Nyhende i 2009                                                                             Tilbake

29.12.09 Leo Andre Markhus i Chile
  Ved hjelp av sin chilenske trenar Julio Nuñez i Skånevik IL fikk den talentfulle Leo Andre høve til å reisa til Santiago i Chile for å trena og bu der i eit heilt år. Les den fantastiske historia til den 16 år gamle Leo Andre Markhus frå Skånevik.

28.12.09 Skåneviksbu leia redningsaksjon
  sunnhordland.no:   Ein cabincruiser stod i ettermiddag ( 20.12.09) i full fyr i Leirvik hamn. To vaksne og to born - deriblant ein baby - vart redda frå infernoet av éin av Tide sine snøggbåtar.

21.12.09 Tannlegesaka i Skånevik
  Hans Olav Tungesvik: Det er eigna til stor undring at Fylkestannlege Inge Magnus Bruvik i framlegget til fylket sin plan for tannhelsetenesta for dei komande åra,  rår til at tannklinikken i Skånevik skal nedleggjast den dagen Olaf Larsen sluttar i tenesta.   Dette framgår av reportasjen i Grannar 23. november.

Framlegget står sterkt i strid med dei inntrykka underskrivne sit att med etter å ha hatt samtalar  om saka  med fylkesordførar, fylkesrådmann og fylkestannlege så seint som i sommar og tidleg på hausten.  Etter at det hadde kome framlegg om radikal nedskjering av tannlegetilbodet i Skånevik og overføring av det meste av Olaf Larsen si arbeidstid til Etne,  gjorde han det klårt at han kom til å seia opp stillinga og søkja arbeid annan stad.   Dette vart meldt til fylkesrådmannen,  som melde tilbake at han hadde gitt melding til fylkestannlegen at det måtte finnast ei løysing som gjorde at tannhelsetilbodet i Skånevik kunne halda fram.

Fylkestannlegen var i Skånevik 26. august,  og i samtale  underskrivne hadde med han då,  kom det klårt fram at tannhelsetenesta i Skånevik skulle haldast oppe med 3 faste kontordagar.   Dette vart oppfatta som ei prinsippavgjerd og ikkje berre knytt til Olaf Larsens person,  jamvel om det i samtalen og vart peika på den viktige funksjonen han har som medlem av Skåneviksamfunnet,  med fleire viktige verv innan frivillig arbeid. Det er lite meining i å knyta eksistensen av ein offentleg tannklinikk til ein persons nærver og arbeidstid.

Eg har forstått at ei grunngjeving for å leggja ned kontoret i Skånevik,  var at ein rekna med at det ville vera vanskelegare å få tannlege til Skånevik enn til Etne.   Det er vel ingen konkrete haldepunkt for at så er tilfelle,  all den stund stillinga i Skånevik ikkje har vore utlyst på 29 år!

Det er Fylkestinget som skal ta avgjerd om tannhelsetenesteplanen,  og det skal skje først til våren.  Det blir derfor viktig å driva lobbyverksemd i månadene framover for å berga tannklinikken i Skånevik.   Denne saka har me ikkje råd til å tapa!   Det gjeld framtida for dei som har vanskar med å ta seg fram til eit tannlegekontor 3 mil unna,  det gjeld einkvar som har behov for tannlegehjelp,  og det gjeld ikkje minst framtida for eit  levande lokalsamfunn som og skal vera attraktivt for tilflyttarar.   Hans Olav Tungesvik.

20.12.09 Rekordstort snøfall skapte kaos
  Grannar:  Det indre Haugalandet er ramma av det største snøfallete på fleire tiår.  Søndag føremiddag var det kome nærare ein meter snø, og framleis var det nedbør i lufta. Over Fikse var det i natt kolonnekøyring. Uveret har skapt mange problem på vegane det siste døgnet, og verst har det truleg vore på E34 mellom Ølen og Etne. Haugaland og Sunnhordland politidistrikt har fått inn mange meldingar frå bilistar om dårlege køyreforhold på denne strekkja.

- Vegtrafikksentralen blei informert, og opplyste at tilgjengelig mannskap var i arbeid. Me hadde politipatrulje til staden kl 23.20 laurdag kveld, då meldingane blei fleire, og vegen blei sperra, opplyser operasjonsleiar Svein Roald Vikse ved Haugaland og Sunnhordland politidistrikt.  Les meir i Grannar

17.12.09 Utbetring av Skånevik stadion
  Under handsaminga av budsjettet og økonomiplanen for Etne kommune vedtok Etne K-styre m.a. dette:  Det skal setjast i gong utgreiingsarbeid vedkommande opprustning av idrettsanlegget i Skånevik med tanke på at anlegget har sege og må tilførast massar og rettast opp, både grasmatte og løpebane.  Kommunen må snarast gå i dialog med Skånevik Idrettslag for å få avklart kostnad, arbeidsfordeling og når opprustningsarbeidet av Skånevik stadion skal ferdigstillast. Det skal i 2010 fremmast eiga sak for K-styret som skal innehalda budsjett og framdriftsplan for prosjektet. Begge idrettsanlegga i kommunen bør vera i ønska stand før starten av sesongen våren 2011. Dei noverande vedlikehaldsavtalane mellom Etne kommune og Etne Idrettslag/Skånevik IL skal reforhandlast. Før kvar budsjetthandsaming skal avtalepartane peika på kva arbeid som bør gjerast i kommande budsjettår og kva kostnader dette vil få for kommunen.

11.12.09 Bevar tannhelsetenesta i Skånevik
  Fylkestannlegen ønskjer i sin plan til fylkestinget å leggja ned tannhelsetenesta i Skånevik når tannlege Olaf Arne larsen sluttar.  Tysdag skal Etne kommunestyre komma med utale til planen og rådmannen i Etne er klar i sin tale:  Tannlegetilbodet i Skånevik skal bestå uavhengig av noverande tannlege.  Skånevik Helselag har underskriftsliter liggande ute på Spar og Bøthun for at folk i bygda skal kunna få sei si meining om denne viktige saka for Skånevik.  Skriv under på skrivet som vert sendt til fylkestannlegen saman med svaret frå Etne kommune. 

11.12.09 Grasrotandelen til Skånevik kultur - og idrettshall
  Skånevik kultur - og idrettshall:  Du kan støtta Skånevik kultur - og idrettshall via Grasrotandelen. Tenk deg at du kan spela favorittspela dine – Lotto, Tipping og Joker og samtidig gi noko til det laget eller den foreningen du sjølv ønske og støtta. Dette er nå mogeleg via Grasrotandelen.

Dei som ønsker å gi sin andel til Skånevik  kultur- og idrettshall må registrere seg på Skånevik Idrettslag Org.nr 990 432805 og på den måten støtte Skånevik kultur - og idrettshall.

Sidan Skånevik kultur - og idrettshall er eit aksjeselskap er det ikkje mogeleg for idrettshallen å bli direkte grasrotmottakar.  Men vi er det altså indirekte gjennom Skånevik Idrettslag. Merk deg at grasrotandelen ikkje på nokon måte går ut over innsatsen eller premien din og du blir ikkje belasta noko for å være grasrotgjevar.

Knytt deg til ordninga allerede i dag, kan gjerast på ein av følgande måter:
Hos  kommisjonæren - Sms: GRASROTANDELEN 971493054 til 2020 (tjenesten er gratis) - Internett: www.grasrotandelen.no eller www.norsk-tipping.no  - Norsk Tipping Mobilspill.
 
10.12.09 Takk for innsatsen
  Skånevik Kultur - og idrettshall: Kjære sambygding!  Hjarteleg takk for positiv og heiderleg dugnadsinnsats i året som har gått!  Skånevik kultur- og idrettshall har hatt mange vellukka arrangement, me nemner: Mote- og brudeshow, 17. mai, torgdagar, helsemesse og  julemarknad. Vaffelrører, lappesteiking, bering og rigging, rydding og anna innsats! Les meir

02.12.09 Storetablering i Fjæra
  Grannar:   Oppdrettsgiganten Marine Harvest ASA ønskjer å etablera settefiskanlegg innerst i Åkrafjorden, og med det kan Fjæra-grenda koma til å husa nærare 15 nye arbeidsplassar.  Dersom Marine Harvest får det som dei vil, kan det koma settefiskanlegg i Fjæra-grenda i Åkrafjorden. Etter det Grannar erfarer dreier det seg om 10-15 nye arbeidsplassar. Anlegget vil då bli ein større arbeidsplass enn det er innbyggjarar i grenda.
Folketalet i den vesle bygda har sakte, men sikkert gått nedover siste åra, og per i dag er det berre ni fastbuande att. Nå kan likevel den børsnoterte oppdrettskjempa Marine Harvest pusta liv i Fjæra-grenda, med eit stort settefiskanlegg. Førebels vil ikkje selskapet gå ut med særleg informasjon om planane, men det er truleg ikkje noko småtteri som kan koma til bygda.
— Marine Harvest har anlegg av denne typen i mange ulike storleikar, og det som er planlagt på Fjæra er ikkje av dei minste, fortel ansvarleg for prosjektet, Ørjan Tveiten til Grannar.  Les meir i Grannar

27.11.09 I en leilighet i Oslo
  Hardanger Folkeblad:  Sju kunstnere fortsetter prosjektet «I Et Hus» i en leilighet i Oslo denne helgen. Og Elisabeth Emmerhoff presenterer der trinn tre i sitt Velure-Haustveit-prosjekt.  I vår åpnet sju kvinnelige kunstnere dørene til et hus på Jåstad de hadde lånt for sitt prosjekt «I Et Hus». Der ville de sette igang tankeprosesser om hva et hjem er, hva som gjør et hus til et hjem.  De gav publikum litt hjelp på veien; med sine tolkninger og innspill.

Nå stiller de ut fortsettelsen av sine prosjekt i leiligheten til en av kunstnerne på Grünerløkka i Oslo. Samtlige har hjemmet som utgangspunkt for de nye arbeidene.  Elisabeth har oppfordret sine sambygdinger til å definere hva et hus eller et hjem er for dem i korte ordelag. Les meir i Hardanger Folkeblad  Kunsthøgskolen i Bergen om utstillinga

26.11.09 Riddaren av mat
  Grannar:  Ølen vidaregåande skule har fått sin eigen riddar. Med høgtidleg seremoni, sverdslag, flagborg og fleire tusen tilskodarar blei kokkelærar Finn Ove Solberg (45) slått til riddar i Kølnerdomen.  — Ein tenkjer gjerne på pølser og øl når ein nemner mat i Tyskland. Men landet er i høgaste grad ein matnasjon, meiner kokkelærar Finn Ove Solberg, som kan flotta seg med den høgthengjande tittelen «ridder av Laurentius-ordenen». Finn Ove Solberg er ein av to nordmenn som er blitt slegen til riddar av Laurentius-ordenen. Saman med lærarkollega Klaus Magnus Berg Hansen frå samarbeidsskulen Breivika i Tromsø, blei han 15. august riddar i brorskapet.
Laurentius-ordenen består av kokkar og bakarar i Tyskland og nokre av dei mellomeuropeiske nabolanda, og tidlegare er det ingen andre «utlendingar» som har fått æra. Les meir i Grannar

24.11.09 Julestemning i Skånevik
  Linda Bøthun:  Det blir mange gode muligheter for å komma i julestemning i Skånevik i helga som kjem. Bygdefolk og gjester inviteres til aktiviteter heile helga:  Julegateopning og julegrantenning - Julemarknad - Stemningsfull juleøy - Familiegudsteneste. Sjå heile programmet

23.11.09 God plass i Skånevik
  Klubben ved Skånevik skule: Vi kan lesa i Grannar at det er plassproblem på Enge skule. Samstundes står kommunen framfor store investeringar dei næraste åra, så det kan kanskje bli vanskeleg å finna rom for om- eller utbygging på ei stund. Ser ein på kommunen under eitt, har ein  ikkje det same plassproblemet.  Skånevik skule har nemlig god plass! Vi vil difor foreslå at kommunen legg til rette for at elevane frå Fjæra og ”Fjorden” kan gå på skulen vår, og vi vil oppfordra foreldra der til å vurdera Skånevik som skulestad for borna sine.  Vi kan tilby eit godt læringsmiljø og stabilt personale med lang erfaring. Klassane er oversiktlege, og nye elevar vil bli tekne imot med opne armar. Velkomen til Skånevik!

