Les meir i Grannar

Les meirpå Innsida.no eller ta utskrift av rapporten i word-format.

12.12.06 Samlivskurset PREP
  Helsestasjonen i Skånevik og soknerådet v/kapellanen:  Ingen går gjennom livet utan problem. Stressfaktorar som arbeidsdeling heime, økonomiske vanskar, oppseding av born, framtidsplanar osb. påverkar eit kvart par. For mange blir problema så slitsame at dei vel å gå frå kvarandre.

PREP blei til ut frå eit ønske om å hjelpe par til å til å unngå at desse problema skal øydelegge forholdet. Det ønskjer også å gi par hjelp til å få større glede av forholdet sitt, eller å finne tilbake til spenninga og gleda dei hadde då dei først blei saman. Kurset blei laga for å gi par eit verktøy til å betre kommunikasjonen i forholdet, og setje søkelyset på kva som kan styrke forholdet. Les brosjyren om kurset PREP i Word-format eller i PDF-format.

09.12.06 Fekk kreft og ein rikare sommar
  Haugesunds Avis:  Hans Olav Tungesvik har hatt ein god vår og sommar. Mykje på grunn av kreften, som gav han ny kraft. Halvåret med kreftdiagnose er blitt bok. – Eg gjekk i den vidunderlege sommaren og hadde det utruleg bra. Utan symptomar og ingen biverknader av behandlinga som eg fekk. Eg hadde flott fellesskap med familien, seier den kjende psykiateren og tidlegare rikspolitikar.

30. mars klokka 10.40 fekk han diagnosen prostatakreft, midt i ein psykoterapitime. Sekretæren banka på døra, fortalde at ein lege var på telefonen frå Haugesund.

– Eg hadde mange pasientar utover dagen. Det var viktig for meg at dette skulle ikkje forstyrre. I lang tid informerte eg berre min næraste familie. Det var einaste rette. Annleis hadde det stilt seg viss det var snakk om sykehusinnlegging.  Les meir i Haugesunds Avis

05.12.06 Utlysing av tomter på Skålnes
  Etne kommune har klargjort for sal 5 nye tomter på Skålnes bustadfelt (ved Skånevik barnehage)Interesserte kjøparar kan ta kontakt med Tenestetorget på tlf. 53758000 for å få tilsendt søknadsskjema og informasjon.  Sjå kart, prisar og søknadsskjema på kommunen si webside.

04.12.06 Har legane all makt?
  Gudbjørg Christophersen:   Gjennom Grannar tok eg opp dagens legesituasjon i Skånevik. Eg fekk det svaret eg forventa.
  Gjennom Grannar tok eg opp dagens legesituasjon i Skånevik. Eg fekk det svaret eg forventa. I sist formannskap vart legesituasjonen drøfta. Etter det har rådmann Hetland stadfesta at hans utsegn var referert korrekt, og at det var ein eingongssituasjon. Gledeleg å høyra, men det samsvarar ikkje med plakaten som heng på venterommet ved Helsesenteret i dag måndag 27. november.
«Ingen lege i Skånevik denne veka v/48, men ein dag i neste veke v/49, vert det lege ved kontoret.»
Alle som har behov blir vist til lege i Etne. Dette er ikkje nytt. Heilt utruleg. Etne kommune har fem legar. To skal nå avvikle to vekers ferie. Meiner helseleiar at dette er ei god og rettferdig fordeling av tenesta til brukarane? Nå har mange onsdagar vore utan lege, kva blir det neste?
Med så ustabile situasjonar som det blir lagt opp til, har ikkje brukarane noko val, dei må reise til Etne. Samfunnsøkonomisk er dette uhøyrt. Helseleiaren har i samråd med legane prioritert slik, vert det sagt. Politikarar, nå må de vakne. Ja, alle bygdefolk. Kommunen bygde helsesenter i Skånevik i 1992. Kvifor blir dei politiske vedtaka gjort? Jo, me skulle sikre bygda å ha gode kontortilhøve for lege og dei andre helsefunksjonane. Og folk skulle ha eit godt tilbod. Med over fire hundre arbeidsplassar i bygda, derav fleire bedrifter med farefullt arbeid, må me ha lov å krevja lege i nærleiken. For oss som har fått levd ei stund og følgd med utviklinga, syner det seg at enkelte arbeider målretta med legetilhøva. Skal me godta dette? Tenk på konsekvensane. Er dette god service frå legane?
Fordel legane rettferdig, då vil brukarane få ein stabil situasjon. Til den legen i Etne helsesenter som har mange fastlegepasientar frå Skånevik, kunne det vore ein tanke å ta ein dag i veka i Skånevik, i staden å tilrå pasientane å reise. Tenk litt økonomi, ikkje berre på dykk sjølve.
Eg er godt nøgd med min fastlege i Skånevik. Sambygding prøv du det same.
Gudbjørg Christophersen
 
04.12.06 Pengegåve til trivselprosjekt
  Grannar:   Då Sparebanken Vest opna det nye kontoret i Etne kunne administrerande direktør Stein Klagegg overrekkje 75.000 kroner til Trivselsprosjektet i Etne. Dei tre trivselsgrendene Skånevik, Sævareid og Sørstranda får 25.000 kroner kvar.
  Då Sparebanken Vest opna det nye kontoret i Etne kunne administrerande direktør Stein Klagegg overrekkje 75.000 kroner til Trivselsprosjektet i Etne. Dei tre trivselsgrendene Skånevik, Sævareid og Sørstranda får 25.000 kroner kvar.
Miljøarbeidar i Etne kommune, Leif Arne Løvereide, mottok gåva. han meiner dette inspirerar til vidare arbeid.
— Det er veldig kjekt med pengane, men det er òg svært inspirerande. Dei tre gruppene har halde på sidan 2003, og kanskje me har vore litt usynlege for mange. Men me har fleire idear til tiltak framover, seier han.  Les meir i Grannar

30.11.06 Ei flott fantasy-forteljing
  Rektor v/Skånevik skule:  Den kulturelle skulesekken i Hordaland har lagt ut forteljinga ”Furte & Bistene” av Stine Sandvold og Ingrid Birkenes på heimesida si. Forteljinga er ei av tre forteljingar som DKS brukar for å syna korleis elevane har gitt respons etter besøk av forfattaren Rolf Enger.

Den kulturelle skulesekken legg til rette ulike tilbod for elvane i grunnskulen, det gjeld konsertar, forfattarbesøk, revyar og andre kulturelle opplevingar.

Det var i vår at skulen hadde vitjing av forfattaren Rolf Enger med emnet ”Møt Hobbiten og skriv fantasy”. Han gav elevane ei innføring i korleis ein skriv fantasy-forteljingar. Elevane vart invitert til å skriva forteljingar og senda til Rolf Enger, så skulle han gi tilbakemelding til elevane om kva som var bra og kva som kunne gjera forteljinga til ei betre fantasy-forteljing. Stine og Ingrid si forteljing vart etter denne prosessen ei flott fantasy-forteljing som Den kulturelle skulesekken ynskte å leggja ut på heimesida si.

Underteikna vil gi ros til Stine og Ingrid for ei fantasifull og flott forteljing.   
Rektor

27.11.06 Våt og kald julestart
  Grannar:   Etter ein litt treg start med få frammøtte på grillinga tidleg på dagen, var det langt fleire enn forventa som fann vegen ned i sentrum på julgate-opninga i Skånevik laurdag ettermiddag.
— Grillmat er godt uansett vêr og det er synd det ikkje kom fleire, meiner Hilde og Hanna Bjerkreim.
Dei to var blant dei få som møtte fram til grillinga. Trass super grillmat og ein knakande god heimelaga potetsalat, var det få som kom og kjøpte seg mat frå grillen i sentrum.

Eventyrstund
På hotellbakken var det lavvo, der kunne alle komme inn å få kakao med krem og peparkaker medan Siri Eikemo trollbatt både store og små med forteljarkunst. Utanfor hadde ein høve til å få seg ein tur på hesteryggen til den nissekledde hesten Hilde, og her var det mange som ville prøve seg. Den flotte fjordingen gjekk utan stans rundar med små og litt større born. Sjølv om regnet auste ned stod borna i kø for å få seg ein tur på Hilde.  Les meir i Grannar
  
23.11.06 Nye tomter snart klare for sal i Skånevik
  Grannar: Etne kommune kjem snart til å lyse ut fem flotte utsiktstomter for sal i Skånevik. Prisane ligg mellom 260.000 kroner og 285.000 kroner.
— Sjølv om det høyres mykje ut med omlag 250.000 kroner er dette billeg i dagens samfunn. Ein får trass alt inkludert både vatn, veg, kloakk, straum og fiberrøyr, sa Kristoffer Vannes i formannskapet, då dei fastsette prisane.
Tomtene ligg i Skålnesfeltet i Skånevik. Omlag 110.000 kroner av tomteprisen går med til å finansiera «Barnehagevegen», som blir tilkomstveg til tomtene.

Så fort som råd
Tomtene er klare til å lysast ut. I kontrakten med entreprenøren som jobbar med «Barnehagevegen», er det lagt til rette for at tomtearbeid kan setjast i gong, dersom det ikkje hindrar anleggsarbeidet. Formannskapet meinar at det er viktig å minna om kriteria for tildeling av tomter, slik at ein unngår «hytter».  Les meir i Grannar

17.11.06 Straumprisane på nedtur igjen
  Haugesunds Avis:  Mot normalt for årstida er straumprisane på nedtur. Faren for kraftkrise i vinter er minimal.  På denne tida av året er det normalt ikkje tilsig i vassmagasina. Nedbøren oppe i fjellet kjem normalt som snø som blir liggjande. Men no regnar det høgt til fjells. Tilsiget ligg på meir enn 60 prosent av det normale hittil i november.
– Nei, her er ingen grunn til krisemaksimering, lyder godlåten frå elverksjef Kristoffer Vannes i Skånevik Ølen Kraftlag.
Faren for kraftkrise og rasjonering denne vinteren er no minimal, melder NVE.
Større tilsig enn normalt, betre fyllingsgrad i vassmagasina og lågare kraftprisar bør vera godlyd i øyro på kvar ein elforbrukar. Legg ein til at vêrmeldingane for dei næraste dagane er som våte draumar, tyder det at neste straumrekning kan opnast utan frykt for at det ikkje skal bli att nok til salt i julegrauten. Les meir i Haugesunds Avis

16.11.06 Blodprøvar i bosset
  Grannar: Blodprøvar frå Etne og Skånevik legekontor går rett som det er i bosset på Haugesund Sjukehus. Grunnen er at posten går altfor seint.
 — Berre den veka har me måtta kalla inn mellom fem og ti pasientar på ny. Grunnen er at me må ta ny blodprøve, fordi den andre var for gammal då laboratoriet ved Haugesund Sjukehus endeleg fekk den i posten, seier Grete Stølås, legesekretær ved Etne legekontor.
Blodprøvar held seg mellom eitt og fire døgn i kjøleskåpstemperatur, då seier det seg sjølv at legekontora er avhengige av Posten er effektive og nøyaktige. Les meir i Grannar
 
14.11.06 Julekonsert med Hanne Krogh
  Nils Lavik:  Sett av tysdag 19. desember i år klokken 19.00. Da byr Hanne Krogh og musikerne hennes på fantastiske musikalske førjulsopplevelser i Skånevik Kirke. Med på årets juleturné er Tarjei Nysted (fiolin, perkusjon mm.), Torstein Sødal (tenor) og Stein Austrud (keyboards og musikalsk leder).

Krogh har i flere år turnert land og strand rundt med juleshowet sitt, til strålende kritikker. Les for eksempel VGs anmeldelse fra fjorårets turné her, eller kanskje Haugesunds Avis opplevelse av konserten her.   Billetter kjøpes på Skånevik Fjordhotel, kontakt resepsjonen på telefon 53770700 for mer informasjon. Les mer på websiden til hotellet

10.11.06 Småkraftverk gir jobb til fleire
  Grannar:  Stabilt høge straum-prisar og stadig stigande kraftetterspurnad skapar nye arbeidsplassar for lokale bedrifter. I tillegg er det med på å auka verdiskapinga på landsbygda.

I mange år har smelteverksindustrien og produksjon av avanserte industrimaskinar vore hovudindustriområde for SMV i Skånevik, medan produkt og tenester til kraftindustrien har vore ein varierande og liten del av den totale omsetjinga. I år kan selskapa Energi Teknikk AS og SMV byrja hausta inn frukt av åtte års beinhard satsing på kraftindustrien.
— I samarbeid med Energi Teknikk AS i Dimmelsvik, som er SMV sin hovudkunde, konstruerar og produserar SMV kraftturbinar for mini –og småkraftverk til heile landet. Energi Teknikk AS står for systemdesign, marknad og sal, medan SMV står for konstruksjon og produksjon av turbinane, opplyser Lars Hovda, dagleg leiar ved SMV.
Lars Hovda vonar at dagens kraftmarknad vil halda seg i åra framover.
— Dersom regjeringa skal halda på lovnadene sine, vert det aukande marknad for småkraftverk i tiåra som kjem. For SMV tyder det at bedrifta får eit ekstra bein å stå på. Allereie til neste år vil me ha ni til ti årsverk som er retta mot dette marknadsområdet, og omsetninga vil då auka med omlag ni millionar kroner, seier Lars Hovda. Les meir i Grannar

10.11.06 Samarbeider om Beatles - konsertar
   Grannar:  Kommande helg er det Beatles som står på plakaten i Etne og Skånevik. Det kan ein takka eit ruktbart samarbeid mellom dei to musikklaga i Etne kommune for.
Leiaren i Skånevik Musikklag, Hildegunn Larsen, og leiaren i Etne Musikklag, Anlaug Tesdal, er nøgde med samarbeidet dei har hatt denne hausten. Dette er det første prosjektet dei har saman, men det er ikkje første gongen dei har spelt i lag.
— Musikkorpsa våre har vore gjestekorps hjå kvarandre tidlegare, så me har eit godt forhold frå før, seier dei to smilande leiarane.
Det var etter ein opptreden saman forslaget kom om dei kanskje skulle starta eit prosjekt saman. Larsen og Tesdal fortel vidare at dei har måtta tilpassa seg til kvarandre.
— Etne janitsjarkorps blanda med Skånevik brasskorps er ikkje berre – berre, så ein del tilpassingar måtte me ha. Les meir i Grannar
 
09.11.06 Cruiseskip til Fjæra?
  Haugesunds Avis:  15 fastbuande og eigen kai for cruiseskip heile sommaren. Det kan bli framtida for Fjæra frå sommaren 2008. Tror du på cruisetrafikk på Åkrafjorden? Si din mening.  Flåm er fullbooka og Geiranger har mange cruiseturistar sett før. Difor vurderer Fred. Olsen Fjæra og Åkrafjorden som eit nytt tilbod til sine cruisepassasjerar frå sommaren 2008.

– Me treng nye plassar som ingen andre har, seier Anne Wiers-Jensen i Fred. Olsen Travel.

Måndag har ho invitert ordførar Amund Enge og prosjektleiar i landbruk/reiseliv Egil Ørjan Thorsen frå Etne til ein presentasjon i Oslo. Veka etterpå skal ho leggja fram Åkrafjord-alternativet for Fred. Olsen Cruise Lines Ltd., som held til i Ipswich i England.

