27.11.05 Flest nye jobbar i byen
  BT:  Bergen er vinnaren i arbeidsmarknaden på Vestlandet. Bergensbedriftene skapt 1000 fleire arbeidsplassar i fjor. Det er verksemdene som driv med tenesteyting som veks fram. Det tener byane på.

- Den raudgrøne regjeringa får ein vanskeleg jobb om den vil stogge sentraliseringa, meiner Lars Østby i Statistisk sentralbyrå. Han er ikkje forundra over at Bergen har den største veksten i arbeidsplassar.

- Det vi ser er eit utslag av sentraliseringa, både innanfor produksjon av tenester og i nokon grad i produksjon av varer, seier Østby.

Tenesteytande næringar er på frammarsj. Det tener byane på. Det er her verksemdene som driv med tenesteyting veks fram. Desse bedriftene er der kundane er.

Sentralisering utan styring
Tradisjonell industri, fiske, fangst og jordbruk gir arbeid til færre og færre.

I 1970 var 36 prosent av arbeidstyrken bønder, fiskarar eller industriarbeidarar. I dag har denne andelen krympa til 15 prosent.  Samstundes har delen av arbeidsstyrken som arbeider i såkalla forretningsmessig tenesteytande verksemder og med helse- og sosialtenester svulma opp frå til saman 10 til 31 prosent.

Utviklinga frå 2003 til 2004 på Vestlandet er berre ein del av ei langvarig utvikling som går føre seg over heile verda.  Globaliseringa fører til at produksjon vert flytta til land med billeg arbeidskraft, men òg til sentraliseringa innanlands. Og utviklinga blir forsterka om politikarane let vere å gripe inn, meiner Østby.  Les meir i Bergens Tidende
 
17.11.05 Dokumenterer rein kraft
  Grannar:  Skånevik Ølen Kraftlag (SØK) kan frå i dag garantere rein norsk vasskraft i energi dei leverer kundar på produktet Garantikraft, utan nokon meirkostnad.

Elverksjef Kristoffer Vannes opplyser at SØK er eitt av dei første kraftselskapa i landet som lanserer Grønn Strøm. Dette gjer dei på produktet sitt Garantikraft.
Sjølv om Noreg produserer nesten berre vasskraft, bruker SØK også straum produsert med andre energikjelder som kol- og atomkraft. Nå har dei inngått ein avtale med ein norsk vasskraftprodusent om rein fornybar vasskraft, gjennom ein allianse med 20 andre kraftselskap. Frå og med i dag, 14. November, vil dei kunne dokumentere sine rettar til fornybar energi frå rein norsk vasskraft.
— Ved å kjøpe Grønn Strøm av oss, hjelper kunden å etterspørje straum laga frå fornybare energikjelder, seier Vannes. Dette kan dei dokumentere ved at mengda fornybar energi SØK kjøper inn, tilsvarer mengda fornybar energi som blir sendt ut til kundane på leidningsnettet.
Det er forventa at frå 2007 vil norske styresmakter og EU krevje ein varedeklarasjon på straumrekninga. Den skal vise frå kva energikjelder straumleveransen stammar frå. Dette vil altså SØK dokumentere alt frå nå, som eitt av dei første kraftselskapa i landet.  Les meir i Grannar
 
17.11.05 Frustrert Jespersen
  Haugesunds Avis:  Chris Jespersen kan risikere å måtte vente til januar før han får gå et fristilrenn.
  Jespersen konstaterer at ekstremværet kommer ned som regn også i Trøndelag. Han hadde heller sett det var snø. Varmegradene er i ferd med å ødelegge langrennssesongen for den revansjesugne skånevikgutten. Ikke har han fått trent omtrent en eneste meter på snø i høst. Gode forberedelser på barmark gjorde Jespersen likevel så fram til sesongåpningen i Beitosprinten sist helg. Den regnet vekk. Nå går han fortsatt på rulleski i Meråker og lurer på når han kan få trene på snø og gå sitt første renn.
– Det er lovet litt snø mot slutten av uken. Det skal ikke så mye til her oppe før det er brukbare treningsforhold, sier 21-åringen håpefullt.
Sesongdebuten skjer sannsynligvis i BUL-sprinten som skal avvikles på Gålå ved Lillehammer 26. november. Der står 30 km klassisk i på programmet. Den første helgen i desember er det duatlon i Meråker.  Les meir i Haugesunds Avis
 
16.11.05 Ser du meg?
  Leif Arne Løvereide:  Etne får i torsdag 17. nov. kl. 19.30 - 21.30 besøk av Kari Hoff som i ei årrekke har arbeida i forebyggande enhet i Arendal  Ho skal ha et interessant og spennande foredrag i Kulturhuset i Etne.

Kari Hoff, som nå er pensjonert, har lang erfaring frå arbeid med barn og unge, og klassemiljøutvikling. Ho er sosial- og spesialpedagog og er brennande engasjert i kor viktig det er at vaksne  verkeleg ser barn og unge.  Og at ein verkeleg tek seg tid til å høyre kva dei er opptekne av.

I mediene har det i lang tid vore fokusert på mange forhold som påvirkar barns oppvekst, og det kan bli nyttig å få med seg Kari sitt føredrag. Det vert og høve til å komma med spørsmål til føredragshaldaren.

Fokus på temaet i dette føredraget kan vera med å førebyggja bl.a.uheldig påvirkning på psykisk helse. Og føredraget er Etne sitt bidrag i markeringa av verdensdagen for psykisk helse som har vore betydeleg markert over heile landet.

Målgruppa denne kvelden er klar, foreldre, familie, slekt, venner, og andre nære personar i barnehagar, skular og nærmiljøet. Når samspelet mellom barn og deiras næraste er godt, gir det grunnlag for utvikling av god fysisk og psykisk helse. Et moderne reknestykke kan kanskje visa at Etne med under 4000 innbyggjerar har ca 40000 relasjonar til barn og unge, og det bør freista mange i og rundt Etne til å oppleva Kari Hoff i kinosalen i torsdag kveld.
 
14.11.05 - Viktig med ungdomssteg
  Grannar: ...Ungdomssteget betyr så mykje for Skånevik-samfunnet at rådmannen vil behalda ungdomsskulen.
— Me er veldig glade for det og trur den vurderinga rådmannen gjer er rett, seier Kjell Ingvald Matre, rektor ved Skånevik skule.
Dersom ungdomssteget i Skånevik hadde blitt lagd ned, måtte elevane reisa til Enge skule.
— Reint fagleg og pedagogisk ville det ikkje vera dramatisk for elevane, men for samfunnet i Skånevik betyr det mykje, seier Matre.
Rådmannen peikar på at ei nedlegging av ungdomssteget i Skånevik vil øydeleggja mykje av det samarbeidet ungdomsskulen har klart å byggja opp med næringslivet i bygda.
— Eg har vald å prioritera å ikkje legga ned ungdomssteget i Skånevik fordi eg trur det er viktig for Skånevik-samfunnet å ha ungdomsskulen, seier rådmann Elling Hetland.
Trass i positive signal frå rådmannen, torer ikkje Skånevik-rektoren å pusta heilt ut endå. Les meir i Grannar
   
14.11.05 Kommune utan strategi
  Leiarartikkel  i Grannar:  Det er ikkje noko nytt at kommunane slit med å få endane til å møtast. I vårt distrikt er det for tida Etne som står overfor store utfordringar.

Det kan i dag sjå ut som om politikarane har valet mellom pest eller kolera. Sjølv om Stoltenberg-regjeringa plussa på potten til kommunen med 2,8 millionar kroner i forhold til Bondevik-regjeringa, hjelper det ikkje stort. Rådmann Elling Hetland har i sitt budsjettforslag verken verna skular eller barnehagar. Både Rygg barnehage og Rygg skule går usikre tider i møte. Det same gjer Fjæra skule, som lever på lånt tid.

Rådmannen si forklaring på dei drastiske kutta er at kommunen har for høge utgifter i forhold til inntektene. Det er i følgje Hetland noko dei har sett over fleire år. Nedgang i innbyggjartalet, null skattevekst og høg arbeidsløyse, er nokon av årsakene til den skeive utviklinga og den dystre økonomiske situasjonen. Ein minus i folketalet på 24 personar første halvår i år, fører til reduksjon i overføringar frå staten på 800.000 kroner.  Les meir i Grannar
  
10.11.05 Breiband reddar medialinje
  Grannar:  Utan breiband heng media- og kommunikasjonslinja ved Etne vidaregåande skule i ein tynn tråd. Men nå er fiberoptisk breiband på veg.

I eit brev til Etne Elektrisitetslag datert 11. oktober i år uttrykker Hordaland fylkeskommune bekymring for dei breibandmessige tilhøva ved Etne vidaregåande skule.
— (..)ser det som svært vanskeleg å halde fram med tilbod innafor Media og kommunikasjon, då dei tekniske tilhøva i Etne kommune ikkje er tilrettelagt for installasjon av breiband fram til undervisningslokala, skriv fylkeskommunen i brevet.
Fylkeskommunen peikar på at for elevane ved media- og kommunikasjon er det ein føresetnad med god kommunikasjon via breiband på 100 MBit`s.
— Vi vil gjerne halde fram med dei undervisningstilboda Etne vidaregåande skule har i dag, men ser at dette vert vanskeleggjort ved den lokale haldninga, til framføring av heilt naudsynt breiband til skulen, står det i brevet.  Les meir i Grannar
 
10.11.05 Tvungen til å kutta
  Haugesunds Avis:  To skular og ein barnehage lever farleg. Etnerådmann Elling Hetland byr på upopulære kutt.
Stemninga i Etne Tinghus kunne vore betre. Nå ventar protestar på forslag om skuledød og redusert drift.
– Me treng meir pengar. Folketalet sviktar og med det mindre skatteinntekter og rammeoverføringar frå staten, fastslår Elling Hetland.
For fem år sidan hadde Etne kommune sju skular. Sidan har politikarane blitt tvungne til å kvitta seg med tre krinsskular. Nå står ytterlegare to i fare.

Frå sju til to skular
I sitt budsjettframlegg går rådmannen inn for å legga ned Rygg barnehage frå neste haus. Han føreslår Fjæra skule som udelt, eller nedlagt med overføring av elevar til Enge eller Skare skule i Odda, og administrert frå annan stad.
Men rådmannen jaktar på ytterlegare innsparingar og føreslår Rygg skule nedlagt frå hausten 2008, med overføring av dei ca 30 elevane til Enge. Ungdomstrinnet i Skånevik har også vore vurdert, men slepp unna.
– Me kan koma i ein situasjon utan rom for fleire enn to skular. Den nye regjeringa seier den vil styrka skuleverket. Rammene framover vil avgjera om me kan halda på dagens struktur, seier Hetland.  Les meir i Haugesunds Avis
 
28.10.05 Steinulf Tungesvik statssekretær
  Steinulf Tungesvik frå Skånevik er utnemd til statssekretær i samferdsledepartementet.  Steinulf  ( 39 år ) er for tida busett i Bergen.  Han er utdanna advokat og leiar av Noregs Mållag.  Han er også ein stor Skånevikspatriot og besøkjer heimbygda ofte.  Han har tidlegare vore statssekretær i sosialdepartementet. Les meir i BT
og i Grannar.
 
11.10.05 Stor stemning på Slottet
   Grannar:  I vår fylte Lars Christophersen 80 år. Då fekk han ei gåve litt utanom det vanlege. Den trufaste spelemannen fekk Kongen si fortenestemedalje for sitt usvikelege engasjement i det lokale musikklivet. Sist veke var det tid for å takka Kongen for utnemninga.

