne for å starta haustsesongen.  Sjå dei nye treningstilboda og treningstidene frå Trimgruppa i Skånevik Idrettslag.

Tirsdag kl.19.00-20.00: STEP 1
Vår faste kondisjonstime - masse svette og topp stemning! 

Onsdag kl.19.30-20.30: STEP 2
Eit tilbod som passar nybegynnarar i step, og for deg som ynskjer å komma i form med trygg og trivelig trening. Enkel kondisjons- og styrketrening etter frisk musikk.

Torsdag kl.19.30-20.30: Aerobics /STYRKE
Timen for alle! Enkle kombinasjoner til oppvarming og styrke-  trening for heile kroppen. Me variera med vekter, strikk og av og til stepen. Ta med noko å drikka og kanskje eit håndkle! Vel møtt!

28.08.00 Skånevik slo Suldal 3 - 2
  Skånevik virka ikkje direkte skremt då serieledar Suldal var motstandar på Skånevik stadion laurdag ettermiddag.

1.omgang
Skånevik førte kampen, og dei kom til mange gode sjansar. Suldal gjorde sjølvmål etter 12 min.  1-0 til Skånevik.
Magnus var god i mål sjølv om han hadde sola mitt i augo. Stor sjanse til  Gerhard Nerheim då han var åleine med keeper. Det var imponerande spel av Skånevik i denne perioden . Mange sjansar mot slutten av første omgang, men keeperen til Suldal tok det meste. 1-0 til pause

2.omgang   
Nå såg det ut som at Suldal hadde tatt seg saman, og dei utlikna etter 51 min.  Mål av Helge Hus etter 60 min, etter ein hard markkrypar . Stillinga var 2-1.  Nå er me ovanpå, og vi får nok eit mål av Torgeir Tungesvik:  3-1.  Suldal slit med å få ballen framover på banen og er ikkje spesielt gode.

På slutten merkast det at kondisen er dårleg på Skånevik og det blir mange skifter.  Mange hissige duellar vert det også, og Suldal får eit ufortent mål i det 90. min.  Resultatet bli 3-2 til Skånevik.  Heimelaget var desidert best i denne kampen og skulle fått fleire mål.

Ref.  Bård-Henrik Hereide
rudherei@hotmail.no

23.08.00 Klart for jubileumsveke
  Søndag den 27. august startar feiringa av 100 årsjubileet for Skånevik kyrkje.  Kyrkja er pussa opp, det er laga eit eige skrift om kyrkja og programmet neste veke er omfattande.  Du kan også lesa ein liten artikkel i Haugesunds Avis der dugnadsleiar Reidar Leknes, kapellan Kirsten Olsen, soknerådsleiar Reidun Marian Bårdsen Grønfur og kyrkjelydssekretær Gerd Kringlebotn fortel om oppussinga av og historia til Skånevik kyrkje og om jubileet.  Grannar har også ein artikkel om same emnet.

21.08.00 Skånevik Vekst - viktig for bygda
  Skånevik Vekst skal i dag ha sitt første medlemsmøte no i haust og næringslivet, skulen og formannskapet er invitert.  Målet med organisasjonen er å skapa utvikling og vekst i bygda.  Vi kjem tilbake med referat frå møtet.  Les om stasingsområda til Skånevik Vekst slik dei er skissert i Haugsunds Avis... 

19.08.00 Svikt i salet ved Norway Foods
  Rett etter nyheten om at Rieber-konsernet sel ut alt som ikkje har med næringsmiddelproduksjon å gjera, kjem opplysningar om at leiinga ved Norway Foods er misnøgde med salet i første halvår.  Svikten er på heile 7 mill. kr. og det vert uttalt av divisjonsdirektør Geir-Arne Åsnes at noko må gjerast for å få betre samsvar mellom produksjon og sal.  Dei tilsette i Skånevik blei orientert av fabrikkleiinga fredag, men ingen konklusjonar er gjort.  Les meir om dette i Haugesunds Avis...  
  Skånevik nett vil peika på at Norway Foodsfabrikken er ein hjørnesteinsbedrift i Etne kommune og at leiinga sentralt og lokalt,  tilsette ved fabrikken, Skånevikssamfunnet, politikarar og kommunale administratorar har eit ansvar når ein skal leggja forholda til rette for at sardinfabrikken skal halda fram å produsera det helsebringande produktet i svært mange år frametter.  

18.08.00 Rieber og Søn sel delar av selskapet
  Riber og Søn ( som mellom anna eig NorwayFoodsfabrikken i Skånevik) sel alt av selskapet som ikkje har med mat å gjera.  Dei grunngjev dette med at ein ønskjer å konsentrera seg om eit forretningsområde - næringsmiddelproduksjon og på den måten stå sterkare i den aukande internasjonale konkurransen.  Selskapet vil bruka pengane ved salet til å kjøpa seg sterkare inn i Sverige og  Sentral - og Austeuropa.  Aksjekursen på både A - og B aksjar steig kaftig då styrevedtaket om slanking blei kjend.  Les fleire artiklar om dette i Bergens Tidende:  Rieber & Søn overrasker, Halve Rieber forsvinner, Kan godt tenke seg Kavli, Mest opptatt av arbeidsplassene og Børsopptur for eierne.

18.08.00 Klart for utstilling i G.  Jepersen
  Alt er klart for ny utstilling i Galleri Jespersen i morgon laurdag 19. august kl. 12.00.  Les meir om utstillinga i Grannar...

14.08.00 Skånevik IL tapte mot Vats 94
  A-laget til Skånevik IL tapte siste seriekampen mot Vats 94 sist fredag.  Tapet på 3-4 gjer at Skånevik no ligg eit godt stykke ned på tabellen.  Les om kampen i Grannar. 