– Dette er den andre presentasjonen av Fjæra og Åkrafjorden. Me syntest denne destinasjonen, med den tronge bygda med dei stupbratte fjella inst i fjorden, og Langfossen, virka så interessant at me har bestemt oss for å sjå nærare på dette alternativet, seier Wiers-Jensen.
  Ho understrekar at det er oppdragsgjevaren, Fred. Olsen Cruise Lines i England, som tar den endelege avgjerda. Det kan skje før jul.  Les meir i Haugesunds Avis
   
07.11.06 Stiller ut fotografi
 Kari B. Bengtson frå  Oslo og Elisabeth N. Emmerhoff frå Skånevik har fotografiutstilling i Ekspedisjonen Skjenkeståva på Lofthus i Hardanger.  Begge er mastegradstudenter i fotografi ved Kunsthøgskulen i Bergen og dei har si bachelorutdanning frå universitet i Brighton og London.  Opning er fredag 17.11.06 Kl 20.00 (Stenger kl 01.00).  Les meir om utstillinga

07.11.06 Blonder & Blues er i gang
 Nils Lavik:  Mellom 100 og 200 Skåneviksbuer var innom i løpet av kvelden og natten, stemningen var høy og dansegleden stor. Olav Eger Hesjedal bidro med dansemusikk, og Hanne Krogh skapte stemning med et variert repertoar der hun til og med sent på natt smelte til med La det swinge, til publikums store glede - og med høy allsangfaktor. Dessuten rocket eks- medlem i Just 4 Fun Eiríkur Hauksson scenen med røff gitar og hes vokal, som traff publikum rett i blueshjertene.

Bakgrunn: Vi ønsket totalendring av kaféen vår, og utfordret derfor interiørarkitekt Stig Anderson fra Artlab i Bergen på innspill til hva som kunne gjøres med dette lokalet - som i mange år bar preg av en blåaktig marin og kanskje noe upersonlig stil, vil mange hevde.  Les meir på websida til hotellet

06.11.06 Fjellgarden Valdra i Skånevik
  Ingvald Åsheim: Valdra er ein gard som det har budd folk langt tilbake i tida. Eg kan minnast alle som har vore der frå slutten av tjueåra og fram til i dag.
  Eg har barndomsminner frå Valdra. Me som var frå Åsheim var ofte der oppe og leika med dei som var på vår alder. Den første eg kan minnast som dreiv garden, heitte Todleiv Valdra. Den neste var Reidar Brandskår, etter han kom Thorvald Kjemhus. Den som eig garden i dag er Ove Tyssebotn.
Mor mi var tenestejenta hjå Todleiv Valdra og kona Brita, og det var Brita som bar meg til dåpen for snart 90 år sida. Då eg vart konfirmert fekk eg kr. 10,- i gåve, det var mykje pengar på den tida. Mor mi lika seg godt på Valdra. Det var snille folk å vera hjå, og ho fekk læra mykje den tida ho var der.
Der var mykje dyr på garden, både sauer og geiter, kyr og hest. Ei tid hadde dei to hestar. Om sommaren laga dei geitost. Slåttonna var ei travel tid, det var stor vidde å fara over med ljåen, men dei var flinke slåttekarar som visste korleis dei skulle bryna ljåen for å halde den krass. Dei var svært nøye så det ikkje vart ståande eit strå att.
 
06.11.06 Ny utdanningsmesse
  Sunnhordland:   Stord Rotary held no på med planlegginga av den 17. utdanningsmessa for Sunnhordland på Vikahaugane Stord Sportssenter. Messa skal etter planen avviklast 31. januar og 1. februar, og i samband med dette vert det no søkt om økonomisk stønad frå Stord kommune med ei krone pr. innbyggjar, til saman 16.300 kroner. Det er og sendt søknad til kommunane Bømlo, Kvinnherad, Etne, Sveio og Tysnes.
  Til messa har ein i år, som tidlegare, invitert elevar i avgangsklassane i ungdomsskulane og dei vidaregåande skulane i dei nemnde kommunane. På sjølve messa deltek vel 70 utstillarar som representerer eit breitt spekter av utdanningsinstitusjonar, offentlege og private verksemder. På messa i år var det kring 3.500 besøkjande, og av dette var 2.500 elevar.  Les meir i Sunnhordland
 
04.11.06 Om kommunebudsjettet
  Haugesunds Avis:  Handelsmann John Karsten Hustveit (32) trur knapt det han høyrer. Nå kan Åkrafjorden og andre utkantar i kommunen snart kopla seg til det raske breibandsnettet.
  For første gong på år og dag er Etnebudsjettet fritt for kutt og nedturar for bebuarane i grendene. Rådmann Elling Hetland har for ein gong skuld fått lov å vera "julenisse" og tilbyr ei skikkeleg gåvepakke til dei mest grisgrendte stroka; breiband i form av ADSL.
 – Dette betyr eit langt steg for oss her ute. ISDN-tilkopling held ikkje. Spesielt er næringsdrivande i utkanten avhengig av breiband for å henga med, stråler John Karsten Hustveit, dagleg leiar ved Åkrafjordtunet.

Spleiselag
Etne er saman med Vindafjord og Utsira den kommunen på Haugalandet med dårlegast utbygd breiband. Rådmannen foreslår å løyva 900.000 kroner på neste års budsjett i eit spleiselag saman med fylkeskommunen og staten via teknologiorganisasjonen Høykom for å retta på dette.   Les meir i Haugesunds Avis og i Grannar.
 
02.11.06 Aukar aktiviteten
  Grannar:  Frivilligsentralen i Etne fyller eit år 1. novem-ber. Stiftinga har i løpet av året vore til god hjelp og støtte for svært mange. No vil dei auke tilbodet.
 — Til trass for at dette året har vore litt prega av at me er ein nystarta organisasjon, har me fått gjort meir enn forventa. Me har ope tre faste dagar i veka. Ein dag i Skånevik og to dagar i Etne. Målet på lang sikt er å kunne ha ope alle dagar i veka, seier Ole Funderud, dagleg leiar.
Nokre av måla til Frivilligsentralen Etne er å skapa trivsel for personar i utsette grupper, motvirke isolasjon av enkeltpersonar og formidla praktisk hjelp.
To i leiarstolen
Sidan oppstart har det også skjedd ting innan leiinga av stiftinga. 15. september overtok Anne Fredriksen frå Etne, 40 prosent av den fulle stillinga til Funderud. Dei to jobbar saman ein dag i veka.
— Det er veldig kjekt og nyttig å vera to om dette arbeidet, seier Ole Funderud.    Les meir i Grannar
 
02.11.06 Utset tunnelselskap
 Haugesunds Avis:  Alle vil ha Skåneviktunnelen, men politikarane i Etne vil sjå nærare på vedtektene for tunnelselskapet før dei går med.  Ordførar Amund Enge blei parkert som inhabil då Etne kommunestyre mot berre ei røyst bestemte seg for å utsetja spørsmålet om kommunen skal gå med i Skånevik–Etne tunnelselskap A/S. Victor Carlsen jr. i tunnelselskapet er skuffa og lurer på motiva.

– Me måtte utsetja generalforsamlinga som var tidfest til måndag i denne veka. Me har ikkje meir enn tida og vegen for å få noko med om tunnelen i Etne sitt langtidsbudsjett. No lykkast me kan hende ikkje med det, og dermed er i realiteten tunnelarbeidet utsett med eit år, sukkar Carlsen.  Les meir i Haugesunds Avis

31.10.06 Anleggsstart på Vintertun
  Haugesunds Avis:  Idag startar anleggsarbeidet på ny E 134 over Vintertun. Den skal stå ferdig 7. november neste år.  Det er Mesta som har fått oppdraget, og i gjennomsnitt vil 30 mann vera i arbeid med å laga 3,2 kilometer ny veg frå grensa mellom Etne og Odda, forbi Vintertun.
  –Me skal driva ein liten tunnel på knappe 90 meter på grensa mellom Børstø og Vintertun. Så blir det ny veg i dagen på andre sida av elva forbi Vintertun, fortel prosjektleiar i Mesta, karmøybuen Lars Harald Nordnes. Han seier dei første dagane vil gå med til å rigga. Kontorrigg skal på plass på rasteplassen på Vintertun.
  Så vil sjølve maskinarbeidet i vegtraséen starta på andre sida av vegen ved rasteplassen om ei god vekes tid.  Mesta har to underleverandørar som skal stå for graving og masseflytting. Det er Skånevikstrand Maskinstasjon og Brødr. Flatebø, Etne.  Les meir i Haugesunds Avis

27.10.06 Sakte mat i Torino
  Grannar: Frida Eikemo og Carina Vevang Valsvik skal på verdas største messe for slow food i Torino. Der skal dei blant anna hente inspirasjon dei kan bruke på kjøkkenet på Fugl Fønix.
  Utgangspunktet er at dei skal presentere matrettar av vestlandske råvarer på Salone del Gusto i den italienske industribyen. Dei skal vere med i eit lag på 16 kokkar, to servitørar og to støttespelarar som skal presentere prosjektet Fjordmeny på den gedigne happeningen der såkalla slow food blir diska opp og vist fram.
Fjordmeny er eit prosjekt i regi av NHO Reiseliv Region Vest. Også kjøkkensjef Tomas Sletten på Skånevik Fjordhotel skal delta på dette vestlandslaget.
Presentere råvarer
— Vi skal hente inspirasjon og ikkje minst presenterer gode råvarer. Det er spennande å få profilere norske matvarer i utlandet, meiner soussjef Frida Eikemo på Fugl Fønix Hotel.  Les meir i Grannar
 
22.10.06 Vil støtta tunnel
  Grannar:  Formannskapet i Etne tilrår at Etne kommune skal gå inn i tunnelselskapet Skånevik –Etne AS, med ein aksjekapital på 24.970 kroner.

Formannskapet i Etne tilrår at Etne kommune skal gå inn i tunnelselskapet Skånevik –Etne AS, med ein aksjekapital på 24.970 kroner. Det tidlegare løyvde og utbetalte tilskotet til forprosjektet for utbetring av vegen mellom Valen i Kvinnherad og E 134 i Etne kommune, vert omdisponert og innbetalt som Etne kommune sin del av aksjekapitalen i selskapet.  Les meir i Grannar
  
16.10.06 Ansvarleg politikk
  Leiar i Grannar: SV har gått med på å gje konsesjon til det planlagde gasskraftverket på Mongstad. At det ville gå slik er ikkje overraskande etter at partiet gjekk vekk frå kravet om reinsing frå dag ein. At dette er svært provoserande for mange er det ingen tvil om. Både medlemmer i partiet og naturvernarar sette si lit til at SV skulle vera det partiet som stod opp for miljøet. Difor vil dette skade omdømmet til Kristin Halvorsen og co., og partiet vil tapa veljarar.

Men trass i at mange er såra og vonbrotne etter at SV snudde, har partiet i denne saka vist seg som eit ansvarleg regjeringsparti. Det har også Senterpartiet som for få år sidan gjekk frå regjeringsmakta når Stortinget vedtok å gje konsesjon til gasskraftverket på Kårstø.
Noreg treng å produsera meir energi for å unngå den ventande kraftkrisa. Samstundes har landet eit ansvar for miljøet gjennom Kyoto-avtalen. Å oppfylla den kan gasskraftverket på Mongstad hjelpa til med.  Les meir i Grannar

12.10.06 Gondolbane i Åkrafjorden
  Ove Wiland:  På Voss kan du oppleva ei eventyrleg reise med Dinglo og Danglo frå Vangen og opp mot dei høge tindar. Med ei utsikt og ein naturoppleving ein aldri vil gløyma, der Vossevangen ligg og speglar seg i Vangsvatnet. Dei som har opplevd dette, er blitt eit minne rikare for livet.

I Bergen har me ”Ulriken”, som også skal vera ein fantastisk oppleving å reisa med. Spesielt etter at det blei ein annan leiar eller ansvarleg for banen.
Ifølgje ordførar Amund Enge sine spådommar både i media og på NRK lokal skal det bli ein gondolbane med noko attåt i Åkrafjorden. Investorar skal allereie vera klare med pengepungen open. Det skal visst vera den store etterspurnaden etter vatnet som renn ned Langfoss som skal vera med på å finansiera prosjektet. Ein vil oppleva ei god gamal pilegrimsferd for dei som har behov for vatnet. Det blir som i gamle dagar, og det blir heilt sikkert slik at heile fjorden reiser seg til slutt.  Les meir i Grannar

10.10.06 Reguleringsplan for Skålnes - Hagavik
  Etne Kommune:  Kommunestyret har i sak 033/06 i møte 27.06.2006 endeleg godkjend reguleringsplan for Skålnes-Hagavik etter § 27-2 i Plan- og Bygningslova - Klagesakshandsaming.
  Planområdet er på ca. 166 da, og er no regulert tilbyggeområde for bustader, hytter, naust og forretning/kontor, offentlege trafikkområde, spesialområde, friområde, fellesområde og kombinert føremål.  Les meir og sjå planen på websida til kommunen
 
02.10.06 Lynet tok fire sauer
  Haugesunds Avis:  Dei fire sauene søkte ly mot uveret under nokre tre ved ei gammal telefonlinje. Det kosta dei livet.  Pawel Blaszkiewicz kjende lukta av svovel då toreveret herja som verst laurdag kveld. Søndag morgon fann bonden fire medlemmer av saueflokken liggjande døde på bakken.
– Sauene gøymde seg på feil plass. Det var tydeleg at det hadde slått ned i den gamle telefonlinja. På trea var barken svidd av, seier bonden som etter uveret sit att med ein saueflokk på 36. Sauene var to år gamle, og nett komen opp i god avlsalder.
Skummelt
– Det er veldig trist at sauene mista livet, men naturkreftene kan ein ikkje gjera noko med, seier polakken som saman med kona Agnieszka kjøpte Sandvik gard for tre år sidan. Han sit att med skrekken frå hendinga.
– Det er skummelt å tenka på. Eg sat i gravemaskinen då lynet slo ned 50 meter vekke frå meg, seier Blaszkiewicz. Han tør ikkje tenka på kva som kunne hendt om lynet slo ned i maskina.
Lukta svovel
– Det var verkeleg nære. Eg er veldig glad for at det ikkje gjekk verre, seier Blaszkiewicz., som fortel om underlege verforhold laurdag kveld.  Les meir i Haugesunds Avis
  
14.09.06 Takk til Aslaug Mala
  Hans Olav Tungesvik: I Grannar for torsdag 31. august ser eg at redaktør Aslaug no har redigert sitt siste nummer av avisa. I det høvet vil eg gjerne blanda meg med dei mange som i desse dagar helsar Aslaug og takkar for fylgjet.
  Du har vore ein framifrå god redaktør i dei 10 åra  du har hatt jobben, og eg vil særleg peika på dei mange gode leiarartiklar om aktuelle tema som du har hatt desse åra. Dei er ofte det første eg les når eg opnar avisa.
Du har vore rettferdig og balansert, og gjeve rom for meiningar som kanskje ofte gjekk på tvers av redaktøren sine eigne meiningar. Det er kjennemerket på ein god redaktør at det blir gitt godt rom for breidda og nyansane i meiningar.   Les meir i Grannar

11.09.06 Stor dag for liten bluesbygd
  Skånevik Fjordhotel, v/Nils Lavik:  Den største og viktigste dagen for Skånevikssamfunnet på mange år, var beskrivelsen lokale ildsjeler brukte om prosjektåpningen denne lørdagsettermiddagen i nydelige høstomgivelser i den like vakre Skåneviksidyllen. Gledelig var det å observere det store antallet Skåneviksbuer som møtte opp. Og minst like gledelig at så mange unge i tyve- og tredveårene stilte, både boende og utflyttede, og som ergo er veldig bevisst det store utviklingspotensialet som hjembygden deres har!
  For første gang i fjordhotellets arrangementshistorie ble scenen plassert i restauranthjørnet ut mot Skåneviksfjorden, for på den måten å presse inn mest mulig folk både innover i restauranten og utover i barområdet – og der alle samtidig fikk mulighet til å se hva som foregikk.