— Eg var sjølvsagt litt nervøs på førehand, men du verda kor kjekt me hadde det, smiler Lars, to timar etter at han og kona Gudbjørg forsvann inn på Slottet. Saman med 33 andre par som var ute i same ærend.
Orientering
— Først vart me tekne imot av hoffsjefen. Han orienterte litt om det som skulle skje. Fortalde mellom anna at me ikkje måtte seia du til Kongen. Men eg gløymde meg sjølvsagt ut, fortel 80-åringen og ler hjarteleg.
— Både Kongen og Dronninga var på plass. Det var veldig stas, supplerer Gudbjørg.
— Før me møtte dei kongelege fekk me også ei omvising på Slottet. Der var det jammen fint. Ho som viste oss rundt var også veldig flink til å fortelja historier knytte til dei ulike romma.
Sender kassett
Då dørene gjekk opp til hovudsalen, stod både kong Harald og dronning Sonja klar til å ta imot gjestene sine. Dei handhelste på alle, før gjestene vart delte i mindre einingar på ti og ti. Kanapear og champagne kom på borda, og kongeparet flytta seg rundt og snakka litt med alle saman.  Les meir i Grannar

07.10.05 Grip fatt i det frivillige
   Grannar:  Ole Funderud skal sette den frivillige innsatsen i system. I november blir han leiar for den første frivilligsentralen i Etne.  — Det er ikkje noko nytt vi skal finne opp. Det er stor frivillig innsats i bygdene, både gjennom nabohjelp og dugnad. Vi skal fange opp nye grupper som kan ha bruk for hjelp, seier Ole Funderud.
Frivilligsentralane blir finansierte med 60 prosent statlege kroner og resten lokalt. Leiaren for sentralen er den einaste som får betalt for jobben.

Ut i lokalsamfunnet
— Eg skal i første omgang kartleggje kven som har behov for hjelp og få fram tiltak som kan vere positive for både enkeltpersonar og fellesskapet. Eg skal også fange opp kven som kan vere interessert i å vere med å gjere eit frivillig arbeid i lokalsamfunna i kommunen. Min jobb er å koordinere, seier Funderud.
Han har sjølv lang fartstid i frivillig arbeid, og meiner det er svært viktig for å halde samfunnet i gang. Pluss at det gir ein noko å delta, meiner han.  Les meir i Grannar
 
04.10.05 Langt til rehabilitering
  Grannar:  Når Helse Vest har opna for å byggje fleire rehabiliteringssentra, meiner psykiater Hans Olav Tungesvik at eit av desse bør leggjast til Skånevik.

Helse Vest har opna for at det blir bygd to til fire nye rehabiliteringssentra. Vestlandet, og særleg vårt distrikt, har færrast slike opplæringsinstitusjonar i landet. Difor meiner psykiater Hans Olav Tungesvik i Skånevik at Etne kommune må kaste seg inn i kampen om å få eit slikt senter.
I eit brev til ordførar Amund Enge i Etne kommune ber Tungesvik om at det blir gjort ein innsats for å skipe eit rehabiliteringssenter i Helseregion Vest med plassering i Skånevik.
Tungesvik viser til at det for tida er ein viktig diskusjon i gang om plassering av nye opptreningssentra på Vestlandet.
Tomrom i regionen
— Det blir arbeidd med å plassere eit slikt senter i Ulvik.
Etter mi meining er dette ei direkte feilplassering, sett i lys av at vi alt har Hagahaugen Opptreningssenter på Voss, Ravneberghaugen Opptreningssenter i Os og Sjømennenes Helseheim i Åsane. I Rogaland finst det ikkje eit einaste opptreningssenter, det næraste for folk i Sør-Rogaland, er Eiken i Vest-Agder, seier Tungesvik.  Les meir i Grannar
 
29.09.05 Premiert for ny oppfinning
  Bygdaposten for Hjelmeland:  Rikeleg tilgang på ferskvatn er ofte ein knapp resurs for setjefiskanlegg (smoltanlegg) i havbruksnæringa, men med Ørjan Tveiten si nye oppfinning vil tilgangen både verta enklare og sikrare. Han fekk andreplass i fôrprodusenten Skretting sin innovasjonskonkurranse Gullpelleten.  Ørjan Tveiten er tilsett som regionleiar for ferskvatn i Marine Harvest
region sør. Den nye oppfinninga hans resirkulerer vatn frå setjefiskkara - og tar ut CO2 og tilfører nytt oksygen.

-Fisken produserer CO2 når dei lever og et i vatnet. Den nye oppfinninga gjer at me kan pumpa opp vatnet, og gjennom lufting av vatnet med injektor-metoden fjernar me 50 prosent av CO2-innhaldet og tilfører 15-20
prosent meir oksygen. Då kan vatnet pumpast tilbake i karet, og resultatet er at me kan redusera ferskvassinntaket eller produsera meir fisk i kvart kar.  Les meir i Bygdaposten For Hjelmeland
  
26.09.05 På verdskongress i Kina
    Grannar:  Som guvernør for Lions-klubbane i distriktet frå Sogn til og med deler av Rogaland, deltok Torbjørn Åsheim frå Skånevik på verdskongress i Hong Kong i sommar.
Saman med kona Kate fortel han om ein eventyrleg tur på tre veker med masse opplevingar der dei òg var innom Bangkok, Shanghai og Beijing.
Sjølve kongressen, convention, var i tida 27. juni til 1. juli.
Begge er takksame for at medlemskapen i Lions har ført dei så langt, og legg vekt på at det er det humanitære arbeidet som blir drive i organisasjonen som er grunnen til at Torbjørn Åsheim er medlem.
— Det er feil oppfatning at dette er ein snobbeorganisasjon, bodskapen i Lions i dag er først og fremst å orientere om hjelpearbeidet organisasjonen driv, seier dei.
Forståing mellom menneska
Lions si oppgåve er blant anna å skape større forståing mellom alle menneske og nasjonar ved å arbeide for auka innsikt i mellomfolkelege problem. Ikkje minst ved å yte humanitær hjelp med lokalt engasjement og internasjonalt samarbeid.  Les meir i Grannar
  
26.09.05 Glade for cup på heimebane
  Grannar:  Det var gjestene som dominerte handballcupen i Skånevik i helga. Men det gjorde ikkje noko når ein fekk spela på heimebane.  Skånevik sitt jenter13-lag tapte begge kampane sine.
— Det er kjipt, seier Charlotte Ytranes Aastvedt etter å ha tapt 2-21 mot Ølen.
— Ja, det er litt dumt, seier Lene Røgelstad medan ho legg til:
— Men det er kjekt med cup og spesielt at det er her i Skånevik.
Store tap til tross, jentene har ikkje tenkt å gi seg. Serien har ikkje ein gong starta.
— Då skal me vinna mest mogleg, seier Karin Heggelund. Og alle er samde om at for å få det til må det scorast meir mål.
Sakna gutar
Rival sine jenter15 skulle eigentleg overnatta på skulen, men fordi dei var dei einaste overnattingsgjestene fekk dei sova på hotellet. Det hadde dei ikkje noko imot.  Les meir i Grannar
  
23.09.05 Stålmannen
  Haugesunds Avis:     Thormod Ness bryr seg ikke om at han er fotballinvalid. Med beinet fullt av stål vil han heller spille Vard opp i 1. divisjon.
– Nå har jeg stål i hele foten. Så det er «umulig» å brekke den igjen, sier Thormod Ness og smiler.
I 2003 var karrieren hans definitivt over. Etter et utall operasjoner, og en brukket ankel ble den daværende Sogndal-spilleren erklært fotballinvalid. Men i fjor høst gjorde han comeback for Vard, og i år har han spilt fast som midtstopper. 15 spilte kamper har resultert i respektable 5,0 i gjennomsnitt på Haugesunds Avis sin spillerbørs. I forrige hjemmekamp scoret han til alt overmål to mål.
I morgen er det toppkamp mot Notodden i Vards lekegrind, Haugesund stadion.
– Jeg regner med det blir en jevn og tøff kamp, hvor Notodden legger seg lavt. Vi får bare kjøre på som vanlig. Vi må vinne. Det er så enkelt. Og så vanskelig. Notodden har gode spillere og en god trener, sier Thormod Ness.  Les meir i Haugesunds Avis

03.09.05 Mann for sin hjort
  Grannar:  For Reidar Ebne er hjortejakt lidenskap. Etter 60 år med jakt er det heller ikkje mange som har felt så mange dyr som han. No er han klar på post igjen.
  Dei første uvêrsdagane som kan minne om haust, er unnagjort. Reidar Ebne trippar og ventar litt utolmodig på ein viktig del av hausten; det er trass alt berre ei veke igjen til hjortejakta startar. Jakt er ein del av livsstilen til 75-åringen frå Skånevikstranda.
Når jakta startar tenkjer han på jakt kvar dag, men det er langt frå like ofte han tar med seg børsa ut i terrenget.
Fleire hundre
Han har ikkje tal på kor mange gevir han har på låven. Ein del har han selt eller gitt vekk. Ein stor bukk hamna på Norsk Skogmuseum på Elverum. Det første som skuler på deg i stova til Marit og Reidar Ebne er eit utstoppa hovud frå ein flott kronhjort.  Les meir i Grannar
 
29.08.05 Miljøvernministeren til Åkrafjordtunet
  Etne Kr F:  Kulturkveld på Åkrafjordtunet annakvar haust er blitt ein tradisjon ei av dei siste vekene før val.   Den tradisjonen blir fylgd opp også i år,  og det er Etne Kr.F. som står som tilskipar.
Denne gongen er det miljøvernministeren  som skal  høyrast så kloss opp til Folgefonna Nasjonalpark  som det er mogeleg om ein ikkje skulle plassera han inni sjølve nasjonalparken.  Grensa går som kjent nær Åkrafjorden.
Knut Arild Hareide er ein dugande,  frisk og festleg kar som med sine 32 år har imponert mange etter at han kom i statsrådstolen.  Han er kunnskapsrik,  kjapp,  blid og engasjert,  og han blir hovudtalar på kulturkvelden  som i år skal vera torsdag 8. september kl.1930,  berre 4 dagar før valet.
Kvelden er open for alle,  og det blir eit rikhaldig program.  Utanom talen blir det kunstnarleg innslag,  med song av Anne-Grethe Rullestad,  og det blir prolog ved ei anna dame frå Fjorden,  Inger Mari Melkeraaen.
Menyen er av beste merke:  Åkrafjordtunets betasuppe,  som er vel kjend for mange.  Bakekyndige Kr.F.-damer  syter for kaker til kaffien/teen.
Kulturkvelden er open for folk av alle politiske fargar,  og kvar og ein som har lyst,  er hjarteleg velkomen.
   
24.08.05 Ny ferjebok er utgitt
  Viggo Nonås:  Alle Sunnhordlendingar har eit forhold til HSD-ferjene, på både godt og vondt. Lukta av teak, skamkokt kaffi og rundstykke med sveitt gulost har sett seg fast i hukommelsen til dei fleste som har reist med ferjene. Boka "Dei fine ferjene" er Otto Erslands hyllest til dei gamle HSD-ferjene. Han har skrive om dei ferjene som HSD fekk levert frå 1938 til 1972, og som berre hadde baug i ein ende. Boka er skriven frå ein reisande sin ståstad, bokstaveleg talt, forfattaren raste rundt på ferjene for å kjenne, lukte og føle, og sat sjeldan i ro i følgje familien hans. Forfattaren er lidenskapeleg glad i dei gamle HSD-ferjene, og har har besøkt dei fleste av desse ferjene der dei no er, enten det er i Italia eller Finland. Ferjelaget "Skånevik" sine medlemer har vore sentrale i bokprosjektet med både bilete, postkort og gode historier. Boka kan tingast bl.a. frå Ferjelaget "Skånevik", les meir om boka på http://www.ferjelaget.no  Prisen på boka er kr. 275,- + porto. Levering/henting i Skånevik kan ordnast for dei som vil spare portoen, men regn då med litt leveringstid.
  
16.08.05 MF "Skånevik" skal fredast
  Lesarinnleg av Viggo Nonås i Grannar:  Kulturferja «Skånevik» har no snart i eitt år vore i Skånevik. Mange lurer framleis på kva denne ferja driv med, og kvifor ho er i Skånevik, og det vonar me med denne artikkelen å opplysa litt nærare kring.

