SKÅNEVIK IDRETTSLAG

Etne Kommune
v/Rådmann
Ordføraren
Komite Folk
Gruppeleierane                                                                                 Skånevik 7.12.0

HØYRINGSUTTALE TIL SAK OM KOMMUNEBUDSJETTET

Lag og organisasjonar står for ein stor del av dei positive tilboda som innbyggjerane i kommunen har i deira fritid. Då Skånevik Idrettslag er den største frivillege organisasjonen i Skånevik og den nest største i Etne Kommune har vi eit stort ansvar for våre medlemmer og tllet oss difor å uttale oss.

Skånevik Idrettslag har i dag ca 265 aktive medlemmer. Størsteparten av desse er born og unge. Vi meiner at det arbeidet som vert nedlagt i dei aktivitetane er så viktige at vi som styre i laget ikkje kan tillate å redusere tilbodet.

Vi har dei seinare åra lagt ned mykje arbeid i å auke tilbodet til barn og unge for å konkurera med dei negative tilboda som dagens samfunn fløymer over av som data, video, skjenkestader og for ikkje å gløyme det "grå" stoffmarkedet (ref. siste dagars oppslag i pressa).   Dette er ei langsiktig satsing som vi allereie har fått resultat av og som vi vil oppretthalde.

Vi kan nevne at SIL no har aktivitet i Skånevik Idrettshall 5 dagar i veka i tillegg til kampar og samlingar i helgane. Vi har aktivitet for born frå 4 år og oppover.

Det seier seg sjølv kva dugnadsinnsats som ligg bak.   No må ein også hugse på at Idrett er i tillegg til å være moro er ei oppbygging av fysikken (noko som byrjar å verte eit problem i vårt samfunn), gjer sosial trening  i det å fungere saman med og forhalde seg til andre menneske (noko som byrjar å verte eit stort problem i vårt samfunn). Vi vågar derfor å påstå  at dette arbeidet er ei investering i vårt framtidige samfunn   som i neste omgong vil gje innsparing på sosialbudsjetta.

SIL har i år eit budsjett på over kr 400.000,- , frå Etne Kommune har vi eit driftstilskot på kr 11.401,-.   For å vedlikehalde idrettsanlegget (som er Etne Kommune sin eigedom) og inkludert 2 banar har vi kr 15.000,- pr år, det seier seg sjølv at desse må forfalle.

Næringslivet (som lukkelegvis no har oppsving igjen) ber om betre rammevilkår. SIL kan vere med å gje gode rammevilkår for både dei tilsette i bedriftene og familiane deira dersom vi sjølv har levelege rammevilkår.   Alle politiske parti har "gode oppvekstvilkår" for born og unge i sine partiprogram og SIL er ein av organisasjonane som omset denne "frasa" i praksis. Vi vil difor oppfordra dei styrande i Etne Kommune til å auka dei minimale overføringane til Idrett og verkeleg ta dette alvorleg i den komande budsjettdebatten.

Med helsing

Styret