20.12.01 Vil bli med til VM
  Trenaren for juniorlandslaget Morten A. Djupvik har stor tru på Chris Jespersen og at han klarer å kvalifisera seg til VM i langrenn for juniorar.  Vår landslagsløpar har eit stort talent, og kan bli ein kommande storløpar.  Les intervju med trenaren i Haugesunds Avis.

18.12.10 Godt nøgd med nr. 1890
  I går fikk EasyConnect tildelt 1890 som sitt nummer når dei skal starta opplysningsteneste den 15. februar neste år.  Skånevik er saman med 3 andre stader som kjent plukka ut som lokalisering for denne tenesta.  Manpower har ansvaret for rekrutteringa av medarbeidarar og vil om kort tid starta denne.  Les meir i Grannar og Bergens Tidende.

13.12.01 Idrettsstipend til Chris Jespersen
  Hordaland Fylkeskommune har tildelt Chris Jespersen frå Skånevik og 3 andre store idrettstalent eit utviklingsstipend på kr. 25.000,-.   Skånevik nett vil ønskja Chris lukka til med sesongen og gratulera med stipendet.  Les meir i Bergens Tidende og lokalavisa Grannar.

11.12.01 Nytt brev frå Arild i Burundi
   I sitt siste brev før juleferien fortel Arild Stenberg om kva folk i Burundi forbind med Noreg.  Han sender også sine varme julehelsingar til folk som les breva han sender.  Skånevik nett vil takka for breva så langt og ønskja Arlid ei riktig god jul og eit godt nyttår. Les brev nr. 5 og dei andre breva frå Arild.

10.12.01 Fantastisk flotte konsertar
  Krohnengen Brass Band haldt to fantastisk flotte konsertar i Skånevik i helga.  Gallakonserten på laurdag i Idrettshallen og kyrkjekonserten på søndag var begge to høgdepunkt som blir hugsa lenge.  Stor takk til bandet frå Bergen og alle i Skånevik som har gjort konsertane mogeleg. Reidar Leknes var ein dyktig konferansier ved begge konsertane.  Heile Skåneviksamfunnet står bak dette ønsket:  Kom snart tilbake - vi vil møta fram i enno større tal neste gong de spelar i Skånevik!  Les den flotte reportasjen i Grannar.

05.12.01 Tilsett som prosjektleiar
  Etne kommune har tilsett Alf Opdal, Espevær i 50 % stilling som prosjektleiar for Skånevikprosjektet.  Skåneviksamfunnet vil ønskja han velkommen og lukka til i denne viktige jobben for bygda vår.  Ein kjem tilbake med nærare presentasjon prosjektleiaren og rammene for prosjektet om kort tid.

01.12.01 Skapar stor optimisme i bygda
  Nyheten om at selskapet EasyConnect AS vil etablere seg med minst 30 arbeidsplasser i Skånevik skaper stor optimisme.  Selskapet tilbyr brukarvennlege og kostnadseffektive teleteneseter til næringslivet og satsar stort på opplysningstenester tilsvarande Telenor sin 180 - teneste, når monopolet til Telenor forsvinn den 15. februar neste år.  Skånevik Vekst, Etne kommune og Skånevik Næringsutvikling AS har hatt  har god kontakt med selskapet og sistnemnde  jobbar no hardt for å få tak i passande lokalar i sentrum.  2. og 3. etasje i bygget til Sparebank 1 Vest passar godt til føremålet og er svært aktuelt å bruka.  Skånevik nett kjem tilbake med ein omfattande omtale av saka med det første.  Les artikkel i Grannar den 3.12.01 og artikkel 1 og artikkel 2 i Hgs. Avis 6. desember. 
  
  Første veka i desember vert leiar for stadutviklingsprosjektet for Skånevik tilsett i 50 % stilling. Prosjektleiaren vert tilsett i Etne kommune med kontor i Skånevik.  Målet til arbeidet er å hjelpa bygda med å skapa netto 50 nye arbeidsplassar, auka folketalet med 3 %, forbetra aldersamansetningen ( få fleire unge til å busetje seg i bygda ) og auka kvinneandelen til 90 kvinner pr. 100 menn.  Alt dette i løpet av prosjektperioden på 3 år.  Ta godt imot prosjektleiaren - han skal utføra ein viktig jobb for skåneviksamfunnet.  Prosjektet vil får eiga side på Skånevik nett.  Følg med.

26.11.01 Flott innsats i Vikingskipet
  Under den årvisse samlinga for hundefolket i Vikingskipet på Hamar har dei lokale deltakarane gjort det svært godt.  Sofie Knudsen med hunden Brains Izakk fikk 2. plass i klassen for Border Collier og Hjørdis Sævareid med Black Magic Woman 3. plass i klassen for pudlar.  Les meir i Grannar om den flotte innsatsen.

20.11.01 Gløym ikkje konsertane i desember
  Du kan sjølvsagt gløyma å gå på konsert i Skånevik den 8. og 9. desember, men Skånevik nett er rimelig sikker på at du då går glipp av ein av dei største musikkopplevingar som har vore i vårt distrikt.  Krohnengen Brass Band, regjerande verdsmeister kjem på besøk saman med vår eigen tubasist Kjetil Børhaug som ein av musikarane.  Les meir om dette storslåtte arrangementet og intervju med Kjetil i Grannar.

20.11.01 Nytt brev frå Arild i Burundi
   Rektor Arild Stenberg held lovnaden sin og kjem med sitt månadsbrev frå Burundi.  Les brev nr. 4 og dei andre breva frå Arild.

20.11.01 7 søkjarar til utviklingsstilling
  Desse har søkt på stillinga som leiar av Skånevikprosjeketet - eit stadutviklingsprosjekt for bygda vår:  Ole Jørgensen, Skånevik - Knut Sandsengen, Etne - Kåre Frøland, Bjoa - Lars A. Steine, Etne - Alf Opdal, Espevær - Kjell J. Hamre, Haugesund - Terje Soløy, Hafrsfjord.  Skånevik ser med spaning fram til tilsetjinga og vil ønskja den som byrjar i stillinga lukka til.  Skånevik nett ønskjer å vera ein informasjonskanal for Skåneviksprosjektet.  

19.11.01 Lokal yrkesmesse i Ølen
   Alle 10. klassingar i Etne, Ølen og Vindafjord kommunar var invitert til yrkesmesse med presentasjon av det lokale næringslivet.  Ingen av kommunane deltok som arbeidsgjevarar sjølv om dei representerer dei største arbeidsplassane i distriktet.  Dette må den administrative leiinga ta ansvar for.  Dei har ikkje tatt på alvor den messa dei sjølv står som arrangør for.  Korleis vil dei unge i våre lokalmiljø tolka ei slik haldning?  Kanskje at kommunane som arbeidsgjevarar  ikkje har bruk for dei.  Rådmennene må stiga ut av kontora for å  bli meir synlege og fortelja dei unge at kommunane treng kvalifisert arbeidskraft innan mange sektorar i dag og i framtida.  Les meir om messa i Grannar...

14.11.01 Slo Randaberg 3- 0
  Første heimekampen vart ein velfortent siger til Skånevik. Randaberg  er eit lag som har gjort det godt i serien før, og som me alltid har tapt mot. I år stilte dei med eit ungt og godt lag, men hadde berre 5 spelarar med seg. Skånevik jobba bra, og sikra sigeren etter eit litt for spanande siste sett.  Skånevik sitt lag: Anne E. E. Børresen, Iren Ness, Kari Johansson, Lene Svendsen, Kristina Matre og Silje Miljeteig   Les tabellen her.  Ref.  Kari Johansson

12.11.01 Flotte tomter vert lagt ut
   Det nystarta eigedomsselskapet LJTR legg ut mange flotte budstad- og hyttetomer på Skålnes med utsikt over Skåneviksfjorden.  Det er dei dynamiske bedriftseigarane Leif Jonny Johansen og Trond Rune Tungesvik som har kjøp området av Olaug Skålnes og vil leggja alt til rette for 16 naust, 21 hytter og seks bustadhus.  Les meir i Grannar...