I Norge har me vore flinke til å ta vare på ting, men då helst stabbur, laftestover og slike ting, gjerne frå storgardar på Austlandet. Bondekulturen har vore overrepresentert i museumssamanheng. I dei seinare år har det vorte meir populært å ta vare på kystkulturen og vår maritime historie. Fartøyvern i Norge er ein relativt ny tanke, dei fyrste prosjekta kom på beina i slutten av 1960-åra. Fram til no har det ofte vore tunge tilbakeføringsprosjekt som har rådd grunnen. No har denne trenden snudd litt, og det er mogeleg å få stønad til å ta vare på skip frå vår nære fortid, før dei vert ombygde og øydelagde.
Slik vart tanken til å få tatt vare på ei av dei klassiske fjordferjene frå HSD. I 1999 starta arbeidet, og i 2004 vart «Skånevik» overtatt av ei stifting mellombels til eit eige lag vart stifta. I januar 2005 vart Ferjelaget «Skånevik» skipa, og me overtok ferja formelt i mars 2005. Styret er samansett frå heile fylket.  Les meir i Grannar

08.08.05 Frihamn-senteret feirar 20 år
  Til hausten er det 20 år sidan Frihamn Psykiatriske senter  i Skånevik  vart opna.   Om lag 3000 menneske har gjennom desse åra fått behandlingstilbod  ved senteret.

I helga 3.-4. september 2005 skal 20-års jubiléet markerast med eit omfattande program.

Laurdag 3. september blir det halde eit føremiddagsseminar på Skånevik Fjordhotel  for fagfolk og andre interesserte.   Hovudtema er ”Angst og depresjon – traumer og livsmeistring.”   Som tilleggstema blir det halde fordrag om  ”Speleavhengighet – den nye rusen?”

Laurdag kveld blir det kulturkveld med både konsert og kunstforedrag med lysbilder.   Songarinna Marianne Juvik Sæbø  står for det musikalske  saman med pianist.   Helge Kofoed,  Noregs fremste ekspert på malaren Lars Hertervig,  held foredrag med emne ”Lars Hertervig – kunsten,  kunstnaren og hans tilknyting til Skånevik og Sunnhordland”.

Søndag føremiddag  4. september blir det gudsteneste i Skånevik kyrkje ved  Frihamn-prest Synnøve Rydland Overweg,  deretter er det  kyrkjekaffi på Frihamn.  Marianne Juvik Sæbø deltek også ved gudstenesta.

Hovudarrangementet på søndagen blir festmøte i Skånevik Idrettshall  om ettermiddagen,  der hovudtalaren er leiar for  Nobelkomitéen,  professor Ole Danbolt Mjøs.  Han vil tala om ”Fred i sinnet,  i hjarta og i verda.  Om sjølvbilde,  menneskeverd og psykisk helse”.    Den allsidige kunstnaren Rune Larsen  med musikarar  står for det kunstnarlege innslaget på festmøtet.

 Dagleg leiar ved Frihamn-senteret, psykiater Hans Olav Tungesvik,  opplyser at alle er velkomne til alle deler av jubileumsarrangementet.
  
07.08.05 Med M/F "Skånevik" til byen
  Innsida.no:  Måndag i totida: Vi står på kaien på Utåker, M/F ”Skånevik” kjem inn for å bunkra. 5000 liter diesel må til før turen til Bergen. Kjøpmann Terje Eikemo spring til for å få tak i tauet, han må ha vore rask på sekstimeteren ein gong i tida.

– Me tok ferjo te Skånevik for å gå te tannlegen! fortel Hjalmar Heimvik (27).

I dag ber det til Husnes, men på åttitalet, då han gjekk på skulen, var det framleis ein ferjetur når borna skulle til tannlegen frå Utåker. Det var ikkje fritt for at han gjekk glipp av ei ferje eller to før han skulle heimatt, for der venta jo resten av skuledagen, minnest han. I Skånevik var det snoping og handling. I handa hans far held Joakim (3).

Bussjåfør Jens Magnar Berge skal vera i Bergen 19.05. Han startar frå kaien klokka tre og vil vera framme halvannan time før M/F ”Skånevik”. Han slår ut med handa mot ferja:

– Eg har hatt mine år på denna her, eg!

Siste av sitt slag
Ferja er ferdig bunkra og vi legg ut.

– Denne ferja er den einaste som er igjen i landet, av fem som vart bygde. Byggjeåret er 1967, fortel Viggo Nonås, styreformann i Ferjelaget ”Skånevik”.  Les meir i Innsida.no

27.07.05 Sykkelturisme til hotellet
  Grannar:  Går det slik prosjekt-leiar Gro Røhne Andersen håpar og trur, kan talet på sykkelturistar i Skånevik få seg eit kraftig oppsving.

Bygda kan koma til å bli ein av overnattingsstadane i ein ferdigsydd turpakke for folk på tohjulingar.
— Me er førebels på uttestingsstadiet, men det er mykje som talar for at Skånevik vert ein naturleg stoppestad.
Saman med leiar i Samarbeidsrådet for Sunnhordland, Gro Jensen Gjerde, kollega Anne Almås Tranøy og testkanin Jorunn Eilertsen Rykkje, var Gro Røhne Andersen på sykkelsetet tre dagar første veka i juli.
— Me starta på Stord. Først tok me ferja frå Skjersholmane til Sunde, og sykla derifrå til Rosendal. Her overnatta me på det lokale fjordhotellet, før turen heldt fram til Omvikdalen, over fjellet til Matre og ned til ferja som tok oss til Skånevik. Etter ei god natts søvn på Skånevik Fjordhotel tok me ferja til Utåker, sykla til Sunde og returnerte med ferja attende til Skjersholmane og Stord. Ei flott oppleving frå sykkelsetet, sjølv om einskilde parti var litt tyngre enn dei andre, smiler Røhne Andersen.

Kvalitetssikring
Målet med denne testturen var å sjå korleis det i dag er lagt til rette for folk som ønskjer seg ei turoppleving på sykkel. Og ikkje minst finne ut kva som må på plass for å gjera turforslaget til ei god totaloppleving.  Les meir i Grannar
 
26.07.05 Etterspurd lekter
  Grannar:  Første helga i juli gjorde den største lekteren til Johannes Røgelstad nytte som ekstra kaiplass under Skånevik Bluesfestival. Noko som definitivt høyrer til unnataka for den etterspurde kolossen.

Nett no vurderer Røgelstad eit tilbod om å ta utstyr og lekter nord til Aukra, for å gjera ein innsats i samband det gedigne Ormen Lange-prosjektet.
Johannes Røgelstad er 40 år, og skåneviksbuen har allereie drive rimeleg stort med gravemaskiner i bortimot halvparten av levetida si. I samband med at entreprenørselskapet hans fekk veldig mykje arbeid i samband med bygginga av Trekantsambandet, vart den første lekteren kjøpt inn. Seinare har både vinsjar, store anker, slepebåt og endå eit par store lekterar vorte bokførte som driftsmidlar i selskapet.

Steintransport
Det finst ein del lekterar i marknaden, men ikkje så mange av dei er utstyrte med slitesterke overflater, som dei Røgelstad eig.
— Det gjer at me kan frakta inntil 1500 tonn stein i gongen. Slikt monnar, fortel Røgelstad.
— Ein del stader er ikkje vegane dimensjonerte for tungtransport. Andre stader er det rett og slett ikkje mogeleg å kome til utan frå sjøsida, seier mannen, som meir eller mindre har bygd opp heile Skålnes hytte- og bustadfelt i Skånevik med tunnelstein frå Bømlafjorden.  Les meir i Grannar

26.07.05 Tunnel til Etne?
  Bør politikarane og aktuelle instansar snarast setja i gong med å arbeida hardt for at det så snart som råd  vert laga ein tunnel mellom Skånevik og Etne?  Svar på meiningsmålinga til høgre på startsida. ( Ein stemme for kvar IP-adresse )
  Mellom anna Samferdselsplanen for Sunnhordland, innlegg av Aksel Kloster og fleire avisartiklar ( sjå denne sida ) peikar på at det bør byggjast ein tunnel mellom Skånevik og Etne.  Til beste for Skånevik, Etne og heile Sunnhordland. 
  Skriv gjerne også eit lesarinnlegg her om  saka.  Det hadde vore særleg fint om rådmannen, ordføraren, alle kommunepolitikarane frå Skånevik og alle næringsdrivande vil uttala seg i denne sakja.
  
26.07.5 Sviktar ikkje Skånevik
  Haugesunds Avis:  Ordførar Bjarne Berge i Kvinnherad vil høyra på alle ferjeargument, men han ser ikkje for seg at kvinnheringane vil svikta Skånevik.
ROSENDAL: Kvinnherad-ordføraren ser det som heilt utenkeleg at Skåneviksambandet skulle bytast ut med eit forbetra Halsnøy–Utbjoa-samband.
– Trafikken i Skåneviksambandet fekk seg ein knekk då Trekantsambandet kom. I den seinare tid har trafikken Utåker–Matre–Skånevik tatt seg opp igjen. Store delar av Kvinnherad har også tradisjonelt hatt eit sterkt hopehav med Skånevik, resonnerer ordførar Berge.

Åpen
– Betyr det at du seier nei til å satsa på Sydnes–Utbjoa?
– Nei, eg stiller meg åpen for alle gode argument, men eg skiftar ikkje ferjesamband etter ein avisartikkel!
– Kva seier du til at det blir 35 km kortare frå Husnes til Haugesund over Halsnøy?
– Dette er tal du gjev meg i dag. Det er klart slike innsparingar kan føra til at folk vil køyra denne vegen. Nå får me bruka tida fram til Halsnøysambandet opnar i juni 2005 til å sjå nærare på dei ulike ferjealternativa. Les meir i Haugesunds Avis
  
26.07.05 Ligg unna, Bergsvåg
  Haugesunds Avis: Ungdommen i Skånevik har ein klar beskjed til ordførar Arne Bergsvåg i Ølen: Ligg unna ferja vår!
SKÅNEVIK: – Sommarstid er det liv her. Vinterstid er ferja alt me har. Korleis skal Skånevik klara seg utan ferjetrafikken?
Kompisane i to bilar i Skånevik sentrum meiner Skånevik må slåss med alle midlar for å halda på ferja og dei reisande.
Dei er einige med sin eigen ordførar, Amund Enge, om at Skånevik blir sentral og «uslåeleg» som trafikknutepunkt om dei får tunnelen til Etne.
– Men kan dei verkeleg meina at me skal venta til 2025? spør ungdomane.

Tunnel
– Alt då eg flytte til Skånevik i 1965, sa eg i ei blanding av alvor og spøk at her skulle me hatt eit hol til Etne, seier Åse Udstuen utanfor Spar-butikken.
– Utan ferje blir det heilt dødt. Me må satsa på tunnel og halda på ferjetrafikken, meiner ho.
– Eg brukar ferja rimeleg ofte, ettersom eg kjem frå Sunde, seier Anita Voster Vannes. Ho trur på ei god framtid for Skånevik og ho trur ho skal få oppleva at tunnelen til Etne blir opna.
– Eg trur også på tunnel, men det blir neppe i mi tid, sukkar Åse Udstuen (58).  Les meir i Haugesunds Avis


07.07.05 På cruise med veteranferje
  Grannar: Varm austavind røska godt i både pensjonistar og palestinske ungdommar. Livet var likevel herlig om bord i veteranferja MF «Skånevik» på tysdag.
— I saw the mountains, seier palestinske Amer (13, medan han leverer tilbake kikkerten til pensjonist Gudolv Bech-Hanssen frå Skånevik.
Det var eit utradisjonelt følgje som var på cruise med kulturferja MF «Skånevik» tysdag: pensjonistar frå Etne og ein gjeng palestinske ungdommar, som har vore gjester i kommunen dei siste to vekene.
— Speidaren i Etne spurte om me kunne vere vertskap ein dag for dei palestinske gjestene. Me kom på at me ville by dei på noko dei ikkje er vande me å oppleve, og me tenkte ein båttur måtte vere best, forklarer ordførar i Etne, Amund Enge, som også naut tysdagen på sjøen.
I samråd med ferjelaget i Skånevik, samt Lions i Etne og Skånevik, fann ordføraren ut at han også ville invitere pensjonistane med. Les meir i Grannar
  
04.07.05 Sterk miks i bluesbygda
  Grannar:  Skånevik Bluesfestival har klart det på ny. Til fots, i bil og ikkje minst i båt har folk kome i hopetal til denne sjarmerande vestlandsidyllen. Mange for å høyra bluesmusikk. Men kanskje endå fleire for å oppleva den heilt spesielle stemninga som oppstår i kjølevatnet av bluesen. Og det skal arrangørane gjerne vera glade for.

