Sjukeheimsplasser i Skånevik!

Me er nok mange i Skånevik som fekk "hakeslepp" etter å ha lese Grannar 290101, om at sjukeheimsplassene ikkje lenger ville verte prioritert.  Dette er det fleire skriftlege og muntlege  vedtak på i kommunen dei siste 12 åra.  Sjukeheimsplassene er viktige for alle.  For familiar med sterkt handicappa born, som kan komme til å trenge avlastning og hjelp.  Og i heimar der alvorleg sjukdom, gjer at pasienten treng så mykje hjelp, at dei kkje kan stellast heime.
Viktig er og plassane for pasientar som vert utskrevne frå sjukehuset, men er for svake, og treng hjelp ei tid før dei kan komme heim.  Dette trur eg me vil erfare vil verte meir vanleg i framtida, då sjukehusa snarare skriv ut pasientar no.  For eldre, som har budd i Skånevik i all si tid, og ønsker å leve her til dei døyr, er det trist å måtte flytte ifrå bygda, pga Skånevik Omsorgsenter (Aldersheimen) ikkje har sjukeheimsplasser.  For ikkje å snakke om pårørande til dei eldre, som skal måtte reise for å vitje sine.  Og dess eldre ein vert, dess større vert suta med det.
Det er mange som argumenterer med det at det ikkje er langt til Etne, men me har nå "heimen" vår, og ønsker å bruke den fullt ut.  Skånervik aldersheim vart bygd på dugnad i si tid, som idrettshallen vår. Difor har folk i Skånevik sterke band til bygget.
Skånevik er på mange måtar eit "lukka" samfunn i vinterhalvåret, på godt og vondt.  Mykje kan me vere uenige i, men at "heimen" skal byggjast ut med sjukeheimsplasser, ja, det er ikkje mange uenige i!
Me har difor ein underskrifts-kampanje i bygda, som viser "litt" om  kor viktig det er for folket i Skånevik, at politikerane stemmer Rådmannen sitt forslag ned : I høve det å byggje ut 6 sjukeheimsplasser v. Etne sjukeheim, før ein byggjer sjukeheimsplasser i Skånevik.
Godt valg!.                                             

Margaret Bull-Tornøe