Ordfører Amund Enge startet ballet med åpningstale og lykkeønskninger, der han avslørte stor tro på Skånevik generelt og bluesbygdprosjektet spesielt. Han understreket dessuten at han svært gjerne kunne tenke seg å sitte i prosjekt- eller styringsgruppen selv (om det skulle bli aktuelt), før han avsluttet med å lese dikt fra lokalpoeten Ingvar Moe.  Les meir på websiden til hotellet og i Grannar.
 
02.09.06 Brakstart for bluesbygda
  Nils Lavik:  Lørdag 9. september går startskuddet for det toårige pilotprosjektet, initiert og finansiert av Kommunal- og Regionaldepartementet, som skal utvikle vesle Skånevik til bluesbygda i Norge. Festlighetene starter 18.00 og ender ikke før langt ut i de små timer.

Programmet for ettermiddagen, kvelden og natten inkluderer en spennende miks av lokale matopplevelser og tilhørende forfriskninger, kulturelle innslag, spontane overraskelser samt mer detaljerte prosjektpresentasjoner. Som kommer til å gi lokalbefolkning, politikere, turister og ikke minst overnysgjerrige journalister svar på alt de måtte fundere på i forbindelse med dette unike pilotprosjektet! Brakstarten finner sted på Skånevik Fjordhotel, beliggende midt i sentrum av Skånevik og et steinkast fra ferge- og hurtigbåtkaien.

Initiativtaker og leder for bluesbygdprosjektet er stordabu, coach og hotelleier Inger Karin Larsen, med en fortid som bygdeutvikler på Vestlandet, næringssjef på Bømlo og statssekretær i Nærings- og Handelsdepartementet – blant mye, mye annet.

Fra programmet kan kort nevnes følgende: Ordfører Amund Enge klipper snoren og holder åpningstale, Inger Karin Larsen presenterer visjoner, målsettinger og konkrete planer - i tillegg til lokale kunstnere som bidrar med musikk, dikt, historier og happenings underveis.  Les meir på websiden til hotellet
 
26.08.06 Bluesfest på hotellet
  Skånevik Fjordhotel:  Lørdag 9. september smeller det. Vi har nemlig endelig klart å lokke et av Norges mest spennende band innen rock- og bluessjangeren hit til Skånevik!Helt siden daværende Tommy & The Runaway Boys skapte stormende jubel og vill stemning i forbindelse med Blueslunchen på hotellplenen under Skånevik Bluesfestival for noen år siden, har vi drømt om å få dem tilbake. Endelig har vi klart det - og det til tross for at bandet stort sett bruker all tid på å reise land og strand rundt for spilleoppdrag på langt større scener enn vår.
  Trioen går nå under navnet Frogner Tennisclub, og fra å være et rent rockabilly – og bluesband, har de etter hvert utviklet seg til å bli et band som spruter av energi og livslyst med rufsete rock & roll-pop/blues som grunnlag.  Les meir på websiden til hotellet   Les også om Irsk Aften fredag 8. september!
23.08.06 Ein Oselvar vert til
  Å byggja ein båt er utfordrande. Krav til materiale, byggjeplass, mål og standardar er ei side. Tidsfaktoren ei anna. ”Det er jo berre å spikra saman nokre fjøler”, er eit useriøst utsegn frå ein båtbyggjar. For Njål og Reidar vart det å byggja oselvar arbeidskrevjande, men også svært interessant og lærerikt. Harald Dalland frå Tysnes har vore ein særs god rådgjevar og rettleidar og skal ha mykje av æra for at resultatet vart så bra som det vart. Her kan du sjå nokre bilete frå prosessen.  Sjå fotoalbum

13.08.06 Frihamn-dagen 2006
  Tida nærmar seg for den årlege Frihamndagen i Skånevik.  Den blir i år søndag 10. september,  og stiftinga Frihamn innbyr då alle til ein festdag frå kyrkjetid til seint på dag.

Gudstenesta blir som vanleg ved vår eigen Frihamnprest, Synnøve Rydland Overweg,  og den landskjende songaren og komponisten Gunstein Draugedalen vil syngja under gudstenesta  med akkompagnement  av organist og pianist Nils Einar Helland.   Det blir kyrkjekaffi for alle på Frihamn-senteret etter gudstenesta. For tilreisande blir det høve til å kjøpa middag både på MA-senteret  Toflebrekko og på Skånevik Fjordhotell.

På festmøtet i Skånevik Idrettshall om ettermiddagen vil tidlegare sjefredaktør i Haugesunds Avis,  Ragnar Larsen,  dela av si livserfaring  under tittelen ”Topplederen som møtte veggen”.   Det blir rikeleg med song og musikk ved Gunstein  Draugedalen og Nils Einar Helland.  Lyrikaren Kjellaug Bakke frå Bjerkreim  vil lesa frå eigen produksjon av både dikt og prosa.

Det blir enkel servering og tid til prat,  kjøpa bøker, kassettar og CD-ar.   Arrangementa er gratis,  og alle er hjarteleg velkomne.
  
01.08.07  Knuseverk til Island
  Grannar:  Aldri før har det vore så gode tider ved Sunnhordland Mekaniske Verksted (SMV) i Skånevik. No jobbar dei for fullt for å bli ferdige med sitt største prosjekt nokon gong; eit knuseverk som skal leverast til Island.
— No held me på å gjera ferdig eit knuseverk som skal sendast til Island i slutten av august. Det er eit veldig spennande prosjekt som alle avdelingane våre har vore med på å framstilla. Kor mykje kontrakten er verdt, kan eg ikkje seia på grunn av avtale med kunden, men eg kan røpa at det er eit tosifra millionbeløp, seier dagleg leiar ved SMV, Lars Hovda.
Behov for meir folk
— Alle har stått skikkeleg på for å få i hamn dette prosjektet, og det er me veldig glade for, seier Hovda.
Ringverknadane av den høge aktiviteten ved SMV, gjer at det også vert gode tider for andre industribedrifter i nærområdet.
— Ein av dei viktigaste underleverandørane våre er Maritime Contracting Etne AS, legg han til.  Les meir i Grannar
 
31.07.06 Haugalandet som reisemål
  Grannar:   Dei siste dagane har det vore debatt i Haugesunds Avis om korleis ein best kan selja distriktet overfor utanlandske turistar. Ikkje minst reisande som kjem frå andre sida av Nordsjøen med flyselskapet Ryanair.
Bakgrunnen for debatten er at det irske flyselskapet kjem til å redusera i rutene mellom Helganes og London frå vinteren. Grunnen er oppgitt til å vera høge drivstoffkostnadar, for lågt belegg og generell dårleg lønnsemd. Ryanair er heller ikkje nøgd med jobben som er gjort for å marknadsføra Haugalandet overfor turistane.Haugesunds ordførar Petter Steen jr, meiner Haugesund vil klinga betre i turistane sine øyro enn Haugalandet. Han meiner Haugesund er betre kjent enn Haugalandet.
Det kan vera at ordføraren i Haugesund har rett i det. Men me trur ærleg talt ikkje det er så mykje i byte på dei to destinasjonane.  Skal me vera heilt ærlege, har me vel ikkje klart å markera oss særleg bra utanfor landet sine grenser verken på Haugalandet eller i Sunnhordland. For den del ikkje så godt innanlands heller. Me veit sjølve at me har mykje å by på. Men feilen er at me ikkje har klart å samla oss under ein felles paraply.  Les meir i Grannar
 
20.07.06 Drikkevatnet er reint igjen
  Haugesunds Avis:  Ein ny prøve av drikkevatnet i Skånevik som blei analysert i dag tidleg, viser at vatnet nå er reint og utan E. coli-bakterier. Men Mattilsynet krev to reine prøver før dei meiner folk kan slutta å koka drikkevatnet. – Gullande reint vatn, jublar Torleif Bjerkreim i Skånevik vassverk L/L i dag føremiddag etter at dei siste prøvene frå laboratoriet låg føre.

Ein ny prøve vil vera analysert i morgon tidlig. Dersom også denne er rein og fri for bakterier, vil drikkevatnet til vel 400 abonnentar til Skånevik vassverk bli friskmeldt.

Kvifor det blei funne E. coli-bakterier i drikkevatnet i Skånevik mandag, har korkje vassverket eller Mattilsynet noko klart svar på ennå.   Les meir i Haugesunds Avis

14.07.06 Hus med historisk sus i Skånevik
  Sunnhordland:  Heggelund ruvar stor og kvit mellom fjell og fjord i Skånevik. No pussar Svein Klingsheim det opp slik at det snart kjem til å gjere stas på bygda si.

Det var for tre år sidan at Svein og kona Marit kjøpte huset Heggelund i Skånevik sentrum. Dei har feriert mykje i området rundt Skånevik med båt, og kjøpte seg for nokre år sidan det tidlegare slaktarhuset der som dei brukar til feriehus. Då dei såg at Heggelund var til sals, slo dei til.
Heggelund var opphavleg bygd som hotell i 1890. På den tida var den kjende kunstnaren Lars Hertervik der for å måla. Ifølgje kyrkjeboka var reglementet at ein ikkje fekk lov til å spela kort, dansa eller gjera andre usømelege aktivitetar der. Huset har oppetter åra vorte påbygd mange gongar og den siste påbygginga vart gjort på 50-talet.
Les meir i Sunnhordland
 
14.07.06 Bluesgangsterar til Notodden
  Sunnhordland:  I helga fekk eit ungt band med rot i musikklina på Stord 10 000 kr i stipend frå Skånevik bluesfestival og posten. Første helga i august skal dei til Notodden og konkurrera.

- Me veit ikkje kva me skal gjera med dei 10.000 kronene enno, me tar det etter Notodden, når me ser korleis det har gått der, seier Stig Are Sund frå Os, gitarist i "Hereide and the Bluesgangsters". Bluesfestivalen i Skånevik og Posten har gått saman for å gje støtte til ungdom som gjer ein innsats i det lokale bluesmiljøet. Det var ein del søkjarar, men "Hereide and the Bluesgangsters" utmerkte seg og stakk av med stipendet.
Gutane er frå Bømlo, Jondal, Os og Skånevik og møtte kvarandre på musikklina for eit par år sidan. Etter det har det blitt mange øvingar, mykje jamming og ein god del spelejobbar. Namnet har dei etter trommeslagar og vokalist Bård Henrik Hereide.
- Me er ikkje eit standard norsk bluesband. Me brukar mange andre element enn blues. Musikken er meir funky og jazza.  Les meir i Sunnhordland
 
11.07.06  "Skånevik" til Riksantikvaren
  NRK.NO: Riksantikvaren vil ta kontroll over den videre skjebnen for bilferga «Skånevik» som har trafikkert ferjestrekninger i Sunnhordland og Hardanger.   Det gjelder også hjulbåten «Skibladner» på Mjøsa.   Et fredningsforslag er for begge disse kulturhistorisk viktige fartøyene er nylig sendt på høring. Fredningsbestemmelsene setter strenge begrensninger, som kan påvirke eierselskapenes økonomi og muligheten for videre drift. - Det er ikke tillat å endre skipets eksteriør, interiør, konstruksjon, generalarrangement, fast inventar og utstyr, heter det i forslaget til fredningsbestemmelser.

Men Riksantikvaren kan dessverre ikke garantere årlige faste driftstilskudd selv om fartøyet nå blir fredet, skriver riksantikvar Nils Marsten i høringsbrevene som er sendt ut både om «Skibladner» og «Skånevik».   Fartøyene eies av henholdsvis Oplandske Dampskibsselskap og Ferjelaget Skånevik.  Les meir på nrk.no/hordaland og i bt.no.
 
11.07.06 Tidenes bluesfestival
  TV-Haugaland:  Festivalgeneral Alf Warloe Christophersen melder om 10.000 solgte billetter og kjempestemning i Skånevik i helga. Skånevik Bluesfestival ble arrangert for tiende gang, og i følge festivalledelsen er de nå der de ønsker å være.
–Vi er nå kommet opp på et nivå, der vi har økonomi til å arrangere store konserter, sier Christophersen til TVHaugaland. I år var DumDum Boys trekkplasteret på åpningskonserten, mens Whitesnake-konserten på lørdag trakk mest folk.  Les meir i Grannar 1   Les meir i Grannar 2    Les meir i Grannar 3 og  
innnsida.no.
 
08.07.06 Blå regnlunch
  Haugesunds Avis:  Etter opphald heile dagen begynte det sjølvsagt å regna under dei fyrste utekonsertane på Bluesfestivalen. Men ein kan ikkje avlysa på grunn av litt vatn.

Skåneviksbuen Bård Henrik Hereide med sitt bluesband "Hereide & the blues gangsters" startar lunchen, men maten er enno ikkje komen på bordet. Folk held fram med å strøyma til blues-bakgården, "House of Blues". Og når regnet kjem, sprett paraplyane opp, og folk prøvar å karra seg til ein stad under lydmannens litle regntette telt. Det er enno nokolunde opphald, og (frå venstre) Håvard Matre, Paul Tungesvik, Maren Tungesvik og Ørjan Tveite sit og står mens dei høyrer på Frogner Tennisklubbs blå tonar. "Når regnet kjem, sprett paraplyane opp, og folk prøvar å karra seg til ein stad under lydmannens litle regntette telt"

Kjærast og musikk
Frogner tennisklubb går på scena og bakerst med gjerdet sit det to avslappa karar som nyt ei kalde ei.
– Eg har vore her to gonger før, seier Håvard Matre frå Sandeid som er på besøk hos sambuaren og hennar foreldre under festivalen.
– Kjærasten er jo ein grunn og dessutan musikken då, fortel han om kvifor han kjem tilbake til Bluesfestivalen.
DumDum boys er det store høgdepunktet og Matre sier han har alt av bandet, og såg dei for fyrste gong i torsdag. Les meir i Haugesunds Avis
 
07.07.06 Jenter med blues i årene
  Skånevik-jentene Heidi Hus (17), Alis Langhelle (19), Maria Vinje (16) og Ida Hjelmervik (18) går på på skule forskjellige plassar i Hordaland, men er kvart år heime for å få med seg bluesfestivalen.

–Me er vel nesten dei einaste ungdommane som høyrer på Eric Clapton og Gary Moore på vorspiel, seier Ida.
Men det gjer jentene på den eine campen, som er sett opp for dei fleire tusen festivaldeltakarane i Sunnhordland-bygda. Dei er klare på at dei digga bluesmusikk.  –Eg har vore på festivalen heilt sidan eg fekk lov til å vera ute etter elleve, seier ei entusiastisk Heidi.

Dum Dum boys-konserten er det 15-årsgrense på, så då slepp alle jentene inn.
– Splitter pine og Singstar svarar jentene på kva forhold dei har til trønder-gruppa.
Men når det er fredag og laurdag, er det også råd for dei under 18 å få med seg musikken, trass i aldersgrense på 18 år i bluesteltet.
– Før har me stått på fotballbanen bak teltet og høyrd musikken godt. Og er me heldige får me av og til lov å komma inn til artistane.  Eit par av jentene var visstnok så heldige å koma inn backstage med Wig Wam i fjor.

Det er teltliv denne helga, men ikkje berre baluba. Heidi og Ida skal jobba fredag og laurdag:
–Me skal vera vaktar, og ordna ting bak scena blant anna.  Og Heidi poengterer at alt er dugnad, og skryt veldig av dugnadsånda i bygda. 