Av alt det sterke som vart slukt rått i helga, spørst det vel om ikkje Froddien tok kaka. Denne energibunten av ein vokalist i Stavangerensemble. Ein mann som me trudde hadde si stordomstid tidleg på 80-talet, men som heilt tydeleg må ha konservert både form og intensitet på eit uforklarleg vis. Ikkje såg Frode Rønli ut til å vera ein dag eldre enn den gongen, og makan til konsertoppleving som det publikum fekk servert på plattingen utanfor House of Blues, skal ein vera rimeleg heldig om ein får oppleva ein gong til. Og iallfall ikkje ein artist som har meir nærkontakt med publikum.
«Husker du»
Det er ein del år sidan Odd Grythe gjekk i grava, og med han det populære tv-programmet «Husker du». I Skånevik denne helga fekk ein litt «Husker du»-assosiasjonar. Med Stavangerensemble og svenske Europe som dei fremste eksponentane. Men det funka jo som sagt heilt fullkomme. Heldigvis hadde arrangørane også lagt opp til ei skikkeleg ungdomleg avslutning.
— Big Bang var berre heilt utrulege. Dei leverte frå første sekund. Det kan ein vel ikkje i like stor grad seia om mange av dei andre som har vore i teltet desse dagane, seier Kathrine Tungesvik frå Skånevik  
Les meir i Grannar   Les meir i BT   Les meir i BT  Les meir i Haugesunds Avis
  
27.06.05 Breie band over bygdene
  Grannar:  Kommunane Etne og nye Vindafjord har teikna kontrakt med Haugaland Kraft om utbygging av eit fibernett med høg kapasitet. Dei fleste kommunale kontora skal vera kopla saman i løpet av eit års tid.
  Avtalen går over sju år, og kostnadene er fordelt med 7,1 millionar kroner for nye Vindafjord og 2,8 millionar for Etne kommune. Når infrastrukturen er på plass, kan næringslivet og privatpersonar kopla seg på. Dette var ikkje minst ordføraren i Etne, Amund Enge, oppteken av.
— Dette er kjempeviktig for alle. Me skal vera ein bjøllesau som skal dra dette heim, slik at innbyggjarane våre kan dra nytte av det, sa Enge.
— Det er ein viktig del av den samfunnsbyggjarrolla kommunen har, sa rådmann Elling Hetland, som har forhandla fram avtala i samarbeid med prosjektleiar Helge Thorheim i nye Vindafjord.  Les meir i Grannar
 
24.06.05 Utstillinga ONE MOMENT
  Rama, Eugenia og Elisabeth: Velkommen til utstillinga ”One Moment” i sildafabrikken i Skånevik.  Opning onsdag 29. juni kl. 19.00.  Alle er hjarteleg velkomne.  Opningstider elles er:
Torsdag 30.juni – Laurdag 2. juli kl. 11.00 – kl.17.00. 

Rama Lee frå Sør-Korea og Elisabeth Emmerhoff frå Skånevik har fotografert 15-16 – åringar på skulen i Sør – Korea og i deira eige miljø i Norge ( Skånevik )  Det er vel som Olav H. Hauge seier det:  ”Ungdommen eig kjensler og draumar.  Han fyller dei skralaste vers med innhald”.   Rama og Elisabeth studerer begge Fashion Photography ved London College Of Fashion.  Til hausten startar dei på tredje året i eit BA-studium.

Eugenia Ivanissevich frå Argentina studerer andre året Fine Art ved Central St. Martins College Of Art i London.  Hennar arbeid er portrett av mogelegheiter av fantasi i kvardagen.  Ho vil gi tilbakeblikk på hennar korte karriere og sjølvbiografiske arbeid.

Me talar ikkje her om ei stor verdslansering, men om det viktigaste tre unge menneske har gjort nokon gong i lag – til og med i Skånevik.  Velkommen til utstillinga!

Helsing Rama, Eugenia og Elisabeth       Les også artikkel i Grannar
 
13.06.05 Sluttrapport for Skånevikproskjektet
  I Skånevik var det eit stort gap mellom reell situasjon i bygda og den situasjonen bygda ville ha. Bakgrunn for dette var blant anna nedlegging av Norway Foods si avdeling i Skånevik med ca. 60 arbeidsplassar.

Det var for få arbeidsplassar, ønskje om fleire innbyggjarar og positiv utvikling av tettstaden Skånevik.

Det var viktig med tiltak som kunne hjelpa til med å tryggja og vidareutvikla eksisterande verksemder, men og hjelpa til ved etablering av nye.

Skånevik ønskte fleire arbeidsplassar, betre infrastruktur og betre tilrettelegging for tomter, reiseliv og båtturisme.  Les heile rapporten
  
13.06.05 Publikumsrekord på Torget
  Grannar:  Perfekt vêr og publikumsrekord markerte 20-års jubileumet for torgdagane i Skånevik. Her kunne ein finna buer med mykje forskjellig og eit program heile dagen som laga liv og røre i Skånevik sentrum.

Det kunne knapt vorte betre vêr i Skånevik då torgdagane vart arrangert for tjuande gong i helga. Fredag var det mykje regn, og det var litt usikkert korleis det kom til å gå med torgdagane. Men på dei tjue gongane torgdagane har vorte arrangert, har det berre regna to gonger, og ein gong litt skiftande regn.
— Det er sjølvsagt noko som me nesten må ha for at torgdagane skal bli ein suksess. Om det hadde regna her i dag, har me jo ingenting under tak, og då vart det eit problem, seier Victor Carlsen jr som har vore konferansier for torgdagane i atten år.
Folket som møtte opp kom frå heile distriktet, og det var i følgje Carlsen jr. mest sannsynleg publikumsrekord på torget i Skånevik sentrum laurdag.

Inntekter til idrettshallen
Torgdagane starta på fredag, då den tradisjonelle revyen vart vist fram i idrettshallen. Kring 3-400 personar møtte opp for å sjå revyen, som etter kvart har fått fleire og fleire lokale kreftar med ungdom som vil vere på scena.  
Les meir i Grannar
  
13.06.05 Bilferge fredet

 

03.06.05 Det meste klart for Torgdagane
  Turid Straumsøy:   Ei veke før Torgdagane no, og det meste er på plass. Ekstra kjekt har det vore å få god respons på Kassabilløpet som me skal ha utanfor hallen fredag kl. 18, rett før Jubileumsforestillinga. Til torget lørdag har me pr. i dag 23 utstillarar, noko som er veldig flott. Her vert det alt frå antikviteter og snurrepiperier til heimelaga vårruller og eplesaft.

Veteranbiler kjem og vert utstilt, og i tillegg vert det høve for dei minste å kjøre veterantøbil.  Sjå nærare program.  Me gler oss og håpar vergudane er med på vårt lag i år og når me skal prøva med Utedans etter gammalt.  Me ynskjer alle hjertelig velkomne til Torgdagane og vonar alle vert med å kler seg ut!

Gluntan og Queen Bees til Skånevik!  
  Det skjer masse spennande ut over hausten og. Fredag 26. august skal me ha Dansbandkveld på Idrettshallen. Då har me fått GLUNTAN til Skånevik. Dei spelar opp til dans saman med gruppa EDO frå Kvinnherad. Gluntan har 40 års jubileum i år så dette ser me fram til!

Seinare kjem også trioen QUEEN BEES til Skånevik.  13.nov. arr. SIH konsert i Skånevik Kyrkje. Dette vert garantert ein fantastisk oppleving for alle aldrar. Trioen består nemlig av Anita Skorgan, Marianne Antonsen og Rita Eriksen.  Mykje flott å sjå fram til!
 
09.05.05 Selde flest varmepumper
  Grannar: Varmepumpespesialisten frå Skånevik har seld flest Toshiba varmepumper her i landet dei siste fire åra, og kom nyleg heim med to pokalar som synleg bevis på det.
  Med mesteparten av Vestlandet mellom Bergen og Stavanger som marknad, har Varmepumpespesialisten i Skånevik seld mest varmepumper av merket Toshiba i heile landet sidan dei starta i 2001. For dette mottok dei nyleg pokalar og påskjøning frå Toshiba sentralt.
Marknadssjef i Toshiba, Gunnar Solem, seier det er viktig å støtte opp om lokale firma.
— For både oss og kundane er det avgjerande å ha sterke, seriøse aktørar. Difor er det viktig å støtte opp om dei. Eit slikt resultat som Varmepumpespesialisten har oppnådd, gjer seg ikkje over natta, seier Solem.
Det er brørne Einar og Charles Arefjord, saman med Frode Molnes, som står bak Varmepumpespesialisten, som er autorisert forhandlar for Toshiba. Dei har dessutan tilsett installatør og kontormedarbeidar. Kontor og lager har dei på Skånevikstranda, men arbeidet gjer at dei er ute på reise det meste av året, fortel dei.   Les meir i Grannar
  
08.05.05 Skånevik i sentrum
  Aksel Kloster:  Vil Skånevik som følgje av nye samferdselsprosjekt i Sunnhordland og Haugalandet bli meir isolert? Det er ingen tvil om at Skånevik så langt særleg har tapt på realiseringa av Folgefonntunnelen.

Personleg trur eg Skånevik etter kvart vil kunna profittera på Åkrafjordvegen (800 millionar kroner), Trekantsambandet (1.8 milliardar kroner), Folgefonntunnelen (420 millionar kroner), Rullestadjuvet (300 millionar kroner), Halsnøysambandet (350 millionar kroner) og Jondalstunnelen (520 millionar kroner).

Etter kvart kjem Tverrforbindelsen, Fjelbergsambandet, vegen Sauda-Etne, vegomlegginga forbi Røldal, kystamvegen over Tysnes, Rogfast og ei innkorting av vegen mellom Skånevik og Etnesjøen (dersom Etne kommune vil). Særleg Kyststamvegen og Haukelivegen vil etter kvart som investeringane kjem, verka som ein magnet på utviklinga på Haugalandet og i Sunnhordland.

Det er eit ordtak som heiter at trafikk avlar trafikk. Det er eit faktum at Skånevik ligg midt inne i den samferdselsrevolusjonen som føregår/vil føregå i Sunnhordland og Haugalandet. Uansett kor ein bur i dette geografiske området, vil ein etter kvart kunna nå Skånevik innan ein akseptabel tidsavstand.

Utbygging av store nye samferdselsprosjekt fører til vegutbetring på dei mellomliggjande traseane. Utbetringstiltaka rett og slett tvingar seg fram fordi ein elles ville få store flaskehalsproblem. Dessutan genererar nye samferdselsprosjekt auka biltrafikk og større trafikk på dei ferjer som ikkje er avløyste - og snøggbåtane.

Det er såleis ikkje utan vidare sikkert at ferjetrafikken på sambandet Skånevik-Matre-Utåker vil gå vidare ned, sjølv etter at perioden med førehandsbompengar på sambandet Sunde-Ranavik-Skjersholmane er over sommaren 2008.

Eg trur eg ein generell trafikkauke i området kan gje sambandet Skånevik-Matre-Utåker ein vekst, særleg dersom kreative miljø maktar å marknadsføra det aktuelle ferjesambandet - også kva gjeld opplevingsreiser gjennom Odda, Kvinnherad og Etne. I eit slikt rundreiseprogam bør Skånevik framstå som den perla den er.