07.11.01 Nedlegging av Broen?
  Styret i Stiftelsen og aksjeselskapet Broen skal torsdag 15. november diskutera om dei skal oppløse seg sjølv.  Les meir i Hgs. Avis...

06.11.01 Tap i seriestarten i volleyball
  Damelaget til Skånevik IL spelte to bortekampar i seriestarten.  Her kjem eit referat av Kari Johansson:

31.10.01 Ny utstilling ved Galleri Jespersen
  Galleri Jespersen opnar ny utstilling søndag 4. november.  Les meir i Haugesunds Avis...

21.10.01 Nytt brev frå Arild i Burundi
  Rektor Arild Stenberg fortel om Flyktningerådet sitt skuletilbod for ein del av dei unge i Burundi i dette 3. brevet  frå Afrika.  Les også 1. brevet og 2. brevet frå Arild.  Takk til Arild for at han tar seg tid til å senda desse breva.

21.10.01 Må arbeide for breiband i Skånevik
  Det er svært positivt for Skånevik at det no vert oppretta ei stilling for utvikling av bygda.  Ein av dei tinga som den som blir tilsett snarast må ta tak i er utvikling av tilbod om breiband i vårt lokalsamfunn. For nye og eksisterande bedrifter vil høve til hurtig og billig datakommunikasjon etter kvart bli ein føresetnad for rasjonell drift innan dei fleste forretningsområda.  Mange tilbod på privatmarknaden bygger også etter kvart på bruk av breiband.  I Ølen er ein alt komen  langt med dette arbeidet.  Les meir i Haugesunds Avis...

12.10.01 Opnar nye lokaler i Skånevik
  Johansen Rør AS har ekspandert sterkt dei siste åra.  Den svært  livskraftige bedrifta med utgangspunkt i Skånevik har ca. 20 tilsette og virke mange stader i Sunnhordland.  I dag vert nye lokalar opna i bygget ved idrettshallen i Skånevik.  Her finn ein ny butikkutstilling, utvida lager og nye administrasjonslokale. Gratulerer med dagen og tillukka med framtida!  Les intervju i Grannar...

12.10.01 Motstand mot nytt ruskollektiv
  Ein ny strid om ruskollektiv på Skånevikstranda er i kjømda. Naboane ynskjer ei anna driftsform etter at Broen-kollektivet la ned.  Les meir i Haugesunds Avis...
    

02.10.01 4 handballag med i serien   I Skånevik er handball svært populært blant jentene.  Heile 4 handballag er med i serien.  Dyktige og engasjerte trenarar er Paul Tungesvik, Finn Ove Solberg og Svein Sævareid. Klikk på biletet for å sjå det i større format.

02.10.01 Skånevik vant siste kampen
  Skånevik IL sitt A-lag spelte siste kampen for sesongen.  Sist laurdag slo dei Vedavåg 2 heile 4-0 på Skånevik Stadion.  Her er eit referat av Bård-Henrik Hereide:
 Veavåg starta kampen med eit skudd rett frå avspark. Stort press frå begge lag men Skånevik dominerte kampen . Det første målet var det Rune Johannsen som sto for. Det såg ut som om ballen traff ein Vea-spelar før den for i mål. 1-0  Vea hadde eit skummelt angrep, men Leif Sævareid og Tom i mål rydda opp.  Rune blei skada og Einar kom innpå etter 25 min.  Øyvind scora etter ca. 27 min! Bra angrep og innlegg av Ørjan: 2-0  Leif Bjørnar skada og Rune innpå igjen.  Kurt Bøthun fekk gult kort etter ein unødvendig episode!  Skånevik hadde ein rekke sjansar nå.  Frode mista pusten rett før pause, men han kom seg på beina igjen.  Veavåg fekk eit frispark på overtid men Tom redda.  Det sto 2-0 ved pause.

Skånevik fekk annullert mål etter ca 10 min av andre omgang for offside. Ørjan Løhaugen heada  eit skot like over på ein god sjanse. Tom redda mange skot på mål i dag!  Frode stor sjans etter ca 30 min.  Nok eit annullert til Skånevik, Ørjan scora men dommaren sa det var offside. 35 min   Einar fekk eit ”godkjent” mål etter ca 40 min 3-0.  Vedavåg mista trua på seg sjølv og spelte dårleg.  Bjarte Aastveit  blei sint på ein Vea spelar men dommaren såg ikkje ”angrepet”.  Bjarte skaut ballen i ein Vedavåg spelar og i mål etter ca 45 min 4-0

Banens beste spelar var Øyvind Eljervik og ca 30 personar såg kampen på Skånevik Stadion
Strålende kamp av Skånevik A-lag, men også gutelaget vant over Vindafjord på måndag heile 12-5!   I handball vann me to kampar i helga.  Ei fin idrettshelg  i Skånevik.   Ref. Bård-Henrik Hereide

01.010.09 Idear for bygdeutvikling
  Forrige fredag og laurdag var personalet ved Skånevik skule på seminar på Fjelbergøy.  Kåre Frøland, busett på Bjoa , representant for ”Bjoa Hjernekraft”, arkitekt og med brei yrkesrøynsle, var leigd inn for å setja ein på sporet av kva ressursar skulen set inne med og kva idear ein kunne koma på for å utvikla Skånevik på ein positiv måte.  Les ein kort omtale seminaret.

24.09.01 Nytt brev frå Burundi
  Her kjem eit nytt brev frå rektor Arild Stenberg.  Han  jobbar for Norsk Flyktningeråd i Burundi i Afrika dette skule året.  Les 1. brevet og 2. brevet frå Arild.

19.01.01 Prosjektmidlar til skulen
  SØK – Skånevik Ølen Kraftlag har gitt økonomisk støtte til gjennomføring av prosjekt ved ungdomsskulen i Skånevik, Ølen og Vikebygd. Kvar ungdomsskule har fått tildelt kr. 16.000,-.

  I Skånevik er midlane øremerka eit prosjekt kalla ”Skånevik skule i framtida” som har til føremål å profilera skulen for at den best mogleg skal kunna tena Skånevik, og vera til nytte i den felles oppgåva det er å vidareutvikla bygda.  I Vikebygd er midlane øremerka eit prosjekt som tek for seg bygda Vikebygd – før og no – og kva me kan tilby i framtida. I Ølen er midlane øremerka elevbedrift som har til mål å drive produktutvikling, produksjon og sal, og ut frå dette å lære om drifta av ein bedrift.   Felles for prosjekta er at elevane i samarbeid med lærarane skal vere hovuddrivkrafta.

18.09.01 Klart for Generalforsamling
  Torsdag den 20. september kl. 20.00 er det klart for Generalforsamling i Skånevik Næringsutvikling AS.  Møtet vert halde i kafeteria i Skånevik Idrettshall.  Alle aksjonærar er velkomne.  Les intervju i Haugesunds Avis med leiar Alf W. Christophersen.

18.09.01 Nytt vertskap og eigarar
  Selskapet Hordaland Havbruk Holding AS har kjøpt Skånevik Fjordhotel. Ny dagleg leiar er Erik Kvam.  Skånevik nett vil på det varmaste ønskja dei nye eigarane og den nye daglege leiaren velkommen og lukka til med drifta.  Les intervju med Kvam i Grannar.

18.09.01 Tap for Skånevik mot Suldal
  Sist helg spelte Skånevik IL sitt A-lag heime mot Suldal.  Det blei tap på 3-1.  Her kjem referat frå sportsreporter Bård-Henrik Hereide: 

På ny klippet plen skulle Skånevik I.L spela mot Suldal. Mange dårlege avslutningar førte til tap. 
Skånevik begynna med godt spel. Stor sjanse Torgeir Tungesvik åleine med keeper.  Suldals keeper var fantastisk i mål!  Suldal fekk eit mål på corner. 0-1 Leif Sævareid åleine med keeper men bomma, 15 min.  Suldal hadde nokre små sjansar, men det var Skånevik som hadde dei store.  Togeir Tungesvik kom til mange innlegg, men avslutninga var ikkje god nok. Klar hands av Reidar Haaland då han tok imot ballen med nevane etter utspark?  Einar hadde nokre skot som gjekk rett på keeper.  Ved pause sto det 0-1.