13.08.00 Best frå Hordaland i juniorklassen
  Roger Tesdal, Skånevik Skyttarlag kom til finalen, fikk 16. plass og blei beste skyttar frå Hordaland  i juniorklassen i feltskyting under Landsskyttarstemnet på fredag den 11.08.  Han fikk poengsummen 39/4. Gratulerer Roger!

11.08.00 Føler seg sjikanert av rykteflom
  Victor Carlsen jr. frå Skånevik uttaler til Hgs. Avis at han føler seg sterkt sjikanert og dolka i ryggen av rykta som går ut på at han skal vera for nedlegging av ungdomstrinnet på skulen i Skånevik.  - Det er vondsinna sladder for å ramme meg politisk eller personleg, hevdar Victor Carlsen jr. ovanfor Haugesunds Avis.
Han meiner einaste måten å få stoppe rykta på er å gå ut i avisa.  - Eg blir sint når folk tillegg meg meiningar eg ikkje har, seier han og uttalar samstundes at han trur det er politiske motstandarar som  står bak rykta.  Les meir i Hgs. Avis...

10.08.00 Roger Tesdal skyt godt på Landsskyttarstemnet
   Roger Tesdal frå Skånevik Skyttarlag skyt svært godt på Landsskyttarstemnet.  Fullt hus på feltskytinga gjer at han er klar for finalen i juniorklassen fredag 11. august.  Les meir i Grannar... 

09.08.00 Programmet for Frihamn-dagen 2000 er klart
  Den 10. september vert Frihamn-dagen arrangert i kyrkja, på Frihamnsenteret og i Skånevik Idrettshall.  Dagen markerer også 15 års jubileet for Frihamn.  Frå programmet kan ein mellom anna nevna:  Tidl. justisminister Odd Einar Dørum : "I møte med angsten", song av Øyvind Widerøe og diktlesing av lyrikaren Bente Bratlund Mæland. Heile programmet finn du her...

07.08.00 Ny utstilling i Galleri Jespersen den 19. august
  Galleri Jespersen inviterer deg og dine vener til ny utstilling og vernissage i Skånevik lørdag 19. august 2000 kl. 12.00.  Opning ved ordføraren i Etne Amund Enge.  Knut Jespersen stiller ut MALERI - GRAFIKK - SKULPTUR.

05.08.00 Erling Åsheim og Vard vant Norway Cup
  Erling Åsheim og Vard sitt juniorlag vant verdas største fotballturnering Norway Cup i dag.  Finalen blei spela på Bislett og Erling gjode ein god figur på midtbanen.  Han og resten av familen flytta til Haugesund i fjor og han er no elev ved Fotballina ved Holgersen Vid. skule.  Det er inga tvil om han store fotballtalent; kanskje kjem han med tida i klassen med spelarar som Dag Petter Christophersen, Ellinor Grønfur, Geir Røgelstad, Thormod Ness og Martin Ojeda, som alle er frå Skånevik .  Det er første gong nokon frå kommunen har vunne Norway Cup.  Les i Dagbladet  og Hgs. Avis om kampen...

03.08.00 Misjonssøndag i Skånevik den 13. august
  Søndag 13. august har Den norske misjonsallianse sin årlege misjonssøndag i Skånevik, og det representerer på mange måtar startskotet for haustsesongen når det gjeld et kristne arbeidet i bygda.  
  I år er det misjonsprest Erik Frøland frå Skjold og hans familie som vert hovudgjestane ved tilskipinga.  Frøland har vore Japanmisjonær i om lag 20 år og han kjem til Skånevik saman med sin japansk fødde kone Norioko og dei to døtrene Martha og Manna på 9 og 11 år.  Dei to jentene er framifrå filoninspelarar og dei vil ha innslag i programmet saman med mora.  Det vert gudsteneste i Skånevik kyrkje om føremiddagen og festmøte i bedehuset om kvelden.   
  Det er oftast god oppslutning om denne misjonssøndagen, og folk frå både Skånevik og nabobygder er velkomne til tilskipingane.  I tillegg til gjestene deltar Hans Olav Tungesvik, som har vore leiar av representantskapet i Den norske misjonsallianse i dei siste seks åra.  

30.07.00 Avisomtale av Skånofestivalen og frukost i Doktorhagen
  Skånofestivalen og frukosten i Doktorhagen vart halden i helga.  Her kjem omtalen i nokre aviser:
D.D.E. gir alt for fansen - Bergens Tidende
Fin frukost i Doktorhagen - Bergens Tidende

30.07.00 Skånevik IL slo Vedavåg 2
  A-laget til SIL starta haustsesongen med 3-2 seier mot Vedavåg 2 på heimebane torsdag 27. juli.  Les referatet:

Dette var Skåneviks første kamp etter ferien. Ein noko glatt bane etter alt regnet gjorde det vanskeleg for begge laga.
1.omg.
Vedavåg 2 opnar best frå start. Og scora det første målet etter ca 20 min. Skånevik fekk ikkje heilt til spele sitt og det blei gult kort til Helge Hus i det 30 min. Det  kom enda eit mål til gjestene etter ca 35 min. Det såg mørkt ut for Skånevik i denne perioden. Bytte i det 40 min, Steinar Nes ut, Lars Christoffersen inn.  0-2 til pause

2. omg.
Det var eit nytt Skåneviks lag som entra banen i andre omgang. Og etter 48 min scora Lars C. Like etter eit fantastisk mål av Helge Hus, skudd frå 16 m tverrleggar inn. 2-2 .  I slutten av andre omgang scora Christian Nilsen, og seiaren på 3-2 var sikra for Skånevik .  Skånevik spelte ein svak første omgang  og ein meget god andre omgang. (pep talk i pausen?)  

