Til aktuelle interessentar

VERD. ETABLERING AV SKÅNEVIK SJØMAT AS

Nokre av oss tidlegare tilsette ved Norway Foods sin fabrikk i Skånevik ønskjer å starta opp att med sjømatproduksjon i dei ledige fabrikklokala.  Eigarane av lokala ( Norway Foods ) er innstilt på å stilla fabrikklokala til rådvelde på relativt rimelege vilkår.  Lokalsamfunnet, Etne kommune, Samarbeidsrådet for Sunnhordland, SND, Fiskerinæringens Kvinneutvalg og Næringsdepartementet støttar initiativet.

Det er gjort relativt store investeringar i Norway Foods-lokala dei siste 10 – 15 åra,og lokala vil etter ein del ytterlege ombyggingar/tilpassingar imøtekomma EU sin nye krav til sjømatproduksjon.  Vårt selskap under stifting, Skånevik Sjømat AS, er interessert i å komma i kontakt med verksemder/miljø/einskildpersonar som har produkt-/marknadsidear og/eller risikokapital å bidra med.  Førebels har me samla saman ein aksjekapital på 200.000 kr.

Skånevik Sjømat AS sin forretningside går ut på å henta inn, bearbeida, foredla, marknadsføra og selja skjel, skaldyr, sild brisling og/eller fisk som det er tilgong på i Sunnhordland og omkringliggjande områder.  Ved hjelp av god arbeidskraft – tidlegare tilsette ved Norway Foods sin fabrikk i Skånevik – og effektive produksjonsmetodar/teknologi, trur me at det skal vera mogeleg å få til lønsam produksjon.

Skånevik Sjømat AS vil anten ta opp konkurransen med produkt som alt er introduserte på marknaden, eller aller helst utvikla heilt nye nisjeprodukt for marknaden.  Me ynskjer å ta imot fyrsteklasses råstoff som kan bearbeidast og foredlast fram til eit attraktivt nisjeprodukt i marknaden.  Kostnadseffektivitet og kvalitet vil vera viktige stikkord for verksemda.

Det vil ikkje vera nokon føresetnad for Skånevik Sjømat AS å eiga, eller eiga i dei aktuelle Norway Foods–lokala.  Me tenkjer oss å inngå ein langsiktig leigeavtale med Norway Foods eller nye eigarar for den delen av lokala som er relevante i høve til vår produksjon.  Leigeperioden må vera så lang at SND og/eller andre finansieringsinstitusjonar kan godta den i samband med pant knytt til låneopptak.  Det vil også vera plass til andre sjømatverksemder enn Skånevik Sjømat AS i fabrikklokala.

Ettersom det nå er slutt på hermetikkproduksjonen i Skånevik ønskjer me straks å starta med eit forprosjekt som går over seks månader frå det tidspunktet.( 30.03.01 ) Ta gjerne kontakt snarast råd.

Skånevik,  03.04.01

Med vennleg helsing
Skånevik Sjømat AS (us)
  
Anna Emmerhoff Nilsen                                                  Aud Wiland
Tlf. 53 75 56 18                                                              Tlf. 53 75 52 81