For klubben ved Skånevik skule
Hjørdis Sævareid

23.11.09 Gissel for tannlegekontor
  Grannar:  Fleire tannlegekontor i fylket kan bli lagt ned. Kontoret i Skånevik skal leggjast ned når tannlege Olaf Larsen sluttar, men vedtaket om dette kan bli gjort allereie i vår.  Olaf Larsen har i fleire omgongar måtta kjempa for å bevara klinikken sin i Skånevik. Nå kan klinikken likevel bli bestemt nedlagt, med verknad frå den dag Larsen trer av. Ei rekkje tannlegekontor i Hordaland blir føreslått nedlagde i fylkestannlegen sin plan for tannhelsetenester som når er ute på høyring. Også tannlegeklinikken i Skånevik står på nedleggingslista «ved endring av bemanning». Det betyr at den dag tannlege Olaf Larsen ikkje jobbar meir, så er kontoret nedlagt.   — Eg føler det litt som om eg blir halden som gissel til jobben, seier Larsen. 

Fleire kampar
I fleire omgongar har Larsen måtta kjempa for å bevara tannlegekontoret i Skånevik. Frå fylkeshald var han helst ønska til Etne då distriktstannlegen der gjekk over til privatpraksis. Larsen motsette seg dette, og partane kom fram til eit kompromiss. Les meir i Grannar

20.11.09 Skal forske på Den kulturelle skolesekken
 Høgskolen i Bergen:  Senter for kunstfag, kultur og kommunikasjon (SEKKK) ved Høgskolen i Bergen og Rokkansenteret har vunnet anbudskonkurransen om å forske på Den kulturelle skolesekken. – Det blir spennende og utfordrende å arbeide med et annet forskningsmiljø, sier førsteamanuensis Catharina Christophersen på musikkseksjonen ved Avdeling for lærerutdanning.

Christophersen har vært med på å skrive forskningssøknaden sammen med to forskere fra Rokkansenteret. – Oppdraget med å forske på Den kulturelle skolesekken er tematisert i fire områder, hvor det er særlig området ”De gode møtene” som vi er involvert i. Konkret handler det om å gjøre et nærstudium av møter mellom kunstnere, barn og lærere, sier hun. Les meir på websidene til HIB

16.11.09 Stengjer etter 70 år
  Grannar: Etter 70 år er det slutt på heimelaga kulinariske herligdomar frå disken i Skånevik, når  Svein og Helga Bøthun stengjer dørene på P. Bøthun Daglegvare like etter nyttår.  Svein og Helga Bøthun kjem til å sakna det sosiale ved butikkdrifta, men seier det har blitt hardare ei siste åra å driva daglevarebutikk. Etter 32 stengjer dei dørene på butikken i Skånevik sentrum. Avvikling av butikkdrifta er noko ekteparet har gått med i tankane lenge. Dei har drive butikken i 32 år. Nå ventar pensjonisttilværet, og like over nyttår er det slutt på den snart 72 år gamle daglegvarebutikken. Matlagingshobbyen blei butikk for om lag fem år sidan då dei byrja for fullt med sal av heimelaga julepålegg, salatar, dessertar og leveranse av koldtbord. Likevel har det den siste tida blitt for mykje arbeid og vanskelegare å driva daglegvarebutikk.
Les meir i Grannar

14.11.09 Hordalandshåpa
  Bergens Tidende:  Chris Jespersen (26) vil til OL. Sjur Røthe (21) vil gå verdscup og U23-VM. Dei to er hordalandshåpa i langrennssporet i vinter.  Jespersen og Røthe innser at dei helst må gå fort allereie i den nasjonale sesongopninga på Beitostølen i helga. Kjem dei seg ikkje inn på verdscuplaget no, kan det bli vanskeleg å kvalifisere seg seinare. Landslagsleiinga har valt å gje landslagsløparar frikort til verdscup, på grunn av førebuingar til OL i Vancouver. Det gjer nålauget ekstra lite for løparar som Jespersen og Røthe.

Norge har utvida kvote til verdscupopninga på Beitostølen neste helg, og begge har håp om å vere blant dei 16-17 som får gå.  - Viss ikkje er det NM i Stokke i slutten av januar som gjeld, seier Jespersen. Les meir iBT

12.11.09 Gler seg til tunnel
  Haugesunds Avis: Møtelokalet i Skånevik kultur- og idrettshall var heilt fullt då optimisme for tunnel til Etne blei tent på ny i kveld.

– Eg gler meg til å køyra i tunnelen, eg gler meg til å sykla på gangstien frå sentrum til idrettsanlegga og eg gler meg til å gå i miljøgato i Skånevik sentrum, sa styreleiar i tunnelselskapet, Inger Karin Larsen.

Ho oppsummerte tunnelmøtet og konstaterte at tunnelselskapet spelar på lag med både fylkeskommune, kommune og vegvesen.

– At plansjef Torbjørn Aarethun i Hordaland fylkeskommune i kveld har sitert sjefen sin, fylkesrådmannen, på at «Skånevikstunnelen er eit godt fundert prosjekt som bør utgreiast vidare» har gjort meg til optimist, held Larsen fram.  Les meir i Haugesunds Avis

09.11.09 Kommunebudsjettet for 2010
  Haugseunds Avis:  Rådmann Elling Hetland har satt av dei seks første millionane til Skakkesenteret i Etne-budsjettet 2010.  De seks første millionane til Skakkesenteret og 15 millionar til sykkel – og gangveg i Skånevik blir dei største investeringane i Etne i 2010.  I forslaget til kommunen foreslår dessutan rådmann Elling Hetland å oppretta tre nye stillingar i skulen.  Les meir i Haugesunds Avis

30.10.09 Kvitebjørnen-undring
  Astrid E. Hjelmeland :  Deltakarelevane i Kvitebjørnen-undring og læring frå Skånevik er godt i gong med det to-vekes opplegget for 7. trinn. Målet for fyrste veka er å bli betre kjend med bygda vår, både i fortid og notid, skriv lærar Hege Garvik på bloggen.
Elevane skal nytta fantasien og skaparkrafta si til å finna ting i nærmiljøet som dei vil gjera enda betre, og dette skal enda opp i ei utstilling fysisk og på nett på kvitebjørnen.no i slutten av veke 45.
Les kva elevane ved Skånevik skriv på bloggen.

16.10.09 Julemarknad med nytt og gammalt
  Anna Eriksen:  Me ynskjer kontakt med utstillarar, både amatørar og profesjonelle. Me kan om ønskjeleg selja varene for deg.  Auksjon og salg av gamle/spesielle ting.  Ta kontakt dersom du har noko, så lagar me ein god avtale.  Me ynskjer at dette skal verta ein marknad med nytt og gamalt, smått og stort, noko for både gamal og ung.  Dato for arrangementet i Skånevik kultur - og idrettshall er laurdag 28. november.  Ta kontakt med Anna i Skånevik kultur- og idrettshall  Tlf: 97 76 75 85 
e-post: sk-idrett@online-no  Sjå annonse/plakat

14.10.09 Vaksinering i Etne kommune
  Grannar:  Nye vaksineomgangar mot årleg influensa, og også svineinfluena, nærmar seg. Kommunelege i Etne, Bengt Kallevik oppmodar risikogruppene til å ta turen til helsestasjonen.  Over helga blir det ny omgang med vaksine mot den årlege influensaen. I månadsskiftet oktober/november blir det ny vaksinasjonsrunde, då både mot årleg influensa og svineinfluensa (H1N1-viruset). Kallevik meiner utsette grupper bør vaksinera seg, og ser ingen grunn til vaksineskepsis.
— Det er alltid ein vaksinefrykt ute og går, men det er ingen forskjell på verken kvalitet eller risiko mellom dei to. Det er likevel ein viss skilnad; medan vaksinen mot den årlege influensaen er sett saman mot virustypar ein trur vil koma, er H1N1-vaksinen retta mot ein bestemt sjukdom og har difor ein sikrare verknad, presiserer Kallevik. Les meir i Grannar

09.10.09 Tre lokale i Transportkomiteen
  Haugesunds Avis:  Også Magne Rommetveit (Ap) havnet i transportkomiteen. Sunnhordland er solid representert i komiteen.  Tidligere er det kjent at to bømlinger vil sitte i transport- og kommunikasjonskomiteen på det nye Stortinget.

Knut Arild Hareide (KrF) skal være leder for komiteen. Selv om Hareide er fra Bømlo, ble han valgt inn på fylkeslista til Akershus. Øyvind Halleraker er plassert i samme komité, og skal i tillegg være transportpolitisk talsmann for Høyre. Les meir i Haugesunds Avis

02.10.09 Nytt liv utan rullestol og krykkjer
  Grannar:   Ho hadde nesten konstant smerter, og var delvis lam i den eine foten i ni år. Nå har Reidun Mariann Grønfur (64) frå Skånevik kasta krykkjer og parkert rullestol.  Med heile 27 sjukehusbesøk på eitt år hadde 64-åringen slått seg til ro med eit liv full av lidingar og plagar. I dag er ho jublande glad, og takksam for det som har hendt.
—Tenk at eg nå kan gå rundt med begge hender fri. Eg kan bera ting, eg kan reisa meg utan problem, og eg har ein smertefri kvardag. Mor mi byrja å grine då ho fekk sjå det utrulege som hadde hendt med meg, og resten av familien var jublande glade på mine vegner og meinte dette var fortent, fortel Reidun Mariann Grønfur til Grannar.  Les meir i Grannar

28.09.09 Resultatet av kyrkjevalet
  Grannar:  Oppslutninga rundt kyrkjevalet har aldri vore større enn i år, og for dei åtte sokna i Vindafjord er den totale valdeltakinga på heile 29 prosent. Etne sine to sokn ligg på 18 prosent.  Under soknerådsvalet i haust har Imsland sokn ei overlegen valdeltaking på 48 prosent. Snittet for Vindafjord kommune ligg på 29 prosent, og Etne har ei valdeltaking på 18 prosent. Grannar presenterer her resultata frå soknerådsvala i Vindafjord og Etne som blei haldne parallelt med stortingsvalet i haust. Imsland sokn i Vindafjord peikar seg ut med ei spesielt høg valdeltaking på heile 48 prosent.  Les meir i Grannar

27.09.09 Går inn for bompenger
  Grannar:  Fylkesutvalget går inn for at det blir utarbeidet en bompengesøknad for byggingen av Stordalstunnelen.  Byggingen av Stordalstunnelen på E134 i Etne kommune var opprinnelig en del av bompengeprosjektet Teigland-Håland langs Åkrafjorden og var tiltenkt fullfinansiert og sluttført i perioden 1998-2001.
På grunn av kostnadsøkningene ble byggingen utsatt. Prosjektet er nå kommet inn i Nasjonal Transportplan 2010-2019.  Prioriteringen av prosjektet i NTP er betinget at det blir besluttet et opplegg for delvis bompengefinansiering av prosjektet. Les meir i Haugesunds Avis

23.09.09  Opnar over Hålandsheia
  Grannar:  Rv 48 over Hålandsheia opnar til pendlarane skal heim i dag, onsdag ettermiddag.  To dagar før tida opnar riksvegen frå Stordalen til Skånevik i Etne kommune for trafikk igjen etter å ha vore stengd sidan 16. februar på grunn av utbetringar. Opninga skjer kl 15.00.