Ref: Bård-Henrik Hereide
rudhere@frisurf.no

27.07.00 Velkommen til Skånofestivalen
  D.D.E. og Morten Abel er dei store trekkplastra når Skånofestivalen blir arrangert for første gong til helga.  Les Bergens Tidende sin førehandsomtale av festivalen.

12.07.00 God ferie!
  Vi vil ønskja alle som brukar Skånevik nett ein god ferie.  Lesarinnlegg som blir sendt i ferien vert sendt som e-post til redaksjonen og lagt ut på Skånevik nett etter ferien, i starten på august.  Innsending av e-postadresser vil virka som før.  God ferie!

10.07.00 Avisomtale av Skånevik Bluesfestival
  Skånevik Bluesfestival hadde ein knallstart fredag med artistar som Bobby Rush og Chuck Berry.  Fab. Thunderbirds og Bluebirds var store artistar på programmet i laurdag.  Søndag heldt Marianne Antonsen ein fin kyrkjekonsert.  Les i avisene:

- Folkeleg, fåmælt og frekk - Hgs. Avis
- Bluessardiner startet festen - Hgs. Avis
- Kongemøte i Skånevik - Bergens Tidende
- 17000 for feil piano - Hgs. Avis
- Da Chuck kom til Skånevik - Bergens Tidende
- Strålende blues-lørdag - Hgs. Avis
- Forrykande blueshelg i Skånevik - Grannar

07.07.00 Alt klart for bluesfestivalen
  Skånevik Bluesfestival startar i dag og svært mykje arbeid er alt utført for at det skal bli eit vellukka arrangement.  Alf W. Christophersen skriv m.a. i programmet: Dette er fjerde gongen festivalen blir arrangert.  Me vil gjerne du skal få ein opplevelse når du er i Skånevik.  Som du ser av programmet, har me fått tak i knalltøffe artistar med "The King og Rock 'n' Roll Chuck Berry i spissen.  Ramma er lagt, opplevelsane ventar.  Velkommen til Skånevik Bluesfestival!  Helsing Alf W. Christophersen.  Les siste artikkel om bluesfestivalen i Grannar.

04.07.00  Registrering av e-postadresser
  Nytt menyval på Skånevik nett: E-postadresser som gir personar, lag og organisasjonar og bedrifter høve til å registrera seg sjølve med navn og e-postadresse.  Kanskje kan dette vera ein måte til igjen å ta kontakt med gamle kjende?  Velkommen til å bruka tenesten.

03.07.00 Skipingsmøte-Skånevik ungdom
   Søndag 9. juli vert det halde skipingsmøte for ungdomsgruppa "Skånevik ungdom".

Etter tidlegare møter med ungdom ifrå Skånevik, viser det seg behov og interesse for å starte ei ungdomsgruppe. Til nå er me ca. 15 ungdommar og me er svært interessert i fleire medlemmer. Du er derfor hjarteleg velkomen.

Styret skal bestå av 
1 formann, 1 nestformann, 1 kasserar, 1 skrivar, 1 styremedlem, 2 varamenn.

Er du interessert i eit av verva meld frå til  Per Jarle Sævareid eller Petter Taraldsøy.

Tid: Søndag 9. juli kl. 16.00 – 18.00     Stad: Skånevik skule       VEL MØTT!
Registrer deg i e-postkatalogen!                                                                           
      

01.07.00 Postkontoret blir nedlagd
  Posten Norge legg ned 557 postkontor og seier opp ca. 2700 tilsette.  To av dei kontora det gjeld ligg i Skånevik og Etne.  Posten vil forhandla med butikkar/kioskar med mål om at dei skal utføra posttenester på dei stadene der dei tradisjonelle kotora vert nedlagde.  Ordførar Amund Enge reagerer kraftig på planane til Posten.  Les intervju med han i Haugsunds Avis...

24.06.00  Resultatet for Torgdagane
  Det økonomiske resultatet for Torgdagane ser ut til å bli rett under kr. 80.000,- i overskot.  Det er på langt nær det beste ein har hatt, men revyen sto for heile kr. 27.000,-.  Tordagsnemda har tidlegare i år overført kr. 9.000,- til innkjøp av sceneteppet og reknar med å overføra  ca. kr 80.000,- til Skånevik Idrettshall når rekneskapet for Torgdagane er sluttført.

24.06.00 Takk til SØK og SKL
Tysdag den 20. juni reiste 7. klasse ved Skånevik skule til Matre for å få informasjon om kraftproduksjonen til SØK og SKL.  Dei hadde mykje å fortelja som var interessant og lærerikt.  Vi så dammar og kraftverk med imponerande dimensjonar.  Etter den lange turen til dei siste dammane, smakte det særs godt med brus og smørbrød.  Det var ein kjekk tur!

Mange takk til Skånevik Ølen Kraftlag og SKL!
Helsing
7. klasse ved Skånevik skule

22.06.00 Vellukka årsmøte for Indremisjonen
  Sunnhordland, Hardanger og Voss Indremisjonsamskipnad sitt årsmøte vart halde i Skånevik sist helg.  Arrangementet var svært vellukka og på familiemøtet, som var det siste på programmet søndag, var om lag 800 personar samla i Skånevik.  Les meir i Grannar...

17.06.00  La ned to skular i Etne
Etne kommunestyre bestemte den 13. juni å leggja ned Grønstad og Sørstranda skule og mellomtrinnet på Rygg frå  august i år. Les meir i Grannar...

15.06.00 Vellukka Torgdagar
  Torgdagsnemda vil takka alle som gjorde dugnad under Torgdagane i pinsen for ein strålande innsats.  Det økonomiske resultatet vert lagt ut på Skånevik nett så snart det klart.  Les om Torgdagane i Grannar og Haugesunds Avis.