Les meir i Haugesunds Avis

  Haugesunds Avis:  I eit uhorveleg varmt telt gjekk DumDum Boys på scena som torsdagens hovudattraksjon. Timen dei spelte før ekstranumra var prega av mange nye låtar. Ikkje alle held like god standard som klassikarane frå 80- og 90-talet. Men og med magiske augneblink. Som då vokalisten Prepple etter ein dryg halvtime sa "denne er det lenge siden vi har spilt. Den er litt personlig", og så set i gang med "Tyven, tyven". Ein fantastisk sterk ballade som handlar om då han mista barnet sitt. Ein hard versjon av den frå før harde "Møkkamann" er også godt å reinska øyra med.

Bandet har stort sett same besetning som under den store tida på byrjinga av 90-talet. Vokalist Prepple er enno stjerna – i bar overkropp, dansande som ei ekte rockestjerne og flørting med publikum og bandkompisar.  Les meir i Haugesunds Avis

Haugesunds Avis:  Skånevik Bluesfestival har tiårsjubileum. Festivalledelsen håper på 10.000 besøkende. : – Aldri før har vi opplevd så stor interesse. Det koker rundt festivalen. Billettsalget er jeg ikke så opptatt av, men jeg vet at det kommer enormt med folk til Norges råeste bluesfestival, skryter festivalgeneral Alf W. Christophersen.

De siste årene har arrangørene av Skånevik Bluesfestival solgt mellom 8.000 og 9.000 billetter. I år har man troen på at den magiske 10.000-streken vil bli brutt. Mer penger enn noensinne er lagt ut for å sikre den sterkeste artistlista noensinne. DumDum Boys er trekkplasteret på torsdag.
– Det blir en kanonsterk åpning, lover Christophersen.
Fredag spiller The Original Blues Brothers Band i Skånevik.
– De var her for tre år siden, da var det skikkelig partystemning i teltet. Det var det bandet flest folk ønsket seg i år, kommenterer Christophersen.   Les meir i Haugesunds Avis

04.07.6 Blues gir håp i Skånevik
  Bergens Tidende:   Ti år med bluesfestival har gitt mange tro på lille Skånevik. 700.000 kroner fra kommunaldepartementet skal blant annet gi konserter også utenom denne ukens festival.

Whitesnake og DumDum Boys er de store trekkplastrene når Skånevik bluesfestival i helgen åpner dørene for tiende år på rad. Fra å være et lite stunt har Etne-festivalen vokst til en av distriktets største sommeropplevelser. – Vi forventer å selge 10.000 billetter, sier festivalsjef Alf W. Christophersen, som dro det hele i gang i 1997.

Med 150 frivillige og et budsjett på 4 millioner kroner er festivalen et stort løft for en bygd med under 1000 innbyggere. Økonomisk går man fremdeles på stram line hvert eneste år, men nå har de statlige myndighetene fått øynene opp for hvordan bluessatsingen skaper trivsel og forsterker Skåneviks identitet.

Som del av en økt satsing på distriktssamfunn bevilget derfor Kommunal- og regionaldepartementet nylig 700.000 kroner til pilotprosjektet «Bluesbygda Skånevik». Midlene går ikke til festivalen, men til nærliggende prosjekter som skal bygge videre på det den står for. – Midlene skal bygge opp bluesidentiteten i Skånevik og forhåpentlig bidra til å skape nye arbeidsplasser, sier Christophersen.   Les meir i Bergens Tidende
 
04.07.06 Bru Ølen - Skånevik?
  Haugesunds Avis:  Først trudde me vindafjordpolitikerane hadde fått solstikk. Men nei; dei foreslår at Rogaland fylkeskommune ser på ei bru frå Dreganes ytterst i Ølensfjorden, over munninga av Etnefjorden, til Børkjeneset på vegen til Skånevik.

ØLEN:– På tide, jublar Brynjulf Hus i Skånevik, som foreslo ei slik bru for tre år sidan. Dessutan vil han flytta ferjekaien i Skånevik sentrum til Mortveit. Det gir ti minuttars ferjetid over til Halsnøy når det nye fastlandssambandet er klart.

Ordførar Arne Bergsvåg (Sp) i Vindafjord forsikrar at desse tankane om bru Dreganes–Børkjenes ikkje er meint som ein rød klut for etnebuar og tunnelpådrivarar i Skånevik.

– Det er eit faktum at trafikken alltid vel den kortaste vegen. Og det må vera lov å tenkja fritt om samferdsel for alle. Ingen har monopol på vegløysingar, svarar Bergsvåg. Han fortel at Vindafjord, i sine innspel til samferdsleplan for Rogaland, kjem til å be fylkeskommunen greia ut om brua har noko for seg.   Les meir i Haugesunds Avis

29.06.06 Fotografiutstilling på Fabrikken
  You and Me.  How does it make you feel?   Onsdag 5 juli kl 19.00 opnar Norway Foodsfabrikken i Skånevik igjen sine dører. Fire jenter, med tre nasjonalitetar, alle med ein BA grad i fotografi frå London, ynskjer å visa fram sine bilete. Tre veker etter at deira hovudutstilling blei tatt ned frå veggane i lokaler i sentrum av London, står turen for Skånevik.   Etter  suksessen i fjor  med nesten 300 besøkande på fira dagar er motet godt,  med sommarfuglar i magen. 
Utstillarane er:
Rama Lee frå Seoul i Sør Korea - Sarah Roesink frå Kassel i Tyskland - Gry Bruseth Traaen frå Ulefoss i Telemark - Elisabeth Nilsen Emmerhoff frå Skånevik i Sunnhordland.
 

I tilegg kjem eit bidrag i film frå Eugenia Ivanissevich frå Buenos Aires i Argentina

”Me ynskjer å fortelja små historiar mellom menneske i bileta, med håp om å gje ei kjensla i fotografia og opna for tolkningane til sjåaren. Sjåaren tolkar sjølv gjennom erfaringar og kunnskap.  Historier i bilete om historier av tid som alt har gjenge.” 

Opningstider:  Onsdag 5. juli  kl. 19.00 - 21.00  Torsdag 6. juli kl.  - Fredag 7. juli - Laurdag 8. juli alle dagar kl. 12.00 - 17.00. 

Takk til:  
Sunnhordland Mekaniske Verksted AS - Skånevik Bluesfestival - Etne Sparebank - Etne Kommune for flott støtte til utstillinga!
  
28.06.06 11 - 10 for kulturhus i Etne
  Haugesunds Avis:  Tilhengjarane truga med at Ølen kom til å bli kultursentrum om ikkje kulturhus blir bygt i Etne no. Motstanderane trur kulturhus til 65 millionar betyr avvikling av Rygg og Fjæra skular og kan hende også deler av skånevikskulen.

Etne kommunestyre var delt nesten på midten då fleirtalet i går vedtok at Etne sports- og kultursenter skal byggjast. I forlenginga av samfunnshuset, som skal pussast opp, skal det byggjast vidaregåande skule, bibliotek, fleirbrukshall og kunstgrasbane. Etter planen skal senteret stå klart til august 2008.
Det fall harde ord i den nesten tre timar lange debatten. Eit utsetjingsframlegg frå Frp fall med 11 mot 10 røyster.
– Er me villige til å leggja ned skular i utkantane for å byggja eit monument i Etne sentrum? spurte motstandar Finn Ove Solberg (Skånevikslista). Og kjære ordførar, er det fordi naboen (Vindafjord) har fått større bil som gjer deg så engasjert? spurte han ironisk.  Les meir i Haugesunds Avis

21.06.06 Breiband over fjorden
  Haugesunds Avis:  Tidleg tysdag morgon la Skånevik og Ølen Kraftlag (SØK) 1.800 meter breidbandkabel på rundt hundre meters djup frå Vaka ved Ølensfjorden til Børkjenes ved Etnefjorden. Dermed får heile gamle Ølen kommune, pluss Skånevikstrand og Skånevik, breibandtilbod. Folk og firma får tilbod om internett, 25 TV-kanalar og telefoni. Nett som i byen.

E-verksjef Kristoffer Vannes i SØK seier sjøkabelen bind heile dekningsområdet deira saman. I år investerer SØK rundt ni millionar kroner i breiband. Frå Ølen er det lagt breiband til Ølensvåg og vidare til Bjoa skule, som blir kopla til i september. Til neste år, i juli, skal Vikebygd også ha breiband.

Frå Børkjenes er det meste gravd heilt fram til Skånevik, slik at det kan koma "lys" i breibandkabelen til Skånevik idrettshall alt dei første dagane i juli. Skånevik skule skal vera tilkopla i september og firma som Johanson Rør er klare. Bustadfelt som Ligrend vil ha breibandet operativt tidleg i 2007.  Les meir i Haugesunds Avis
    
20.06.06 Midlar til Bluesbygda Skånevik
 Pressemelding frå KRD:  Kommunal- og regionaldepartementet har sett i gang ei småsamfunnssatsing retta mot lokalsamfunn i distrikta som eit element i distriktsløftet. Småsamfunn er lokalsamfunn med lange avstandar til regionale sentra, nedgang i folketalet og med ein sårbar næringsstruktur.

– Regjeringa legg opp til å løyve meir enn 100 millionar kroner til dette viktige formålet i stortingsperioden, seier statsråd Åslaug Haga.

Småsamfunnssatsinga er ei fleirårig satsing, og skal vere ein del av regjeringa sitt distriktspolitiske løft som blir presentert i stortingsmeldinga om distrikts- og regionalpolitikken. Satsinga inkluderer ulike pilotprosjekt rundt om i kommunane og ein særleg innsats overfor utkantbutikkar gjennom MERKUR-programmet (Merkantilt kompetanseprogram for utkantbutikkar) samt eit eige utviklingstilskot. Det er også aktuelt å setje i gang utgreiingsarbeid som kan medverke til å målrette politikken på dette området ytterlegare.  Les meir i på websida til KRD  Hordaland Fylkeskommune har i tillegg gitt kr. 200.000 til prosjektet.
 
16.06.06 Skånevik Bluesfestival deler ut stipend
  Skånevik Bluesfestival skal i år dela ut eit kulturstipend til unge musikarar.  Stipendet på kr 10.000 er eit resultat av samarbeidet med Posten.  Festivalen vert arrangert for 10. gong og stipendet er ein del av markeringa.  Unge framstormande utøvarar er aktuelle for stipendet innan sjangrar som blues, rock og soul.  Det andre kriteriet et at kandidatane må vera frå Etne eller Vindafjord kommune.  Send inn cd med smakebitar på det de har laga av musikk til Skånevik Bluesfestival v/ Alf Warloe Christophersen 5593 Skånevik.  

Ein jury vil vurdera kandidatane og prisen vert delt ut under konserten ved House of Blues laurdag 8. juli.  Les meir i Grannar

12.06.06 Sommaren kom til torget
   Grannar:  Det mangla ikkje på sommarstemning på torgdagen i Skånevik på laurdag. Stine Sandvold vart lokka av jordbær som strutta av solglans.
— Det passar å ete jordbær i dette veret, seier Stine Sandvold som får fritt val på jordbærbordet til Tommy Johansson.
Ikkje akkurat norske jordbær, men belgiske gjorde også susen med kø framfor bordet til Johansson.
Varmt ved grillen
Litt lenger borte var Sawic Stanislaw blant dei som fekk eit par varmegrader ekstra over grilljobben. Polakken som har fått seg jobb på SMV, synest det var stas å vere med på torgdagane.
Enkelte var nok freista til å sole seg i hagen eller tøffe på fjorden i det fine vêret. Det var eit jamt sig med folk ut over dagen, men ikkje så stor trengsel som det av og til pleier å vere på den populære torgdagen på kaien og sentrum i Skånevik.
— Det er kjekt med det fine vêret, men det er eit kjent fenomen for slike arrangement at då finn folk også andre ting å gjere på. Men her er no ein del folk, seier konferansier Olaf Larsen.
Strandebarm songlag og Skånevik musikklag var det mange som stoppa opp for å lytte til.  Les meir i Grannar

09.06.06 300 gjekk over fjellet
  Grannar:  Sjølv om enkelte tykte turen over fjellet frå Skånevik til Etne 1. pinsedag var litt slitsam i periodar, var det ingen som ikkje ville ta turen på nytt eit anna år. Det var flott turver, men litt kjølig på toppen. Men utsikten var det ingen ting å seia på, den var fantastisk i det klare juniveret.
  Dag Silde i arrangementskomiteen fortel at rundt 300 personar deltok i den 18. Postvegmarsjen, som dette året gjekk frå Skånevik til Etne med målområde ved kulturhuset.
— Det må me seia er brukbart. Det er ikkje rekord, men dei siste åra har talet lege på 200-250 deltakarar. Det som var litt spesielt i år var at det var så mange som gjekk for fyrste gong. Heile 92 personar, det er jo svært positivt, seier Silde. Han kan også fortelja at det var fem personar som gjekk for 18. gong, det vil seia alle gongene   Les meir i Grannar
 
01.06.05 Suksess i dårleg vêr
 Grannar:  Det vart nesten deltakarrekord i Langs Åkrafjorden, sjølv om vêrgudane slett ikkje var på arrangørane si side.
  — Me er ekstra fornøgde med at mange deltok for fyrste gong i år. Det merka me godt i og med at dei som kom i mål fekk ulike krus i forhold til kor mange gonger dei har vore med før, seier John Karsten Hustveit.
Den gamle deltakarrekorden på 333 står framleis, men det var ikkje mykje om å gjere. I år var 320 deltakarar med på Langs Åkrafjorden. 44 av dei var så spreke at dei sprang løypa, 115 gjekk tur og 161 sykla.
Av dei som tok turen, var mange med for fyrste gong. To av dei var Ingebjørg Haugen Skjervheim og Trude Pedersen frå Odda som gjekk turen frå Tjelmeland til Teigland. Dei var gjester på Kyrping Camping denne helga.
— Kva synest de om turløypa?
— Det er heilt utruleg flott. Eg har til og med sett blåveis, det har eg ikkje sett sidan eg var lita jente, seier Trude Pedersen.
— Me har sett så mykje flott! Kvifor har me ikkje vore med på dette før, spør Ingebjørg Haugen Skjervheim.  Les meir i Grannar

22.05.06 Hans Olav Tungesvik fyller 70 år
  Liv Tungesvik:  Måndag 22. mai fyller mannen min,  Hans Olav,  70 år.   Då vil han gjerne samla slekt,  bygdefolk , vener og samarbeidspartnarar til Ope hus på Skånevik Fjordhotell kl.1500.

Dagen før skal familien og ein del  - for det meste tilreisande gjester -  på cruise i Sunnhordlandsbassenget med veteranferja M/F  Skånevik.

Ingen treng tenkja på gåver til jubilanten.  Skulle nokon derimot ha lyst til å gi ei gåve til gode føremål,  så kan han tenkja seg å dela det som blir gitt,  på 3 gode tiltak der han har engasjert seg.  Det gjeld eit lokalt tilta k,  eit nasjonalt og eit internasjonalt,  nemleg:  a)  Etne Frivilligsentral,  b)  Viken Senter for Psykiatri og Sjelesorg i Bardu  (Modum Bad i Nord) 

og c) Misjonsalliansen.   Gåva kan gjevast på Fjordhotellet eller adresserast til Hans Olav Tungesvik og setjast på konto nr. 3565.57.69453.   ( Feil kontonr. i Grannar ) Skånevik Fjordhotell har uavgrensa kapasitet,  og alle som har lyst til å helsa jubilanten,  er hjarteleg velkomne.