- Mi bøn til trafikantane er at dei køyrer varsamt ettersom det førebels er fleire punkt utan autovern og asfalt, seier byggjeleiar Asbjørn Opedal i Statens vegvesen.  Les meir i Grannar

18.09.09 Tidenes helsebløff?
  Svein Leknes: Foredrag av og med ”The Coach” Arvid Gerhard.  La din mat være din medisin, og la din medisin være din mat.....sa Hippocrates.             Dagens helseråd går ut på å spise store mengder plante og fiskefett. Vi snakker om produkter så som merkevaren Vita hjertegod. Tran, Omega3, Omega 6.  Søndag 4 oktober kl 1400 bør du være i  Skånevik idrettshall på helse og velvære messe. Da kommer : ”The Coach”—Arvid Gerhard.  Arvid Gerhard arbeider som trenings  og kostholds rådgiver, og var over en seksårs periode personlig trener for kajakk esset Knut Holmann.

Arvid taler “Roma” midt imot, for via flere hundre timers undersøkelse, har han plukket opp vitenskapelige artikler som gir et helt annet bilde av et hjerte foret med plante og marine fettstoffer.For å teste utsagnene om kolesterol sier Arvid Gerhard: Jeg spiste absolutt alt som moderne ernærings vitenskap sier man ikke skal spise: Kremfløte,fett sauekjøtt,smør m/m. Hvordan det gikk???   CC. Kr 50.-  for foredraget ( og det er det verdt )

Idrettshallen serverer Chili gulrotsuppe + brød, kaffe og Gulrotkake. Messen er åpen Lørdag 1100- 1800 Søndag  1300-1800.  Inngang  kr 50.- Middagsulten? Skånevik Fjordhotell og Fergekroa på kaien er åpen.

17.09.09 God oppslutning ved kyrkjevalet
  Grannar:  Rundt 18 prosent brukte stemmeretten sin ved kyrkjevalet i Etne og Skånevik. Det er fire gonger fleire enn ved valet i 2007.  Ved førre kyrkjeval i 2007 var det 84 personar som stemte i Etne. I år var det 346. Valdeltakinga har blitt omlag fire gonger så stor, og kyrkjeverje Harald Sirnes er godt nøgd.
— Me er ennå ikkje heilt ferdige med finteljinga, og det merkast at det er mykje meir etterarbeid nå enn ved førre val, fortel Sirnes.  I Skånevik er det same tendens. Av dei 874 som kan stemma i soknet, har 159 personar nytta seg av stemmeretten. Valdeltakinga i Skånevik hamnar derfor rett over 18 prosent, mens Etne med sine 1947 stemmeføre hamnar rett under 18 prosent.  Les meir i Grannar

17.09.09 Tunnelen sprengt
  Haugesunds Avis:  Han ramla saman i ei einaste salve, Tungesviktunnelen på Rv 48 på Skåneviksvegen over Håland.  Det var klokka 19.30 i går kveld at ei samla dynamitt-salve sprengde 2.000 kubikk fjell og la den rasfarlege tunnelen «krasafaren» som ein stor steinhaug på riks- vegen.

– Salva gjekk fint av. No står reinskinga att, seier Haldor Ebne i Skånevikstrand Maskinstasjon. Dei utfører arbeidet for Statens vegvesen.

Byggjeleiar i vegvesenet, Asbjørn Opedal, seier at arbeidet med å lasta ut steinmassane i vegen ikkje er einaste omsynet under det vidare arbeidet med å reinska opp.

– Fjellet er mildast tala elendig og me har store utfordringar med fjellsikring. Difor er det umuleg å seia når vegen er køyrbar att.  Les meir i Haugesunds Avis  Les meir i Grannar

15.09.09 Sikra femtemandatet
  Innsida.no:  – Glad, men letta, seier Magne Rommetveit etter at han klarte å kapra femtemandatet til Arbeidarpartiet i Hordaland. Og det siste i fylket.  Stemninga var stor under valvaken til Hordaland Ap i Folkets Hus i Bergen. I går kveld var Rommetveit glad for at han hadde tatt vegen til Bergen, i staden for å vera med partifellane på Stord.

– Olav Akselsen sa til meg at her må du vera uansett. Det rådet har eg fulgt, seier Rommetveit.

Den tidlegare ordføreren i Stord har svinga ut og inn av meiningsmålingane den siste tida. I valdagsmålinga til NRK var han ikkje inne på fast plass, medan TV 2 si måling gav han femteplassen.

– Dette er betre enn eg hadde trudd. Her er det nasjonale trendar som slår inn. Det gler meg veldig at Ap får ein sterk Hordalands-benk. Der er me på lik linje med Akershus og Oslo. Dette er viktig for å få fram saker frå Hordaland og Vestlandet, seier Rommetveit.   Les meir i innsida.no

15.09.09 Frp toppar i Etne kommune
  Grannar:  Frp hamna på topp blant Etne-veljarane ved stortingsvalet, med Arbeidarpartiet like bak, medan Senterpartiet hamna på tredje plass. 

Med 24,8 prosent av stemmene toppar førebels Frp valet i Etne, medan Ap ligg hakk i hæl med 23,5 prosent. 27 stemmer skiller dei to partia Senterpartiet hamnar kjem på tredje plass, med 19,7 prosent. 

—  Eg er Kjempenøgd! Eg håpa me ville matcha resultatet frå 2005-valet og det gjorde me. Når det gjeld resultatet på landsbasis, hadde eg nok håpa på meir, men slik går det alltid mot slutten av valkampane. Men eg trur likevel folk byrjar å vakna nå, Frp viser seg å vera sterke i små kommunar, det har blitt ein naturleg tendens, seier Roger Nilsen, gruppeleiar i Etne Framstegsparti.  Les meir i Grannar

09.09.09 Flott av handballjentene
  Anna Eriksen: Jenter 13 år fra Skånevik var i Hgsd. 5/6  september på Harald Hårfagre cup. Første kamp lørdag vant dei 11-5 mot Rival 1. Andre kamp mot Tertnes vant dei 12-10, men tredje kamp mot Fitjar enda med et tap på 3 mål 10-13. Dermed hadde me kvalifisert oss til A sluttspelet, men p.g.a. nedsøkte spelarar enda me i B sluttspelet. Me møtte Avaldsnes i semifinalen, til pause leda Avaldsnes 6-3, men etter pausen kom revansjen og me knuste dei og enda opp med 10-6. Jentene spelte knall bra sjølv uten innbyttarar på banen søndag. Finalen tapte me mot Rival 2. Men me er kjempe fornøyd med 2 plass.

04.09.09 Stenging av RV-48
  Statens Vegvesen:  Riksveg 48 blir stengt ved Tungesvik III - tunnelen på strekninga Håland - Skånevik i perioden kl. 07.00 den 14. september - til kl. 15.00 den 25. september.  Sklita omkjøring gjennom FV 34 ( Skånevikstranda) mellom Skånevik og Etne.

04.09.09 Stor auke i ferjetrafikken
  Hauges. Avis: Ferjetrafikken i Sunnhordland og Hardanger var større i juli i år en juli i fjor.  Ferjetrafikken i juli i år viser en pen oppgang for de fleste lokale ferjesamband.

  Utne - Kvandal -Kinsarvik i Hardangerfjorden hadde 117.255 passasjerer. En økning på 4,4 prosent fra juli 2008.

  Brimnes - Bruvaik i Hardangerfjorden hadde 205.301 passasjerer. En nedgang på 5,4 prosent.

  74.760 reiste med kvinnheradsambandet Løfallstrand - Varaldsøy - Gjermundsstrand. En økning på nesten 10 prosent.

  Ferden mellom Skånevik i Etne og Matre/Utåker i Kvinnherad økte med 9,6 prosent.

  Skjersholmane (Stord) - Ranavik (Halsnøy) registrerte en liten nedgang på 2,3 prosent. Les meir i Haugesunds Avis

30.08.09 Misjonssøndag i Skånevik
  Hans Olav Tungesvik:  Misjonsalliansens årlege søndag i Skånevik  blir i år søndag 6. september.  Som vanleg blir det gudsteneste kl.1100,  der misjonssekretær Hans Tore Leithe held preika og fortel om Misjonsalliansen,  sokneprest Harald Grønnevik presenterer og talar til dei nye konfirmantane.

Om kvelden blir det festmøte på bedehuset kl. 1900 med Hans Tore Leithe som hovudtalar,  det blir song og musikk ved Kjellaug Holtermann og Marit Lindekleiv frå Husnes. Ved begge  samlingar blir det offer til Misjonsalliansen sitt arbeid i 8 land.   Alle er hjarteleg velkomne.

Misjonsalliansen.

27.08.09 Bra fotballkveld for Skånevik IL
  Knut Ness:  I to bortekampar spelte A-laget uavgjort 1-1 mot Haugar 2, og gutelaget slo Torvastad 4-3. A-laget opna godt mot Haugar, og lagspelet var noko av det betre denne sesongen. Kampen var jamn, men Skånevik hadde dei største sjansane. Etter kvart minka kreftene, og det vart meir enkeltprestasjonar enn lagspel. Haugar laga 1-0 på straffe rett før pause, men Frode Sævareid utlikna midtvegs i andre omgang på eit skot frå 17-18m. Totalt hadde Skånevik dei flest og farlegste sjansane, medan skåneviksforsvaret med ein suveren Martin Ojeda i spissen rydda opp i det meste bakover.

24.08.09 Skaut til gull
  Grannar: Sverre Idland frå Skånevik er på veg heim frå Tyskland med gull i kofferten. I helga gjekk han til topps i skytemeisterskap i Tyskland.
Under tysk meisterskap i dynamisk sportsskyting (practical rifle) med rifle, skaut Idland til gull i standard klasse i helga.
Han reiste med håp om å komma langt, og alt gjekk etter planen.
— Ein reiser jo ikkje så langt utan ambisjonar, så eigentleg hadde eg forventingar til å koma eit stykke og det gjekk som eg hadde tenkt, fortel Idland til Grannar.
  Mellom 100 og 150 skyttarar deltok på meisterskapet som føregjekk sør for Frankfurt i helga.  Les meir i Grannar

22.08.09 Fylkesstøtte til verneverdige båtar
  innsida.no:   Kultur- og ressursutvalet i Hordaland har fordelt 729.000 kroner på tolv verneverdige båtar. Mellom dei som har fått stønad er MF Skånevik, D/S Stord 1, S/J Oline og S/S Loyal. Desse får tilskot:

1. D/S Oster 50.000
2. M/Y Tysso 120.000
3. MF Skånevik 70.000
4. S/J Mathilde 50.000
5. M/S Vestgar 50.000
6. D/S Stord 1 70.000
7. M/K Terje 35.000
8. S/J Oline 40.000
9. M/S Midthordland 70.000
10. Beffen 64.000
11. Åttæring 30.000
12. S/S Loyal 60.000
Les meir i innsida.no

20.08.09 Sjeldan fangst
  Grannar:  Marthon Idsøe fekk ein snodig fiskeskapning på kroken då han fiska i Skånevik i dag.  Ein robust fisk blei dregen på land, då Idsøe låg med båten sin heilt inne ved Skånevik. Han er ein erfaren fiskar, men kan ikkje hugsa å ha sett liknande tidlegare.

