Styreformann Leif Nergaard
Rieber & Søn ASA
Postboks 987
5808 BERGEN

VEDR. NEDLEGGING AV NORWAY FOODS SI AVDELING I SKÅNEVIK

Eg viser til diverse artiklar og intervju i Haugesunds Avis og lokalavisa Grannar, der det går fram at Rieber & Søn har konkrete planar om å legge ned sardinproduksjonen i Skånevik.

Bakgrunn
Bakgrunnen for nedlegginga er sviktande sal. Etter det eg forstår er Norway Foods organisert slik at produksjon og sal er skilt i ulike selskap. Dette vil sjølvsagt innebere at dersom salet sviktar må umiddelbart produksjonen bera tapet.

  Det er nokså påfallande at eit produkt som brisling i olivenolje, som til dei grader er godt for helsa med tanke på hjerte og karsjukdomar, ikkje skal la seg selje betre på verdsbasis enn det tilfelle er. Spørsmålet som må stillast er om marknadsapparatet gjer eit godt nok arbeid ? Arbeidarane i Skånevik har etter det eg kjenner til for første gong i Norway Foods si historie gått utradisjonelt til verks og reist rundt og informert om sitt produkt. At dette har positiv effekt er det ingen tvil om.       

Eg vil hevde at Norway Foods sitt marknadsapparat gjennom åra på ingen måte har vert i førarsete når det gjeld marknadsføring av produktet.

Kvifor satse på Norway Foods i Skånevik
Fabrikken i Skånevik er Etne kommune sin største private arbeidsplass. Ein hjørnesteinsbedrift i Skånevik. Fabrikken har lange tradisjonar. Arbeidsmiljøet er godt, god moral og lågt sjukefråvær. Faktisk er fabrikken i Skånevik referansebedrift for andre fiskeribedrifter (sjukefråværprosjekt). Arbeidskrafta er stabil med ein relativ låg gjennomsnittsalder. Desse nøkkelfaktorane som etter det eg forstår ligg over tilsvarande faktorar for dei andre to produksjonslokala, bør vege tungt når prioritering av nedlegging skal gjennomførast.

Produksjonen i Skånevik er lett omstillbar og kan produsere alt. Med den rekruttering på arbeidskraft fabrikken har, vil det vere enkelt å produsere skift.

  Sardiner er ”inn”. De tilsette har med stor entusiasme og godt samarbeid med Rieber & Søn gitt produktet ein god reklame gjennom den årlege bluesfestivalen i Skånevik. Fortener ikkje arbeidarar som yter så mykje og til dei grader er full av idear ein ny sjanse for å bevise at me i Skånevik er den beste i klassen ?

  Det har kommet fram at geografiske forhold er eit problem. Dette er berre tull. Sardinproduksjon er ein ressurskrevjande produksjon. Mange tilsette pr. kilo produkt. Eg vil hevde at ein effektiv drift med stabil arbeidskraft vil vege opp for dei eventuelle meirkostnader ei frakt frå Skånevik vil innebere. Det å vere etablert ute i distriktet kan også ha andre store fordeler. Skånevik sine innbyggjarar eig vannverket i bygda. Skåneviksbuen er opptatt av at fabrikken skal utviklast vidare. Kanskje er me villige å vere eit spleiselag ved å gi fabrikken ”gratis vannavgift” dersom det kan hjelpe ?

  Mi vurdering er at fabrikken i Skånevik er ein fabrikk som går godt. Den viktigaste faktoren som er arbeidskrafta plasser oss blant dei beste. Dei tilsette er glad i arbeidsplassen og er villige til å gjere alt for at produksjonen framleis skal oppretthaldast. Vidare framstår fabrikken som eit godt anlegg og bør kunne nyttast i den vidare drift.

Eg håpar at Rieber & Søn lar fabrikken leve vidare.

Skånevik, 10.10.00

Kristoffer Vannes