15.05.06 Formannskapet klagar
   Grannar:  Takstnivået blir klaga inn til overskattetakstnemnda, og rammene for eigedomsskatt skal utgreiast.  Det vedtok Etne formannskap måndag i eit ekstraordinært møte etter at dei nye takstane har skapt furore blant dei involverte partane.
— Me meiner nivået verkar for høgt, seier ordførar Amund Enge (H) til Grannar.
— Burde ikkje de sett på førehand at ei omtaksering ville gi vesentleg høgare takstar?
— Eg trur ingen såg føre seg at det skulle bli slike takstar. Det var ikkje det som var intensjonen. Takstane var gamle, og nå tok det litt av. Kommunestyret hadde vel ikkje kunnskap om at det var omsetningsverdien som skulle ligga til grunn, seier Enge.
Fleire formannskapsmedlemmer uttrykte skepsis til å klaga til overskattetakstnemnda. Etter mykje att og fram gjorde formannskapet til slutt eit samrøystes vedtak om å klaga på den generelle taksten. Dermed skal overskattetakstnemnda nå gå gjennom takstane på nytt. Les meir i Grannar
   
09.05.06 Ikkje tilfredse med svar
  Grannar: Aksjonistane i eigedomsskattetvisten i Etne er slett ikkje tilfredse med dei svara kommuneleiinga kunne gje. Utmarsjen frå kommunen sitt orienteringsmøte onsdag kveld var planlagt. Nå går det mot rettssak.
Ordførar Amund Enge kalla torsdag inn formannskapet til ekstraordinært møte i ettermiddag. Eigedomsskatten er den einaste saka som står på dagsorden.
Med i sakspapira følgjer ei utreiing av Inge Danielsen ved Geoservice Trondheim. Ordføraren bad om ein slik rapport etter møtet onsdag kveld.
— Me må sjå på om det kan gjerast noko. Det er sju forskjellige måtar å gjera noko på, forklarer Enge, som tilbakeviser kritikken som kom mot han då han ikkje kom på det første møtet om eigedomsskattesaka.
Amund Enge eig sjølv ein av eigedommane som ligg innanfor skattegrensa, og han oppfatta det første møtet som eit internt møte der han var invitert som grunneigar. Difor valde han å ikkje prioritera møtet. Hadde han vore invitert som ordførar ville han ha gått, forklarer han. Les meir i Grannar
 
28.04.06 Etnebuen krev full retrett
  Haugesunds Avis: – Rot, ulovleg og heilt feil taksering. Korleis kan dei taksera hus dei ikkje har vore inne i?  Gamlelensmann Olav Hermansen ville at sentrumsbuarar i Etne og Skånevik skal gå rett til advokat med kommunen sin eigedomsskatt. – Me er ikkje meir bymessige enn Sand, og der slo retten fast at dei ikkje kan krevja eigedomsskatt på bustadhus, sa han.
 
Rot
Fleire næringsdrivande skildra rotet under takseringa: Ivar Åsbø i Åsbø Sanddrift fortalde at han har fått rekninga for sementsiloen til Erik Grunnaleite i Etne Betong.
– Ja, ikkje nok med det. Eg fekk også rekninga for ei pizzabedrift som held til i Geco-bygget, fortel han. Før betalte han 8.000 kroner i eigedomsskatt. Nå krev kommunen han for 56.000 kroner og Gravelsæter i Etne Betong har fått auka rekningen frå om lag sju tusen kroner til 49.000 kroner, sjøl om sementsiloen havna på rekningen til naboen.   Les meir i Haugesunds Avis
  
28.04.06 Blues Brothers til Skånevik
  Grannar:  Jubileumspresangen til bluespublikummet er klar: 7. juli blir det eit gjensyn med Blues Brothers.
— Det er kanonbra. Det er bandet som har fått teltet til å dirra mest og er vel det bandet som flest av publikum har ønskt tilbake igjen, seier festivalsjef Alf Warloe Christophersen i Skånevik Bluesfestival.
For tre år sidan fekk 3.000 publikummarar med seg Steve Cropper, Donald «Duck» Dinn & co då dei besøkte Skånevik.
Gjensynet med bandet er eit ledd i ti års markeringa av festivalen.
— Sidan me feirar ti års jubileum ville me ha tilbake nokre av dei som har vore den største suksessen på festivalen tidlegare, seier Warloe Christophersen, som stadfestar at avtalen med Blues Brothers er i boks. Fredag 7. juli står «The Original Blues Brothers Band» igjen på scena i bluesbygda Skånevik.
— Då kjem det til å svinga i teltet, trur festivalsjefen.  Les meir i Grannar
  
27.04.06 Siste finpuss for Villmarka
  Grannar: I fjor var nærare 2.000 publikummarar innom Jakt, fiske og turdagane i Skånevik. Komiteen vonar på minst like mange gjester i år.

— Det byrjar å kome seg no. Det meste av grovarbeidet er ferdig, så no står berre finpussen att, seier leiar for Jakt, fiske og turdagane, Turid Straumsøy.
Arrangementskomiteen vil i år skryte spesielt av ungdommane i bygda.
— 10. klassingane har vore spesielt flittige på dugnadar, dei er ikkje redde for å ta i eit tak, seier Paul Tungesvik i arrangementskomiteen.

Gjerde rundt uteområdet
Etter å ha fått inn eit evalueringsskjema frå fjoråret, viste det seg at utstillarane inne i idrettshallen syntes det var urettferdig at det var gratis for publikum å vera på uteområdet. Det gav utstillarane som heldt til ute ein fordel. Dette skal arrangørane ta omsyn til år. Det vil bli sett opp eit gjerde, slik at ein også må betale inngangspengar for å kome inn på uteområdet. — Eg forstår godt at dei reagerte på det, me lærer litt for kvart år, seier Turid Straumsøy og smiler. Les meir i Grannar
 
26.04.06 ”Skånevik” skal bli eit flytande kulturhus
  Den freda ferja har fått fast liggjeplass ved kaien til den nedlage hermetikkfabrikken i bygda ho har namnet etter. Om det blir bluescruise under den store festivalen første helga i juli, er uvisst. På litt sikt er slike oppdrag noko ferjelaget satsar på.

– Ja, målet vårt er at ”Skånevik” skal bli eit flytande kulturhus. At fartyet er freda betyr slett ikkje at det skal liggja i fred og ro. Tvert om, ferja skal vera i aktivitet. Men først må ho setjast i fullgod stand og stetta krav til sertifikata. Mykje av arbeidet må av økonomiske årsaker gjerast på dugnad og då tek det si tid.
Etter år i opplag er det litt å ta att, seier leiaren i ferjelaget Viggo Nonås. Les meir i innsida.no
  
  
18.04.06 Nye jobbar i Skånevik
  Haugesunds Avis: Maskinarbeidar Arne Leknes ved Sunnhordland Mekaniske Verksted (SMV) i Skånevik treng fleire kollegaer.  Produksjonslivet i bygda fossar fram. Bedriftene gjer alt dei kan for å skaffa fleire folk. – Me manglar seks ingeniørar og fagarbeidarar. Dei skulle fått jobb på dagen, seier dagleg leiar i SMV, Lars Hovda (38).  Han er tredje generasjon i verksemda. Dei har sett ut komponentproduksjon til Estland og deler kvart år ut lokale utdanningsstipend og er lærlingbedrift for lokal ungdom. Alt for å skaffa nok arbeidskraft.

Heile verda
– Me utviklar og lagar kjøretøy og stasjonære anlegg for aluminiumsindustrien over heile verda. Så lagar me motordeksel og andre deler til båtmotorar for mellom andre Rolls Royce. Og så har me ei serviceavdeling. Der reiser folka over heile verda, Qatar, Island, Canada…, fortel den unge leiaren.  56 tilsette gjer SMV til den største produksjonsbedrifta i Etne. Og Skånevik-bedrifta samarbeider tett med Energi Teknikk A/S i Dimmelsvik (tidlegare SMV-leiar Paul Hovda er medeigar). 14 kraftstasjonar til småkraftanlegg er alt levert, mykje er produsert i Skånevik og ytterlegare 20 kraftanlegg er i bestilling.

Ikkje åleine
Det industrielle produksjonsmiljøet er forbausande stort og tel over 200 arbeidsplassar. Alt frå Skånevikstrand Maskinstasjon (26 tilsette) til Industrivask Haugaland (23 tilsette) til hyttebyggjaren Tungesvik Bygg A/S.
 – Me har investert 2,5 milionar kroner i topp utstyr, mellom anna ei ny produksjonslinje for hyttedeler til 700.000 kroner som er ferdig montert i desse dagar, forklarar Trond Rune Tungesvik medan han viser rundt. Han starta for seg sjølv i 1973. To søner, Torgeir og Halldor, har gått tømrarvegen som faren og tel med blant dei 20 som reiser hytter i inn- og utland.  
Les meir i Haugesunds Avis

07.04.06 Heimebakst frå Indre Nes
  Grannar:  Dei aller fleste likar ei eller anna form for heimebakst. Det har to søstrer og mor deira satsa på og opna si eiga vesle bedrift i kjellaren på Indre Nes. Der tryller dei fram lefser, potetkaker og nordlandskaker av beste sort.
Når me kjem inn døra, slår den gode lukta frå nylaga lefser mot oss og kaffien er heller ikkje langt unna. Dei to søstrene er i full sving med dagens bakst og det er lefser som står for tur. Men dei tek seg tid til litt kaffi og ein prat med Grannar sin utsende. Frå omnen sprakar det i veden og dei nysmurte lefsene glir ned på høgkant.
— Draumen vår er vel å kunne drive med dette på full tid, men me er ganske nystarta så me får sjå korleis det går, seier Kari Hansen. Les meir i Grannar
 
07.04.06 Skal setja jetfart på Etne
  Grannar: Oppleving med jetbåt skal skapa fart og spenning og vera Etne sitt nye fyrtårn. Den skal vera med og identifisera kommunen som reiselivsdestinasjon.
I alle fall om innbyggjarane tenner på Egil Ørjan Thorsen sin nyklekka plan for å fart på reiselivet i Etne.
Thorsen er nyleg tilsett som prosjektleiar innan reiseliv og landbruk i Etne kommune. Nyleg inviterte han til ope møte på Fugl Fønix hotel for å presentera seg sjølv og prosjektet. Før møtet hadde han gjennom Grannar varsla at han ville presentera eit heilt unikt prosjekt som etter hans visjon skulle vera med og setja Etne på kartet.   
Om det var det som lokka etnebuen og tilreisande ut eller ikkje skal vera usagt, men folk strøymde til hotellet i hopetal. Sjølv om det etter kvart blei både trongt og varmt i konferansesalen, var det eit lydhøyrt publikum, samansett av nær sagt alle yrkesgreiner, som lytta til det Thorsen hadde å fortelja.  Les meir i Grannar
 
01|.04.06 Høgre stør arbeidet for tunnel Skånevik og Etne
  Innsida.no:  Kvinnherad Høgre stør arbeidet for tunnel mellom Skånevik og Etne. I eit brev til ordføraren i nabokommunen peikar partiet på at ein tunnel m.a. vil gje store delar av Kvinnherad kortare og betre veg til Haugesund. Ja, tunnelen vil vera til svært stor nytte for kvinnheringar som skal både aust og vest etter å ha kome med ferja til Skånevik, heiter det i ein uttale etter eit medlemsmøte i Høgre.
– Men før vi om ein del år får tunnel, må kommunane Etne og Kvinnherad arbeida for at dei to – tre siste kilometrane av riksveg 48 frå Håland mot Skånevik sentrum vert opprusta. Slik som vegen er her i dag, kan ikkje ein riksveg vera, skriv Kvinnherad Høgre.  Lesarinnlegg i Grannar
  
27.03.06 Set sluttstrek i Vadsø
  Grannar:  Førstkommande helg set tre lokale langrennsess sluttstrek for ein lang og begivenhetsrik sesong. Chris Jespersen har ambisjonar om å prestere på NM-femmila. Det same har Bjørnar Larsen og Thomas Vestbø i noregscupfinalen.

Chris Jespersen har brukt denne vinteren til å ta eit steg vidare. Det var ikkje hans øvingar verken i NM eller Ungdoms-VM. Skånevik-guten beherskar nemleg fristil betre enn klassisk. I Vadsø får han sjansen til å gå favorittstilarten. 50-kilometer fristil står på programmet i andre del av NM. Det er ein forventningsfull 22-åring som reiser til Finnmark.  Les meir i Grannar
 
24.03.06 Villmarksmessa i Skånevik nærmar seg
  Leif Arne Løvereide: Leif Arne Løvereide: Dag Kjelsaas, redaktør i bladet Villmarksliv opnar årets Jakt,-Fiske og Turdagar i Skånevik 28. til 30 april. Han vil og fortelje om spennande snikjakt, som ikkje må forvekslast med ulovleg jakt. Han dreg og like godt til med eit føredrag om snikfiske, kunsten å lura seg innpå storfisken for få han på kroken i staden for å skremma maten vekk. Med hans lange erfaring som naturfotograf og villmann med lokalkunnskap frå heile landet, vil det bli spennande og interessant å høyra hans betraktningar i temagarasjen lørdag og søndag.

På messedagane vert det lodda ut et hjorteløyve, 4 årsabonement på bladet Villmarksliv, jaktjakke frå Felleskjøpet og et fiskedøgn i Etneelva frå Etne Jeger og Fisk m.m. Villmarksmessa tilbyr og i år eit mangfald innan aktiviteter, informasjon, video, lysbildeføredrag, friluftsutstyr, båtar, bilar med meir.

Informerande flygeblad om messa er alt i omløp, plakatar kjem snart og messeavisa med et opplag på nærare 25.000 eksemplar går snart i trykken.

Arrangørgruppa er i høggir for tida med planlegging og ser fram til for 3. gang å presentere ei   Villmarkshelg du berre må få med deg!
 
20.03.06 - Saman er vi sterkare
  Grannar:  Saman kan naboane Etne og Sauda hjelpa kvarandre, og med felles front kjempa for både Skånevik-tunnel og Sauda-tunnel.
Onsdag møttest dei to formannskapa til felles møte i Sauda. Victor Carlsen jr., leiar i interimsgruppa, presenterte planane om tunnel mellom Etne og Skånevik for formannskapet i Sauda i håp om å få støtte frå saudabuen. For tunnel mellom Etne og Skånevik vil ikkje berre gagna lokalbefolkninga.
— Det kan verka som ein lokal vegstubb, men det er viktig for heile regionen, frå Ryfylke til Bergen, sa Etne-ordførar Amund Enge (H) til Sauda-politikarane.