Med sin 60 cm lange og 42 cm høge kropp har fisken vore eit aldri så lite mysterium for fiskaren.

— Fisken er kvit under og mørk oppå, og har finner både oppå og under.  Eg har aldri sett liknande, men nokon meiner det kan vera ein månefisk eg har dratt på land. Likevel meiner dei at han er noko for stor til det, seier Idsøe.  Les meir i Grannar

12.08.09 Grasrotandelen til Norsk Tipping
  Kari Johansson:  Lag og organisasjonar i Skånevik er veldig glad for den økonomiske støtta dei får gjennom Grasrotandelen til Norsk Tipping. Til nå i år har dei ulike laga fått inn:

Gjestgjevargarden            Kr    622,-              4 spelarar tilknytta
Skånevik Idrettslag           Kr 21378,-              65 spelarar tilknytta
Skånevik Musikklag            Kr   2441,-              11 spelarar tilknytta
Skånevik Skyttarlag           Kr   4419,-              18 spelarar tilknytta
Skånevikspeidarane           Kr   1780,-              12 spelarar tilknytta

Norsk Tipping har alltid gitt heile overskotet til samfunnsnyttige formål. Det nye med Grasrotandelen er at du som spelar kan bestemme kva noko av overskotet skal gå til. Du vel eit lag eller ei foreining som får 5 kr for kvar 100-lapp du tippar for, utan at det går ut over innsatsen eller premien din. Du kan til ei kvar tid, og kor ofte du vil, bytte mottakar av di støtte. Dersom du ikkje vel eit lag/foreining så går pengane til den sentrale potten, og det er jo dumt å ikkje la lokalsamfunnet få nytte av dei. Det kan og vera lurt å oppfordra slekt og vener andre stader, som ikkje veit om nokon å støtte, til å velje eit lag frå Skånevik J

Har du enno ikkje vald kven du vil gi støtta di til kan du:
-          Ordne det hos Tippekommisjonæren, oppgi namn på lag/forening og evt. organisasjonsnummer
-          Ordne det på Internett: www.grasrotandelen.no

For å støtte nokon av laga i Skånevik kan du oppgi eit av desse nummera:

Skånevik Idrettslag            Org. Nr 990 432 805
Skånevikspeidarane             Org. Nr 990 703 361
Stiftelsen Gjestgjevargarden Org. Nr 971 354 534
Skånevik Skyttarlag            Org. Nr 993 835 102
Skånevik Musikklag             Org. Nr 994 008 307

Takk til alle som alt har vald å støtte eit lokalt lag!

30.07.09 I sving med Kathinka
  Grannar:  Den sårt etterlengta oppgraderinga av Kathinka-svingen i Skånevik blei i gangsett på måndag. Etter nærare 30 års kamp er ein tryggare veg i sikte.  Eit mangeårig press  frå bygdefolket i Skånevik førte fram i vår då kommunestyret gjekk inn for å forskottera oppgradering av fylkesvegen. Likevel var det knytt skepsis til om oppgraderinga nokon gong ville komma på plass etter ein lang kamp for å få dette i orden. På måndag tok gravemaskinen første jafsen av grøftekanten for vegutvidinga. Mangeårig vegforkjempar Gudbjørg Christophersen jublar over oppstarten ho lenge frykta det aldri ville bli noko av.
— Nå har eg berre lyst å ropa hurra! Det har sett spøke ut, me har fått lovnadar ofte, og eg har ikkje hatt tru på det i det heile tatt. Men dette er historisk og betyr ei stor forandring for Skånevik, seier ein glad vegentusiast til Grannar.  Les meir i Grannar

30.07.09 - Ekstremt moro
  Grannar:  Samferdselspolitikaren Steinulf Tungesvik har nå sjølv prøvd strikkhoppinga i Åkrafjorden.  Han har vore ein viktig pådrivar for å få til strikkhoppinga frå Trolljuv bru, og står nå klar på brua med seletøyet på seg.
— Angrar du nå på at du har gitt lov til dette?
— Nei, det nyttar ikkje å tenke sånn, seier senterpartipolitikaren Steinulf Tungesvik mens han går opp på den vesle plattforma på brukanten og gjer seg klar til å hoppe utfor.
Og før ein får sukk for seg, fer han utfor med eit høgt brøl så det gjallar i Åkrafjorden. Les meir i Grannar
og i Haugesunds Avis

21.07.09 Barnas blomsterdag
  Linda Bøthun:  Fredag 24.juli arrangeres Barnas Blomsterdag for aller fyrste gong.  Alle born mellom 5 og 15 år kan komme og lage sin eigen blomsterdekorasjon, men hjelp frå blomsterdekoratørane ved Skånevik Blomster og Gaver.  Alle vil få utdelt materiale til å lage ein blomsterdekorasjon som dei etterpå får med seg heim.

Der vil vera ein ferdig modell som borna kan sjå på, og tips og råd under arbeidet, for dei som ynskjer det. Påmelding er fint – ellers er det ”fyrste mann til mølla”.  Det vil koste kr.150.- pr.deltakar , for å dekke varekostnadar.  Me startar kl.12.00 og held på så lenge der er deltakarar. Kvar gruppe vil få ein time til å gjere dekorasjonen sin ferdig.

Ideen til denne dagen fekk me då me arrangerte DM (distrikts mesterskap) i blomsterdekorering her i Skånevik i april i år. Me hadde då samla 14 blomsterdekoratørar frå heile distriktet for å kåre distriktets NM (norges mesterskap) deltagar. Alle deltagarane fekk to oppgåver med blomearbeider som skulle lagast på ei viss tid. Etterpå blei arbeida bedømt av to fagdommerar. Då alle var samla for poengutdeling kom ei lokal jente (Kamilla Bøthun Vik) tilbake med eit fint lite blomearrangement. Ho var blitt så inspirert at ho gjekk ut og laga noko fint av kvitveis, mose og gummistrikk. Og av dette kom ideen til Barnas Blomsterdag.

Så nå håpar me å så ei spire til nye blomsterdekoratørar til Skånevik Blomster og Gaver og Interflora.  Velkommen!

13.07.09 Etne løpsfestival stor suksess
  Grannar:  Etne Løpsfestival gjekk av stabelen for første gong 11. juli. Dette arrangementet, som skal erstatte ”Fjordalangs”, blei ein stor suksess frå første stund. Det var i underkant av 200 personar som var påmelde til opningsåret, noko leiar i IF Klypetussen og eldsjel Gisle Sellevold ikkje kan beskriva som noko anna ein braksuksess.
- Det er utan tvil over all forventning og det er noko som er svært kjekt å sjå for oss som driv på med dette til dagleg. Eg må og få takke alle som har stilt opp frivillig og som har gjort dette arrangementet mogleg, seier den sympatiske løpsentusiasten. Han legg til at det er godt å få maratonet av stabelen, for første gong på IF Klypetussen sine arrangement.  Les meir i Grannar

10.07.09 Braksuksess med Pippipremiere
  Grannar:  Publikum storkoste seg under premieren på Pippi-førestillinga under Pippi-festivalen i Skånevik.  Eit par små regndråpar var ikkje nok til å setje ein dempar for ute-teatret i hotellhagen i Skånevik. Eit forventningsfullt publikum fekk sjå ei strålande framføring av Astrid Lindgrens udøydelige forteljing om Pippi Langstrømpe. Blandinga av profesjonelle skodespelarar og entusiastiske og flinke amatørskodespelarar skapte store mengder av latter hos både born, foreldre og besteforeldre. Ein av dei lokale heltane var Martin Kristiansen frå Skånevik. Han hadde tre roller under showet.
 — Eg hadde litt nervar, men det var likevel kjekt, forklarar skodespelartalentet.  Les meir i Grannar 
Les meir i innsida.no

07.07.09 Fire dagar med verdas sterkaste jente
  Innsida.no:   Det er duka for den andre festivalen i Skånevik på ei veke. Denne gong er det Pippi Langstrømpe som står i sentrum. Regien for Pippiteateret er kvinnhering, og i rollene finn vi folk frå Bømlo og Skånevik. Til helga ser nok ein festival dagens lys for fyrste gong. Det skulle vel berre mangla om Astrid Lindgren-figuren Pippi Langstrømpe, verdas sterkaste jente, ikkje også skal ha sin eigen festival.

Arrangørane håpar Pippifestivalen kan bli ein årviss teatertradisjon i bygda.   – Målet er eit svar på Sørlandet sin suksess med Kaptein Sabeltann, heiter det i ei pressemelding.  Les meir på innsida.no

06.07.09 Ein strålande festival
  Haugesunds Avis:  Alf Warloe Christophersen oppsummerer helgas bluesfestival med seks ord; fantastisk. Beste bluesen vi har hatt. Og han er ennå ikke tom for superlativer.
- Nå har jeg det helt perfekt. Hele helga har gitt oss masse energi til å starte arbeidet med å planlegge neste bluesfestival, sier ildsjelden til h-avis.no.

Publikumsrekord
Cirka 15.000 mennesker tipper Christophersen at har vært innom bluesbygda denne helga. Storinnrykket tror han skyldes en kombinasjon av strålende vær, givende artister og perfekt geografi.

- Jeg har ikke tatt regnskapet ennå, men jeg kan si at vi har aldri hatt så mange innom før. Beth Hart og Alice Cooper trakk nok mange, tror festivalsjefen.  Les fleire artiklar i Hgs. Avis    i Grannar
Album Norwegian Bluesworld

01.07.09 Konsert med Norwegian Cornett & Sackbuts
  Astrid A. Johnsen:  Velkommen til konsert med Norwegian Cornett & Sackbuts Skånevik kirke torsdag 23.07.2009 kl. 19.30.  Norwegian Cornett & Sackbuts (NCS) er et unikt profesjonelt tidligmusikkensemble som spiller renessanse- og barokkmusikk på historiske messinginstrumenter. Ensemblet er det eneste av sitt slag i Norge, og markerte seg internasjonalt da de var finalister i den store internasjonale konkurransen for historisk brassmusikk, ”Premier Concours de Cuivres Anciens de Toulouse” som ble arrangert i Frankrike 2006. Ensemblet er nylig tatt ut til finalen i ”International Young Artist’s Presentation”, som arrangeres i Antwerpen, Belgia, i slutten av august 2009.  Les meir

29.06.09 Sambafotballens nye elev
  Grannar:  Leo Andre Markhus (16) er i ferd med å få fotballdraumen oppfylt. Etter ferien drar han til Chile for eit langt treningsopphald i ein chilensk toppklubb.

I slutten av august set den unge skåneviksbuen seg på flyet til for eit ni månaders langt gjesteopphald i den tradisjonsrike eliteserieklubben Santiago Wanders. Julio Andres Nunez, hans chilenske trenar som kom til Skånevik for tre år sidan, såg snart at den engasjerte guten hadde talent og lidenskap for fotball
— Eg sa til han at om utviklinga gjekk rett veg, ville eg prøva å ordna eit treningsopphald i  Chile, seier Nunez til Grannar.