Etter at Ølen kommune no er blitt Vindafjord kommune, og er blitt ein del av Rogaland fylke, vil det vera naturleg at Skånevik vert endestogg for snøggbåtane i søre/indre Sunnhordland, der kreative krefter får fram ein superterminal i Skånevik, med link mot Haukeliekspressen og kommunikasjonane elles til Hardanger, Haugalandet og Austlandet.

Gjennom arbeidet med samferdselsplanen for Sunnhordland har Hordaland fylkeskommune akseptert ei snøggbåtsatsing på Skånevik. Det bør følgjast opp i eit samspel mellom Etne kommune, Hordaland fylkeskommune og kreative krefter i Skånevik. Skånevik ligg langt frå Bergen, men er likevel ein del av Hordaland fylke, og ei plikt for fylkeskommunen.
  
30.04.05 Sammen igjen
  Haugesunds Avis:  Chris Jespersen er vraket fra landslaget neste sesong. Nå vender han tilbake til gamletrenerne og satser på egen hånd.
 Etter to skuffende sesonger som seniorløper, er juniorverdensmesteren på 30 km fra 2003, Chris Jespersen, vraket fra landslagstroppene neste sesong.
– Ingen overraskelse. Var forberedt på at det kom til å skje. Derfor ble jeg ikke så skuffet. Har godt av et spark i baken. I stedet for å irritere meg over å bli kastet ut, velger jeg å se framover og satse som aldri før. Jeg har ikke gitt topp å bli en toppløper. Treningsmessig vil det ikke være negativt å stå utenfor. Nå kan jeg kjøre det opplegget jeg ønsker. Det er verre å tape den økonomiske støtten på 4000 kroner måneder medgir Chris, full av energi og revansjelyst til å ta fatt på en ny sesong.
– Jeg vil vise at jeg er mye bedre enn det jeg har prestert denne sesongen. Vise landslagslagsledelsen at det å stå utenfor landslagstroppen ikke er noe handikap. – Hvilken begrunnelse hadde de for å vrake deg?  Les meir i Haugesunds Avis 
 
27.04.05 Gledesspreiar fyller år
  Grannar: Når Lars Christophersen i Skånevik fyller 80 år komande onsdag, kan han sjå tilbake på eit rikt liv med svært mange gjeremål.
  I dag takkar Lars Christophersen ei god helse for at han har det fint i pensjonsalderen sin. Han fyller dagane med å vere ryddegut i butikken han har overlete til sonen Alf Warloe, og hagearbeid, som han gjer saman med kona Gudbjørg.
Ein frilufts- og arbeidsmann som han, vil mange tru har gått gjennom livet utan sjukdom. Men det har ikkje vore slik, fortel han. Då han var 54 år gammal gjennomgjekk han same hjarteoperasjon som den kong Harald nå gjennomgår.
— Ja, eg vart operert på Haukeland sjukehus, og fekk inn ny hjarteklaff. Denne har eg nå hatt i 26 år, og eg har vore heilt god heile tida sidan, fortel han.
I både arbeid og fritid begynte han fort å fungere som normalt.
Tidleg handelsmann
Lars Christophersen begynte som handelsmann 18 år gammal. Berre avbrote av militærtenesta, der han siste delen av denne tenestegjorde i Tysklandsbrigaden, har han drive butikk i Skånevik.  Les meir i Grannar
  
18.04.05  Steinulf Tungesvik ny leiar i Noregs Mållag
  Haugesunds Avis: Tromsø: Steinulf Tungesvik ble valgt til ny leder i Noregs Mållag under organisasjonens landsmøte i Tromsø i helgen.
Det er en spennende utfordring å bli valgt til leder i Noregs Mållag i jubileumsåret for unionsoppløsningen, og inn i 100-årsjubileet til Noregs Mållag i 2006, sier han.
Tungesvik er fra Skånevik og jobber til daglig som forretningsadvokat i Oslo.
Under landsmøtet appellerte mållaget til at nynorsken må bli mer synlig også i riksmediene, og ikke bare brukt i meningsytringer. På landsmøtet var Kjartan Fløgstad en av dem som frontet dette sterkest.  Les meir i Haugesunds Avis og artikkel i Grannar den 27.04.05
 
14.04.05 Hausta medaljar på Bremnes
  Grannar:  Ungdommane frå Skånevik og gamlekarane frå Ølen markerte seg sterkt på samlagstemnet i feltskyting som vart avvikla på Bremnes søndag.  I veteranklasse V73 gjorde ølenskyttarane reint bord med å ta dei tre førstee plassane. Meisterskapsmedaljen i klassen gjekk til Olaf Øvrevik med resultatet 41/9, 2. plassen til Knut Trovåg med 41/7 og 3. plassen til Johan Opheim med 39/2. Ein flott innsats av dei trufaste veteranane som alltid stiller opp og alltid er like blide.
På meisterskapen på grovfelten gjekk sølv- og bronsemedaljen til høvesvis Arne Leknes og lagkammeraten Roar Knutsen frå Skånevik. Både stoppa på 40 treff, og dei måtte avgjera rekkjefølgja seg imellom med omskyting. Blant ungdommane var det Sondre Tesdal Galtung frå Etne i kl. Rekrutt som gjorde det best med 2. plassen i meisterskapen.  Les meir i Grannar
  
12.04.5 Naturen kallar
  Haugesunds Avis:   - Nam, nam, seier Kathrine Bøthun og luktar på den lett svidde pølsa. Speidarjentene har plassert seg sentralt i campen og slår an tonen.
  Oppe ved idrettshallen trakterer Mari (4) hammaren. Pappa Vidar Rasmussen hjelper til. Like nedafor er store og små Robin Hood'ar i gang med pil og boge. Andre prøver seg med dykking i det store bassenget eller perlegraving.
Det er messe i Skånevik for naturentusiastar frå fjernt og nært. 2.000 besøkande – litt fleire enn i fjor – fordelt på heile helga er bra, og alt har gått som smurt.
– Strevsamt, men slik skal det vera på eit arrangement som dette. Her har det gått unna og folk er tilfredse. Tilbakemeldingane frå publikum og utstillarar har vore udelt positiv. Dette er kome for å bli, smiler ein tilfreds arrangørsjef Turid Straumsøy, og pustar letta ut sundag kveld.
Tidlegare på dagen var det liv og røre både ute og inne i idrettshallen. John S. Opdahl frå Steinskjer er ein av 40 utstillarar som har tatt vegen til Skånevik. Han sel friluftsklede og diverse utstyr til jakt, og har ordet i si makt.
Les meir i Haugesunds Avis og i Grannar.
   
09.04.05 Vilt og lokkande
  Haugesunds Avis:  40 utstillarar og aktivitetar på rekke og rad ventar dei mange som i helga lar seg lokka til Skånevik.
  – Responsen er stor. I fjor hadde me 1.800 besøkande – i år håpar me på minst 2.500, seier primus motor Turid Straumsøy.
Jakt-, fiske- og turdagane i Skånevik blei arrangert for første gong i fjor og har alt etablert seg som den større messa på Sør-Vestlandet innan denne nisjen. Det var tjuvstart fredag kveld med jaktskrøner og andre gode historier frå naturen, etterfylgd av tettpakka program både laurdag og sundag.
Arrangementet er lagt til idrettshallen og området rundt. Den største attraksjonen for det vaksne publikumet blir for mange redaktør John Sivert Opdahl i magasinet Jæger og Fangstmann.
– Han er ein nasjonal kapasitet og trekkjer folk frå langt utanom regionen, seier Straumsøy.

For store og små
På programmet står blant anna pil- og bogeskyting, kåring av Herr og Fru Villmark, kasting med fiskestang, spikring av fuglekassar, perlegraving og Gokart-køyring.
I tillegg får besøkande servert ei rekkje tematiske innslag; som videofilm frå naturen, lysbildeføredrag om hjortebrøl, lokkekurs på rov- og klauvdyr og føredrag om jakt med bandhund.
– Dette blir ei helg som byr på rike opplevingar og spennande aktivitetar både for store og små, seier Turid Straumsøy, som er svært glad for at dei nye hotelleigarane i bygda har skunda fram opninga av Skånevik Fjordhotell.  Les meir i Haugesunds Avis

04.04.05 Hotellet er opna
  Grannar:  Gjestene kom langvegsfrå for å vere med på opninga av Skånevik Fjordhotell laurdag. Den største overraskinga var Hanne Krogh.
  — Eg har jobba mykje med Hanne Krogh, fortel Inger Karin Larsen Nerheim, ny medeigar og dagleg leiar ved hotellet.
Saman me dei fem andre i den nye eigargruppa til Skånevik Fjordhotel, ønskte ho velkomen til opningsfest laurdag kveld. Slekt, vener og samarbeidspartnarar stod på gjestelista. Til stades var også gjester heilt frå Finland, Estland og Polen, som Nerheim har samarbeidd med i eit EU-prosjekt.
Hotellet blei høgtideleg opna med champagne og snorklypping, før dei kring 100 gjestene sette seg til bords for å nyte maten som kokk Peggy Molnes hadde laga.
Haugesundsgruppa «Ein.. og to» opna med musikalske innslag, før høgdepunktet og overraskinga denne kvelden, Hanne Krogh, følgde opp med meir musikk. Ho starta med «Mellom bakkar og berg», fordi ho synst kvelden fortente ein nasjonalsong. Les meir i Grannar
   
25.03.05 Kveldsete med Olav Duun i sentrum
  Skånevik Mållag:  Serien av kveldseter i Skånevik Mållag sin regi  held fram.  No står ein Olav Duun-kveld for tur,  og det blir torsdag 7. april kl. 19.30 på MA-senteret Toflebrekko.

Den kanskje aller fremste Duun-kjennaren i landet,  professor Otto Hageberg,  blir foredragshaldar denne kvelden.   Han er professor i nordisk litteratur ved universitetet i Oslo,  men har sterke røter på denne sida av Langfjella.   Han har hytte ved Langenuen og familie i dei næraste bygdene.  Han vil dela av sin rike kunnskap når det gjeld både liv og dikting hos Olav Duun.

Som vanleg ét me kveldsmat i lag,  og det blir bokutstilling frå våre kommunale bibliotek.   Det blir òg ei enkel utlodding. Det kunstnarlege denne kvelden  ventar enno på si avklåring,  men me kan lova at det blir bra saker.   Alle er velkomne,  og me helsar vel møtt. Skånevik  Mållag.
  
23.03.05 Tunnel Skånevik - Etnesjøen
  Aksel Kloster:   Dersom Skåneviks-samfunnet, Etne kommune, Kvinnherad kommune, Samarbeidsrådet for Sunnhordland og Haugalandsrådet står hardt nok på, og er viljuge til å bruka ein del eigne ressursar, er det realistisk med ein tunnel mellom Skånevik og Etne om ikkje altfor mange år.

Det er nyttelaust no å prøva få tunnelen prioritert når Stortinget handsamar handlingsprogrammet i Nasjonal Transportplan for perioden 2006-15 seinare i år.  Men dersom det lokale engasjementet blir stort nok, og det vert sett inn planleggsmidlar (også lokale), vil prosjektet kunne vurderast for realisering i samband med rulleringa av Nasjonal Transportplan for perioden 2011-15, under alle omstende i fyrste del av neste vegplanperiode som startar i 2016.

Det er i røynda to realistiske tunnelalternativ me talar om. Det er tunnel mellom Skånevik sentrum og Etne sentrum, eller ein vesentleg kortare tunnel mellom Tungesvik og Håland.

Tunnelen mellom Skånevik sentrum og Etne sentrum er på 7 km og vil kosta 500 mill. kroner.  Køyretida i tunnelen vil vera 8 minutt. Tunnelen mellom Tungesvik og Håland er 3.5 km og vil kosta 250 mill. kroner. Køyretida i tunnelen er 4 minutt.

Begge tunnelane kan finansierast med reduserte ferjesubsidiar på ferjesambandet Utåker-Matre-Skånevik, bompengar, riksvegmidlar, sal av steinmassar og eventuelle lokale tilskot.