12.06.00 Skånevik - Skjoldar 1-1
  Skånevik sitt A-lag og Skjoldar spelte uavgjort 1-1 i Torgdagskampen på Skånevik Stadion.  Her kjem eit referat av Bård Henrik Hereide:

På sjølvaste Torgdagane braka Skånevik, og  tabelltrear  Skjoldar saman på Skånevik stadion.
1.omgang: Skånevik spelte med Stor vilje å innsats. Første scoring frå heimelaget i det 20.min ved Jan Audun Johansen, etter ein fin gjennomløyping. Stor sjanse til skjoldar etter 30.min, åleine med keeper, og det same for Skånevik like etter då Helge Hus var åleine igjennom. Skånevik fekk straffe i det 45.min dessverre redda keeper.
2.omgang : Andre omgang viste at laga var ganske jevnspelte, og da scoringa til Skjoldar kom i det 80 min. var det ikkje ufôrkjent.

”Gamlegutta” Einar Arefjord, Helge Hus og Rune Johanson sin rutine og overblikk kom godt med. Setter ein knapp på Einar Arefjord som Skåneviks beste spelar. Skjoldar utmerket seg med bra forsvar og høgt støynivå. Poengdelinga var grei i denne kampen.  Ca 6o såg kampen.

Ref.  Bård-Henrik

06.06.00  Referat frå ungdomsmøte den 21. april
  I påsken vart det halde eit møte for ungdommar om det å busetja seg i Skånevik.  Janne Sævareid, Randi Marie Vannes og Evelyn Bøthun har tatt initiativet til møtet og her kan du lesa referatet...

06.06.00 Uttale frå lærarane ved Skånevik skule
  Kven skal betala prisen for skule-politikken i Etne kommune?  Dette spørsmålet stiller undervisningspersonalet ved Skånevik skule i samband med innsparingane i Etne kommune.  Les brevet her...

04.06.00 Skånevik IL slo Vats 94
  Endeleg blei det siger til A-laget til Skånevik IL då dei slo serieleiar Vats 94 heile 4-1 på Skånevik stadion laurdag ettermiddag.  I følg ein av trenare Alf W. Christophersen spelte Skånevik er god kamp. Måla blei scora av Willy Solheim, Frode Sævareid, Kjell Larsen og Rune Johansson.   Neste kamp er heime mot Skjoldar under Torgdagane laurdag den 10. juni.  Les referatet i Grannar...

02.06.00 Høyringsuttale frå FAU og SU ved skulen 
  FAU og SU ved Skånevik skule kjem med eit engasjert innlegg i debatten om innsparingar i Etne kommune.  Synspunkta kom fram på eit ope foreldremøte den 30. mai og dei er ført i pennen av leiaren Kristoffer Vannes som mellom anna skriv:...Me ser alle at kommunen vår er i ein vanskeleg økonomisk situasjon. Me føler at prosessen for varige innsparingar først må ta utgangspunkt i tiltak som i minst mogleg grad går utover "kunden" innbyggarane. Dette inneber at tenesteyting som helse & omsorg, skule og oppvekst er dei områda som i lengst mogleg grad må skjermast, då innsparingar her lett kan påføre kommunen kostnader innan andre felt. Slik tilrådinga frå administrasjonen er utforma, er det nettopp oppvekst og helse & omsorg som blir ramma...  Les heile høyringsuttalen til FAU og SU om insparingar i Etne kommune...

02.06.00 Høyringsuttale frå Skånevik Idrettshall om innsparingar
  Rådmannen i Etne meiner at kommunen bør vurdera om ein har råd til å leiga Skånevik Idrettshall til kroppsøvingsundervisning.  Som eit svar på dette uttalar styret i idrettshallen mellom anna:.. Vi har lagt alt til rette for at bygget skal vera eit godt kroppsøvingslokale og trur ikkje at nokon i Skånevik vil at elevane skal tilbake til den gamle og tronge gymsalen, som vi veit manglar mykje utstyr for mellom- og ungdomstrinnet, og som er altfor liten etter planane som gjeld for undervisning i kroppsøving...  Les heile brevet her...

01.06.00 Høyringsuttale frå Skånevik IL
  Rådmannen kjem med forslag om å kutta all støtte til lag og organisasjonar frå neste år av.  Skånevik Idrettslag kallar dette strutsepolitikk på linje med å pisse i buksa når det er kaldt.  Les SIL sin uttale om insparing i Etne kommune...

29.05.00 Politikarane og idretten i Etne kommune
  Har idretten fått lågstatus hos Etne – politikarane?  I samband med rådmannen sitt forslag om å kutta all støtte til lag og organisasjonar frå neste år, stiller Skånevik Idrettslag og Skånevik Idrettshall dette spørsmålet i eit ope brev til Etne kommune.  Les brevet her...

28.05.00 Årsmøte i Sunnh., Hardanger og Voss Indremisjonsamskipnad
  Årsmøtet i Sunnh., Hardanger og Voss Indremisjonsamskipnad er det 134. i rekkja og i år er det lagt til Skånevik for 6. gong.  Forrige gong det var i bygda vår samla det heile 5000 deltakarar.  Mange av arrangementa går føre seg i Skånevik Idrettshall.  Les omtale av årsmøtet saman med heile programmet...

25.05.00 Møte om kommunal innsparing
  Du vil kanskje ikkje tru det, men rådmannen meiner det alvorleg når ho vil vurdera om ein frå neste år av skal flytta ungdomsskulen i Skånevik til Etne og samstundes slutta å leiga Skånevik Idrettshall til kroppsøvingsundervisning.    