Utradisjonell
I Skånevik blei Julio Andres Nunez snart trenar til det som nå er G16 år. Gutespelarane er nøgde med trenaren sin, og fortel at dei har fått både søramerikansk stil og kultur på laget. Ikkje utan grunn vert han kalla ein utradisjonell trenar.  Les meir i Grannar

23.06.09 Pippifestival i Skånevik
  Skånevik Fjordhotel:  ’Alle’ har et forhold til Pippi Langstrømpe, og derfor har ildsjeler i  Skånevik tatt initiativ til enda et nytt og fargerikt festivalkonsept!
 Festivalen skal gå over fire dager fra torsdag 9. juli til søndag 12. juli, og det blir seks teaterforestillinger totalt disse dagene. I tillegg til teateret skal det være alle slags aktiviteter i bygda for både voksne og barn disse dagene. Programmet kommer i neste uke. Hvis du kommer langveis fra er det lurt å bestille rom så snart som mulig. Det er ledige senger på fjordhotellet, så ring resepsjonen på telefon 53 77 07 00 for å bestille rom og billetter!  Les meir
 
23.06.09 Adam og Eva og Etterpå
  Det er eit jubileum og ein tradisjon.  Det er det femte året det vert arrangert kollektiv kunstutstilling på Sildafabrikken i Skånevik. Utstillinga har dei tidlegare åra hatt opp til 350 besøkande på fire dagar og den har vore ein stor suksess. Utstillinga går parallelt med Skånevik Bluesfestival og har desse deltakarane:  Anna Christina Lorenzen,  Kjersti Lunde, Ane Sagatun, Malene Bjørge, Ylve Thon og Elisabeth N. Emmerhoff.  Velkommen til opninga av Adam og Eva og Etterpå onsdag 1. juli kl. 19.00. 
Les meir

19.06.09 Stener superpatriot
  Grannar:  Snart 90 år gammal held framleis Stener Karlsen liv i pølsebua og på sidelinja for fotballmiljøet i Skånevik. Innsatsen blei nok ein gong heidra, men sjølv meiner Stener det er han som bør takka.  Det er ikkje mange fotballag som kan flotta seg med så trufaste og hardtarbeidande dugnadsånder som Skånevik.  30. juni rundar Stener Karlsen frå Skånevik 90 år, men ser ingen grunn til å pensjonera seg frå den 75 år lange dugnadskarrieren for Skånevik-idretten av den grunn.
Sjølv har han aldri vore særleg aktiv på banen, likevel har Stener brunne for idrettsmiljøet og stått fotballaga bi i tjukt og tynt. Laurdag, under Torgdagane, blei den trufaste supporteren, som nærast er blitt ein institusjon i bygda, heidra av heile fotballmiljøet, men Stener sjølv meiner ikkje det er han som fortenar takk.
— Eg har hatt så enormt mykje glede av å vera med fotballgjengane både på kampar heime og reiser ut. Og eg skal vera atterhalden med å lova noko, men eg vil vera med så lenge beina ber meg, seier Stener.  Les meir i Grannar

17.06.09 Bluesprisen til SMV og Lars Hovda
 Grannar:  August Hjelmervik i Bluesbygdprosjektet, delte ut pris for årets ildsjel i bluesbygda. I år gjekk dette til SMV, ved Lars Hovda, for sitt engasjement i Skånevik. Sjå Grannar sin biletalbum frå Torgdagane.
 
14.06.09 Ja til forskottering
  Fylkestinget i Hordaland:  (Vedtatt samrøystes den 09.06.09:)
Fylkestinget godkjenner at Etne kommune får løyve til å forskottere inntil 15 mill. kr til opprusting, oppgradering av ca. 1 000 meter av Fv 34 og bygging av gang- og sykkelveg frå Skånevik kai til idrettsanlegget i Skånevik. 

Refusjonstidspunktet vert fastsett i samband med handlingsprogrammet for det fylkeskommunale vegnettet 2010-2019 og forskotteringa vert refundert utan renter og kompensasjon for prisauke.

12.06.09 Dugnad på leikeplassen
  Liv Astrid H. Hesjedal:  Heilt sidan leikeplassen i doktorhagen stod ferdig i 2003 har den vore ein populær stad for heimeverande mammaer på føremiddagen. Det er knapt ein dag utan at ein kan sjå folk på benkane og høyre lyden av born i leik når ein går forbi nede på vegen. Også ”daddene” i bygda er flinke til å nytta staden på ettermiddagane når dei er ute å trillar.

Torsdag denne veka vart det halde ein liten dugnad der det vart rydda litt, fylt opp i sandkassen, luka,  lagt ut nye leiker og sett opp fotballmål. Etter at arbeidet var utført vart det grilling og utprøving av alt det nye for store og små.

I 2006 fekk me støypt oss ei gruve der oppe og sidan det har det vorte servert mange svidde, rå og halvsteikte pølser til svoltne små magar. Det har også vore arrangert st. hans feiring fleire år med grilling og kos litt tidlig på kvelden slik at alle søte små kjem seg i seng til rett tid. Dette satsar me på i år også så det er berre å møte opp med grillmat, varme klede og godt humør.

09.06.09 Skånevik skule og Rasmus Løland
  Astrid Eidhammer Hjelmeland, Norsk Plan as:  Skånevik skule er i vår blitt med på eit femårig pedagogisk opplegg i regi av Markeringa Rasmus Løland 2007-2011 i Suldal. Fokus for opplegget er auka lese- og skrivelyst og å få auka kjennskap til lokal identitet og lokalmiljø.  Måndag 8. juni hadde dei to framsyningar på skulen for barne- og mellomsteget. Sjå klassen sin eigen blogg. 
  Og her er omtale av Skånevik skule på Nashornet (Løland-markeringa 2007-2011 si heimeside)Kontaktlærar på Skånevik skule er Hege Garvik

04.06.09 Musikk og song i ein kveldstime
  Astrid Askeland Johnsen:  Søndag 7. juni kl. 20:00 i Skånevik kyrkje. Sopranen Luitgard Kühne. Organist Kris Ulita. Organist/dirigent Lars Eirik Tjeldflåt. Skånevik kyrkjekor. Alle velkomne!
 
  Søndag kveld innbyd ein til ein kveldstime med ord og tonar i Skånevik kyrkje. Songane og musikken har mange tema og femner vidt. Me har feira pinse og går inn i den grøne delen av kyrkjeåret. Det kjem samlinga søndag til å bera preg av. Det er Skånevik sokneråd og Skånevik kyrkjekor som arrangerer.  Kyrkjekoret sluttar med denne samlinga av for sommaren og ynskjer å dela av det ein har arbeidd med dette halvåret. Organist Kris Ulita spelar stykker for orgel. I tillegg vil me syngja ein del salmar i lag, både kjende og mindre kjende og syngja oss inn i sommaren.

Spanande er det at me denne kvelden får vitjing av sopranen Luitgard Kühne. Ho er tysk, utdanna frå m.a. konservatorium i Essen og Wuppertal, men no busett i Kvinnherad der ho er tilsett i musikkskulen. Ho har hatt oppdrag ved fleire store oratorieframføringar i Tyskland og i operaoppsetjingar. Denne kvelden får me høyra Bach-koralar i tillegg til songar frå den romantiske perioden av musikkhistoria.

Skånevik kyrkje er eit godt rom både til å syngja i og til å lytta i. Kyrkja gjev difor høve til både oppleving og deltaking. Det er å vona at mange finn vegen denne kvelden.

03.06.09  Doktorgrad til Catharina Christophersen
  Norges Musikkhøgskole:  "Rytmisk musikkundervisning som estetisk praksis - en casestudie" er tittelen på Catharina Christophersens avhandling. Hun disputerer på Norges musikkhøgskole fredag 5. juni kl 9.00. 
  Catharina Christophersen er født i 1969, og kommer fra Skånevik i Sunnhordland. Hun er utdannet allmennlærer med musikk, og har hovedfag i musikkpedagogikk. Christophersen har bred musikkfaglig bakgrunn og allsidig undervisningserfaring. Hun er ansatt ved Høgskolen i Bergen, avd. for lærerutdanning, musikkseksjonen.  Les meir

20.05.09 På reisemåljakt i Etne kommune
  Grannar:  Erica Hewitt og mannen Tato frå den internasjonale reiseoperatøren Contiki er på jakt etter nye opplevingsreisemål på Vestlandet. Etter opphald i Etne, har dei oppdaga Åkrafjorden og Skånevik, og blitt overtydde om internasjonalt turistpotensiale.  Reisebyrået Contiki driv verdomspennande turistverksemd, mellom anna innan større cruise- og skireiser i Europa. Etterspurnaden etter fleire og nye opplevingsturar har auka på dei siste åra, og reiseoperatøren er på jakt etter nye turistmål for større grupper.

Erica Hewitt og mannen arbeider i på Mallorca for Contiki og møtte skåneviksbu Victor Carlsen på cruisetur for to år tilbake. Sidan har dei haldt kontakten, og då ekteparet spurte etter tips om nye opplevingsruter i Noreg, var Carlsen kjapt ute med forslag på Haugalandet. Dei siste dagane har Contiki-medarbeidarane vore på rundtur, og tatt pulsen på reisemåla Skånevik og Åkrafjorden i Etne.  Les meir i Grannar

19.05.09 Besøk på Motormuseet
  Haugaland Veteranbåtlag:  I anledning av at vi fikk tilbud om å overta et smøreapparat til Bolinderen fra Norsk Motormuseum i Skånevik, og de ønsker å opprette en egen avdeling for Bauerapparater/historie, ønsket Sigurd Eikemo ved museet at Magnus Bauer-Nilsen tok en tur inn dit.
Det passet da godt å invitere Magnus med for å hente apparatet, også fordi det var flere apparater å velge i. Magnus ønsket at hans bror Olav også kunne bli med, dermed var vel så mye Bauerhistorie samlet på et brett som vel mulig pr. i dag.
For meg personlig, som en ”jypling” som ikke en gang har rundet 60, var det en opplevelse å høre på alt disse karene er interessert i og vet, og ikke minst husker.  Hvis jeg om 20-30 år vet og husker en brøkdel av det de gjør, skal jeg prise meg lykkelig.  Les meir på deira webside

18.05.09 Auke i fire av seks samband
 Innsida.no:  TIDE Sjø AS sin april-statistikk viser auke i biltrafikken i sambanda Løfallstrand – Gjermundshamn, Utåker – Matre – Skånevik, Fjelberg – Sydnes – Utbjoa – Skjersholmane og Hodnaneset – Jektevik – Nord-Huglo, medan det har vore nedgang på sambanda Skjersholmane – Ranavik og Langevåg – Buavåg.

Opp…
I april dette året vart 17.477 bilar (25.248 personbileiningar) frakta over fjorden mellom Løfallstrand og Gjermundshamn. Det er ein auke på nær 10 prosent i høve til april 2008.

35.231 passasjerar reiste med dette sambandet i årets fjerde månad – det er 18 % fleire enn same månad i fjor.