 Jan Audun Johannsen begynna 2. omgang med eit flott mål rett i kryssen på corner etter ca 3.min:  1-1  Men like etter fekk Suldal eit mål. 1-2, og etter 11. min fekk Suldal sitt tredje mål 1-3. 

Mange meinte at Jan Audun  skulle hatt straffe etter ca 20 min av andre omgang , men dommaren meinte noko anna.  Reidar trakka stygt over og Raymond Åsheim måtte ta over for han, han kom innpå banen med stor jubel!  Nokre sjansar mot slutten til Skånevik men det gjekk ikkje. Skånevik hadde mange sjansar men fekk ikkje ballen i mål, til tross for at Suldal hadde ein veldig god keeper.

14.09.01 Bioanlegg i Ølen
  Skånevik Ølen Kraftlag har sendt ut denne pressemeldinga: 
Måndag 03.09.01 vedtok styret i SØK å gi rammegodkjenning for bygging av biobrenselanlegg med tilhøyrande fjernvarmeanlegg i Ølen. Det er oppretta eiga styringsgruppe for prosjektet.

Administrasjonen har fått fullmakt til å starte detaljprosjektering og utsending av anbudspapir. Styret gjer endeleg vedtak i saka i slutten av januar 2002 når alle formelle godkjenningar ligg føre, og innkomne entreprisar er gjennomgått og evaluert. Det er inngått samarbeid med Haugaland Enøk AS om kjøp av konsulent- og prosjektleiing. 

13.09.01 Eksport av drikkevatn
  Dersom alt går etter planane, blir Åkrafjorden og Skånevik base for eksport av vatn frå Folgefonna neste år.  Tore Sandberg og Arne Ramstad satsar på eksport av supert drikkevatn frå Folgefonna. Prosjektet kan gi eit dusin arbeidsplassar i Skånevik.  Les meir i Grannar og Haugesunds Avis.

12.09.01 Tap for Skånevik mot Skjoldar
  Sist helg tapte Skånevik heile 3 - 0 mot Skjoldar som gikk til topps på tabellen.  Les meir om kampen i Grannar.

10.09.01 Fjordhotellet vert selt
  Skånevik Fjordhotel vert truleg selt med det aller første.  Det har ei stund vore kjent at hotellet er til sals. Skånevik nett kjem med meir informasjon så snart den ligg føre.  Les også frå nettutgåva av Grannar. 13.09.01:  Selskapet Hordaland Havbruk Holding AS har kjøpt Skånevik Fjordhotel. Ny dagleg leiar er Erik Kvam.

10.09.01 Storsiger til Skånevik IL
Forrige helg vant Skånevik IL heile 9-0 over Bokn.  Les referat frå kampen: 
  Det er lenge sidan Skånevik hadde hatt heimekamp nå. Siste kamp var mot Vedavåg 2, og det gjekk dårleg. Bokn som er eit bunnlag var ikkje gode i denne kampen .Det var surt vær og store vassdammar på Skånevik Stadion i dag ,men det hindra ikkje Skånevik med ”Superspel”   Det var jevnt til og begynne med, men Skånevik  fikk et overtak etter hvert.

Tre sjansar på under 15 .min . Først Rune med eit skudd like utanfor, så Frode. Så kom det første målet Kjell Larsen skaut frå nærmast dø vinkel, nydeleg mål. 1-0.  Så like etter nok eit mål frå Kjell, det såg ut som om Kjell var i form i dag. 2-0.  Bokn hadde lite og komma med på banen.  Nå rann måla inn. Rune fekk ballen og greide til slutt og få mål  etter mykje tull. 3-0.  Bokns keeper hadde dårlege utspark. Ved pause sto det 3-0 til Skånevik.

Bokn begynte med ein liten sjanse i 2. omgang, men Tom redda. Øyvind Eljervik scora eit nydeleg mål etter ca 5 min av andre omgang. 4-0  Innlegg frå Kjell til Leif Bjørnar, skuddet gjekk like utanfor.  Einar Arefjord scora etter og ha finta seg gjennom 5 spelare. 5-0  Torgeir Tungesvik scora 6-0 målet etter 30 min.  Bokn hadde ein sjeldan sjanse med eit skudd på mål, langt over.  Rune scora 7-0 målet etter ca 40 min. Mange meinte att Kjell burde ha straffe då keeper felte han.  Frode Sævareid scora sitt første mål. 8-0.  Bjarte Åstveit kom åleina med keeper, men skaut over mål.  Bokn kom åleina med Tom men han redda. Bra Tom!  Leif Bjørnar scora sitt første mål på A-laget, etter kilder frå Steners pølsebud.

Ref. Bård - Henrik Hereide

22.08.01 Brev frå Burundi
  Rektor Arild Stenberg har dette skuleåret permisjon frå jobben ved Skånevik skule.  Han skal jobba for Norsk Flyktningeråd i Burundi i Afrika og har lova å senda brev til Skånevik skule og Skånevik nett kvar månad.  Det er fint at han vil halda kontakten med Skånevik også i denne perioden.  Her kjem første brevet frå Arild.

20.08.01 Ferja er livsnerva
  Det er ikkje berre Skånevisfolk som fryktar for ferja si framtid.  Dei som bur på kvinnheradsida ser på ferja som ei livsnerve og ønskjer sterkt at ferjetilbodet held fram som i dag.  Les intervju i Haugesunds Avis med ein familie frå Sandvold.

20.08.01 Innsetjingsgudsteneste den 26. august for Kirsten Olsen
  Søndag 26. august skal kapellan Kirsten Olsen innsetjast til teneste i Etne prestegjeld og Skånevik sokn. Innsetjingsgudstenesta vert i Skånevik kyrkje kl. 19.00.  Den nye prosten i Sunnhordland, soknepresten og fleire tek del. Vis di støtte til den nye kapellanen ved å møta opp og ta del! Velkomne!

16.08.01 Stort samlagsstemne
  Skånevik Skyttarlag arrangerer stort samlagsstemne på skytebanen i Skånevik søndag 19. august.  Heile 150 deltakarar er påmelde.  Les meir om dette på Skånevik Skyttarlag si webside.

16.08.01 Tre fine arrangement
Det nærmar seg Frihamndagen den 2. september.  
  Søndag 19.august er det Misjonssøndag i Skånevik v/Misjonsalliansen med gudsteneste i Skånevik kyrkje kl 1100 v/sokneprest Magne C. Krohn. Det er også festmøte i Skånevik bedehus kl 1900 med Magne C.Krohn som talar og Tore Kloster som skal syngja. 

  Det blir Stor kulturkveld i Åkrafjordtunet fredag 24. august kl.1930. Der vil ordførar i Bergen, Ingmar Ljones vera talar og Anne Karin Kaasa skal syngja og spela gitar. Det er Etne Kr.F. som er arrangør, men kvelden er for alle.

16.08.01 Drastisk nedgong i trafikken
  Det er truleg ein effekt av Trekantsambandet og Folgefonntunellen at ferjetrafikken mellom Skånevik og Utåker er redusert med 41 % i juli månad i høve til same tid i fjor.   HSD vurderer å setja inn ei mindre ferje på strakninga med det første.  Les meir i Grannar...

13.08.01 Gamle bilete frå Skånevik
  Skånevik nett har fått lov av eigarane av Kroghstuen å leggja ut ein del av deira bilete på internett.  Har du nye eller gamle bilete frå Skånevik som du vil leggja ut på Skånevik nett?  Ta kontakt og send dei helst som vedlegg til e-post.

06.08.01 Resultat frå Landsskyttarstemnet
  Ørjan Løhaugen, Roar Knudsen og Roger Tesdal kvalifiserte seg alle til finalen for junior i baneskyting under Landsskyttarstemnet i Bodø.  Ørjan fikk tilslutt 17 . plass etter omskyting med dei som fikk 100 poeng.  Roar og Roger kom litt lenger nede på lista med 98 poeng.  Ørjan var også i finalen for feltskyting og fikk tilslutt ein heiderleg 24. plass.  Desse 3 ungdommane representerer Skånevik Skyttarlag og Skånevik på ein framifrå måte.  Gratulerer med flott innsats!! 