  Forslaget er etter Skånevik nett si vurdering svært negativt med bakgrunn i  kommunen si historie og vil føra til at Etne kommune si desidert største industri- og turistbygd vert mykje mindre attraktiv for fastbuande og tilreisande.  Ein kan vera sikker på at eit slikt forslag vil føra til mindre inntekter for næringslivet og kommunen på kort og lang sikt.  Det virkar også som ho har gløymt historia bak idrettshallen.  Forslaget om å seia opp leigeavtalen med Skånevik Idrettshall vil  provosera alle Skåneviksfolk som har gått inn med mange millionar i aksjekapital og jobba meir enn 20.000 dugnadstimar for mellom anna å få eit svært godt kroppsøvingslokale for elevane ved Skånevik skule.  

FAU ved Skånevik skule inviterer med dette Samarbeidsutvalet, Foreldrerådet og Næringslivet og alle andre interesserte i Skånevik til møte om innsparingane i Etne kommune.  Målet er å komma med ei felles fråsegn om om saka.  Velkommen på møte i gymsalen på skulen tysdag 30. mai kl. 19.00 - 21.00.  Helsing foreldrerådet v/Kristoffer Vannes.

24.05.00 Kommune på ville vegar
  I eit intervju med Haugesunds Avis går Kristoffer Vannes, leiar av FAU ved Skånevik skule, til frontalangrep på korleis Etne kommune arbeider med  innsparingstiltaka i kommunen.  Han rettar også hard kritikk mot arbeidet med kommunebudsjettet.  Det er nå på tide at bygdefolket set foten ned og forlanger noko fornuftig igjen for pengane dei puttar inn i kommunen, er mellom anna bodskapen hans.  Les artikkelen i HA...

23.05.00 Skulemassakre i Etne
  Rådmannen i Etne legg opp til nedlegging av fleire skular og barnehagar i Etne kommune.  Ho meiner også at ein bør vurdera om ein skal ha to ungdomsskular i kommunen.  Les artikkel i Haugesunds Avis om dette...

21.05.00 Skånevik - Sveio 4 - 4
Av Bård Henrik Hereide
  Denne kampen måtte Skånevik IL ta poeng for å komme opp frå bunnen av tabellen. Det samme gjaldt Sveio.
1.omgang
Skånevik pressa på og kom til mange målsjansar heilt frå starten av.  Men så kom det første baklengsmålet etter 15 min..  Som ofte skjer når Skånevik er offensive.  Det var berre flaks for Sveio at Skånevik ikkje kom med eit mål i denne perioden.  Ein uheldig Lars Jarle Ness laga straffe, med ein unødvendig hands:  Sveio leia 2-0.  Like før pause kom Skånevik for fullt og laga to flotte mål. Det første med Charles Arefjord og like etter Willy Solheim.  2-2 til pause.
2.omgang
Skånevik starta med det same gode spelet.  Etter ca.15 min kom inbyttar Gerhard Solheim med ei kjempe heading rett i mål!  Kjell Larsen førte heimelaget opp i 4 - 2.  Mot slutten fell Skånevik meir tilbake og det kom to ufortjente baklengsmål.  Skånevik burde tatt seiaren denne gongen! Ca. 50 tilskuarar såg kampen.

18.05.00 Skånevik sett frå sjøen
  Måndag den 15. mai var ein svært fin dag i Skånevik.  Reidar Leknes har tatt ein del bilete av bygda denne vakre vårdagen.  Dei fleste tatt frå sjøen.  Sjå bileta... 

16.05.00 Konfirmasjon i Skånevik den 14. mai
  Søndag den 15. mai var det konfirmasjon i den nyoppussa Skånevik Kyrkje.  Sjå bilete av konfirmantane tatt av Reidar Leknes  ( Det tar ein del tid å lasta biletet)

13.05.00 Victor Carlsen jr. kritiserer HSD
  I eit avisoppslag siste veka rettar Victor Carlsen jr. knallhard kritikk mot leiinga i HSD for mellom anna manglande oppfølging av brev i samband med utbetring av transporttilbodet til og frå Skånevik.  Les artikkelen i Haugesunds Avis

13.05.00 Rekefest i Idrettshallen laurdag den 20. mai
  Jukebox spelar til dans under rekefesten i Idrettshallen laurdag den 20. mai  kl. 20.00.  Bill. kr. 180,- vert å kjøpa i Sparebank 1 Vest.  Aldersgrense 18. år.  Arr. Aktivitetsgruppa i Skånevik Idrettshall.

11.05.00 Programmet for 17. mai i Skånevik
  17. mai er like rundt hjørna.  Sjå programmet som 17. maikommiteen har laga.
Les programmet...

11.05.00 Skånevik kyrkje teken i bruk etter oppussinga
  Søndag 7.mai var første gudstenesta etter ei omfattande oppussing   Det var då samtale med konfirmantane med fest i bedehuset etterpå.  Komande søndag, 14.mai, vert det konfirmasjon, så då vert det nok fullt hus.  Men 17.mai er det familiegudsteneste, så då vert det eit fint høve å koma til kyrkje.  Sjå nokre biltete frå kyrkja....
R.L.

06.05.00 Skånevik - Suldal 1 - 3
  Andre seriekampen enda med nok eit tap for A-laget til Skånevik.  I første kampen vant Skjoldar 3-2 over laget vårt.  Skånevik nett vil gi unge, interesserte fotballspelarar høve til å skriva korte referat frå kampane.  Her kjem eit referat som er skrive av Bård-Henrik Hereide:

Skånevik-Suldal  1-3
I strålande vær spelte Skånevik sin første heimekamp for sesongen.  I første omgang var spelet noko famlande og tungt for Skånevik og dei låg under med 2 mål etter første omgang.
I andre omgang kom Skånevik meir med i spelet og skapte ein del målsjansar. Dei yngre spelarane b.l.a Jan Audun Johansen og Leif Sævareid gjorde eit
positivt inntrykk. Bjarte Aastveit skåra Skånevik sitt einaste mål.
Alt i alt ein heime premiere på det gjevne.