I sambandet Utåker – Matre – Skånevik var det frakta 7089 bilar – 16 prosent meir enn i april 2008 (personbileiningar: 9,9 % auke). Ferja frakta også 13.965 passasjerar – 22 prosent fleire enn same månad i fjor.  Les meir i Innsida
 
14.05.09 Usikker tunnel blir sprengt bort
  Grannar: Den  mykje omtalte Tungesvik III-tunnelen blir fjerna i løpet av hausten. Restane av tunnelen skal brukast til utbetring av vegen mot Skånevik. 
  Etter mange års diskusjon om sikring av tunnelen, skal Tungesvik III-tunnelen på vegen til Skånevik frå Håland sprengjast bort i september. Ved fleire høve er det ropt varsko om lausmassar og steinhagl frå taket i tunnelen som er den tredje tunnelen på vegen til Skånevik. Sigve Håland har i fleire år hatt vintervedlikehald på vegen og slått alarm om den farlege tunnelen. Endeleg kan han pusta letta ut på vegne av dei som til dagleg brukar vegen.
— Eg har skunda meg gjennom tunnelen kvar gong eg køyrer på vegen, og det var på høg tid han blir fjerna. Gjennom åra har eg sett tunnelen bli verre og verre. Det er mykje vatn som pressar på, og når frosten kjem kan det bli svært farleg, meiner Håland.  Les meir i Grannar

11.05.09 Flåtten bekymrar småbarnsforeldre
  Grannar/Radio102:  På det verste har Jonathan Vika (5) komme heim frå barnehagen med over 30 flått på kroppen. Foreldra i Skånevik fortvilar, og er bekymra for kva risiko stikka vil utgjere på sikt.  Kvar kveld må foreldra fram med pinsetten for å sjekke han og broren Aron for flått. I fjor haust hovna Jonathan sitt kne opp kvar kveld. Mor Siren tok sonen med til legen for å utelukke borreliasmitte. Blodprøven viste at femåringen hadde bakterien i seg, men at den ikkje var aktiv.
— Ikkje ein einaste dag går utan at me finn flått på kroppen til Jonathan og Aron. Flåttsjekken kvar kveld har blitt like obligatorisk som tannpussen. Legar og barnehagepersonell rår oss til å kle på ungane, men det hjelper lite når flåtten i hovudsak festar seg i nakken og hovudbotnen hjå gutane. Dessutan er det vanskeleg å nekta ungane å gå med shorts og mindre kler på varme vår og sommardagar, fortel Siren Vika til Grannar.  Les meir i Grannar Høyr intervju

05.05 Bulystprosjektet for Etne kommune
   Rådmannen i Etne kommune:    Bulystutvalet ”Etne United” har lagt fram sin rapport 4000-innbyggjarkommunen Etne” for kommunestyret i Etne. Denne inneheld forslag til tiltak på korleis auka attraktiviteten til Etne Kommune for dagens og potensielle innbyggjarar, samt alternative måtar å organisera framtidig satsing på bulyst og aktiv folketalsutvikling i Etne Kommune.

Etne Kommune sitt arbeid med folketalsutvikling kan ha budsjettmessige konsekvensar og bør handterast i samband med budsjettprosessen 2009. Samstundes er det ynskjeleg å halde oppe fokus på temaet i perioden fram til dette.  Les rapporten

05.05.09 Vennskapet med Israel
  Bergens Tidende gir i ein artikkel på nærare to sider søndag den 3. mai omtale av boka «Glemt av sine egne» av sogneprest i Etne Jens Olav Mæland.  Også dagen etter støttar redaktøren i BT, i sin leiarartikkel, Mæland sin beskriving av konflikten i Midt Austen:
Mange nordmenn har nyorientert seg i forholdet til Israel. Nå står de kristne israelsvennene for tur. DRØYT FEMTI ÅR etter opprettelsen av staten Israel øker kritikken mot den sionistiske nasjonen. Holdningen blant nordmenn flest er blitt radikalt endret de siste 20 årene. I 1948 ble den nye staten båret frem på en bølge av sympati som var lett forståelig: Hitlers holocaust var bare noen år unna. Nå skulle et folk uten land slå seg ned i et land uten folk. Det folketomme landet lå dess mer i et område der jødene hadde hatt tilhold i tidligere tider. Kunne det bli bedre?

FORESTILLINGEN OM at det ikke bodde folk i Palestina var falsk. Der bodde det palestinere. Det var naturligvis et problem for de jødiske innvandrerne, som skulle skape en jødisk stat – bare for jøder. Derfor ble halvparten av palestinerne – om lag 700.000 – til dels under store grusomheter fordrevet fra sine hjem. Resten ble som ikke-jøder redusert til annenrangs borgere. De utgjør i dag en femtedel av Israels innbyggere.  Les meir  Kjøp boka  Les meir i Grannar

29.04.09 Vil forskotera vegen
  Etne kommunestyre har mot ei stemme (Arnold Solheim KRF) vedteke å søka fylket om å få forskotera gang - og sykkelvegen og mellom Skånevik sentrum og Idrettshallen med inntil kr. 15 mill. Viss fylket godkjenner søknaden er vegen fullfinansiert og ein kan truleg starta det praktiske arbeidet i forlenginga av arbeidet med Kathinkasvingen.  Dette er eit svært bra vedtak for Skånevik og Etne kommune.
 
29.04.09 Yrande fotballinteresse blant dei minste
  Liv Astrid Hesjedal:  I Skånevik har det ikkje vore nokon tradisjon på å ha fotballag til dei under ti år, men ved nyttår vart dette endra. Raimund Sæle tok på seg trenaransvar for første klasse medan Margareth Bull-Tornøe tok dei tre neste års trinna. Margareth som sjølv har uttalt at ho har svært lita greie på fotball får god hjelp frå Leo Markhus som saman med eit par andre ungdomar dannar trenar teamet for om lag 25 jenter og gutar.

Laurdag 25. april stilte Skånevik for fyrste gong med lag i Vikeputten, ein stor fotballcup i Vikebygd der over femti lag er med og her var det mange ivrige spelarar som var med på sin første fotballkamp. Skånevik melde på fire lag, alle i blanda klasse og alle med fem spelarar, dette for å vera sikre på å få nok born til kvart lag. Etter å ha delt ut drakter til alle viste det seg at øve tretti born hadde møtt opp til dei fire laga og det vart mange byte for å la alle spele.

Alle laga fekk spele tre kampar kvar og det vart både store tap og flotte sigrar for dei ferske laga. Born og trenarar var alle samde om at det var ein super dag og dette gav meirsmak til meir trening og fleire kampar. No som sesongen er i gong ventar kampar nesten kvar veke for nokre av klassane medan andre berre satsar på cup deltaking. Med ei så stor interesse for fotball blant dei minste ser det heilt klart ut til at a-laget vårt går ei lys framtid i møte! 

26.04.09 Klar siger i første kampen
  Skånevik møtte det andre laget som rykka opp frå 7. divisjon i fjor, Fitjar 2, til sin første kamp i 6. divisjon denne sesongen.  Første omgang var relativt jamnspelt og det sto 0-0 ved pause.  Etter kvilen tok Skånevik fullstendig over og då kampen var over hadde Heine Andre Løhaugen, Erling Åsheim og Arve Ribesen scora kvart sitt mål.  3 - 0 til Skånevik var eit rettferdig resultat for kampen sett under eitt. Les meir

25.04.09 Turistbåtruta berga
  Innsida.no:  Hordaland fylkesutval har løyvd 265.000 kroner i tilskot til turistbåtruta mellom Leirvik og Åkrafjorden i 2009. – Hurra, me manglar nokre kroner, men no vågar me å satsa på tre dagars turistbåtrute frå midten av juni og ut heile sommaren, seier dagleg leiar i Åkrafjorden Oppleving, Liv Kari Bødtker, til Haugesunds Avis.
  Dei to siste åra har Åkrafjorden Oppleving AS tilbydd tre vekentlege rundturar med MF «Rygerspeed» i Åkrafjorden retta mot turistmarknaden. Båten har plass til femti passasjerar, og går frå Leirvik til Teigland via Sæbøvik, Skånevik, Utåker, Åkra og Kyrping. Les meir

20.04.09 Vegoptimisme
  Rådmann Elling Hetland spreiar stor optimisme for at opparbeiding av G-S vegen langs og utbetring av sjølve E34 frå Skånevik sentrum til stadion vil bli gjennomført om ikkje lenge, når han i sitt forslag til politisk handsaming av sakja tysdag 28. april ber om at Etne kommune søkjer Hordaland Fylke om å få forskottera inntil kr. 15 millionar.  Fylkeskommunen har løyvd kr. 1,5 mill. til oppgradering av litt av strekninga ( Katinkasvingen ) og dette arbeidet er lyst ut på anbod og skal starta om kort tid. Det er stor grunn å tru at kommunestyret seier ja til søknaden, sidan ein ved fleire høve, m.a. dei to siste budsjetthandsamingane, har sagt at dette er noko som er svært viktig for kommunen å få orden på.  Dei fleiste politiske partia har også dette på programmet for inneverande periode. 

  Vegvesenet har kostnadsrekna denne strekninga samla til ca. 17 mill. kr og dersom Hordaland Fylkesting seier ja til søknaden er heile arbeidet fullfinansiert.  Det er å håpa at arbeidet kan bli gjort i løpet av hausten og vinteren.  Det er grunn til å berømma administrasjonen og den politiske leiinga i Etne kommune for at ein legg opp til eit ekstraordinært K-styremøte for at søknaden skal bli sendt tidsnok til fylket for avgjerdsle før sommarferien.

15.04.09 Programmet er klart
  Ein har jobba hardt for å få på plass ei svært bra artistliste til årets bluesfestival.  Siste artisten er no klar:  Rock'n Roll legenda Alice Cooper (US) kjem til Skånevik den 4. juli.  Vi kan også nemna store artistar som det verbale fyrverkeriet Beth Hart (US), Watermelon Slim & The Workers (US), i 2008 vant dei to Blues Music Award for beste CD og beste Bluesband, Vasti Jackson og Ellis Hooks (US) og "verdas beste søskenband" Trampled Under Foot (US). Les meir på websida til festivalen og i Haugesunds Avis

02.04.09 Utsending av kjøretøy frå SMV
  SMV:  Fredag 20 mars startet transport av kjøretøy laga ved SMV som skal sendast heilt til Hydro Aluminium sitt nye anlegg i Qatar. Kjøretøya er store - 3,2 m breie, så her må vi bruke spesialtransport heile vegen.  Første etappe går frå Skånevik til Søral, der dei blir lasta om i ein større båt.

02.04.09 Idrettslaga er vinnarane
  Grannar: Grasrotandelen sper på økonomien til lag og organisasjonar i regionen. Best ut kjem Idrettslaga IF Klypetussen og Skjoldar IL.

Dei to idrettslaga har så langt fått 8.838 og 7.321 kroner meir rutte ein månad etter at ordninga blei innført. Sjølv om Klypetussen og Skjoldar tronar på topp av statistikken over størst overskot til klubbkassa så langt, er det Etne IL som har desidert mest givarar i Etne kommune.
Heile 78 personar har til no gitt sin støtte til idrettslaget i Etne. Skånevik IL hamnar på ein andreplass med 27 givarar. I Vindafjord kommune er givargleda størst til Ølen idrettslag. 80 personar har gitt 5 prosent av den samla tippesummen til laget. Skjoldar IL kjem ut som ein god nummer to med 60 gjevarar.  Les meir i Grannar

01.04.09 Feiring av påsken i Skånevik!
  Skånevik Fjordhotel:  Vi inviterer til påskefeiring med mykje vårstemning, god musikk, mat og drikke. 