Dersom bompengeperioden vert på 15 år (som er det vanlege), vil det vera mogeleg å finansiera 150 mill. kroner med bompengar. Det vil truleg la seg gjera å bruka 50 mill. kroner over femten år i sparte ferjesubsidiar. Statens vegvesen sitt bidrag lyt avpassast etter kva som vert den endelege prislappen på tunnelen.

Ei innkorting med tunnel av Rv 48 mellom Skånevik og E 134 i Etne vil ha relativt høg kost-nytte verdi. Fyrst og fremst fordi dei to tettstadane i kommunen vil gje kvar andre store synergieffektar. Ein vil kunna utveksla varer, tenester, kapital og arbeidskraft på ein meir aktiv møte. Sentrumsfunksjonane vil kunna styrkja seg i begge tettstader. Dessutan vil sjansane for å få realisert eit nytt vegsamband mellom Sauda og Etne auka monaleg, og det kan bli ein gjennomfartsveg Sauda-Etne-Skånevik-Kvinnherad-Bergen.

For kvinnheringane vil ein tunnel kunna konkurrera med ei lang ferjereis mot Stord og trekantsambandet dersom ein skal sørover. Fleire reisande på vil innebera fleire avgangar og betre matriell på ferjesambandet Utåker-Matre-Skånevik. Det økonomiske, kulturelle og sosiale samkvemmet mellom Kvinnherad og Haugalandet vil betra seg. Skånevik og Kvinnherad kan meir utvikla sitt samkvem.

Aksel Kloster

22.03.05 Moderne Bygdeutvikling eller Byutvikling
  Leif Arne Løvereide:  Bygdeutvikling, kva er egentlig det? Det klinge liksom ikkje av ennå. Byutvikling er noko heilt anna, det svingar det av. Det er heilt naturleg. Det er som me kjenner susen heilt opp i postkassane våre. Sidan eg er konstant bygdeoptimist og har delteke på eindel bygdeutviklingsseminar på vestlansdet dei siste åra, oftast som einaste Etnebu, motar eg meg opp til å meina noko i lokalavisa om temaet.

Mi erfaring frå slike seminar er at erfaringsutveksling og kontaktknyttinger er av stor verdi, for det er mykje flinke og oppfinnsomme folk langs vestlandskysten som har funne opp krutet i mange variantar. Bygdeutvikling skjer kvar einaste dag også i våre bygder. Kanskje er tida inne til å fornye begrepet til ”Moderne Bygdeutvikling”.

På bygdeutviklingsseminaret ”frå buplikt til bulyst” i Eidfjord nyleg vart det hevda av professor Amdam frå Høgskulen i Volda at bygder og grender vil skilje seg ut framover. Dei bygdene som vel å vere aktive med utvikling og tilpasse seg, blir populære bustadsbygder, og dei bygdene som stikk hovudet ned i sanden og håpar å få det oppatt før det frys fast kjem til å merka nedgang. Last ned heile artikkelen ( Word dokument )

Les også om kurs i Kultur- og naturlosing

22.03.05 Konferansen " Fruktbar framtid" i Hardanger
Lagt ut av Leif Arne Løvereide:

* Korleis styrke regionalt reiseliv og matproduksjon: * Mat og kulturlandskap som merkevare.

1.  Internasjonal konferanse om kulturlandskap - turisme - lokalprodusert mat m.m.  
2.  Storstilt streif i eksotiske frukthagar i Hardanger med Dronning Sonja
3.  Festkonsert med kjente nasjonale kunstnarnamn og tittelen :Kunsten i Landskapet - landskapet i kunsten.

Dette treledda arrangementet er årets storhending i Hordaland innanfor turist og landbrukssektoren. Reiseliv er ei av dei viktigaste næringsvegane og næringssatsingane i Hordaland - utpeikt som eit satsingsområde i alle dei strategidokument som er verdt å lese. Den mest spennande koplinga dreier seg no om reiseliv - kultur og landskap og mat.. Fokus i morgondagens reiseliv er den kunnskapstørste, opplevingsorienterte og kulturinteressert turist - som gjerne vil utforske og bli kjent med sine reisemål. Morgendagens gjest vil ha opplevingar for sinn og skinn - ikkje sjå naturen gjennom glasrutene i bussen eller pjolterglaset i i baren. Landbruket står framfor store utfordringar og mulegheiter for å få i gang gode samarbeidstiltak - og næringsutvikling retta mot eit ekspanderande reiseliv.

1. Torsdag den 21.april På konferansen stiller vi med dei mest spennande namna innanfor reiselivs - og landbrukssektoren. Som rosina i pølsa vil vi nemne National Geografic Traveler - som kåra desse fjordane vår høgast på si rankingliste over verdens beste reisemål. Tidlegare EU-landbrukskommissær Franz Fischler, Dr. John Woolliams, Roslin Institute, Edinburgh, UK.  Marketingdirektør Christoph Engl frå Südtirol og Direktør Jonathan B. Tourtellot, frå National Geographic Traveler.   Denne dagen vert avslutta med ein kulinarisk middag som vil overgå det meste av det som har vore dandert der inne i fjorden.

2. Fredag den 22 april vert det ein storstilla folkefest på Reisæter . Det vert laga til ein stort mat - og kulturmarknad på garden Reisæter som ligg med Folgefonna som nærmaste nabo og med storslege utsyn over Hardangerfjorden. Her vil HM Dronning Sonja føreta den formelle opninga av "Streif i landskapet". Kanksje vil Herborg Kråkevik vere med å heve stemninga der oppe i lag med andre kulturkrefter. Lokale matprodusentar i frå heile regionen vil skipe til ein stort matmarknad - og Hardangerkokkane presenterer nye rettar i frå Hardanger. Deretter vert det vandring i landskapet gjennom frukthagene og til fjorden. Turen kan så gå til Agatunet - der det er kunstutstilling, aktiviteter og mat. Denne dagen kulminerer i ein storslegen konsert på Hotell Ullensvang - der også Dronning Sonja vil vere tilstades.

Vi syner elles til vedlagde brosjyre. Endeleg program for Streifet på Reisæter kjem seinare - sjekk vår nettstad www. streif.no .

Det er viktig at påmelding til seminaret må skjer med det første dersom det skal vere mogeleg å få hotellplass. Påmelding - sjå også vedlagde brosjyre.

  Med helsing
Ole Bakkebø

Program, brosjyre og påmelding for seminaret på Hotell Ullensvang 21. - 22. april 2005

18.03.05 Nye eigarar av hotellet
  Skånevik Fjordhotel har fått nye eigarar.  Inger Karin Larsen Nerheim har saman med sin ektemann Leif Kåre Kaldestad, sin bror Lars Inge Larsen, Kjetil Nedreskår frå Skånevik og Skånevik-ekteparet Gro Aasheim Bøthun og Øyvind Bøthun kjøpt det flotte hotellet i Sunnhordlands perle.  Skånevik nett på vil på det varmaste ønskja dei entusiastiske eigarane lukka til med drifta og framtida. Her er ein liten artikkel som sto i Bergens Tidende den 18.03.05 og i Grannar den 21.03.05.
  
17.03.05 Prøvesmak på brurestasen
  Grannar:  Med hårshow, moteshow og brureshow på ein gong var det nok for alle som møtte opp i idrettshallen i Skånevik laurdag kveld. Aktivitetsgruppa i idrettshallen hadde laga til showet til inntekt for idrettshallen, med god hjelp frå mange som gjorde jobben på dugnad.
  Både menn og kvinner i alle aldrar kom til det populære moteshowet i idrettshallen laurdag. Sjølv om ikkje alle hadde bryllaupstankar i hovudet, var det mykje anna å få med seg.
Det heile byrja med hårshowet. Det var Skånevik frisør, Hildes frisør og Duo frisør som viste modellar med det siste på hårfronten. Etter presentasjon av hårfrisyrane, var det Alfee sin tur til å vise siste nytt frå butikken sin. Modellane i sine flotte frysyrar hadde mykje fint å visa fram.
For å få eit slikt show perfekt, må ein også ha ein god konferansier. Alf Warloe Christophersen var ikkje beskjeden og fekk med sine gode replikkar publikum til å trekkje på smilebandet. Kveldens overrasking var eit sminkeshow frå Åshild Sævereid og Evelyn Bøthun. Desse to hadde sminka opp modellane sine, der Sævereid stod for make-up og Bøthun viste eit eige sminkemerke med namnet Volare.  Les meir i Grannar + eit svært positivt lesarinnlegg.
   
16.03.05 Inn i Kvinnherad Breiband
  Innsida.no:  Skånevik Ølen Kraftlag og Etne Elektrisitetslag har underteikna ein intensjonsavtale om å gå inn på eigarsida i Kvinnherad Breiband AS.

Komande fredag er det kalla inn til informasjonsmøte i Etne Elektrisitetslag sine lokale, der Kvinnherad Breiband AS og dei to kraftlaga vil orientera nærare om innhaldet i avtalen, og om planane for utbygginga.

I invitasjonen til informasjonsmøtet skriv dagleg leiar i Kvinnherad Breiband, Per Ove Kviteberg, at målet med intensjonsavtalen er å få gjennomført ei omfattande utbygging av breibandnettet i konsesjonsområda til dei to kraftlaga.  Kvinnherad Breiband er frå før eigd av Kvinnherad Energi og Fjelberg Kraftlag.  Les meir på Innsida.no

14.03.05 Anbod på snøggbåtkutt
  Stryke Ølen frå kartet eller halvere avgangane, er to av tre alternativ som skal ut på anbod for snøggbåtane i Hordaland.
Eitt av alternativa er å oppretthalde rutene slik dei er i dag i Sunnhordland. Men fylkespolitikarane vil ha to andre alternativ med til dels drastiske kutt, når snøggbåtane i Sunnhordland skal ut på anbod.

Skånevik ramma
For Ølen og Utbjoa er det mest drastiske alternativet at dei blir tatt heilt ut av rutenettet for snøggbåtane. I mellomalternativet mistar Ølen to avgangar, men pendlaranløpet på Utbjoa blir oppretthalde.
Forslaga til kutt får også konsekvensar for Skånevik. I det eine kuttalternativet mistar Skånevik eitt av fem anløp, og to i det mest drastiske forslaget som skal prisast.
Forslaga til kutt i Ølen og Skånevik er fase to etter at fylkespolitikarane i Hordaland med Høgre, KrF og Frp i spissen vedtok at snøggbåtane skulle ut på anbod.
Dermed måtte HSD leggje på hylla ein plan om å kjøpe inn mindre båtar for å kunne oppretthalde rutetilbodet i Sunnhordland.  Les meir i Grannar
 
09.03.05 Fleire reiser over Utåker
  Kvinnheringen:  Trendene frå 2004 held fram når det gjeld trafikken i ferjesambanda i Kvinnherad. Mellom Utåker – Matre – Skånevik har det vore ein formidabel vekst i ferjetrafikken i januar.
Heile 22,8 prosent er auken på. 6001 personbileiningar vart registrert i januar 2005, mot 4888 i fjor. Sambandet Løfallstrand – Varaldsøy – Gjermundshamn har hatt ein trafikkauke på 14,7 prosent. Her er det mellom Løfallstrand og Gjermundshamn trafikken aukar mest. Når det gjeld Leirvik – Ranavik – Sunde så var det færre bilar der i januar i år samanlikna med fjoråret. Nedgangen var på 4,8 prosent. Fjelbergruta har hatt ein auke på 1,4 prosent.  Les meir i Kvinnheringen
 
09.03.05 Ventar på tal frå Hordaland
  Grannar:    Rektor Ingrid C. Søndenaa ved Ølen vidaregåande skule tek det heilt med ro når det gjeld det relativt låge talet på søkjarar til allmennfag, så lengje tala frå Hordaland ikkje ligg føre.
Tala frå inntaksavdelinga ved opplæringsavdelinga i Rogaland fylke viser at 18 elevar har søkt allmennfaglina ved Ølen vidaregåande skule frå hausten.
Det låge talet bekymrar ikkje rektor Ingrid C. Søndenaa stort.
— Nei, så lenge tala frå Hordaland ikkje ligg føre, er det for tidleg å bekymre seg over det, seier ho.
Men ho legg ikkje skjul på at det er veldig viktig for skulen å ha to parallellklasser på allmennfaglina.
— Vi bør ha to klasser for å få nok elevar i gruppene, og blir vi redusert med ei klasse vil vi ikkje få det ressurstilfanget vi har nå.
Men søknaden til påbygging er veldig god, med heile 24 søkjarar. Dette har mykje å seie for allmennfaglina, seier Søndenaa.