Samla prosjekta
Tanken er at Sandsfjord bru, tunnelen mellom Sauda og Etne og Skånevik og Etne vil bli ein del av den indre stamlinja mellom Ryfylke, Sunnhordland og Bergen.
— Sauda, Etne og Kvinnherad vil vera sentrale knutepunkt langs denne linja, sa Carlsen jr., som fekk god respons då han presenterte planane for formannskapet i Kvinnherad.  Les meir i Grannar
 
17.03.06  Færre vil til Ølen
  Grannar:  37 færre elevar har Ølen vidaregåande skule som sitt førsteval samanlikna med i fjor. Også ved Etne vidaregåande skule er søknadstala låge.
249 primærsøkjarar har valt Ølen vidaregåande skule, mot 286 i fjor.
— Me synest det er litt lågt, men det skal vera eit inntak til og me håper og trur at tala kan bli endra, seier rådgivar Marthon Hustoft ved Ølen vidaregåande skule.
Heller ikkje ved Etne vidaregåande skule jublar dei over søknadstala som viser 35 primærsøkjarar.
— Det er på dette nivået det har lege dei siste åra, men me skulle sjølvsagt ynskja oss fleire søkjarar. Det er litt låg søknad til alle Vg1-kursa, mens det er betre på kjøretøy og arbeidsmaskinar (VKI), seier rektor Ivar Fredriksen ved Etne vidaregåande skule.  Les meir i Grannar
 
17.03.06 Blei ny på jentekveld
  Grannar: Reidun Grønfur blei skeina opp frå topp til tå under jentekvelden på Skånevik Fjordhotel sist fredag. Ho var den heldige vinnaren av «bli-ny-billetten» som Trimgruppa i Skånevik Idrettslag freista med på inngangsbilletten.
Medan dei andre kvinnene rundt borda i restauranten, rundt hundre i talet tippar me, blei viste siste nytt på motefronten, blei Grønfur tatt med til fornying.
Er det noko som lokkar kvinnene ut, så er det motevising. Og ingen gong er det meir freistande med noko nytt enn når våren er i kjømda.
Mannekengar frå Skånevik sin eigen motebutikk, Alfee, viste antrekk for kvinner i alle aldrar og for alle høve. Langbukser i mange modellar og toppar i lekre pastellfargar, stilige drakter og skjørt og blusar. Alt sett saman i vårens fargar, med markerte belte og smykke som naturlege tilbehør. Les meir i Grannar
 
16.03.06 Auka verdiskaping mellom landbruk og reiseliv
  Egil Ørjan Thorsen:  Prosjektet auka verdiskaping mellom landbruk og reiseliv har starta. Prosjektleiar er på plass og har nå vært aktiv arbeidande i to veker. Etne kommune og alle som har jobba for å få prosjektet på beina vil med dette rette ein takk til bedrifter, lag og organisasjonar som har mogleggjort at me nå har kome i gang. Me har sjansen til å bevisa at gjennom koordinert samhandling kan me gjøra Etne til ein enda betre plass å komma til som turist, gjennom å tilby målretta og framtidsretta tilbod basert på Etnes lokale ressursar. I så fall kan me styrkja eksisterande tilbod og arbeidsplassar, og samstundes ha moglegheita til å skapa nye arbeidsplassar.

Me satsar friskt med stormøte måndag 27. mars kl. 1930 Hotell Fønix kor alle som er interessert å få vita meir om prosjektet kan koma. Det blir lett servering med fokus på lokalt foredla råvarer, og elles opent for kjøp av forfriskingar med hyggelige prisar. Sjå vedlagt program for kvelden.

16.03.06 Vil ha bompengar på ferja
  Grannar: Victor Carlsen jr. kan tenkja seg førehandsbompengar på ferja Skånevik-Utåker til finansiering av tunnelprosjektet Skånevik-Etne. Interimgruppa for tunnel orienterte sist veke 34 frammøtte i Etne kulturhus om planane.
Førehandsbompengar er ikkje ukjent på ferjestrekningane i Kvinnherad, opplyser rådmann Trond Sætereng. Det har blitt kravd inn førehandsbompengar på ferjene både i Halsnøysambandet og i Hardangerfjordsambandet. Politikarene har i utgangspunktet akseptert at førehandsbompengar har vore ein nødvendig del av finansieringa av større vegprosjekt, men dei har ikkje konkret diskutert bompengar på Skånevikfjorden.
Få etnebuar møtte fram til orienteringsmøtet i Skånevik for ein månad sidan, og ordførar Amund Enge tok difor til å orde til å presentera prosjektet også på Etne-sida av det planlagde holet gjennom fjellet.
Dei 34 som møtte fram, var positive og engasjerte, og dei stilte mange spørsmål og kasta fram mange tankar for interimgruppa.  Les meir i Grannar
 
14.03.06 Kveldsete med Anders Hovden
  Skånevik Mållag:  Fredag 31. mars blir det ny Kveldsete i Skånevik Mållag sin regi.  Det er i år 100 år sidan Noregs Mållag vart skipa,  og i det høvet blir det ein av dei som var med på skipingsmøtet natta mellom 4. og 5. februar 1906, som står i sentrum for programmet:  Diktaren, presten og folketalaren Anders Hovden.  Det var eit langdrygt møte,  og utpå natta gjekk lyset.  Då ropa Anders Hovden: ”Det gjer ikkje noko,  me hev ljos innvertes.”

Både i salmane,  i dei nasjonale og folkelege songane og diktsamlingane  har Anders Hovden etterlete seg rike skattar.   Dei fleste nordmenn kjenner både ”Fagert er landet”  og ”Hjelp meg, Herre Krist,  å strida”  og mange andre tekster. Skånevik-venen og sunnmøringen Arne Grimstad,  som var styrar ved Skånevik Realskule frå 1949 til 1953,  står for programmet.   Han er – som Hovden – sunnmøring og ein framifrå kjennar av Anders Hovden sitt liv og diktinga hans.   I tillegg til foredrag,  skal me syngja Hovden-songar,  og me skal dela ut målprisen 2006 til ein førebels ukjend vinnar.   Som vanleg ét me kveldsmat i lag,  og det blir ei enkel utlodding.   Kveldseta er open for alt folket.   Kvar og ein er velkomen.
 
13.03.06 Dum Dum Blues?
  Haugesunds Avis:  Skånevik Bluesfestival er i dialog med Dum Dum Boys. I følge festivalsjefen tok trønderne selv kontakt og vil uansett ikke spille andre steder på Haugalandet.

- Det er mange som tar kontakt med oss og vil spille her. Dum Dum Boys er et eksempel på det. De har veldig lyst til å spille her, sier festivalsjef Alf W. Christophersen.

Noen kontrakt er foreløpig ikke skrevet. Band og festival regner med å bli enige i løpet av en uke eller to.

- Det er egentlig ikke noe spesielt det står på. Vi er interessert. Bandet er interessert. Vi bestemmer oss snart, sier Christophersen.  Les meir i Haugesunds Avis og i Grannar.

10.03.06 Whitesnake til bluesfestivalen
  Den verdskjende britiske rockegruppa Whitesnake med David Coverdale i spissen kjem til Noreg i sommar.  Gruppa kjem til å laga eit forrykande show under Skånevik Bluesfestival laurdag den 8. juli.  Du vil få oppleva ei gruppe av store dimensjonar som har seld meir enn 40 mill. plater. 

Whitesnake blei starta i 1977 av Deep Purple vokalisten David Coverdale som mange meiner har ein av rockens beste stemmer.  Mange store artistar har vore innom gruppa som framleis vert rekna som ei av dei største innan rock.  Dei kjem til Skånevik Bluesfestival rett frå sin store 2006 – turne i Storbritannia og ikkje sjeldan vert showa deira utseld lang tid på førehand. 

Gjennom den lange karrieren har Coverdale vore bandet sin store leiar.  Han har utvikla seg og bandet heile tida og har tatt dei til stadig nye høgder. I Skånevik vil ein møta ein vokalist og ei gruppe som verkeleg vil skapa noko for publikum.  Les meir i Haugesunds Avis

10.03.06 Kolås til ny bank
  Grannar:  Per Rune Kolås er tilsett som seniorrådgjevar for bedrifts- og personkundar i Sparebanken Vest, med Etne og Skånevik som ansvarsområde. Han kjem frå Etne Sparebank.

Per Rune Kolås byrjar i Sparebanken Vest om lag 1. juni, med Skånevik som kontorstad. Organisasjonsstrukturen i regionbanken er under omlegging, mellom anna fordi Sparebanken Vest opnar nytt avdelingskontor i kjøpesenteret i Etne i november.
— Kolås skal arbeida i Skånevik inntil kontoret i Etne blir opna, seier regionbanksjef Arnt Sortland.
Når Etne-kontoret er opna, vil Kolås truleg bli øvste leiar for både Skånevik-kontoret og det nye Etne-kontoret, med Etne som hovudbase.
Den nye seniorrådgjevaren i Etne og Skånevik rapporterer til Arnt Sortland, som har kontorstad i Leirvik. Han er regionbanksjef for alle Sparebanken Vest sine kontor i Sunnhordland, pluss den nye Haugesunds-avdelinga.
Banksjef Sigve Leknes i Sparebanken Vest si avdeling i Skånevik gjekk av med AF-pensjon 1. mars.  Les meir i Grannar

 
27.02.06 Tredje best i Hordaland
  Grannar:   Etter å ha blitt nummer tre av skulane i Hordaland i matematikk-konkurransen KappAbel, er elevane i 9. klasse ved Skånevik skule samstemde, matte er kjekt.
  I Niels Henrik Abels ånd har 9. klasse ved Skånevik skule delteke i den nordiske matematikk-konkurransen KappAbel 2005/06. I Noreg og Island deltek 9. klassetrinn, medan elevar frå 8. klasse deltek frå Danmark, Finland og Sverige.
Konkurransen blir arrangert av «Stiftelsen KappAbel», som er oppretta av Froland kommune og Det Norske Videnskaps-Akademi, Oslo til ære for matematikkgeniet Niels Henrik Abel (1802-1829).
I utlandet er Abel like berømt som Ibsen og Munch. Han døde berre 27 år gammal. Han er gravlagt på Froland kyrkjegard i Froland kommune i Aust-Agder.
I sitt korte liv løyste han og førde bevis for problemstillingar som matematikarar over heile verda hadde strevd med i over 250 år utan å lukkast.  Les meir i Grannar

21.02.06 Bibelomsetjar som yrkesmål
  Grannar:  Silje Malene Garvik (22) siktar seg inn på eit yrke utanom det vanlege. Ho vil bli bibelomsetjar. Det er ikkje utenkjeleg at den blide skåneviksjenta blir lokalkjent på Papua Ny-Guinea i løpet av yrkeslivet.

Eit besøk frå Sigmund Evensen i den tverrkyrkjelege misjonsorganisasjonen Wycliffe sådde kimen til kallet som bibelomsetjar. Dette var for tre år sidan, då den unge jenta gjekk på Normisjon sin bibelskule på Hurdal på Romerike.
I gjennomsnitt kvar fjerde dag startar arbeidet med å setja om Bibelen til eit nytt språk, og Wycliffe står for brorparten av prosjekta. Etter bibelskulen gjekk Garvik eit halvt år på landbrukshøgskulen på Ås, men det veksande kallet til å bli bibelomsetjar gjorde at ho søkte seg inn på bachelorstudiet i lingvistikk ved Universitetet i Oslo.  Les meir i Grannar
 
17.02.06 Ser lys i tunnelen
  Haugesunds Avis:   Tunnelen Skånevik-Etne må bli en realitet raskt. Den må komme lenge før 2025. Ellers er jeg redd Skånevik visner bort. Jeg tror det er et spørsmål om være eller ikke være for bygda.   Det sier leder for interimgruppa som har arbeidet med tunnelsaken, Victor Carlsen jr. Med seg i gruppa har han hatt Alf Ove Nilsen, Sarah Haaland, Roar Knudsen, Kristoffer Vannes og Turid Straumsøy fra Skånevik, og Geir Grindheim og Kjell Grønstad fra Etne sentrumsforening. Dessuten har etneordfører Amund Enge vært med.
Nå ser interimgruppa boksatvelig talt lys for tunnelen. På folkemøtet i idrettshallen i går fikk de full tilslutning fra et par hundre skåneviksbuer til planene for fortsatt arbeid for å realisere tunnelen.
-- Vi trenger ikke finne opp kruttet på nytt, derfor har vi hatt kontakt bl. a. med Gerhard Eide og Nils Arne Fosse som har vært drivkrefter bak Halsnøysambandet, sier Carlsen. Han legger ikke skjul på at tunnelen som det har vært snakk om siden 1990-tallet, er helt avgjørende både for bosetting og næringsetableringer Skånevik. Tunnelløsningen med vei i begge ender vil trolig koste mellom 250 og 300 millioner kroner.  Les meir i Haugesunds Avis
 
09.02.06 Ingen "flymat" til dei eldre
  Haugesunds Avis:  Pleie- og omsorgstrengjande i Etne skal serverast nylaga, varm middag også i framtida. Men det er uvisst kven som skal laga maten.

ETNE: Med fire mot tre røyster vedtok Komité Folk i Etne kommune i går at konsulentar skal utgreia om kommunen, private som Rodin eller Åkrafjordtunet eller andre skal laga maten til sjukeheimar og heimebuande i framtida.
Høgre, Sp og Skånevikslista utgjorde fleirtalet. Mindretalet, Ap, KrF og ein uavhengig vararepresentant, Annbjørg Flåte, ville også halda på vanleg middagslaging lokalt. Men dei ville ikkje utgreia om matstellet skal setjast ut til private firma. Men dei ville ofra eit av dei to kommunale kjøkena, enten Etne eller Skånevik.
Kommunestyret avgjer saka 21. februar.

Skeptiske
Heile Komité Folk var tydeleg skeptiske til kokt og kjølt middagsmat i plast frå Bergen eller andre plasser. Komiteen slår fast at det skal vera kok-server prinsippet.
Faglærar i kokkefaget og representant for Skånevikslista, Finn Ove Solberg, ba alle politikarar testa to-tre vekar gamal middag laga etter den såkalla sous vide-metoden (kokt med minimal lufttilsetting, pakka i plast og raskt nedkjølt).  Les meir i Haugesunds Avis
 
08.02.06 Runda 100 med stil
  Grannar: Denne helga har stått i nynorsken sitt teikn, 100 år etter at utsendingar til Maalmannsstemna i Oslo skipa Noregs Mållag. — Utruleg inspirerande, er dommen frå far og son Tungesvik, etter ei særs vellukka mottaking på Det Norske Teatret, fredag.
Få har som Hans Olav Tungesvik vore med på å forma den moderne utgåva av Noregs Mållag. I 1965 vart han som den yngste nokon gong valt til leiar. På landsmøtet i Ål.
— Eg var 29 år den gongen, og hadde heilt sidan eg starta med medisinutdanninga mi i Oslo vore engasjert i målsaka. Det var ei tid prega av indre strid. Kraftige konservative krefter ønskte ein heilt annan kurs enn det me andre ville ha. Ein kurs som garantert ville vore svært skadeleg for den moderne nynorsken sin plass i samfunnet vårt. Kuppforsøket vart slege ned, og då eg etter seks års leiarskap takka for meg, var det i eit samla og framtidsretta mållag, minnest Tungesvik. Han er også den leiaren som har site lengst etter krigen.  Les meir i Grannar

07.02.06 Jespersen til Skandinavisk cup
  Haugesunds Avis:  Korlevoll-løperen Chris Jespersen er tatt ut i den norske troppen til Skandinavisk cup i Estland til helgen. Jespersen er tatt ut på 10 km skøyting og 30 km klassisk. Som kjent pådro Jespersen seg en tåskade da han falt under U23-VM i helgen. Det gjorde at han måtte bryte duatlon.  Les meir i Hgs. Avis 

06.02.06 Vil ha lokal mat
  Grannar:  Ferdigmat frå Bergen er uaktuelt. Ordførar Amund Enge (H) vil ha maten produsert i Etne.
— Viss dagens kjøkken blir lagde ned, har me to store og gode kjøkken ståande. Med litt ombygningar og fantasifulle løysingar kan me laga det om til sous vide-kjøkken, seier ordførar Amund Enge.
Sous vide inneber vakuumpakka mat.
— Det er sagt at det kostar 1 million i ombygning og utstyr viss ein lagar sous vide-kjøkken utifrå eitt av dei kommunale kjøkkena, seier Enge.
Torsdag skreiv Grannar at dei to kjøkkena ved omsorgssentra i Etne og Skånevik blir foreslått lagde ned i omorganiseringsprosessen innan pleie og omsorg. Innsparingane er kalkulert til 1,2 millionar kroner. Innkjøp av ferdigmat frå Bergen blir vurdert, men ordføraren vil at maten skal produserast i bygda.
— Det er uaktuelt å få mat frå Bergen. Me skal klara å laga eit produksjonskjøkken sjølv i Etne. Dette handlar også om arbeidsplassar, seier Enge.