Bård-Henrik Hereide

Les meir om A-laget...

04.05.00 Morten Abel og D.D.E. til Skånofestivalen
  Skånofestivalen vert arrangert i Skånevik siste helga i juli. Toppartistar som Morten Abel og D.D.E. kjem til festivalen.  Det kjem snart meir informasjon om dette på Skånevik nett.

30.04.00 Aktivitetskalender for Trimgruppa i SIL
  1 mai startar vi opp med sykkeltrimmen, 5 på topp og minitoppar. Kort til sykkeltrimmen og 5 på topp er å få kjøpt hos Centrum Service. Minitoppane er Valdra, Skogsvegen på Leknes, Oppheim og Tjeldflaat. Her er det plassert bøker for registrering. Alle under 15 år som har registrert seg på samtlege toppar er med i loddtrekning om to premiar. Også deltakarane på sykkeltrimmen og 5 på topp har sjansen til å få premie ved fullt utfylt kort. Kort kan kjøpast hos Sentrum Service og Krambua.

  Fellesturar i år blir 28/5 Sandhaugane, 25/6 Helgelinuten, 13/8 Nordefjell v/Ebne, 3/9 Leknesnepo, 1/10 Juraskar. Sjå plakat med nærmare opplysningar. Husk også: Postvegmarsjen, i år med start frå Etne ( buss frå Skånevik) 
God Tur!  Helsing Trimgruppa i SIL.  
Sjå også Arrangementkalenderen til Skånevik nett.

27.04.00 Småstjerner på Torgdagane
  Er du mellom 6 og 13 år og har lyst å prøve deg som stjerne? No har du sjansen! På torgdagen laurdag 10. juni vert det show på scenen i sentrum og alle som vil kan vera med. For spørsmål eller påmelding:  Asle Dahl 53755340 eller Reidun Tungesvik 53755550 Påmeldingsavgift: 25 kr.

26.04.00 Chuck Berry til bluesfestivalen
 The King of Rock 'N' Roll - Chuck Berry, blueslegenden - Bobby Rush og verdas beste R&B/rootsrock band The  Fabulous Thunderbirds kjem til Skånevik Bluesfestival.  Programmet blir meir omfattande enn nokon gong og festivalleiinga kan lova deg ei storarta helg i Skånevik den 7. - 9. juli.  Besøk Skånevik Bluesfestival på Internett....

25.04.00 Konsert med Skånevik Musikklag i Doktorhagen
  Skånevik Musikklag m/dirigent Dagfinn G. Johnsen vil invitera til 1. mai-konsert i Doktorhagen måndag 1. mai kl. 17.00.  Du er hjarteleg velkommen til ei hyggjestund i Doktorhagen.  Sal av kaffi og vafler i pausen.  Bill vaksne kr. 50,- born gratis entre.  ( Ved dårleg ver blir konserten flytta til gymsalen på skulen)

Skiping av Skånevik Vekst den 11. april
  Skånevik Vekst blei formelt skipa den 11. april.  Her kjem eit referat frå møtet.  Les referatet...

17.04.00 SØK gir lag og organisasjonar stor gåve  
  Skånevik Ølen Kraftlag gir ei storslått år-2000 gåve til lag og organisasjonar i kraftlaget sitt forsyningsområde.  Skånevik nett er imponert over tiltaket og vil rosa kraftlaget for ein strålande innsats for lokalmiljøa.  Vi kjem tilbake med eit intervju med everksjef Kristoffer Vannes. Her er SØK si pressemelding om saka: 

" SØK - Skånevik Ølen Kraftlag gir 1,5 mill. kroner som år - 2000 gåve til
lag og organisasjonar i SØK sitt forsyningsområde. Gåva blir gitt til
organiserte lag for alle medlemer t.o.m 18 år. Laga vil bli tilskriven og
det vil bli annonsert i Haugesunds Avis og Grannar.

  Lag som vil nytte godt av dette vil vere idrettslag, skyttarlag, speidarar,
kristelege organisasjonar, musikk & songlag, 4-H og fritidsklubbar.
Totalt ca. 1.655 medlemer vil nyta godt av gåva.

  I Skånevik er det Skånevik Idrettslag som totalt vil få om lag 108.000
kroner. Tripp Trapp Treff vil få om lag 30.000 kroner. Speidarane vil få om
lag 45.000 kroner. Molnes søndagsskule vil få om lag 13.000 kroner medan
Skånevik søndagsskule vil få om lag 17.000 kroner. Fritidsklubben SKRAPA
vil bli tildelt om lag 40.000 kroner.

  Tala er foreøpige og kan bli endra ved større endring i medlemstal.
År - 2000 gåva er ei gåve til barn og ungdomar som me håpar laga vil nytta
til beste for denne aldersgruppa.
  Dokumenterte medlemstal med rekneskap og årsberetning vil bli krevd."

15.04.00 Flott resultat på basaren i Skånevik Idrettslag
  Det vart ny rekord i nettoforteneste under basaren til Skånevik Idrettslag palmelaurdag.  Resultatet var på vel kr. 50.000,-. Takk til alle som ga gevinstar, alle som møtte fram på basaren, alle som tok lodd, Ingrid og Stener som selde lodd på butikkane og dei som var med i basarnemda.  Les trekningslista her...