Mange vil til Ølen
Elles er søknaden frå Rogaland til første opptak heile 212 elevar, noko som er svært godt.
— Dette er omtrent som i fjor. Så her lever vi i beste velgåande og har mange spennande ting på gang. Elevar frå mange stader ringer og vil kome hit. Dessutan kan vi ta inn vaksne elevar dersom dei vil spisse karakterane sine. Difor tek eg dette heilt med ro, seier rektor Søndenaa, som ser fram til at søknadslista frå Hordaland fylkeskommune skal bli offentleggjort om ikkje så lenge.  Les meir i Grannar
 
07.03.05 M/F «Skånevik» i trygg hamn
  Kunne du tenkje deg å feire bryllaup eller fødselsdag på «bøljan» blå? No har du høve til det. Ferjelaget Skånevik skal på dugnad gjere ferja frå 1967 betre enn ho nokon gong har vore. Allereie i sommar skal ferja ut på tur.
  Den 22. januar i år vart Ferjelaget Skånevik stifta. Det skal ta vare på ferja M/F «Skånevik», samt gjenstandar og installasjonar som har vore i tilknyting til den historiske ferja. Det å ta vare på den gamle ferja interesserer folk langt utanfor Skånevik, er adressene til styremedlemmene eit tydeleg bevis på. Folk frå heile Sunnhordland og Bergen er alle like engasjerte.
Sigurd Eikemo og Martin Skumsnes er Skånevik sine representantar i ferjelaget. Dei er svært glade for at ferja blir verande i Skånevik.
— Bygdefolket er einige med oss i at det ville vore for gale om M/F «Skånevik» hadde lege til kai ein annan stad enn i Skånevik, seier Sigurd Eikemo.
Ferja ligg til kai ved den gamle sildefabrikken. Eigaren av fabrikken, Arnold Holmedal frå Stord, var ikkje vond å be han fekk spørsmål om ferja kunne få ligge ved hans kai.
— Han sa at det ville vere ei stor ære å huse ferja. Han vart så engasjert i arbeidet til stiftinga at han no sit saman med oss i styret, seier Eikemo.  Les meir i Grannar
   
04.03.05 En Deep Purple vår
  Den legendariske hardrockgruppa Deep Purple kommer til Haugesund i mai. Gjør klar for «Smoke On The Water»!
– Deep Purple er, sammen med Led Zeppelin og Black Sabbath, de tre store britiske hardrock-gruppene fra 70-tallet. En Deep Purple-konsert i Norge er alltid en begivenhet, og Haugesund vil garantert få besøk av mange tilreisende fans som vil oppleve dem, kommenterer Thor Rune Haugen (49).
Haugen er kanskje landets mest kjente ekspert på hardrock, og forteller at bandet fylte Valle Hovin i Oslo sist gang de var på besøk i 1993. I Haugesund spiller de fredag 20. mai.

Eksklusiv
– Deep Purple er et band veldig mange har et forhold til, og konserten i Haugesund blir bandets eneste i Norge i år, forteller konsertarrangør Alf W. Christophersen. Bluessjefen i Skånevik har gått sammen med Inventum-Gruppen og Helge Bertelsen om å få Ian Gillan og kompani til byen. Sannsynligvis blir det satt opp telt ved Flotmyrbanen med plass til 5-6.000 publikummere.
– Kostnadene beløper seg i alle fall til en million kroner. Jeg har i flere år vist interesse for å få tak i Deep Purple, og det er gjennom et dansk bookingbyrå vi nå endelig har fått dem i boks, sier Christophersen fornøyd.  Les meir i Haugesunds Avis
 
19.02.05 Hekta på blues
  Dei seks unge musikarane i Sushi Bluesband har blues i blodet. Kanskje ikkje så rart når adressa er Skånevik.
  – Det er noko med denne musikken. Eigentleg likar eg alle typar musikk, men her i Skånevik er det blues som gjeld. Dette er jo ei bluesbygd. Ein kan ikkje bu her utan å lika blues, seier Svenn Ivan Bokn (15).
Det er øvingskveld i klubbhuset like utanfor Skånevik sentrum. Fire gutar og ei jente i Sushi Bluesband har tatt seg fri frå lekser og andre plikter i kveld. Berre Carita Matre (15) manglar. Ho er på konfirmasjonsførebuing. For resten av gjengen er det bluesen som gjeld. Dei øver eit par gonger i veka. Helst to til tre timar i strekk.

Med og utan notar
Rolf Arne Ness (11) set seg ned bak trommene. Denne karen veit å svinga trommestikkene.
– Rolf Arne er nesten den einaste som kan notar. Men me andre spelar like godt utan. Kan du blues, ja så kan du blues, seier Vegard Wintherthun (15) ettertenksomt.  Les meir i Haugesunds Avis

16.02.05 Matematikkens dag
  No er matematikkens dag blitt ein tradisjon ved Skånevik skule. Kvart år sidan 2002 har skulen sett av ein heil dag til matematikkaktivitetar for alle elevane ved skulen. Elevar og lærarar set pris på denne dagen der ein får møta matematikk i nye og utfordrande situasjonar.  

Likt tidlegare år var elevane delt etter stega og så sett saman i aldersblanda grupper.  Den gruppa  på kvart steg som sankar flest poeng får diplom og eit besøk på Larsen Bakeri i premie. Ingen dempar på aktiviteten at slike freistingar lokkar i det fjerne.

Dagen var delt i tre bolkar med fylgjande innhald i dei tre øktene: Uteskulematematikk, problemløysing/geometri og spel. Dei fleste vil vel tru at spel er den aktiviteten som elevane likar best. Den som tok seg ein tur rundt og såg på aktiviteten, både inne og ute, oppdaga derimot stor aktivitet, undring ,kreativitet og glede innanfor alle aktivitetane.  Les meir i på internettsida til Skånevik skule
  
14.02.05 Skånevik-jenter i tabelltoppen
  Grannar:  Skånevik sitt jentelag i handball har vunne alle kampane sine denne sesongen. Laurdag spela dei kamp mot Stord2 og klarte til slutt å kjempe seg inn til ein fortent siger.
  I sin tiande kamp på rad kunne Skånevik sitt jentelag, med jenter på fjorten og femten år, dra i land sigeren. Ein spanande kamp mot Stord2 fekk liv i både publikum og spelarar. Til pause leia Stord2 kampen med tre poeng, og mange frykta kanskje at Skånevik kunne gå på sitt fyrste tap. Med to minutters utvising til kvart av laga til pause, viste litt om kor hardt dei kjempa ute på banen. Skånevik spela bra, men klarte ikkje å setja ballen bak keeperen i Stord-målet.
Det vart ein tøff kamp med harde basketak der jenter frå kvart lag gjekk i golvet til kvar tid.
Andre omgang byrja mykje betre og jentene fyrte av skot som gjekk kontant i mål. Målvakt for Skånevik, Bjørg Sævereid, spelte bra og mot slutten hadde ho stengt buret sitt fullstendig og Stord2 fekk ikkje utteljing på ein einaste sjanse. Det var derimot Skånevik sin tur til å lage målfest og nok ein siger.  Les meir i Grannar

PS:  Skånevik vann også kampen på søndag!
  
14.02.05 Ei reise til heimbygda
  Lesarinnlegg i Grannar:  Vinterstida er vel ikkje nett då folk flest ferierer på Vestlandet. Sjølv hadde eg ein triveleg «vinterferie» omkring 20.01.05. Ho mor Målfrid fyllte 90 år, - noko som jo måtte markerast.

Skånevik omsorgssenter er ein god og fin plass å bu, når ein ikkje kan styra og stella som før i eigen heim. I alle fall ser det slik ut for oss pårørande. Sjølv er eg utflytta skånevikar, men ser no sør til ho mor av og til. Turen kan no verta noko lang vinterstid.
Med båt frå Nordfjord til Bergen - og vidare med ny båt til Sunnhordland, er det bra at storm og uver roar seg. Ein del venting vert det på Leirvik, før båten til Skånevik er klar for avgang. Sunnhordlandsdialektane svirrar rundt øyrene, koselig! Syster Solveig, som og er på veg sørover, frå Trøndelag, er bra reisefylgje frå Flesland, - me er no liksom «ekte» sunnhordlendingar no.
Me kom vel fram, og fekk koselege dagar i Skånevik. Takk til venner og kjente som såg innom mor på 90-årsdagen og som i etterkant besøkte henne. Særleg takk til Inger Marie, og dei andre på Skånevik omsorgssenter, for ein koseleg ettermiddag 20. januar!  Les meir i Grannar

09.02.05 Hoppcup i med stor deltaking
  Gisle Sellevold:  Nesten 60 ungar frå tre idrettslag og om lag 20 vaksne var med på kommunal hoppcup i den flotte idrettshallen i Skånevik.
Dette er største deltakartal på mange, mange år. Spesielt gledeleg var det at så mange vaksne prøvde seg. Det er og kjekt for dei yngste at mor og far eller tante og onkel er med på det same som dei. Sjølv fekk eg oppleva to 6-åringar som kom heim og stolt viste fram for far sin skeia som alle dei små fekk i premie.
Underskrivne la spesielt merke til Pawel Blaszkiewicz, bonde på Sandvik.  Les meir i Grannar
  
05.02.05 Hektiske dagar i callsenteret
  Nina Frantzen (26) skulle berre hjelpe Stord Dialog med tekniske tenester. Ho enda opp som dagleg leiar og vekependlar.
– Eg bur i Drammen og er vekependlar. Det er meg, og så ein gjeng som jobbar på Aker, ler Nina Frantzen.
26-åringen leiar 100 medarbeidarar i Stord Dialog, og er på stadig jakt etter fleire. For ein månad sidan opna dei nytt callsenter i Skånevik med 20 tilsette. Snart kjem turen til Rosendal og Fjelberg, og etter sommaren Sauda.
– Vi er ferdige med barnesjukdomane, og ser framover. Arbeidsstokken her på Stord er stabil, og den tekniske plattforma fungerer bra, fortel Frantzen.

Diskomusikk
26-åringen jobba eigentleg i Lindorff si callsenteravdeling, som samarbeidde med Stord Dialog. I mars i fjor kom ho til Stord for å hjelpe til med teknikken. I juni fekk ho tilbod frå Jan Kåre Pedersen om å bli sjef. Ho takka ja, og har ikkje angra.
Inne i callsenteret er det høg prat, og endå høgare diskorytmar. Journalisten er forundra.
– Støy gir energi, forklarar Frantzen.  Les meir i Haugesunds Avis
  
31.01.05 Jakt-, fiske- og turdagane 8. - 10. april
  Arbeidet med denne einaste Villmarksmessa mellom Bergen og Kristiansand er inne i ein aktiv periode. Komiteen på 8 har tidt møteaktivitet og mailen er til tider ganske heit.