30.07.01 Glimrande skyting
  Dei tre unge skyttarane frå Skånevik Roger Tesdal, Roar Knudsen og Ørjan Løhaugen gjer ein storarta innsats på Landsskyttarstemnet i Bodø.  Høyr berre her:  Ørjan skaut 30/15 på feltskyting og er klar for finalen på fredag.  Han er også klar for finalen i baneskyting på laurdag etter 245 poeng i kvalifiseringa.  Roar Knudsen er også klar for finalen etter at han skaut 244 poeng.  Det same er også Roger Tesdal med same poengsum som Roar i kvalifiseringa.  Roger skal også delta på samlagskytinga for Sunnhordland.  Det blir verkeleg spennande å følgja dei tre i finalerunden.  Lukka til!  Les meir i Grannar...

30.07.01 Skånofestivalen
  Den andre Skånofestivalen blei arranget  i helga.  Arrangøren er ikkje nøgd med oppslutninga frå publikum.  Litt under 300 personar møtte opp i Idrettshallen laurdag kveld for mellom anna å høyre det gode bandet The Betales som vert rekna som eit av dei beste banda som spelar musikk av The Beatles.  Les meir i Grannar...

30.07.01 For få sjukeheimsplassar
  Ekteparet Lars Steinaberg (82) og Olga Marie (79) er svært skuffa over politikarane i kommunen.  Til Grannar seier Lars m. a.:  — Det er uansvarleg å ikkje vere meir budde på eldrebølgja som kjem. Politikarane i Etne har gjort ein dårleg jobb. Dei burde bygt ut 12 nye plassar ved den siste utbygginga slik planen var, og ikkje seks. Politikarane visste at behovet ville kome, men dei tok det ikkje alvorleg.-   Les meir i Grannar...

11.07.01 God ferie!
  Skånevik nett vil ønskja alle brukarar av www.skaanevik.no ein riktig god ferie.  Nettstaden vil ikkje bli oppdatert før heilt i slutten av juli.  God sommar!

09.07.01 Verdsmeister for brassband
  Kjetil Andre Børhaug er ein glitrande tubaist frå Skånevik.  Han starta si karriere i Skånevik skulekorps og Skånevik Musikklag og blei no i sommar Verdsmeister for brassband saman med Krohnengen Brass Band frå Bergen.  Konkurransen gjekk føre seg i Nederland.  Kjetil har også spela i eit anna toppkorps: Manger Musikklag og avtente verneplikta i HM Kongens Gardes Musikkorps.  Kjetil heldt no på med psykologistudiar i Bergen og her kan du lesa litt om verdsmeisterskapet i Nederland:  Bergens Avisen og  Norges Musikkorps Forbund.

09.07.01 Ein strålande Bluesfestival
  Alt klaffa for arrangøren av Skånevik Bluesfestival i helga:  Arrangementet gikk føre seg på ein framifrå måte, artistane innfridde, tilstømminga av publikum var stor og været var glimrande.  Dette var verkeleg flott! Gratulerer til alle som har gjort ein innsats for festivalen.  Velkommen tilbake alle som var gjester i Skånevik.  På laurdag tok  Haugesunds Avis opp på leiarplass festivalane si betydning for bygdenoreg.     Les artiklar i media om arrangementet:  Bergens Tidende, Grannar1 og Grannar 2, Stavanger Aftenblad, Haugesunds Avis1 og Hgs. Avis 2.  Sjå også bilete frå Blueslunchen. 

05.07.01 Alt klart for Bluesfestivalen
  Den storslåtte Skånevik Bluesfestival 2001, den 5. i rekkja, er rett rundt hjørna.  Landets største bluestelt på 1800 kvm. er rigga og ferdig innreia.  Fredag den 6. juli kl. 19.00 er festivalen i gong.  Festivalgeneral Alf Warloe Christophersen kjem med denne helsinga i programheftet:

Nå står Skånevik Bluesfestival klar til å ta imot deg og dine venner som musikkinteresserte og gjester.  Dette er femte gongen festivalen blir arrangert.  Me vil gjerne du skal få ein opplevelse når du er i Skånevik.  Som du ser av programmet, har me fått tak i knalltøffe artistar med John Mayall i spissen.  Ramma er lagt, opplevelsane ventar.  Velkommen til Skånevik Bluesfestival!   Les intervju i Haugesunds Avis, i Stavanger Aftenblad, Dagbladet og i Grannar.  Nytt intervju den 6. juli i Haugesunds Avis.

30.06.01 Utviklingsprosjekt for Skånevik
  Skånevik Vekst, Etne Kommune og Samarbeidsrådet for Sunnhordland har sett i gong eit utviklingsprosjekt for Skånevik.  I forrige veke var ein del bygdafolk og dei prosjektansvarlege samla på Skånevik Fjordhotel for å starta arbeidet med eit forprosjekt.  Anne Karin Nerheim og Etne kommune leiar dette forprosjektet som skal munna ut i ei opplisting av satsingsområde for Skånevik.  Målet til slutt er å skapa nye arbeidsplassar i Skånevik.  Les meir i Grannar om dette og gjerne artikkelen Slutt ved N. F. - leve Skånevik!

28.06.01 Reguleringsplan for Ferjekaien i Skånevik
   Teknisk Etat i Etne ved Plankonsulent Ivar Kalkvik har sendt følgjande melding til Skånevik nett: 
  Det er laga framlegg til reguleringsplan for Ferjekaien i Skånevik. Dette er no lagt ut til offentleg ettersyn, og dei som har merknader til framlegget må sende dette inn til Etne kommune innan 01.08.01. Syner elles til annonse i Grannar og Haugesunds Avis 25.06.01.

Eit eksemplar av planen vert lagt ut på Posten i Skånevik, slik at ein kan sjå på dette der. Spørsmål knytt til planen kan rettast til Etne kommune, tlf: 53 75 82 32.

28.06.01 Tapte siste kampen før ferien
  Skånevik IL sitt A-lag tapte siste fotballkampen før ferien.  Skjoldar vann 2-1 på Skånevik Stadion.  Her kjem eit kort referat av Bård-Henrik Hereide:

" Detta var siste kamp før sommarferien for begge lag. I strålande vær skulle Skånevik IL få eit surt tap.
1.omgang
Såg ut som om detta var to jamne lag.   Rune opp i lufta  etter innlegg frå Einar. Skånevik fekk eit indirekte frispark etter ca. 22 min, men utnytta ikkje det godt og skuddet gikk over mål.   Frode Sævareid kom åleine med keeper like etter men skaut over.   Skjoldar sleit med Skånevik nå.   Motstanderane kom med nokon sjansar men Steinar Ness stoppa dei fleste.  Ved pause sto det  0 - 0. 
2.omgang
Skjoldar hadde nokon farlege innlegg, men det hadde også Skånevik. Knut var god og sikker i mål.   Skånevik hadde ein god muligheit men Frode greidde ikkje og få den skikklege avslutninga. Einar kom åleine med keeper på eit fantastisk gjennomløp og greidde og få ballen i mål til slutt. 1-0 til Skånevik.   Like etter utlikna Skjoldar til1-1 i det 83. min ..  Heilt mot slutten fikk Skjoldar enno eit mål og vann 2-1 over Skånevik.
Ca 30 såg kampen på Skånevik Stadion. 
   
Ref: Bård-Henrik Hereide

19.06.01Heile klassen spelar handball
  Alle jentene i 10. klasse er aktive handballspelarar.  I år var dei sentrale på Skånevik IL sitt jenter 15. år - lag som fikk 3. plass i serien.  Les om laget som har blitt stadig betre etter at dei starta med handball for 3 år sidan.  Les om laget i Grannar.

18.06.01 SMV utvidar lokala og drifta
  Store investeringar i smelteindustrien gjer at Sunnhordland Mekaniske Verksted i Skånevik skal investere i nytt bygg for sentrallager og maskinering.  Ein vil også tilsetja fleire maskinarbeidarar, montørar og ingeniørar slik at staben blir utvida med 6-8 personar det nærmaste året.  For Skånevik er dette svært positivt og det er verkeleg å håpa at den positive trenden for den moderne og dynamiske bedriften på Leknestangen heldt fram.  Les intervju Grannar med dir. Lars Hovda ved SMV.