13.04.00 Hei, kjære sambygdingar/utflyttarar
  Etter svært positivt oppmøte i jula, der 70 ungdommar møttest, inviterer vi igjen.  Ta med følge, og kjenner du nokon aktuelle som ikkje er innbydd, ta også kontakt med dei.  Denne gongen blir det et mindre formelt møte for berre oss ungdommar.  Etter sponsing frå vår nyetablerte Bluesklubb, bruker vi deira lokale ( kjellaren på gamle handelslaget, vis-a-vis Kronstad).  Langfredag kl. 18.00 - 20.00. Vi vil ta for oss referatet frå forige møtet ( les dette her ...) Etter et møte med ordførar Amund Enge, fikk vi vita mykje positivt som har skjedd og vil skje i bygda og kommunen vår.  Dette vil vi med glede bringa vidare.  Vi håpar også denne gongen på gode innspel frå dykk.
  Kl. 20.00 opnar Bluesklubben dørene for alle, og vi fortset kvelden med lystig musikk og høg stemning.  Det blir øl - og vinservering, difor må vi setja ei aldersgrense på 18 år.  Hvis det er stemning for det samlast vi til felles Valdratur påskeafta kl. 13.00.  Håper på eit like positivt oppmøte denne gongen.  Velkommen!  Helsing Randi Marie, Janne og Evelyn.

13.04.00 Step trening for jenter og gutar 11 -16 år
  Me prøver med step-trening for jenter og gutar frå 11 - 16 år. Oppstart rett etter påske i idrettshallen onsdagar kl. 19.30 - 20.00.  Ta med drikke.  Arr. Trimgruppa i SIL.

12.04.00 Volleyballturnering søndag 16. april
  Søndag 16. april arrangerer Skånevik IL ei turnering i volleyball der lokale damelag er invitert. Turneringa startar kl 12.00 og held på nokon timar utover. Håpar mange tar turen utom idrettshallen og støttar oss. Sal av kaffi, vaffler, kaker, pølser og pizzahorn. Velkomne!

12.04.00 Brev frå Skånevik Vekst til Etne kommune
  Skånevik Vekst blei formelt danna den 11. april.  Mange frå næringslivet møtte opp og det blei vist stort engasjement frå mange hald under møtet.  Vi kjem snart tilbake med eit omfattande referat frå møtet.  Med mål om å få betre rammevilkår og for å betra tiltaksarbeidet i Skånevik har interimstyret for Skånevik Vekst den 22. mars sendt dette brevet til Etne kommune.  Les brevet ...

12.04.00 Årsmelding for undomsklubben SKRAPA
  Ungdomsklubben SKRAPA har hatt årsmøte. Her kan du lesa årsmeldingen.  Les meir...

09.04.00 Siger til handballjentene
  Handballjentene til Skånevik IL ( J-15 år) spela siste heimekampen i dag og dei vant 9-6 over Kopervik.  Gratulerer!  Les meir om laget...

09.04.00 Årsmøte i Skånevik Ølen Kraftlag den 12. april
  Det vert halde årsmøte i SØK onsdag 12. april kl. 19.30 på Helsehuset i Ølen.  Frå saklista:  Val av rep. til rep. skapet, val av valnemd val av utsendingar til generalforsamlinga i SKL, orientering om rekneskap og planar og År 2000- gåve.

04.04.00 Basar i Skånevik Idrettslag laurdag 15. april
  Skånevik Idrettslag held basar i Skånevik Idrettshall laurdag 15. april kl. 16.00.   Mange fine gevinstar.  Laget treng di støtte.  Velkommen!

04.04.00 Tusenårsmarsjen
  Søndag 9. april kl. 11.00 -12.00 arrangerer Trimgruppa i Skånevik Idrettslag og Norges gang- og turmarsjforbund Tusenårsmarsjen Norge 2000.  Start ved Skånevik Idrettshall.  Startavgift born kr. 30,- og vaksne kr. 40,-.  Vel møtt!

03.04.00 Handballkampar
  Handballjentene spelte heimekamp no i helga.  Begge laga spelte godt.  Jenter 13 år slo Falkeid og Jenter 15 år spelte uavgjort mot Rival.  Her kjem ein liten artikkel om Jenter 15 år laga av Carina Hornenes og Kathrine Tungesvik.  Les artikkelen...

02.04.00 Volleyball i Skånevik
  Damelaget til SIL fikk sølv i serien i volleyball i år.  Her kjem ein artikkel om dette laget og ein del tankar om vidare arbeid med volleyball i Skånevik Idrettslag.  Les artikkelen...

02.04.00 Stifingsmøte for Skånevik Vekst
  Næringslivet i Skånevik er invitert til stiftingsmøte og valg i Skånevik Vekst tysdag den 11. april kl. 19.00 på Skånevik Fjordhotel.  Eit interimstyre beståande av Tove Christophersen, Gro Bøthun, Eivind Knutsen og Paul Hovda har førebudd møtet.  Det er viktig for Skånevik og alle bedrifter at alle inviterte stiller opp på møtet.

30.03.00 Fjordkroa opnar i Skånevik
  Ann Alice og Patric Egberg har flytta frå Stockholm til Skånevik for å driva Fjordkroa på kaien i Skånevik.  Den nyrestaurerte kroa opnar laurdag 1. april.

30.03.00 Sølv til Chris J. i Noregscupen
  Chris Jespersen fikk i helga bekrefta sitt store talent i langrenn.  Etter finalen i Vang fikk han 2. plass samanlagt i juniorklassen i Noregscupen.  Dette er ein svært stor prestasjon og ein av trenarene for juniorlandslaget kjem med mange lovord om stortalentet frå Skånevik.

30.03.00 Sesongavslutning i handball
  Velkommen til sesongens siste felles handballfest i Skånevik Idrettshall.  Kampane på søndag 2. april bli spela slik:  Kl. 16.00 Jenter 13 år Skånevik - Falkeid.  Kl. 16.55 Jenter 15 år Skånevik - Rival 2.  

28.03.00 Informasjonsmøte om Skånevik nett for kultur/kyrkje
  Representantar for kultur, kyrkje og politiske parti har fått skriftleg invitasjon til orienteringsmøte om Skånevik nett onsdag 5. april kl. 19.00 på biblioteket på Skånevik skule.  Alle interesserte er velkommen på møtet.  Les invitasjonen...