Noko vert som i fjor inne, men me har i tillegg fått nye og spennade utstillarar.   Uteområde vert litt større og synligare, det har me god plass til.   Nytt og spennande vert det ute når Alf Lea frå Haugesund vil komma inn med eit mobilt basseng med muligheten til prøvedykking og informasjonstand. Noko av det mest populæra i fjor var Temagarasjen. Her har me i tillegg til nokon av dei som var med, fått nye og svært interresante foredragsholdarar. I tillegg kan ein få muligheten til eit lokkekurs.  Les meir
  
31.01.05 Kjempe fall for saga
  Grannar:  På Fjellheim i Skånevik hos Christian Bull Tornøe, vart det sist veke felt ei 100 år gammal edelgran, som var 38 meter høg.
Christian Bull Tornøe meiner dette er den største edelgrana her i landet. Det står ei liknande gran igjen på eigedomen hans.
— Begge desse trea, pluss ei douglasgran er kandidatar for freding, seier han.
På spørsmål om kvifor han felte eit slikt stastre, svarer han at det skygde for sola.
Det er tømmermeister Arne Ivar Stødle som tok den største saga si med eit sagblad på 1,5 meter for å få felt det store treet. Med god hjelp av traktoren som har radiostyrt vinsj gjekk grana i bakken med eit enormt drønn.
— Då treet nådde det ulendte terrenget på bakken knakk ho, fortel dei. 
20 tonn
Stødle fortel at det er tre år sidan han fekk utstyr til å felle skog. Han har tipp topp utstyr til dette arbeidet, som ikkje minst krev skikkeleg planlegging for å lukkast.  Les meir i Grannar
  
31.01.05 Sjukdom stoppa Jespersen
  Grannar:  Chris Jespersen (22) braut tidleg på 15 kilometer friteknikk under helgas NM i langrenn. Juniorverdsmeistaren for nokre år tilbake har vore sjuk dei to siste vekene, og i helga kom han til kort.  På duathlon (halve løpet i klassisk og halve i friteknikk) blei han rundt nummer 40.
— NM kom ei veke for tidleg for meg, sa Chris som måtte bryte øvinga der han hadde dei største forventingane i helga. På duathlon hadde han ikkje dei same ambisjonane, medan han droppa sprinten.
— Sprinten gjekk og i klassisk. Det er òg for mykje å gå tre løp på tre dagar, så her var det heilt naturleg å legge inn ei pause, seier han.
Chris gav seg tidleg på 15 kilometer.
— Med ein slik inngang til NM blei det sjølvsagt vanskeleg. Eg gjekk til start som realist, og eg blei dessverre ikkje positivt overraska, innrømmer han. Og i fjor fekk han NM-veka spolert på grunn av sjukdom.  Les meir i Grannar
  
25.01.05 Frå nett til kraft
  Haugesunds Avis:  Skånevik Ølen Kraftlag leverer straum til folk i dei gamle kommunane Skånevik og Ølen, men no kan dei snart også bli produsentar av straum.

– Me samarbeider med grunneigarane Alf Werner Hjelmervik og Aslaug Leknes om eit småkraftverk i Akslandselvo i Skånevik, fortel SØK-sjefen, Kristoffer Vannes.
Eit småkraftverk her, vil koste ti til 14 millionar kroner og vil gje elektrisk straum nok til 350 - 400 husstander (8 gwh). Forprosjektet er klart og det er sendt brev til miljøvernavdelinga hos Fylkesmannen i Hordaland.
Vannes fortel at SØK også samarbeider med grunneigar Øystein Eljarvik om kraftplanar i Saltåna innerst i Åkrafjorden. Men desse planane er stilt litt på vent, til Stortinget har behandla verneplan der vassdrag i nærleiken (Vaula og Langfossen) er med. Les meir i Haugesunds Avis
 
20.01.05 Vurderer å selje hotellet
  Sal av hotellet i Skånevik er eitt av alternativa som det nå blir jobba med.
Eigar av hotellet i Skånevik, Paul Hovda, seier han ser på fleire alternativ når det gjeld drift av hotellet i bygda.
Tida som hotelleigar har vore turbulent med rettssak mot tidlegare hotelldirektør og seinare avvikling av heile drifta.
Men nå meiner Paul Hovda situasjonen har roa seg ned.
— Tanken om å selje er eitt av fleire alternativ. Då vi gjekk inn i hotelldrifta var det for å sikre hotellet for bygda. Nå har det heile roa seg ned, og vi har begynt å jobbe med å finne andre aktørar. Dette står mellom å finne gode leigetakarar, eller å selje. Les meir i Grannar
 
10.01.12 Stor framgang for Chris
  Chris Jespersen er i ferd med å finne toppformen. Skånevik-løparen skøyta inn til ein flott sjetteplass på 15-kilometeren i Granåsen i Trondheim i helga.
Det var ein opptur for Chris som ikkje har fått så god uttelling tidligare i vinter.
21-åringen fekk opp dampen på tampen av fjoråret. Det fungerte bra for den tidlegare juniorverdsmeisteren både i Skallsturennet femte juledag og Strindheim-stafetten på nyttårsaftan. Der var han i aksjon for eit mix-lag. Chris blei nummer 24 i fredagens klassiske renn. I går var det favorittstilarten som stod på programmet. Berre fem av konkurrentane klarte å straffe sluttida på fellesstarten. 54 sekund skilte han og Tore Ruud Hofstad, som har gått mange gode verdscuprenn. Landslagsløparen gjekk inn til favorittsiger i Granåsen. Les meir i Grannar
  
10.01.05 Heimesiger til Sushi Blues Band
  Heile 60.000 kroner kom inn til dei flaumramma i Søraust-Asia under maratonkonserten i Skånevik på fredag. Dei 350 innbetalande fekk ein konsert med mange musikalske høgdepunkt. Størst applaus fekk det unge Skånevik-bandet Sushi.

Idrettshallen i Skånevik hadde hatt plass til endå fleire på fredag. Det var lagt opp buss frå Ølen og Etne til Skånevik med retur etter konsertslutt, men det tilbodet var det ingen som nytta seg av. Bussen var tom, og parkerte i Etne.
— Det var sjølvsagt svært skuffande at så få frå nabobygdene kom i kveld. Men me trøystar oss med at bygdefolket her i Skånevik stiller opp. Dei kom i seks-tida i kveld og har halde ut heile kvelden. All ære til dei, seier Finn Ove Solberg, leiar i Skånevik bluesklubb, som tok initiativ til konserten.
Ungdommar imponerte
Dei seks ungdommane i alderen 11 –16 år, har berre spelt i lag sidan i sommar, og på denne korte tida har dei verkeleg fått sving på sakene. Under fredagens konsert oste det kvalitet av dei unge talenta. Etter å ha framført fire songar, mellom dei: «Have you ever seen the rain» og «Pretty woman», vart dei kalla tilbake til scena av konferansier og ordførar Amund Enge. Gruppa måtte ta eit ekstranummer for å tilfredsstille publikum. Lise Åsheim imponerte med si store stemme, og gitarsoloane til Sven Ivan I. Bokn var det verkeleg fres over. 11- åringen Rolf Andre Ness er yngst i bandet, men stod slett ikkje tilbake i kvalitet av den grunn, han gjorde ein utruleg flott opptreden saman med dei andre Sushi-medlemmene.  Les meir i Grannar
 
07.12.04 Skal på pallen
  For to år siden var Chris Jespersen verdens beste junior. Møtet med seniorløperne i fjor ble en nedtur. Årets sesong avhenger mye av helgens renn.
Mens flere jevngamle skiløpere får sjansen til å vise seg fram i verdenscuprenn i Estland denne helgen, skal juniorverdensmesteren på 30 kilometer i 2003, skåneviksbuen Chris Jespersen, gå norgescup i Granåsen.

Tror på opptur
– Jeg må gå bra i Norge før jeg kan bli med i den gjengen. Helgens plassering avgjør hvor mange renn jeg får gå før NM i slutten av januar. Målet i helga er å kvalifisere meg til rennene i skandinavisk cup, sier 21-åringen. Da venter to løp på 15 kilometer. I morgen er det klassisk, på søndag fristil.
– Jeg bør være blant de ti beste på fredag, og blant de fem beste i fristilskonkurransen på søndag. For å få sjansen i verdenscupen må jeg på pallen, sier Chris Jespersen, som har tro på en opptur denne sesongen.  
Les meir i Haugesunds Avis
 
30.12.04 Støttekonsert i Idrettshallen Rev. 05.12.05
  Finn - Ove Solberg:  Etter initiativ frå medlemmer, vil Skånevik Bluesklubb, fredag 07.01.05 kl. 18.00  organisera ein innsamlingskonsert i Skånevik idrettshall, der all inntekt vil gå til Røde Kors, øyremerka tsunamikatastrofa.
Artistar og band frå Skånevik, Etne og Ølen stiller opp gratis og det vert ein kjempekonsert for alle.
Dette er noko me nett har starta å arbeida med så mykje er framleis i planleggingsfasa, men me har allereie fått med band som Fifty/Fifty, Uthuset, Sushi Bluesband, Dagny Christophersen, m.fl.  Me reknar med at fleire vil komma til etterkvart. Les meir i Grannar og artikkel i Grannar den 5. januar.
   
27.12.04 Suveren på hjemmebane
   Chris Jespersen har fortsatt håp om å få gå verdenscup denne sesongen.
De lokale langrennsstjernene er nesten oppvokst i løypene rundt Korlevoll. Så sant de er hjemme i julen, stiller de opp i julerennet.
– Gode løyper de har fått nå. Den siste stigningen var tung, da var jeg temmelig sliten, sier Chris Jespseren, som deltok i julerennet for første gang på tre år.
– Kjekt å være tilbake igjen. Jeg er nesten oppvokst i disse løypene, smiler Chris Jespersen som selvfølgelig vant seniorklassen, 10 km klassisk, på en suveren måte. Han var hele 37 sekunder foran Sjur Børsheim fra Kjelsås.
– Et bra gjennomført løp, sier 21-åringen, som i romjula skal delta i renn i Trøndelag. Den første store styrkeprøven skjer i et norgescuprenn i Gråkallen i begynnelsen av januar.
– Der står fristil på programmet. Målsettingen er å kjempe om en plass på verdenscuplaget. Da må jeg nok vinne norgescuprennet. Det er målet, men blir ikke skuffet om det ikke går. Da har jeg NM som det store målet. Det viktigste denne sesongen er å få framgang og ta innpå de beste, sier Jespersen, som først nå føler at sesongen tar til for alvor.  Les meir i Haugesunds Avis 

24.12.04 Callsenter i bankbygget
  Leif Arne Løvereide:  Stord Dialog AS si avdeling i Skånevik startar opp 3. januar i bankbygget i sentrum. Leiar for telemarketingselskapet Stord Dialog si avdeling i Skånevik, Raymond Trondsen, opplyser at oppstarten går etter planen, og at rundt 16 tilsette er på plass i andre etasje i bankbygget 3. januar.
  Alt veka etter reknar han med at dei har starta produksjonen.
Sjølv har han vore på jakt etter hus for å busetje seg i Skånevik. Dette har han lukkast med, og flytter til bygda 1. februar.  Då blir eg skåneviksbu, noko eg gler meg til, seier han.
  
23.12.04 Nytt år og lokale arbeidsplassar
  Leif Arne Løvereide, Skånevikprosjektet:  Eit vanleg spørsmål til Skånevikprosjektet er: blir det fleire arbeidsplassar snart? Heldigvis er svaret ja. Og spørsmålet er forståeleg og godt, men har me kanskje for mykje fokus på det me ikkje har, og for lite fokus på det me har?

Ei hyggjeleg oppleving er å treffa smilande folk som seier at dei er så glade for at dei har arbeid, og let vel om arbeidsplassen sin.  Ein glytt på nettsidene www.etne.kommune.no og www.skaanevik.no viser bl.a. at fritidstilbod er det og mange av.
Når det gjeld Skånevik, Åkrafjorden og Etne, som eg kjenner best til, er min påstand at med breitt, godt samarbeid om utvikling i alle næringar, kultur og organissasjonsliv med meir, har me potensiale for fleire arbeidsplassar og innflytting til kommunen.
Her spelar kvar og ein innbyggjar sitt positive engasjement ei viktig rolle.
Når våre etablerte arbeidsgivarar tilset ein eller to nye, ser og høyrer me ikkje så mykje om det, men dei arbeidsplassane er like viktige som nyetableringar. Kanskje 2005 og blir eit spennande og godt reiselivsår i kommunen, for med E134 og båtsambanda som me har, ligg alt til rette for god utvikling også her.
Mi oppfordring for det nye året blir; fokuser på muligheitene og stå på!

Leif Arne Løvereide,
Skånevikprosjektet