18.06.01 I fullt arbeid på Green Ålesund
  Ein del av dei tidlegare tilsette ved Norway Foods er no i fullt arbeid med å tømma Green Ålesund for fisk.  Arbeidet er venta å ta ca. ein månad.  Les intervju med fleire av arbeidarane i Haugesunds Avis.

17.06.01 Ny utstilling i Galleri Jespersen
  Galleri Jespersen opnar ny utstilling og heldt vernissage i Skånevik søndag 1. juli 2001 kl. 14.00.  Ordføraren i Etne kommune opnar utstillinga:  BERLIN - SKÅNEVIK.  Utstillarar er:  
Berit Myrebøe - Tysk billedkunstnar frå Berlin - Grafikk - Blandingsteknikk
Knut Jespersen - Maleri - Grafikk - Skulptur.  
Sjå Galleri Jespersen for meir informasjon.

12.06.01 Konsert den 16. juni i Doktorhagen
  Skånevik Musikklag med dir. D. G. Johnsen inviterer til sommarkonsert saman med Etne Musikklag i Doktorhagen laurdag 16. juni kl. 17.00.  Bill. vaksne kr. 50,-   born gratis.  Velkommen til ei hyggjestund i Doktorhagen!

11.06.01 Vellukka Torgdagar i Skånevik
  Torgdagane i Skånevik blei også i år eit svært vellukka arrangement.  Veret var bra og gjestane såg ut til å trivast.  Skånevik nett vil særleg nemna underhaldninga i Idrettshallen fredagskvelden som eit spanande innslag med mange flinke artistar.  Alle inntekter ved arrangementa går uavkorta til drift av Skånevik Idrettshall og dei førebels tala tyder på eit overskot på godt over kr. 100.000,-.  Les om Torgdagane i Grannar. 

06.06.01 Klart for Torgdagane 2001
  Alt er no klart for Torgdagane 2001.  Frå det svært rikhaldige programmet kan ein nemna flott lokal underhalding i Idrettshallen kl. 19.00 og ungdomsdans med Crazy Duck, Noregs største mobile diskotek, kl. 21.00 på fredagskvelden.  Laurdag vert det stort, tradisjonelt Torg med Gunnar Andersen som ein av dei store attraksjonane på scenen.  Seinare på kvelden spelar Vestlandsfanden, eit av landets beste pop/rock-band opp til dans i Idrettshallen.  Torgdagane vert avslutta med utegudsteneste i Eikehaugen søndag kl. 11.00.  Alle er hjarteleg velkomne til alle dei einskilde arrangementa.  Les nøyaktig program her.

31.05.01 Får ikkje utvida skjenkeløyve
  Leiaren av Skånevik Bluesfestival er kraftig provosert over at Etne Formannskap har sagt nei til søknaden om å få utvida skjenketida for øl og vin frå kl 01.00 til kl. 02.00 under festivalen.  Han meiner at Etne kommune må tilpassa seg skjenketider i omkringliggande kommunar og vil anka vedtaket til Etne kommunestyre.  Alf Warloe Christophersen uttalar også til lokalavisa at han vurderer å kutta ut arrangementet neste år om ikkje instillinga frå kommunen endrar seg.  Skånevik nett vil peika på at Skånevik Bluesfestival truleg er det mest kjende arrangementet i kommunen rundt om i landet (og i andre land).  Festivalen set Skånevik og Etne kommune på kartet på ein svært positiv måte.  Les meir i Grannar.

28.05.01 Uttatt på skilandslaget
   Chris Jespersen står for enno ein stor prestasjon 
 når han no er tatt ut på forbundslandslandslaget i 
 angrenn for junior.  Det er første gong at ein lokal løpar 
 er tatt ut på eit skilandslag.  Les meir i Grannar og på 
 skiforbundet si internettside.
   

27.05.01 Mange toppartistar til festivalen
  Programmet for Skånevik Bluesfestival 2001 er no klart og festivalen hentar enno ein gong fleire toppartistar til Skånevik.  John Mayall & The Bluesbreakers er levande blueslegendar, Rod Piazza & The Mighty Flyers er eit av dei mest kjende bluesorkestra i USA og Roy Rogers  som spelar saman med The Delta Rhytm Kings vert av mange rekna som verdas beste slidegitarist. I tillegg kjem Angela Brown & The Migthy 45's og Luddy Samms & The Deliverers.  Vidar Busk Blues-X-perience kjem i spissen for dei norske artistane: Tommy & The Runaway Boys,  Roller Coasters og Jan Flaaten & His Taste Buds og Blues Project.  Vel møtt til STORE dagar i Skånevik den 6. - 8. juli!

20.05.01 Ny siger til Skånevik IL
  A-laget til Skånevik IL virka også i dag ( 15. mai ) tent på siger, i flott vær var det duka for 1-0 siger og 3 nye poeng mot Suldal.
1.omgang:
Frå start hadde Skånevik mange flotte angrep. Men Suldal var med i kampen.  Reidar som spelte forsvar scora sigers målet etter ca 20 min. Då han gjekk over heile banen og inn på målstreken! 1-0 til Skånevik.
”Onkel Raymond” Åsheim var god og rask på vingen. Suldal jobba hardt for å stoppa Skånevik.  Einar fekk ein flott muligheit frå 8 m men skudde gjekk utanfor. 1-0 til pause.

2.omgang
Suldal skaut i tverrleggaren i det 2.min. Knut fekk litt meir å gjera i mål no. Mange innlegg men ingen mål for Skånevik.  Rune fekk ikkje skikkelge treff like utanfor mål etter ca 35.min.  Det blei ikkje meir mål til Skånevik eller Suldal.  Bjarte Aastveit  kom inn for Skånevik dei siste minuttane.

Dommar: Thorleif Gruner  Sted: Skånevik Stadion med ca. 25 tilskodarar.  Neste kamp er mot Sveio.  Sjå tabellen!
Ref: Bård-Henrik Hereide

18.05.01 Legg ned banken i Skånevik
  Forstandarskapet i Kvinnherad Sparebank gjorde i møte 15. mai vedtak om å leggja ned filialen i Skånevik.  Siste ordinære bankdag blir 13. juli i år.  Banken grunngjev nedlegginga med at dei ikkje har oppnådd forventa marknadsdekning og at lønsemda for kontoret ikkje er tilfredsstillande.  Sjølv om alle dei tilsette får tilbod om å halda fram i banken ved ein annan arbeidsstad er det eit tap for Skåneviksamfunnet at filialen til KS vert lagt ned.  

14.05.01Flott skytestemne i Skånevik
  Skånevik Skyttarlag sto som ein dyktig arrangør av skytestemne i i Haugesunds Avis-cup sist søndag.  Rundt 100 deltakarar stilte til start i det som blei det beste stemnet i Skånevik noensinne.  Av lokale deltakarar må ein særleg framheva Roger Tesdal med 2. plass i klassen for junior.  Les meir i Haugesunds Avis.

07.05.05 SIL vant første kampen
  A-laget til Skånevik vant første seriekampen i 6. divisjon mot Bokn heile 5-0.  Les referatet av Skånevik nett sin faste referent Bård Henrik Hereide:

Skånevik IL har slite med å få A- lag i år. Men detta laget gjorde det godt på ein strålande solskinsdag på Skånevik Stadion!
1.omg
Skånevik jobba hard frå start. Mange flotte innlegg frå Raymond Åsheim, men avslutninga var ikkje god nok.  Bokn kom ein sjeldan gang framfor mål, men det gode Skåneviks forsvaret med blant anna Lars Jarle, Ørjan Løhaugen og Steinar Ness stoppa Bokn fort. 
Etter ca30 min fekk Skånevik frispark like utanfor 16 meteren og Magnus skaut ballen rett i muren til Bokn.  Like etter  var Einar Arefjord ute med storslegga og laga eit flott mål får ca 25 meter.1-0  Frode Sævareid skåra mot slutten av 1.omgang trillball i mål, typisk ”Frodemål”. 2-0 til pause.