Nabokommunar
— Det kan henda at nokon kan tenka seg å starta ei slik privat bedrift eller utvida bedrifta si til eit ekstra bein å stå på. Det kan også tenkast at kommunen lagar ei bedrift ut av det, seier Enge.
Ein konsulent er nå hyrt inn for å gi svar på om det er mogleg og korleis ein kan etablera eit produksjonskjøkken i Etne.  Les meir i Grannar
 
03.02.06 Chris tilbake i toppform
  Haugesunds Avis:  Chris Jespersen er tilbake i toppform – og det i klassisk. I går gikk han inn til en meget sterk 4. plass i U23-VM.   Jeg har aldri før gått raskere i et klassisk skirenn. Det er det ingen som helst tvil om.

Gårsdagens 4. plass på 15 kilometeren i U23-VM i slovenske Kranj, var langt bedre enn Chris Jespersen vågde å drømme om på forhånd.
At det i tillegg kom på en klassisk distanse, gjorde ikke gleden mindre. 22-åringen er fortsatt best når det handler om fristil.

- Må si jeg er overrasket, ja. Ikke lett å gi noe godt svar på hvorfor det gikk så bra denne gange, forteller han.

Etter innsatsen i de klassiske NM-løypene for to små uker siden, er det ikke vanskelig å forstå overraskelsen.
- Da stemte det ikke i det hele tatt, så vi gjorde noen justeringer i treningsopplegget, forklarer trener Roy Kaldheim.

Tok innpå
Justeringene hadde åpenbart sin virkning. Jespersen var beste norske på gårsdagens distanse.
Suverene Franz Göring fra Tyskland var det lite å gjøre med. Han vant med 46 sekunders margin til russiske Maxim Bulgakov. Ytterligere ti sekunder skilte ned til landsmann Alexander Legkov på 3. plassen.  Les meir i Hgs. Avis , Grannar og VG.

01.02.06 Byggjer ut fiberoptisk breiband
  Skånevik Ølen Kraftlag (SØK) har valt Haugaland Kraft AS som leverandør av innhaldstenester i si satsing på fiberoptisk breibandsnett.

Vi er svært nøgd med å ha inngått avtale med Haugaland Kraft og har stor tru på at produkta vil bli godt motteken av selskapet sine kundar seier daglig leiar Kristoffer Vannes.  - Innhaldstenestene er produsert for distribusjon på høgkapasitets fiberoptiske nettverk, og er difor ideelle i samband med Skånevik Ølen Kraftlag si satsing på denne type framtidsretta infrastruktur.  

Arbeidet med å etablere fibernettverk i Ølen, Ølensvåg og Skånevik er allereie i god gang og vi forventar å kunne levera til dei fyrste kundane til sommaren seier Vannes.

Avtalen omfattar levering av Internett, telefoni og digitale TV tenester til private husstandar og bedrifter i Skånevik Ølen sitt nettområde. Kunden vil kunna velje Internettkapasitet frå 6 til 50 Mb, gratis teljarsteg for telefoni på fasttelefon i hele Noreg, opp til 40 ulike TV-kanalar, i tillegg til leige av kvalitetsfilmar over nettet. Det digitale TV-tilbodet inneheld også programguide for alle TV-kanalane, og mange populære radiokanalar. Dette er den såkalla ”Lysepakken”.

Skånevik Ølen Kraftlag er også ein viktig samarbeidspartnar for oss når slik at vi kan oppfylle avtalen vi har med Vindafjord kommune og Etne kommune om leveranse av breibandstenester til kommunane seier breibandsansvarleg i Haugaland Kraft, Jan Håland.

Haugaland Kraft AS er samarbeidspartnar med Lyse som no har over 20 partnarar i heile Noreg og ein samarbeidsavtale med Midt Vest Breiband på Jylland i Danmark. Samarbeidsgruppa veks fleire stader i landet og i regionen er både Haugaland Kraft, Finnås Kraftlag, Fitjar Kraftlag, Sunnhordland Kraftlag, Tysnes Kraftlag og Tysnes Breiband samarbeidspartnarar med tilsvarande tenesteinnhald. «Lysegruppa» har no nærmare 40 000 kontraktar på levering av breibandstenester.

Olav Linga, administrerande direktør i Haugaland Kraft AS, har store forventningar og ser med glede frem til det denne samarbeidsavtalen legg grunnlag for. - Vi kan nå samarbeide om aktivitetar og ressursar i regionen på ein positiv og effektiv måte.

01.02.06 Fysioterapitenestene i Etne kommune
  Gudbjørg Christophersen:  På vegne av oss fire vaksne damene som var litt forundra over ulike meldingar om fysioterapitenestene i Skånevik, vil eg takka for den informasjonen helseleiaren gav i samtale med Grannar sin medarbeidar.

Men det er fortsatt einskilde sider ved informasjonen som er gitt (og informasjon me om mogleg ikkje har fått), som gjer at me undrar oss om alle brikkene i puslespelet, som helseleiaren kallar omorganisering, ikkje er lagde fram for oss.
I eit oppslag på omsorgssenteret i Skånevik seier nemleg helseleiaren i slutten av 2005 at ho er lei for dei lange ventelistene, men at stoda skal bli mykje betre etter 1. januar 2006, for då skal ein ergoterapeut styrke og avlaste fysioterapeuten.
Like etter vart dette oppslaget fjerna. I staden kom det eit nytt oppslag med opplysningar om at dei lange ventelistene m.a. var grunna oppfølging av born med funksjonshemmingar, søknadar om hjelpemidlar som hadde auka sterkt. Den same auken hadde ein fått innan rehabiliteringsarbeid på sjukeheimen og med nyopererte pasientar. Elles var det tiltakande arbeid ved helsestasjonen.
I denne informasjonen var det ikkje sagt eit ord om omorganisering av tenestene, heller ikkje eit ord om at den kommunale fysioterapeuten i Etne hadde sagt opp stillinga si og skulle gå over til privat verksemd i Etne.
Denne siste opplysninga har me fått frå «folk på bygda». Ingen i den kommunale tenesta, som me har hatt kontakt med, har kunna dokumentera at dette er slik. Medarbeidarar av denne fysioterapeuten er etter det me veit heller ikkje orientert om at fysioterapeuten skal slutta.
Derimot har me høyrt at det er på gang ein avtale mellom kommunen og ei privat verksemd om kjøp av denne typen helsetenester.
Fleire politikarar me har hatt kontakt med er litt forvirra over desse uklåre puslebrikkene, og me blei ganske forundra då me såg at Etne kommune lyste ut etter ergoterapeut i Grannar den 26, januar.
Var det den terapeuten helseleiaren lova skulle vera på plass 1. januar? Kva har gått gale?
Eller er heller dette ulne og uklåre biletet prov på at kommunen er på veg til å privatisera deler av helsetenestene sine?
Me ber om ei meir eksakt avklaring enn den helseleiaren gav oss i Grannar. Det vil dessutan vere storvegs om ordføraren kan gje oss svar på korleis me i framtida skal motta korrekte informasjonar om vitale endringar som ligg føre i tenestetilbodet, anten dei er planlagde eller ikkje.
Ordføraren har enda ikkje svara oss på korleis han ser for seg informasjonen til interesserte innbyggjarar som ikkje sit tett innåt den politiske leiinga, skal vera.
Med helsing
fire vaksne damer
ved Gudbjørg
Christophersen

31.01.06 Sit att med 25 kr dagen
  Grannar: Når Rannveig Tungesvik (85) har betalt husleige, mat og heimehjelp har ho att 776 kroner å leva for i månaden.  Rannveig Tungesvik bur i bufellesskapen på Skånevik omsorgssenter. Der har ho eit rom og eit bad for seg sjølv, og har felles matstove, kjøkken og to andre opphaldsrom saman med sju andre bebuarar. Rommet hennar er omlag 21 kvadratmeter stort, inkludert badet. For dette betaler ho 4.755 kroner i husleige kvar månad. Oppvarming og kommunale avgifter er inkludert, men rommet er umøblert.
I tillegg betaler Rannveig 2.578 kroner i månaden for abonnement på alle måltida. Heimehjelp har ho ein gong i veka og betaler til saman 600 kroner i månaden for det.
Rannveig får utbetalt 8.709 kroner i minstepensjon kvar månad. Dermed har ho 776 kroner att å bruka på vask, toalettsaker, presangar, telefon og andre ting.
— Eg hadde hatt lyst til å vore hos fotterapeuten igjen, men eg syt med det. Det kostar 300 kroner, og eg kan jo gå utan òg, seier Rannveig medan ho kikar lengselsfullt ned på beina sine.  Les meir i Grannar
 
30.01.06 Tunnelselskap like rundt hjørnet
  Haugesunds Avis:  På folkemøtet 14. februar ber interimgruppa om fullmakt til å danna eit tunnelselskap og ber om aksept for bompenger. Skånevikstunnelen rykkjer nærmare.
– Me veit tunnelen kjem. Spørsmålet er når. Skånevik kan ikkje venta til 2025, seier leiar i interimgruppa som førebur folkemøtet i februar, Victor Carlsen jr..
Og han minner om at Skånevikstunnelen er meir enn eit hol i fjellet mellom Skånevik og Etne. Den er eit viktig ledd i sambandet Stavanger/Ryfylke, Sunnhordland, Bergen.
– Vinterstid vil all trailertrafikken frå aust og vest til Kvinnherad gå gjennom tunnelen. Hålandsheia er ei mare på glatta.
Sovna
Tunnelplanane var framme tidleg på 90-talet, både i strategisk plan for Etne kommune og ikkje minst blei tunnelen prioritert som nummer ein i Indre Sunnhordland då Samarbeidsrådet i Sunnhordland sette opp si liste.
– 500 millionar kroner er mykje pengar?  Les meir i Hgs. Avis og i Grannar.
 
30.01.06 Misvisande om HSD-ruter
  Lesarinnlegg av H. O. Tungesvik i Grannar:  Det er ikkje alltid like lett å lesa eit rutehefte.  Dette er godt dokumentert i Grannars oppslag 12.01.06 om «Svekka snøggbåttilbod». I dette oppslaget har det nok kome inn ein god del feilinformasjon som bør korrigerast.

Men ikkje eit vondt ord til journalisten:  Det er vanskeleg å lesa ruteheftet med det opplegget HSD har nytta. Til trøyst og orsaking for HSD kan seiast at det jammen er vrient nok i rutehefta til mange andre ruteselskap og!
Så til feilinformasjonen.  I ingressen til artikkelen heiter det:  «Frå å ha hatt fem daglege avgangar til Bergen har Skånevik no berre ein». Dette er feil, men feilen er ikkje lett å sjå.  Skånevik har no fylgjande avgangar til Bergen:
1 Avgang frå Skånevik kl.0530  går som  før, framme i Bergen kl.0820.
2 Avgang frå Skånevik kl.0825 kjem til Leirvik kl.0920. Denne går ikkje vidare til Bergen, men her kan ein gå over på Kystbussen frå Leirvik kl.0925 dersom båten er i rute.  Framme i Bergen kl.1140.
3 Avgang frå Skånevik kl.1040 via Ølen og Leirvik er i Bergen kl.1345.
4 Avgang frå Skånevik kl.1330 via Ølen og Leirvik går berre torsdag og fredag, og er i Bergen kl,1620
5 Avgang frå Skånevik kl.1515 kjem til   Leirvik kl.1705.  Her blir det dessverre  ein pause fram til kl.1900,  med framkomst i Bergen kl.2045,  altså ein tur Skånevik-Bergen som tar nesten 5 timar.  Alternativ er å gå over på Kystbussen på Leirvik kl.1725.  Då er ein i Bergen kl.1940, altså vel ein time tidlegare enn snøggbåten.  Les meir i Grannar
 
24.01.06 Jespersens store opptur
  Haugesunds Avis:  Etter mange nedturer er juniorverdensmesteren fra 2003 klar for U23-VM. Chris Jespersen forstår at junioren Petter Northug jr. føler det som en nedtur ikke å bli tatt ut til OL.
 Etter innsatsen i norgescuprennet på Stokke og helgens NM, hadde jeg et visst håp om å bli tatt ut til U23-VM. I går kom meldingen om at jeg er en av fire herreløperne som utgjør den norske troppen. Det var en flott melding å få. Endelig en opptur, sier 22-åringen fra Skånevik. De tre andre herreløperne som er tatt ut er Martin Johnsrud Sundby, Øystein Pettersen og Erik Brandsdal. Pettersen var Jespersens beste kompis og største i konkurrent junioralderen. Sundby er ett år yngre og var årgangsener. Korlevoll-løperen føler det nesten er det tidligere juniorlandslaget nå er samlet igjen.
Jespersen forteller at han regner med å gå alle distanser i mesterskapet i Slovenia som begynner med sprintøvelser neste tirsdag.
– Har aldri trent på sprint, men det skal bli artig å prøve seg. Det blir nok 30 km duatlon, 15 km klassisk og 15 km fristil, som blir min beste øvelse. Bare synd dette ikke er en ren skøytedistanse. Det er i fristil jeg er best, sier Chris som også skal gå 15 km klassisk.  Les meir i Hgs. Avis
 
23.01.06 Lovar betre tilbod
  Grannar:    Helseleiar Marion Kallevik avviser planar om å bygga ned fysioterapitenesta i Skånevik, men ber om tålmod i omorganiseringsprosessen.
  I eit lesarinnlegg i torsdagens Grannar uttrykte fire kvinner bekymring for fysioterapitilbodet i Skånevik der det er snakk om at fysioterapeuten i Skånevik skal nytta ein dag i veka i Etne.
— Me bygger ikkje ned tenesta i Skånevik. Me held på å omorganisera og i samband med det vurderer me behovet for både fysioterapeut og ergoterapeut i Skånevik og Etne, mot tidlegare der me berre kunne tilby fysioterapeut, seier Kallevik.
I oktober i fjor vedtok kommunestyret i Etne Handlingsplanen for fysioterapitenesta 2005-2008. Dette inneber eit samarbeid mellom private og kommunale fysioterapeutar og tilsetjing av ein ergoterapeut i 50 prosent stilling.  Les meir i Grannar
  
19.01.06 Fysioterapitenesta i Skånevik 
  Lesarinnlegg i Grannar av Gudbjørg Christophersen, Helga Bøthun, Aud Langhelle og Olaug Skålnes:  Me er nokre skikkeleg vaksne damer med kroniske lidingar som har stått på ventelista til fysioterapeuten her i Skånevik i to år.