Påskearrangement i Skånevik
Påskeonsdag:  Konsert med Vestlandsfanden, House of Blues
Skjærtorsdag:  Ein smak av Italia, nyopning av Blonder & Blues
Langfredag:    Påskequiz
Påskeafta:      Konsert med Meet, Skånevik Fjordhotel

Les meir og Sjå kort laga ev hotellet

29.03.09 Jespersen på 7. plass i NM
  Grannar:  Både Chris Jespersen og Thomas Vestbø markerte seg under femmila under NM i langrenn i helga.  Chris Jespersen (25) frå Skånevik gjekk inn til ein sjuande plass på femmila fristil under NM på Røros laurdag. Han kom inn til mål på tida 2.05,1, berre eit hundredels sekund bak sjette plassen.

Thomas Vestbø (20) frå Sandeid gjorde også eit godt løp og kom inn på tida 2.09,7. Vestbø sikra seg dermed 13. plassen etter rennet. Les meir i Grannar

19.03.09 I løvas hole
  Grannar:  Sjokket og skuffelsen i Etne Senterparti var stor, etter at stortingsfavoritten Steinulf Tungesvik blei vraka som førstekandidat til fordel for Kjersti Toppe i haust. På tysdag måtte Toppe svara for seg på Etne Sp sitt medlemsmøte.  Tidlegare statssekretær og nå fylkesleiar i Hordaland Senterparti, Steinulf Tungesvik blei offer for ein hestehandel som til slutt førte Kjersti Toppe frå Bergen opp til første plassen på nominasjonslista til Hordaland Senterparti. Tungesvik hadde ein samla nominasjonskomité i ryggen, og tapte voteringa med ei stemme, då eit av medlemmene i komiteen snudde under valet. Strategien for motaksjonistane var å få stordabuen Jacob Bjelland på andre plass.
Dåverande leiar i Etne Senterparti, Sigve Sæle melde seg i protest ut av partiet etter sjokknominasjonen. Han meiner Tungesvik ville gitt Hordaland Sp moglegheita til å trekkja mange nye veljarar, men den gang ei. Les meir i Grannar

18.03.09 Kveldstete med Sigrid Undset
  Skv. Mållag: Den 20. mars kl. 19.30 blir det ei uvanleg spennande kveldsete på MA-senteret Toflebrekko i Skånevik.   Skånevik Mållag står som vanleg som arrangør,  og hovudgjesten for denne kvelden er redaktøren for utanriksprogrammet  URIX i NRK Fjernsynet,  Sigrun Slapgard.  Ho kan meir enn utanrikspolitikk!  Ho har skrive ein stor biografi som har blitt svært godt motteken om vår største kvinnelege forfattar,  Sigrid Undset.

Det mest kjende verket av Sigrid Undset er romantrilogien frå mellomalderen om Kristin Lavransdatter,  som også er blitt filma.  Sigrid Undset fekk Nobelprisen i litteratur i 1928.  I mogen alder gjennomgjekk ho ei religiøs krise som førte henne over til katolisismen.  I mellomkrigstida engasjerte ho seg i kampen mot nazismen,  og ved krigsutbrotet valde ho å dra til USA.  Derfrå kjempa ho mot urettferda i skrift og tale.

Det blir utvilsamt ein stor kveld med Sigrun Slapgard,  og samlinga er sjølvsagt open for alle. Det blir og kunstnarleg underhaldning og eit felles kveldsmåltid under kveldseta.  Vel møtt!

Skånevik Mållag.

13.03.09 No kjem Stordalstunnelen
  Grannar: I løpet av få år blir det oppstart av anlegget som skal gi ny Stordalstunnel.  Nasjonal Transportplan (NTP) opnar for pengedryss over den smale og til dels rasfarlege stamvegen gjennom Stordalen i Etne kommune. Alt i perioden 2010 til 2013 er det føreslått statlege midlar til bygging av Stordalstunnelen.
Men trafikkantane må vera med å finansiera gildet. Prioriteringa er avhengig av det blir tilslutnad til eit opplegg for delvis bompengefinansiering av prosjektet, som omfattar bygging av ein om lag 1,4 kilometer lang tunnel. Les meir i Grannar

10.03.09 Modig om Midtausten
  Grannar:  Forfattar og sokneprest i Etne, Jens Olav Mæland brukar sterke ord om statens Israel i konflikta i Midtausten, når han nå gjev ut boka «Glemt av sine egne», der dei kristne palestinarane sin lagnad står i fokus.  Som tidlegare feltprest i sør-Libanon, og gjennom fleire studieopphald i Beirut og Jerusalem, har Mæland gjennom mange år fått nær kjennskap til korleis konflikten påverkar palestinarane. Omlag 175.000 kristne palestinarar bur nå i Israel og i dei palestinske områda, av omlag ein halv million på verdsbasis. Sidan 1948, då omlag 750.000 palestina-arabarar blei fordrivne frå heimane sine, har også dei kristne palestinarane lidd under konflikten og opprettinga av staten Israel. Sidan kom seksdagarskrigen og okkupasjonen i 1967.  Les meir i Grannar

26.02.09 Flyktar frå finanskrisa
  Grannar: Han har rømt heimland og er nå på jobbjakt i Skånevik. Islendingen EinarThómas Bjørnsson (17) opplevde finanskrisa så vanskeleg at han ikkje såg anna utveg. Bjørnsson kjem frå den vesle bygda Stöovarfjordur på austkysten av Island. Som 17-åring er det ikkje uvanleg å ta eit pauseår frå den fireårige vidaregåande utdanninga på Island. Bjørnsson hadde planen klar, han skulle arbeida eitt år på fiskebåt etter sommaren, før vidare utdanning, eit vanleg val for mange unge islendingar.
I løpet av hausten slo finanskrisa innover Island, arbeidsløysa skaut fart,
til liks med låna og prisane, ogparallelt med ein dramatisk valutakollaps.
Brorparten avBjørnsson sine jamaldrande vener går på arbeidsløysetrygd, nok ei uviss støtte.
— Mange er usikre på om Island i det heile tatt vil ha råd til å betala ut all arbeidsløysetrygd framover. Alt er berre kaos i heimlandet, fortel den unge islendingen til Grannar.  Les meir i Grannar

20.02.09 Andemysteriet held fram
  Grannar:  Gjerningsmannen med forsmak for fjørkre har slått til igjen. Dei to siste endene frå andedammen på Milja gard i Skånevik er nå sporlaust borte.  Femten moskusender har vore ei populær attraksjon ved dammen hjå Margaret Bull-Tornøe på Milja gard i Skånevik. I januar var elleve av dei sporlaust forsvunne, i februar var endå to borte vekk. Førre helg blei det heilt daudt ved andedammen. Det siste paret var også forsvunne. Som tatt av vinden.
— Me såg ikkje ein bloddråpe, ikkje ei fjør. Me forstår ingenting, seier tidlegare andeeigar, Margaret Bull-Tornøe. Les meir i Grannar

18.02.09 Held fram som fylkesleiar
  Grannar:  Trass motaksjonen som fekk Steinulf Tungesvik (42) vraka som toppkandidat på stortingslista i november, vel han likevel å halda fram som fylkesleiar i Hordaland Senterparti.  På det dramatiske nominasjonsmøtet i slutten av november i fjor, blei Steinulf Tungesvik frå Skånevik, som var innstilt på første plass av nominasjonskomiteen, vraka frå toppkandidaturet. Ein hestehandel som førte Kjersti Toppe frå Bergen og Jacob Bjelland frå Stord opp på høvesvis første og tredje plass på lista, skuva Tungesvik ned på femte. Ein svært overraska Tungesvik sa den gong til Grannar at han ville vurdera vervet som fylkesleiar.

— Eg er ikkje på val nå, men vurderte etter nominasjonen å trekkja meg midt i perioden. Nå vil eg likevel sitja vidare som leiar, fortel Tungesvik før fylkesårsmøtet i Ulvik til helga. Les meir i Grannar

17.02.09 For glatt for skyss
  Grannar: Foreldre på Skånevikstranda syntest det var heilt greitt at bussjåføren frå Skyss sette foten ned.   Inge Tendal (54) har fartstid som bussjåfør i over 22 år. Måndag morgon var forholda på vegen så dårlege at den røynde sjåføren frå Skånevik valte å setja frå seg bussen. 20 skulebarn som skulle til Skånevik skule, stod utan skyss.  I ettertid har Tendal berre fått positive tilbakemeldingar på avgjerda si om å setja barna sin tryggleik først. Foreldre har takka han, og han har mottatt blomar.
— Etter mi første rute frå Skånevik til Etne måndag klokka 06.40 var valet enkelt. Det var våt is langs heile vegen, og ingen spor av salting. Barna blir prioriterte først. Det er tross alt menneske eg fraktar, seier bussjåføren med fartstid på 22 år som bussjåfør.  Les meir i Grannar

112.02.09 Skånevik Kulturfond
  Magnus Hjelmervik oppretta stiftinga Skånevik Kulturfond 1. november 2007. Stiftinga sitt føremål er å verka til fordel for kulturaktivitetar i Skånevik, gjennom utdeling av økonomisk påskjønning til slike aktivitetar. Politiske og religiøse aktivitetar er ifølgje vedtektene ikkje å rekna med. Kvart år skal ein dela ut 75% av avkastinga frå grunnkapitalen.  Utdelinga skal skje kvart år på Torgdagane. I 2009 vert det laurdag 13. juni.  Les meir

29.01.09 Boliggruppe med suksess
  Nils Lavik:  Gruppen arbeider med å tilrettelegge for alle typer av bolig i Skånevik. Et viktig fokusområde er å skape en møteplass for alle som tilbyr og etterspør boligobjekter, for slik å stimulere til tilflytting og økt aktivitet i bygda. Gruppen jobber bredt: Alt fra kontakt med og påvirkning av myndigheter til planlegging, rydding og klargjøring av tomter.

Les meir på websida til Bluesbygda

22.01.09 Krev tunnelomsyn til bygdeborg
  Grannar:  Fylkesutvalet i Hordaland går inn for å godkjenna tunnelalternativet mellom Skånevik og Etne. Men tunnelen må ta omsyn til bygdeborga på Vad.  Fylkesutvalet handsama saka i eit møte i dag. Kommunedelplanen for tunnel mellom Etne og Skånevik blir godkjent under føresetnad av at det skal innarbeidast dei naudsynte reguleringane av omsyn til bygdeborga på Vad, der tunnelen skal koma ut på Etne-sida.  Fylkesutvalet gjekk også inn for alternativ 1b, ved Leknes på Skånevik-sida. Fylkesutvalet seier også om at det skal innarbeidast avbøtande tiltak for tunnelpåslaget i Skånevik. Grannar og på Tunnelselskapet si side.

16.01.09 Fire alt klar for festivalen
  Skånevik Bluesfestival har alt fire gode amerikanske artistar klar for sommardagane 2. - 4. juli. Ingen ringare enn legendariske Watermelon Slim & The Workers (US) er første band som er klar for Skånevik
Bluesfestival 2009. I 2008 vant dei to Blues Music Award for beste CD og beste Bluesband. Det musialske og verbale fyrverkeriet Beth Hart (US) kjem også.  Vasti Jackson (US) laga eit stort show i fjor og kjem tilbake i år!  Ellis Hooks (US) er av same kaliber og kjem også.  Du har verkeleg noko å sjå fram til i
Vestlandets Blueshovudstad.  Websida til festivalen Haugesunds Avis

16.01.09 Gjer klar til solfest
  Nils Lavik: Rundt 20. november kvart år forsvinn ho nemleg frå Skånevik. Mot slutten av januar kjem sola endelig attende, noko vi sjølvsagt feirar med brask og bram. Staden er Skånevik Fjordhotel, laurdag den 24. januar 2008. Dørene opnar 19.00.