2.omg.
Nå fekk Skånevik sola i auga så det ville bli vanskeligare for Knut å stå i mål. Men målfesten fortsette for Skånevik.  Dommaren bles ofte offside, noko som publikum ikkje var einige om. Øyvind Eljervik er ein ny god spelar som ga mange gode pasningar.  Torgeir Tungesvik sløste vekk eit mål då han var åleine med keeper. Men retta det opp igjen like etter då han slo tunnel på keeper.  3-0
Bokn var trege og kom til få sjansar.  Ørjan sklei inn nok eit mål for Skånevik etter ca 35 min 4-0 og så like etter Raymond med eit flott skudd .  5-0    Ca 30  såg kampen.  God start på sesongen !!

Ref: Bård-Henrik Hereide

04.05.05Flott presentasjon av Taraldsøy
  Kari Johannsson frå Skånevik har laga eit flott presentasjon av Taraldsøy.  Websida gir ei omfattande beskriving av øya i tekst og bilete.  Alle som er interessert i historia og naturen til denne perla bør besøkja nettstaden.

03.05.05 Ny storbedrift til Etne
  Det Schlumbergerkontrollerte selskapet Western Ceco har valt Etne som produksjonsstad for leitekablar for innsamling av seismikkdata.  Sjølv om det framleis gjenstår detaljar før etableringa blir endeleg bestemt er det godt grunn for alle i kommunen og omliggande områder å gleda seg stor over dette. Kanskje vil dette resultera i heile 130 nye arbeidsplassar. Skånevik nett vil gratulera ordførar Amund Enge og alle som har jobba med dette prosjektet for vel utført arbeid.  Les art. 1 - art. 2 og artikkel 3 i Haugesunds Avis og i Grannar.

01.05.01 Ellinor Grønfur på landslaget
  Ellinor Grønfur står for ein strålande prestasjon når ho no er tatt ut til landslagstroppen i fotball.  Som den første Skåneviksbu i historia er ho tatt ut til eit seniorlandslag.  Ellinor er i dag toppscorar i toppserien for kvinner og gler seg til  kampen mot Sverige den 13. mai.  Hugs at Noreg er olympisk meister i fotball og blir rekna eit av dei beste landslaga i i verda.  Gratulerer Ellinor! Les meir i Grannar, Haugesunds Avis ( 2. mai ) og  artikkel i toppserien.com.

01.05.01 Klart for utbygging
  Utbygginga av omsorgssenteret i Skånevik startar rett etter 17. mai.  Det eldre skal bu forskjellige stader i kommunen medan arbeidet pågår.  Les om dette i Grannar.

29.04.01 Seriestart for fotballen
  Seriestart for dei lokale fotballaga er rett rundt hjørna.  På same måte som i fjor slit Skånevik med å stilla A-lag.  Idrettslaget jobbar hardt, men det ser ut til at radikale endringar må til om det skal bli attraktivt å spela på seniorlaget.  Organiseringa av fotballaktivitetane må vurderast for alle aldersklassane og ein må sjå på mogeleiheitene for samarbeid på tvers av klubbgrensene.  Les reportasje før seriestart i Grannar.

26.04.01 Vassverket i Skånevik
  Bygdebladet Grannar hadde for kort tid siden ein artikkel journalist Edvardsen kalla "Ny vasskrig i Skånevik".  Advokat Berge ( for vassverket) og advokat Sandvold (for Millie og Kristian Bull -Tornøe) kjem i same avisa den 26. april med sitt syn på denne saka.  

23.04.01 Vårkonsert i Doktorhagen 1. mai
  Skånevik Musikklag arrangerer vårkonsert i Musikkpaviljongen i Doktorhagen tysdag 1. mai kl. 16.00.  Alle er velkomne.

22.04.04 Skånevik Idrettslag takkar
  Basaren palmelaurdag ga Skånevik Idrettslag ei inntekt på ca. kr. 39.000,-. SIL vil med dette retta ei hjarteleg takk til alle som  har støtta idrettslaget i samband med basaren.  Tusen takk!

08.04.02 SØK delar ut igjen!
  Skånevik Ølen Kraftlag har i år 2000 eit årsresultat på heile 6,1 mill. kr etter skatt.  Desse pengane blir også i år brukt på lokalsamfunnet på ein imponerande måte som verkeleg viser vidsyn hos styre, representantskap og leiinga i SØK.  Les intervju med everksjef Kristoffer Vannes i Haugesunds Avis.

07.04.01 Skånevik Næringsutvikling AS er stifta
  Den 4. april blei Skånevik Næringsutvikling AS starta.  Selskapet skal ha som oppgåve å fremja næringsutvikling i Skånevik, investering i fast eigedom, utleigeverksemd, eventuell deltaking i andre selskap. I samarbeid med mellom andre kommunen og Rieber & Søn ASA vil selskapet vera ein pådrivar i å få ny næringsverksemd inn i lokala til Norway Foods og om mogeleg på eit seinare tidspunkt å gå inn som eigar av bygningsmassen med tanke på vidare utleige. Selskapet har eiga side på Skånevik nett. Les omtale den 09.04 i Haugesunds Avis.

05.04.01 Ber kommunen om hjelp i næringsarbeidet
  Skånevik Vekst har søkt Etne kommune om at ein opprettar ei prosjektstilling som skal driva fram næringsarbeidet i Skånevik.  I følg Alf W. Christophersen er Skånevik Vekst ikkje nøgd med tempoet i kommunen si handsaming av denne saka.  Ordførar Enge viser til kommunen sin søknad om statlege omstillingsmidlar og peikar på at om ein får slike, vil ein del av dei brukast på ei slik stilling.  Les intervju i Haugesunds Avis.

03.04.01 Etablering av Skånevik Sjømat AS 
  To av dei tidlegare tilsette ved Norway Foods i Skånevik har tatt initiativet til å starta Skånevik Sjømat AS - ei verksemd som satsar på produksjon av sjømat i Skånevik. Førebels har dei samla inn ein aksjekapital på kr. 200.000, men dei er intressert i å komma i kontakt med verksemder/miljø/einskildpersonar som har produkt-/marknadsidear og/eller risikokapital å bidra med.  Les ein kort omtale av prosjektet. og omtale i Haugesunds Avis den 7. april.

30.03.01 Etne Kr.F. sitt syn på kultur- og idrettspolitikk
  Etne Kr. F. er det einaste partiet som er villige til å gi til kjenne sitt syn på kultur- og idrettspolitikk i kommunen vår.  Les innspelet om dette på Skånevik nett og Etne Kr. F. sitt syn på sakja.

30.03.01Sorgens dag for Skånevik
  Les intervju med mor og dotter Beate Åkra og Liv Marit Gordon i Haugesunds Avis.  Dei har jobba ved Norway Foodsfabrikken i Skånevik i svært mange år og ser på nedlegginga i dag som ei forferdeleg hending. 

29.03.01Slutt ved Norway  Foods - leve Skånevik!
 Sjølv om det no er slutt på arbeidet ved Norway Foodsfabrikken i Skånevik vil den flotte og engasjerte bygda leva og blomstra i åra som kjem.  Les artikkel om dette. 

27.03.01 Vikar på 87 år hos M. Baardsen
  Då innehavaren Reidun Grønfur blei sjukemeldt overtok mora Jenny Marie som vikar i butikken M. Baardsen manufaktur.  Ho som driv forretninga no er heile 87 år og i strålande form.  Les intervju med henne i Grannar.

22.03.01 Chris Jespersen på forbundslandslaget?
  Norges Skiforbund vurderer å ta Chris Jespersen med på det yngste forbundslandslaget neste år. Den lovande Korlevoll-løparen vil bli vurdert når det i april skal nominerast seks av kvart kjønn til dette.  Les meir i Grannar.  

22.03.01 E. Mills står på for ambulansen
  Lege Eric Mills held fram med kampen for å behalda ambulansestasjonen i Etne.  På eit sakleg og fagleg godt fundamentert grunnlag argumenterer han på ein måte som tilslutt må overbevisa fylkespolitikarane om at det er galt å fjerna denne tenesta frå Etne.  Lukka til med denne viktige kampen.  Les om dette i Grannar og Haugesunds Avis.