28.03.00 Konsert med Skånevik Musikklag
  Skånevik Musikklag m/dirigent Dagfinn G. Johnsen vil invitera til vårkonsert på Skånevik skule søndag 2. april kl. 17.00.  Du er hjarteleg velkommen.  Sal av kaffi og vafler i pausen.  Bill vaksne kr. 50,- born gratis entre.

27.03.00 Sølv i serien i volleyball.  Kanskje opprykk
  Skånevik sitt damelag i volleyball spela i helga dei tre siste seriekampane denne sesongen. Det vart 3-0 siger heime mot Dysjaland, og 3-0 siger borte mot både Dysjaland og Orre. Dermed sikra dei seg sølv i 4. div. damer, og kanskje eit opprykk til 3. divisjon.

22.03.00 Auksjon under Torgdagane
 Torgdagane står for døra. Arrangementet er ei nødvendig inntektsskilde som går til drift av Skånevik Idrettshall og går føre seg 9. – 11. juni. Fleire nye ting står på programmet for dette året. Eit av desse auksjon på torget.  For å få dette til er vi avhengige av engasjement frå bygdafolk.  Har du kjennskap til ting som kan auksjonerast bort, ta kontakt med Ingrid Sævareid ( tlf. 53 75 52 78 ) eller Roger Tendal ( tlf. 90 60 51 79 )  
  Elles minner vi på at alle som har lyst til å selgja sine produkt ( hobbyting, kunst, eigendyrka produkter osb. ) er velkommen på Torget for å selgje. Ta kontakt med torgbas Jarle Håland ( tlf. 53 75 53 64 ) for tinging av stand eller for meir opplysningar.  Les meir om Torgdagane...

20.03.00 Siste heimakampen i volleyball 
 Skånevik sitt damelag i volleyball spelar sin siste heimakamp for sesongen lørdag 25.3. kl 16.00. Kampen er mot Dysjaland 2 som ligg like bak Skånevik på tabellen. Spanande kamp og me håpar på mykje publikum.

16.03.00 Føremiddagstreff på Bedehuset
 Kyrkja og Indremisjonen har den glede å invitera deg til føremiddagstreff på bedehuset denne våren og.  På programmet er det:  Song, musikk, mat for kropp og sjel, utlodding og koseleg drøs.  Onsdagane 22. mars, 5. april og 3. mai kl. 11.00 - 13.00.  Treng du skyss ring Dagny Ness.

16.03.00 Dugnadsfest for Skånevik Idrettshall
 Alle som har gjort dugnad for Aktivitetsgruppa og Torgdagane sidan forrige dugnadsfest vil bli invitert til dugnadsfest den 8. april i kafeteria i hallen.  Invitasjon blir sendt ut i posten.  Påmelding i Sparebank 1 Vest innan mandag 1. april.

14.03.00 Småspeidaraksjonen
 Skånevik speidarane er onsdag 5. mars med på den landsdekkande innsamlingsaksjon "Småspeidaraksjonen". Pengane skal gå til oppussing av ein barneheim i Russland. Tilsaman samlar NSF årleg inn ca 4 millionar på denne aksjonen. Ta vel i mot speidarane når dei kjem rundt med bøssene på onsdag!

10.03.00 Årsmøte i Bluesklubben Perleblues
  Alle medlemmene i Bluesklubben Perleblues er velkomne til årsmøte for klubben i Skånevik Idrettshall fredag 14. april kl. 19.30.  Innkalling og sakliste vil bli sendt alle medlemmene.

10.03.00 Loddsal før basaren til idrettslaget
 Skånevik Idrettslag skal ha basar palmelaurdag den 15. april.  Loddsalet har no starta og det er viktig at alle tar vel imot loddselgarane.  Hugs at desse inntektene er avgjerande for aktiviteten i laget.  Kjøp mange lodd og still opp på basaren i idrettshallen.

06.03.00 Chris Jespersen fikk sølvmedalje i NM
  Chris Jespersen sto for ein framifrå prestasjon då han i helga fikk 2. plass i 15 km friteknikk og 6. plass i 10 km klassisk i junior-NM i Stryn.  Gratulerer Chris.  Vi kjem tilbake med eit intervju med han om ei stund.

04.03.00 Dansegalla med Scandinavia
   Skånevik Skyttarlag og Etne BU arrangerer stor dansegalla med eit av dei beste dansebanda i Noreg, Scandinavia laurdag den 18. mars i Skånevik Idrettshall.  Billettsal hos Krambua Bensin og Storkiosk og Skånevik Fjordhotel i Skånevik, Etne Shell og Jorunns Blomsterverkstad i Etne og Ølen Shell. Pris kr. 200.

03.03.00 Skånevikfelten 2000
  Resultatliste frå Skånevikfelten 2000 med arr. Skånevik Skyttarlag.  Les meir...

01.03.00 Årsmøte i Skånevik Idrettslag
  Turid Strømsøy blei vald til leiar av Skånevik Idrettslag på årsmøtet den 21. februar. På same møtet blei Leif Eikemo utnevnt til æresmedlem i SIL.
Les referatet frå møtet...

01.03.00 Oppussing av kyrkja
  Arbeidet med å pussa opp kyrkja er i full gong. Les meir...

01.03.00 Chris Jespersen - månadens idrettsnavn
  Haugesunds Avis har kåra Chris Jespersen som månadens idrettsnam.  Ein av leiarane i Korlevoll ser på Chris som deira største talent nokon gong.

01.03.00 Årsmøte i Skånevik Idrettshall AL
  Hildgunn Larsen blei vald til leiar av Skånevik Idrettshall AL på årsmøtet den 28. februar.   Les referatet frå møtet med link til årsmeldinga...