Arbeidsområdet til fysioterapeut Sylvia er stort, og me ber ikkje nag til henne for det vanskelege tilhøvet som er mellom behov og tilbod innafor denne tenesta her i sona vår. Me veit at ho har dagen full med behandling av pasientar, rehabilitering, arbeid i høve til Hjelpemiddelsentralen og vurdering, behandling og tilsyn med born i førskule- og skulealder.
Tålmodig har me lengta mot opprykk på ventelista. Håpet vart tend litt då helseleiaren for ei tid tilbake slo opp ein plakat på omsorgssenteret og sa seg lei for stoda slik ho var i Skånevik. Oppløftande var det å lesa at ho lova betring ved nyttårstider. Etter 1. januar ville den nytilsette ergoterapeuten ta over ei rekkje av arbeidsoppgåvene til fysioterapeuten. Me vart litt oppløfta og gjekk inn i nyåret med håp om betre tider og avansement på ventelista.
   Stor var nedturen i humøret då me for nokre dagar sidan fekk høyra at no skal fysioterapeuten, som til no har hatt fire arbeidsdagar i Skånevik, nytta ein vekedag i Etne.  Les meir i Grannar

19.01.06 Chris på pallen i Sverige
  Grannar:  Chris Jespersen har slite ein god del dei to siste sesongane. Søndag fikk han endelig bevist kva som bur i den lovande langrennsløparen. Skånevik-guten hadde all mogleg grunn til å smile etter at han blei nummer tre i Skandinavisk Cup.

— Eg er veldig godt fornøgd med dette resultatet. Det er nok det beste eg har gjort i seniorsamanheng, sa ein glad Chris Jespersen til Grannar. Den tidlegare juniorverdsmeisteren har forhåpningar om å få gå verdscup på tampen av sesongen. Han må gå fort i fleire renn for å halde liv i den draumen. 22-åringen gjorde ein brukbar figur det første året han var senior. Førre sesong var det lite som stemte. Det førte blant anna til at han ikkje fekk fornya plassen på rekrutteringslandslaget. Jespersen har fått ein god start på sin tredje sesong på seniornivå. Noregscuprennet i Stokke var oppløftande, sjølv om han ikkje var med heilt inn på fellesstarten. Han var ikkje blant dei som blei tatt ut til å representere skiforbundet i Sverige.  Les meir i Grannar
  
12.01.06 Svekka snøggbåttilbod
  Grannar: Dei nye snøggbåtrutene til HSD gjer at reisande frå Ølen og Skånevik får ein meir kronglete tur både til og frå Bergen. Frå å ha hatt fem daglege avgangar til Bergen, har Skånevik nå tre.

Frå 1. januar la HSD om rutene sine og Flaggruten sin frekvens blei redusert. Dette gir seg også utslag i hurtigbåttilbodet for passasjerar frå Utbjoa, Ølen og Skånevik. Frå Skånevik er talet på avgangar redusert. Ølen har mista to anløp frå Bergen, Skånevik har fått ein ekstra, men passasjerar må i større grad venta på Leirvik.
— For nokre blir det dårlegare tilbod, ja, men når politikarane har bestemt at rutene skal ut på anbod kan ikkje me driva ruter som går med tap. Me leverer hurtigbåtruter i samsvar med fylket sine avgjerder. Bakgrunnen er anbodsutsetjinga av rutene, og anbodet gav oss høve til å sjå dette i eit lengre perspektiv, seier Arild Sondre Sekse, informasjonsdirektør i HSD.  Les meir i Grannar
 
11.01.06 Interessant frå HSD
  Hans Olav Tungesvik:  Ope brev til selskapet.

    Det vekte jubel hos fleire av oss i Skånevik då den seine snøggbåten frå Bergen  kom att  frå 01.01.06.   At Ølen miste den  same båten var jo ikkje så kjekt,  men dei får kompensasjon.  I ein interessant merknad  nr.7  til klokkeslettet då båten er i Skånevik kl.2310,  heiter det: ”Drosje til Ølen viss passasjerar”.   Dette er flott.

Det var 01.11.03  Skånevik miste denne seine kveldsbåten,  og det har vore eit stort sakn for mange av oss.   Båten enda då opp i Ølen,  men det stod ingen merknad om ”Drosje til Skånevik viss passasjerar”.  

For underskrivne har konsekvensen vore at kona mi har henta meg i Ølen klokka 2335 mellom 10 og 20 gonger desse åra.

Det som undrar meg, er dette:  Korleis kan denne forskjellsbehandlinga henga saman?  Det skulle eg gjerne ha HSD sitt svar på.

Men i gleda over at den seine båten har kome tilbake,  går ikkje dette hardt inn på oss.  Det kunne likevel vera svært interessant å vita……

Med vennleg helsing

Hans Olav Tungesvik.
  
09.01.06 Skoen sat i nevane
  Grannar:  Lars Halleland feira 105-årsdagen sin fredag, og er ein av dei eldste i landet. Men trass i høg alder, har jubilanten både vitalitet og glimtet i auga i behald.  Det at han har vore to gonger på sjøen på fiske sist sommar, og at han av og til tek øksa i handa for å kløyve ei vedskie, synest den vitale 105-åringen, Lars Halleland i Skånevik, ikkje er det minste rart.
Når han blir spurt om gode råd for å ha ei så god helse i så høg alder, humrar og ler han. Røykt har han gjort det meste av livet.
— Men eg drog aldri ned i lungene. Det trur eg er ein grunn til at eg har tola røyken så godt, seier han.
Einaste klaga er at han måtte ein tur på sjukehuset før jul. Det skuldast feilmedisinering, og sjukdomen vart konstatert å vere for mykje magesyre.
— Det fekk eg tablettar for, og nå er eg heilt god igjen, slår han fast.  Les meir i Grannar
 
02.01.06 Skånevik – ei bygd med positiv utvikling
  Lesarinnleg av Hildegunn Larsen i Grannar:  Då eg las Ove Vilands betraktningar om situasjonen i Skånevik i Grannar før jul, byrja eg undrast korleis to personar i same bygd kan oppfatte ting rundt seg så totalt forskjellig.

Eg òg har rett nok oberservert at folketalet går ned og at dermed elevtalet på skulen vert redusert som ein fylgje av det. Eg òg ser at politikarane i årevis har nedprioritert utbetring av vegen mellom sentrum og Tungesvik, og eg skulle så gjerne hatt tunnel til Etne ferdig i nær framtid.
Men du skriv og at Skåneviksprosjektet har vore heilt bortkasta. Då trur eg ikkje du har orientert deg om alle dei positive tinga dette prosjektet har ført med seg. Me som driv i service-bransjen midt i sentrum, var heilt handlingslamma av alle dei negative tinga som ramma oss på kort tid i forkant av dette. Norway Foods vart nedlagt, Trekantsambandet og Folgefonntunnelen vart opna med det resultat at fergetrafikken gjekk ned og hotellet hadde fleire mislykka eigarskifte. Kommunen kom på banen då, og bruka tid og ressursar for å hjelpe Skåneviksamfunnet til å få pusten igjen.  Les meir i Grannar
  
28.12.05 Jobbskaparane
  Leiarartikkel I Bergens Tidende:  Enkeltpersonar kan vera avgjerande for næringslivet i Bygde-Noreg. Jobbskaparane fortener anerkjenning og tilrettelegging av offentleg infrastruktur. Publisert: 27. des. 2005, 06:00
Oppdatert: 27. des. 2005, 06:37
Å DRIVA EIT DATASELSKAP i ein liten utkantkommune kan innebera større føremunar enn ulemper, hevdar Hans Jørgen Neset, primus motor i Uni Micro i Modalen. Han er ikkje åleine om å tenkja slik. Bergens Tidendes artikkelserie «Jobbskaparane» viser at fleire av dei mest suksessrike verksemdene på Vestlandet er å finna på stader der ingen skulle tru at gründerar kunne bu.

Artikkelserien viser også at å ha ein jobbskapar i sin midte kan vera den faktoren som skil mellom vekst og tilbakegang i ein kommune. I Modalen, med om lag 400 innbyggjarar, er Uni Micro med sine 41 tilsette ei hjørnesteinsverksemd. 14 av desse driv utviklingsarbeid, med 6 millionar kroner i budsjett. Tidlegare kommunekasserar Hans Jørgen Neset reknar med å utvida verksemda med fem personar i året.

SLIKE DATAEVENTYR er det ikkje mange av i utkantane, men Dale i Sunnfjord kan visa til eit liknande tilfelle, og i mindre målestokk er det fleire. I andre bransjar finst det også jobbskaparar som har rydda seg ein nisje mot mange odds, som Lars Magne Bysheim på Tysse på Osterøy og Alf Warloe Christophersen i Skånevik i Sunnhordland.  Les meir i BT
  
24.12.05 Chris Jespersen tilbake for fullt
  Grannar:  Chris Jespersen er tilbake for fullt i langrennssporet. Laurdag sette han samtlege konkurrentar på plass i førjulsrennet i Tydal. 22-åringen beviste der at han framleis kan gå fort på ski. Stortalentet skøyta inn til siger.
— Eg føler eg er godt i rute til årets sesong. Har trent bra i sommar og haust, seier Chris til Grannar. Han har framleis base i Meråker. Der bur han saman med Liv Miriam Nordtømme. Henning-jenta, som også har ei fortid som juniorlandslagsløpar. Jespersen hadde ingen god sesong sist vinter. Etter ei fin opning, sleit han med å følgje opp dei bra resultata. For første gong på fleire år har han ikkje noko tilbod i forbundsregi. I fire sesongar var han med på junior- og rekruttlandslaget. Norges skiforbund fann ikkje plass for juniorlandslagsløparen då dei tok ut dei nye landslaga på vårparten. Chris var klar over at det kom til å bli slik. Han gjekk ikkje fort nok i sin andre sesong på seniornivå til å vere med i vurderinga.
— Du treng ikkje vere på landslag for å gå fort på ski. Den største forskjellen er økonomien og samlingstilbodet. Eg fekk det eg trong av utstyr då eg var på rekruttlandslaget. I tillegg hadde vi eit stipend på 40 000 kroner. Det var pengar som kom godt med, seier Jespersen. Les meir i Grannar
  
23.12.05 Song jula inn i Skånevik
  Grannar:  Hanne Krogh og hennar gjesteartist Torstein Sødal saman med Voice Of Joy, trong ikkje julesnø for å fylla Skånevik kyrkje med julestemning under ein praktfull julekonsert tysdag kveld.

Det har nå gått ni år sidan Hanne Krogh med musikarane sine la ut på første juleturné, og etter det har dei aldri blitt leie.
— Me har gjennomført kring 250 julekonsertar, så det blir litt. Men når me reiser rundt og møter fulle hus og gode kritikkar, gir det oss motivasjon til å drive med dette år etter år, smiler turnéleiar og musikar Stein Austrud.
For eitt år sidan hadde dei konsert i Etne kulturhus, og det var minst like bra som det dei leverte tysdag kveld. Men det er ein viss forskjell frå ein konsertsal og ei kyrkje likevel, du kan kjenne at kjenslene og atmosfæren er annleis i ei kyrkje.
— Julekonserten vår er eigentleg rekna på kyrkjer, det er her programmet passar best inn, seier Hanne Krogh, som er glad for å vere tilbake i distriktet.  Les meir i Grannar
 
20.12.05 Blinkskot i fleng
  Grannar:  Elevane ved Etne vidaregåande skule hadde sist onsdag open dag for alle som ville sjå noko av det den talentfulle gjengen har produsert.
  Tommy Rasmussen var blant dei som synte fram fleire flotte bilete. Sjølv om han lenge var i tvil om han skulle velje mekaniske fag føre media og kommunikasjon, er han i dag svært glad for valet han tok. I gangen på den vidaregåande skulen i Etne dekka halve veggen blinkskot frå Tommy si linse. Blinkskota som møtte publikum er eit tydeleg bevis på at foto er det rette for karen frå Skånevik.
— Eg valde denne linja fordi eg høyrde at det vart bruka mykje data og i tillegg likar eg å fotografera, seier han.  Les meir i Grannar
 
16.12.05 - Etne må satsa
  Grannar:  Skal Etne komma ut av dvalen og få fleire innbyggjarar, må kommunen satsa og gjera bygda meir attraktiv. Løysinga er ikkje å konsentrera alt i sentrum.

Det meiner Tor Kjetil Fosse, utflytta etnebu, som har budd i Stavanger i åtte år.
Før kommune- og fylkestingsvalet i 1999 hadde Tor Kjetil Fosse eit lesarinnlegg på trykk i Grannar der han peika på manglande arbeidsmoglegheiter og busetjing i Etne kommune. Seks år seinare er dei same problemstillingane like aktuelle.
— Det er ikkje noko nytt at folk flyttar frå Etne. Eg føler kommunen ikkje gjer noko som helst for å gjera seg sjølv attraktiv. Ein gjer seg ikkje attraktiv med å ha fem skular ståande tomme. Viss ein hadde vore tidlegare ute med å gjera seg attraktiv, hadde ein ikkje trengt å legga ned skulane. Folk hadde flytta til grendene og då ville det vore livsgrunnlag for skulane. Det høge presset på sentrumsnære tomter heng saman med nedlegging av grendeskulane, hevdar Fosse.  Les meir i Grannar
 
12.12.05 Stor stas med proffbesøk
  Grannar:  Det var stor stas for handballklubbane frå Ølen og Skånevik då dei laurdag fekk vitjing av landslagsspelar og Danmarks-proff Håvard Tvedten.

Møbelringen er ein av hovedsponsorane til det norske damelandslaget i handball. Sidan Ølen har eit aktivt handballmiljø tok Ole Strømø frå Møbelringen Etne kontakt og spurde om han skulle freista å få ein kjend spelar til å vitja klubben. Ølen har flest jentelag og den spelaren dei hadde høgast oppe på lista si var Håvard Tvedten frå Stord.
— Frå fyrste gong eg tok kontakt med han så var han positiv, men han har eit travelt program og denne helga var den einaste han hadde litt fri før jul. Tenk at me var så heldige å få han til å komma her til oss, seier Ole Strømø.  Les meir i Grannar
  
12.12.05 Rekordfå elevar
  Grannar:  Aldri før har elevtalet ved Skånevik skule vore så lågt som det er i år.
Dei siste ti åra har elevtalet ved Skånevik skule gått vesentleg nedover, frå 141 elevar i 1995 til 95 elevar for inneverande skuleår.
Av desse er 26 elevar ved ungdomsskulen. Seks elevar i 8. klasse, ni i 9. klasse og elleve i 10. klasse.
— I fjor var det ein klasse med 21 elevar, difor stupte elevtalet i år. Totalt sett vil ikkje elevtalet gå nedover, men oppover mot 2010. Eg trur me har nådd botnen, seier Kjell Ingvald Matre, rektor ved Skånevik skule.
På midten av 90-talet var det gjennomsnittleg 20 elevar i ein klasse ved Skånevik skule. Nå er snittet 9,5 elevar i kvar klasse.  Les meir i Grannar
 
10.12.05 Kvinnherad med gratis ferjer?
  Innsida.no:  Styret i Samarbeidsrådet går sterkt inn for at Sunnhordland vert ein prøveregion for gratis riksvegferjer. Tre samband i Kvinnherad er aktuelle for deltaking i prøveordninga.

Då styret i Samarbeidsrådet 24.-25. november var i Oslo i møte med samferdselsdepartementet og stortingspolitikarar, var prøveordninga med gratis ferjer eit sentralt samtaleemne. Samarbeidsrådet har no sendt brev til departementet for å følgja opp dette, og samferdsledepartementet stiller seg etter det innsida.no forstår, positive til innspelet.

Ikkje bompenge-samband
Styret i Samarbeidsrådet har ikkje teke standpunkt til kva strekkjer i regionen som skal vera med i prøveordninga, men meiner at samband der det vert innkravd pengar til bompengeprosjekt ikkje bør vera med i ordninga.  Les meir i Innsida.no