13.03.01 Frå sardinar til «Green Ålesund»
  Om ikkje lenge kjem vert det havarerte skipet Greeen Ålesund frakta på lektere til Skåneviksfjorden.  Her skal det tømmast for fisk.  Ca. 18 arbeidarar ved Norwayfoodsfabrikken i Skånevik skal vera med på dette arbeidet som vil ta 4 - 6 veker.  Les om dette Haugesunds Avis...

10.03.02 Årsmøte i Skånevik Idrettshall
  Den 26. februar var det årsmøte i Skånevik Idrettshall AL. Ein av dei verkelg store slitarane for hallen, Jan Henning Jespersen gikk ut av styret etter mange år med strålande innsats.  Det lukkast ikkje å få vald leiar, slik at det må arrangerast ekstraordinært årsmøte for bygget når ein har klar ein kandidat.  Les ref. frå møtet her...

07.03.01 John Mayall til bluesfestivalen
  Det er ein levande blueslegende blant gjestane på årets bluesfestival i juli:  John Mayall har vore læremeisteren til m. a. Eric Clapton og Peter Green.  Saman med The Bluesbreakers er han framleis blant verdas mest ettertrakta bluesartistar.  Programmet for Skånevik Bluesfestival vert lagt ut på festivalen si internettside etter kvart som det vert klart.  Les også omtale i Bergen Tidende den 15.3. og i Grannar den 20.3.

07.03.01 Hermetikkarbeiderforeningen takkar for seg
  Det er med vemod vi les at Skånevik Hermetikkarbeiderforening takker for seg og for all hjelpa frå bygdafolk og andre i samband med arbeidet for å behalda sardinfabrikken i Skånevik.  Den 30. mars er siste arbeidsdag ved kommunen sin største arbeidsplass ... i ei tid då det blir uttalt frå mange hald at foredling av marine produkt er eit hovudssatsingsområde i Noreg.  Les innlegget i Grannar frå tillitsvald Torill Hjelmervik ved Norway Foodsfabrikken.

07.03.01 Ikkje flytt ambulansestasjonen!
  Det er svært viktig for Etne kommune, særleg bygdene i Åkrafjorden og Skånevik, at ambulansestasjonen blir verande i Etne.  Lenger transporttid kan bety liv eller død for ein del av kommunens innbyggjarar.  Lege Eric Mills og fylkespolitikar Ingemund Berge påpeikar dette og stiller spørsmål om kvifor ein skal endra på noko som fungerer svært godt i dag.  Les intervju med Mills og Berge i Haugesunds avis og artikkel i Grannar( 08.03.01 ).

05.03.01 Informasjon frå SIL
  Skånevik Idrettslag har sendt ut eit nytt informasjonsskriv om styresamansetning, gruppene i laget, kontigenten og treningstidene i Skånevil Idrettshall.  Les om dette på sida til Skånevik IL...

01.03.01 Utbygging i Skånevik
  Etne kommunestyre vedtok i går å byggja nytt omsorgssenter med 4 sjukeheimsplassar og 12 omsorgsbustader ved Skånevik Aldersheim.  Representantane var svært samstemte til å byggja omsorgsbustader, men sjukeheimsplassane vart berga med eit fleirtal på 11 mot 10 røyster.  Dette har Skåneviksfolk venta på i mange år og kommunestyret har tatt ei avgjerd som er god for bygda.  Les om dette i Grannar og Haugsunds Avis.

28.02.01 Skånevik IL - ein viktig samfunnsfaktor
  Den 29. januar hadde Skånevik IL årsmøte.  Aktiviteten i laget er svært omfattande og dei som er leiarar og trenarar gjer eit storslått arbeid for Skåneviksamfunnet.  Turid Straumsøy er ein svært aktiv og dyktig leiar i SIL  I tillegg til leiarjobben er ho også instruktør i Aerobic. Ho gjer ein strålande innsats for Skåneviksamfunnet!  Her kan du lesa årsmeldinga frå SIL...

  Den politiske og administrative leiinga i Etne kommune må ta seg saman og svara på to opne brev ( Les brev 1 og brev 2 ) som Skånevik IL har sendt til kommunen.  Det er det minste dei kan dei gjera når kommunen er mellom dei dålegaste i klassen når det gleld tildeling av kommunale midlar til idrettslaga. Skånevik nett vil også peika på at det verkar som ingen politiske parti i Etne kommune har kultur-og idrettspolitikk som sitt interessefelt.  Dette må ein endra på fordi undersøkingar viser at eit godt kulturtilbod er ein av dei viktigaste tinga særleg unge folk ser på når dei vurderer å busetja seg i distriktet.  Alle dei politiske partia i Etne vert med dette utfordra til å komma med sine synspunkt på dette viktige området.  Før gjerne ein debatt om dette på Skånevik nett ( under Lesarinnlegg eller ved å senda meg ein mail som vert lagt ut under Nyhende)  

25.02.01 Dansegalla med Septimus
  Velkommen til dansegalla med Septimus i Skånevik idrettshall laurdag 17. mars kl. 20.00.  Aldersgrense 18 år.  Bill. kr. 150,-.  Sal av øl, vin, cider og mineralvann.  
Buss frå Etne v/hotellet kl. 19.30.  ( Køyrer over Håland via Kyrping) Må tingast innan 9. mars.  Billettsal frå 26. februar ved:  Etne Servicesenter, Kroa, Krambua, Skånevik Fjordhotel, Ølen Bensin og Storkiosk.  Arr.  Skånevik Skyttarlag og Etne BU

23.02.02 Skånevik skal eiga fabrikken
  Det er svært positiv at Skånevik Vekst arbeider for å etablera eit eigedomsselskap slik at alle interesserte i bygda saman skal kunna eiga fabrikken.  Dette vil kunna sikra at bygningen blir brukt til Skåneviksamfunnet sitt beste.  Det vert også jobba på fleire hald for at ein skal halda fram med produksjon av sjømat i dei gamle erverdige lokala.  Saman med Etne kommune og andre førebur Skånevik Vekst eit møte med Rieber & Søn der eigetilhøva for fabrikken skal diskuterast.  Les intervju med Paul Hovda i Hgs. Avis...

20.02.01/22.02.01 Arbeid med "Green Ålesund"
  Eide Marine Services AS på Halsnøy har fått oppdraget med å heva og fjerna «Green Ålesund», som gjekk på grunn i Bleivik i Sveio 12. desember i fjor.  Etter at lasta på dekk er fjerna skal båten slepast på ein lekter til Skåneviksfjorden. Her startar prosessen med å kjeldesortera fisk, papir, plast og anna vrakgods.  Ca. 14 - 16 personar som i dag er tilsette ved Norway Foodsfabrikken i Skånevik skal vera med på å utføra denne jobben.  Les meir i Grannar og Bergens Tidende (22.02.01)

12.02.01 Volleyballhelg på Husnes
  Helga 10.-11. februar var det seriehelg på Husnes og 67 lag spela over 190 kampar frå tidleg om morgonen til seint på kveld. For første gang nokon sinne stilte Skånevik IL med yngre lag i seriespel.  Les meir...

12.02.01 Kampreferat frå handball, Skånevik- j. 15
  Her kjem kampreferata frå dei siste handballkampane til Skånevik IL sitt jenter 15 lag.  Dei gjer det strålande for tida.  Les meir...

08.02.01 2. og 4. plass til Chris i Finland
  Skånevik sitt stortalent i langrenn Chris Jespersen fikk sølv og fjerdeplass i landskampen i Finland i helga.  Dette var ein kjempeflott debut med det norske flagget på brystet.  Les meir i Grannar...

07.02.01 Seier i volleyball

07.02.01 Start utbygging i Skånevik
  Rådmannen i Etne kjem med forslag om å endra politikarane sitt vedtak om fyrst å byggja sjukeheimsplassar og omsorgsbustader i Skånevik og seinare 6 nye sjukeheimsplassar i Etne.  Ho vil no først byggja ut i Etne.  Forslaget er ufatteleg for på oss som bur i Skånevik og det føyer seg inn i rekkja av lite gjennomtenkte  utspel frå rådmannen si side.  Det er nok svært mange i Skånevik som er rett og slett fortvila over rådmannen sin haldning bygda vår.  Les  det engasjerte innlegget Sjukeheimsplasser i Skånevik! av  Margareth Bull-Tornøe.  

01.02.01 Chris J. på skilandslaget
  Chris Jespersen er tatt ut på juniorlandslaget til Noreg ved Nordisk juniorlandskamp i Finland.  Det er første gongen ein lokal deltakar er uttatt på eit skilandslag, og difor er Chris med på å skriva skihistorie.   Deltakande nasjonar er dei nordiske landa og Estland. 

01.02.01 Engasjerte Skåneviksjenter
  Tea B. Carlsen og Kjersti E. Larsen sitt engasjement for at ungdomskortet for Hordaland også skal gi høve til reise til Haugesund ser ut til å gi resultatar.  Samferdselssjef Magnus Vestrheim uttalar til Grannar at han trur dette vil gå i orden.  Les meir i Grannar...

25.01.01 Sandvold Havbruk er selt
   I følge avisa Grannar har Hydro Seafood kjøpt aksjane i Sandvod Havbruk for ein sum som ligg over 100 mill. kr.  Kjøpesummen er ikkje stadfesta av selgjarane - familien Sandvold i Skånevik.  Les meir i Grannar...

19.01.01 Ber Elsa E. Larsen om orsaking
  Roy Martin Øyjord ber Elsa Eikemo Larsen om orsaking for uttalelsar han kom med i innlegget sitt i Grannar den 21. desember i fjor. Les innlegget i Grannar.

17.01.01 Sats på reiselivsnæringa!
   Salssjef på Hotel Ullensvang, etnebuen Nils Einar Steinstø (35), deltek på reiselivsmessa på Sjølyst i Oslo for sin arbeidsgjevar.  Han har ei god bransjeutdanning og trivst svært godt innan hotellnæringa. Det er viktig å merka seg hans utsagn om at Etne kommune har eit svært godt utgangspunkt for å satsa målretta på turisme - ei stor vekstnæring i næraste framtid. Han uttalar m. a. til Grannar ...
— Men sjå kva dei gjer i Etne. Der har dei alt, men satsar ingenting. Med  flotte naturgjevne ressursar, og ei gunstig geografisk plassering, burde Etne satsa skikkeleg på reiselivet. Ein må bruke pengar, før ein tenar pengar. Slik er det berre. Og skjønar ein ikkje det med ein sørlandsidyll som Skånevik i sin midte, då er det veldig trist. Det nyttar ikkje å sitja på baken, og venta på at turistane skal kome til distriktet vårt, seier Steinstø.   Les heile intervjuet med Steinstø i Grannar...

16.01.01 Kristen tru inn i vår kvardag
   Soknerådet, Indremisjonen og Misjonssambandet legg i vinter opp til samlingskveldar i bedehuset om livsspørsmål i Bibelens lys.  Den 21 januar er temaet Det bli lys!, 25. februar Jesus som lyset i verda og 18 mars De er lyset og salt.  Tidsramma for møta er kl. 19.30 - 21.45.  Les meir om dette...

15.01.01 Etne kommune og idretten
  Dei siste debattane om kommunebudsjettet viser at så godt som ingen politikarar er opptatt av vilkåra til idretten i Etne kommune.  Truleg er vår kommune ein av dei som gir minst til slike føremål i heile landet.  Brev til kommunen som tar opp desse tilhøva vert ikkje svart på.  Les det engasjerte innlegget i Grannar til leiaren i Skånevik Idrettslag, Turid Straumsøy om dette.

15.01.01 To andreplassar til Chris Jespersen
  Chris Jespersen var nøgd med 2 andreplassar i Norgescupprenna i Høydalsmo no i helga.  Skilnaden fram til han som vant begge renna var relativt stor, men Chris trur det er absolutt mogeleg å komma nærmare seinare i sesongen.  Les om dette i Grannar...

15.01.01 Grannar ber om orsaking
  Det er heilt på sin plass at redaktøren i Grannar ber Elsa Eikemo Larsen og lesarane av avisa om orsaking for at ho tok inn i avisa det svært nedbrytande og flåsete innlegget til Roy Martin Øyjord.  Børje Eikemo og Jorunn Opsal Ness har i sine innlegg kritisert den svært dårlege behandlinga av den engasjerte og positive Elsa Eikemo Larsen, samstundes som dei på ein fin måte har uttrykt støtte til henne.  Les dette ved å trykka på namna deira.

13.01.01 Chris Jespersen er i full gang
  I helga deltar Chris Jespersen i sesongens første norgescup-renn.  Sist helg vant han eit landsrenn.  Sjølv om Chris no er elev ved Hovden Skigymnas er han framleis medlem av Korlevoll.  Skånevik nett vil ønskja han lukka til med sesongen.  Les meir i Grannar...

09.01.01 Lars Halleland fylte 100 år
  Lars Halleland frå Skånevik fylte 100 år laurdag den 6. januar.  Marie (93) og Lars Halleland (100) hadde 21. desember i fjor vore gifte i 70 år.  Dei kunne altså feira jarnbryllaup.  Gratulerer med vel overstått dag begge to!   Les om feiringa Grannar...

09.01.01 Eit flott lesarinnlegg
  Det er viktig at fridomen til å uttrykkja sine meiningar vert halden i hevd.  Nokre meiningar er likevel så spesielle og nedbrytande at dei ikkje bør få spalteplass.  Les det flotte debattinnlegget til Jakob Eskeland i Grannar om dette emnet.  Les i Grannar...

05.01.01 Aetat lovar hjelp
  Tillitsvald ved Norway Foods i Skånevik uttalar til Hgs. Avis at ho synest det er merkverdig at dei tilsette enno ikkje er blitt kontakta av Aetat; fleire månader etter at nedleggingsbodskapen kom til bygda.  Distriktsarbeidssjefen i Sunnhordland, Olav Myhre, seier at dei som ikkje får jobb hos Schlumberger ved Cable Tech AS, vil få tilbod om hjelp.  Les artikkelen i Haugesunds Avis...

05.01.01 Ca. halvparten har søkt i Etne
  Omlag halvparten av dei som misser jobben når Norway Foodsfabrikken vert lagt ned i Skånevik den 30. mars har søkt om arbeid hos Cable Tech AS i Etne. Torill Hjelmervik viser til at det for ein del vil det vera praktiske vanskar med å jobba i Etne, slik som abeidet der er lagt opp.  Ho håpar også sterkt på at det vert ny aktivitet i sardinfabrikken, om ikkje meir enn 10 arbeidsplassar. Saudabuen Kjell Ole Rød er nøgd med søkjarmassen frå Skånevik, men garanterer ingen jobb på førehand. Dei som har søkt vil få svar i løpet av januar.  Les artikkel i Hgs. Avis...

03.01.01 Tre godkjende redningshundar
  Sofie Knudsen frå Skånevik er ein av tre i vårt distrikt som har fått godkjent redningshund.  Mykje arbeid ligg bak ei slik godkjenning og Sofie uttalar at dersom ein først har hund som hobby, er det like godt å trene han til noko nyttig.  Les meir om dette i Grannar. 

28.12.00 Høyringsuttale frå Skånevik IL
  Før budsjettmøtet for år 2001 til Etne kommune sende Skånevik Idrettslag kommunen ein uttale om forslaget til budsjett.  I dette skrivet oppfordra SIL dei styrande i Etne kommune om å auka dei minimale overføringane til idrettsarbeidet i kommunen.  Litt forsinka vert høyringsuttalen no lagt ut på Skånevik nett

23.12.00 Lovprisar møtet med Skånevik
  Dei nye eigarane av Skånevik Fjordhotel, Brita og Andrea Sharif seiar at alt har stått til forventnigane, både møtet med folk i Skånevik og hotellet.  Dei er svært glade for at dei har kjøpt hotellet og dei vil det skal vera Skånevik si storstove.  Les intervjuet i Grannar...

18.12.00 Svar til H. O. Tungesvik
  Elsa E. Larsen reagerer med sinne på Hans Olav Tungesvik sitt opne brev i Grannar.  Ho seiar mellom anna ( sit. ): ...Men at du med ditt innlegg prøver å ta i frå meg mitt engasjement - vil eller kan eg ikkje finna meg i...  Les heile innlegget hennar i Grannar.

      
Informasjon med høve til å tinga annonser og presentasjonar finn du i