Solfestarrangementet inneheld spanande solmat med freistnader ifrå varmare strøk og livemusikk. Ta med solskinshumør og sommarlengsel for ein minneverdig solfest på fjordhotellet – og ifør deg gjerne eit antrekk som gjev assosiasjonar til blå himmel, 30 grader og milelange sandstrender!  20.00- 21.30: Solmat i restauranten   Ca 22.00: Konsert og dans med Strait Ahead  Pris: 200,-/ person (solbuffé og konsert/dans)  Les meir

16.01.09 Skånevik tunnel:  - Gjekk vegen
  Grannar:   Samferdselsutvalet i Hordaland har behandla trasevalet for Skånevik-tunnelen denne veka.
Utvalet gjekk samrøystes inn for å tilrå det modifiserte tunnelpåhogget på Vad 2-alternativet på Etne-sida og å trekkja protesten som var varsla. På Skånevik-sida gjekk utvalet inn for alternativ 1b.
— Nå er det å håpa på at fylkesutvalet i sitt møte 21. januar fylgjer opp den positive behandling, kommenterer prosjektleiar Victor Carlsen jr. overfor Grannar.  Les meir i Grannar

08.0109 Skamroste Bluesbygda
  Grannar:  Statsråd Magnhild Meltveit Kleppa (Sp) er begeistra for stadsutviklingsprosjektet Bluesbygda Skånevik.  Onsdag vitja kommunal- og regionalministeren Etne kommune. Besøket blei halde i Skånevik etter statsråden sitt eige ynskje. Der fekk ho vita meir om prosjektet og om bluesfestivalen i Skånevik, som var opptakten til det heile og som i år blir halde for tolvte gong.
Ho skamroste Bluesbygda Skånevik, som hennar departement er med og finansierer, og var svært imponert over det ho fekk høyra.
— Prosjektet er i ferd med å bli landskjent, og er absolutt og overførbart til andre kommunar, sa statsråd Meltveit Kleppa til Grannar etter besøket.  Les meir i Grannar og på hotellet si side.

05.01.09 I helikopter til nyårsfeiring
  Grannar: Berdines Røgelstad (91) og kona Gunvor (80) er alt i gang med å planlegga neste flytur. På nyårsaftan vart det godt vaksne paret henta i helikopter og frakta opp i Skåneviksfjellet. Berdines fekk ein støttande arm på det glatte føret frå nevøen Johannes Røgelstad, medan Robert heldt pappa godt i handa.
  På fjorårets aller siste dag bar det rett til vers frå Skånevik til nyårsfeiring og overnatting i jakthytta på Nepestølsbakken. Gunvor og Berdines Røgelstad fekk sin aller første fyketur og fekk meirsmak etter den overraskande turen.  — Det var som å sitje i ein stol heime i stova vår, på eit par minutt var me oppe, heilt kjempefint. Les meir i Grannar

31.12.09 Vinmonopolsaka:  Ikkje alle er skuffa
  Hans Olav Tungesvik:  Etter det kom avslag frå AS Vinmonopolet på søknad om polutsal i Etne og Ølen,  stod dei fram «i flokk og rad»  og klaga si naud:  Arne Bergsvåg,  Sigve Sørheim,  Birgithe Klungland og Ole Strømø.

Alle er vonbrotne,  og vonbrotet kjem av at det ikkje vert polutsal verken i Etne eller Ølen det komande året. Dei uttalar seg som om det nærast skulle vera ein menneskerett å ha polutsal mindre enn 30 km frå heimstaden. Og dei konstaterer at mangel på polutsal fører til handelslekkasje frå bygdene.
Nettopp det siste kan nok dei fleste av oss vera samde i og synast er ille.  Det er ikkje bra om folk i bygdene let vera å handla på heimstaden fordi dei ved ein bytur kan kombibera polturen med kjøp av andre varer. Her bør kvar og ein tenkja seg nøye om og heller  passa på at byturen berre skal ha eitt einaste føremål, om dei då ikkje heller skulle droppa heile byturen!
Ingen av dei fire vonbrotne nemner eit  ord om negative sider ved å ha polutsal i bygda.   Negative sider er det nemleg rikeleg av, og me er utvilsamt svært mange både av foreldre og besteforeldre som slett ikkje er skuffa over Vinmonopolet si avgjerd. Tvert om. Kvifor er du ikkje skuffa over slik diskriminering av bygdene, kan du gjerne spørja.
Jo,  her har du mitt svar:
All forsking viser at lettare tilgang på alkohol fører til auka forbruk,  og me veit alle ein god del om dei enorme skadeverknadane alkoholen påfører einskildindivid, familiar og heile samfunnsmaskineriet. Det dreiar seg om eit hav av sorg og ulukke.  Når me ser oss omkring i bygdene,  veit me at tilgangen på alkohol er rikeleg stor nok alt i dag.
Forskinga viser og at ei dobling av alkoholbruken fører til ei firedobling av skadeverknadane.  Det er ingen grunn til å tru at ikkje slike skadeverknadar melder seg også i våre bygder når forbruket aukar.  Argumentet om «lovleg vare»  held ikkje mot slike realitetar
Det er eit offentleg ansvar for politikarane i einkvar kommune å syta for folket sitt ve og vel.  Det er ikkje eigna til å fremja folket sitt ve og vel å få etablert vinmonopolutsal i bygdesamfunnet.
Det klåre rådet herfrå er derfor:  Dropp polsøknaden neste år!

Hans Olav Tungesvik 
(med åtte års fartstid i styret for AS Vinmonopolet.)

29.12.08 Romjulsturneringane
  Kari Johansson: Skånevik Idrettslag arrangerte dei årvisse volleyball- og fotballturneringane i romjula. God oppslutning både av påmelde lag og publikum viser at dette er populære arrangement.

Volleyballturneringa vart på 2. juledag arrangert for 15. år på rad, og hadde heile 11 deltakande lag. Alderen varierte frå 13 til over 55 år, noko som viser at dette er eit arrangement for heile familien. Finalen var mellom ”Momle Gåsegg” og ”Lett blanding”, og som i kampen i innleiande gruppespel var det ”Momle Gåsegg” som gjekk av med sigeren. I år er det altså Rune Johansson, Tommy Johansson, Kari Johansson, Finn Solberg, Bjarne Vika og Randi Håland som kan kalla seg ”Skånevikmeisterar i volleyball”J

Fotballturneringa vart arrangert på laurdagen og hadde 6 deltakande lag. Alle laga møtte kvarandre i dei innleiande kampane og det vart mange jamne og uavgjorte kampar. ”Team Manpower” og ”Hålo FC” sanka inn mest poeng og møttest til finale. Finalen var jamnspelt og etter 8 minutt var stillinga 1-1. Finalen vart derfor avgjort på straffesparkkonkurranse. Keeperane på begge lag gjorde ein god innsats, og det vart tatt 5 straffar frå kvart lag før Stian Nedreskår klarte å sette første straffe i mål og dermed sikre at ”Hålo FC” gjekk av med den prestisjetunge seieren. Med på ”Hålo FC” var Christian Nilsen, Stian Nedreskår, Kjetil Nedreskår, Sveinung Byre, Vidar Bersås, Håvard Matre og Lars Christophersen.

26.12.08 Vant Jule-Quizen
  Det var det dyktige laget Ligrend 1 med Kjetil Børhaug som kaptein som vant den store Jule-Quizen på House of Blues 2. juledag.  Etter heile fem rundar og ei temaoppgåve kunne Ligrend 1 bli hylla som vinnar.  Laget besto av Diana og Pål Christophersen, Sigmund og Kjetil Børhaug og Sigurd Årvik.  Dei hadde heile 110 poeng av 128 mogelege.  Rett bak kom TT Group med Paul Tungesvik som kaptein og Skålnes/Leknes med Knut Espen Tungesvik som kaptein.  Det var heile 13 lag som deltok og alle laga gjorde sitt til at det blei ein spennande og sosial kveld på House of Blues. 

23.12.08 Statsråden besøkjer Skånevik
  Grannar:  Statsråden i kommunal- og regionaldepartementet opnar 2009 med å besøka dei to Sp-styrte kommunane Vindafjord og Etne. Tysdag sjette januar dukkar Magnhild Meltveit Kleppa opp i Vindafjord der ho vil gjesta Hogganvik Landsby.
Dagen etter står Etne kommune for tur. Besøket er lagt til Skånevik der statsråden blant anna vil ha møte med representantar for kommunen.  Temaet her blir «Bluesfestivalen, stadsutvikling og kommuneøkonomi».

18.12.08 Bulyst, fest og basar
Bulystuvalet i Etne kommune: 2. juledag, kl. 21.00 i «svingen» på Fugl Fønix gratis inngang
Det blir ETNE-QUIZ og eit raskt ÅRESAL

1. premie: To tomter i Etne kommune 2. premie: Fruktkorg 3. premie: Strikkasokkar

Deretter blir det PUBKVELD - SKRID OPP RAUD LØPAR, BLI SERVER-VELKOMSTDRINK OG TØRRE FAKTA - KANSKJE KJEM ORDFØRAREN?

Det blir sett opp buss frå Skånevik og tilbake att. Påmelding for buss til tenestetorget innan 19. desember.  Pressemelding

Tlf.: 53 75 80 00
- Etne United
Bulyst-utvalet

17.12.08 Skånevik Blomster og Gaver
  Linda Bøthun: Skånevik Blomster og Gaver har no fått eiga nettside. Her kan du bestille di blomehelsing.  Me leverer blomebukettar og dekorasjonar av høg kvalitet der du ynskjer. Gjennom Interflora kan me levera over heile verda.

Me hjelper deg med å påskjønna ein kollega, overraska kjærasten, helsa til ei forretningsforbindelse, overbringa ein kondolanse….. Det mesta kan seiast enno betre med blomar.  Hos oss er det lett å bestilla – me sørger for at blomane blir leverte.  Heimeifrå eller frå kontorpulten kan du besøka oss på www.skaanevikblomster.no.

06.12.08 Turneringar i jula
  Knut Ness: Det blir turnering i volleyball 2.juledag kl.11. Minst to av kvart kjønn på banen. Påmelding til Kari Johanson tlf. 97 57 81 86.  Fotballturneringa vert 3. juledag kl.11.00.  Eiga damepulje. Påmelding til Knut Ness tlf. 91 13 73 81. Kvar turnering kostar 30 kr pr. spelar, som betalest i hallen. Påmeldingsfristen er den same for begge turneringane: 1.juledag kl.19.00.

02.12.08 Juleutstilling og fakkeltog
  Nils Lavik:  Sett av lørdag 6.desember fra kl.13.00 og utover ettermiddagen. Da åpner ordfører Sigve Sørheim Åse Dommersnes´juleutstilling i Galleri Brønnen, som avsluttes med fakkeltog ned til Peparen for ny åpning av juleøya!  På utstillingen presenterer Åse nye og eldre arbeider i streng, i tillegg til maleri og litt tegning. Et spennende element med denne utstillingen er samarbeidsprosjektet med Skånevik Skule. 
Les meir

Storslåtte gåver frå SMV! (16.10.08)  

Under jubileumsfesten til SMV delte jubilanten ut gåver til Skånevik IL v/Kjersti Larsen kr. 150.000, Skånevik Musikklag v/Mona Svendsby kr. 50.000 og Skånevik kultur - og idrettshall v/August Hjelmervik kr. 100.000.  Dei tre laga står for dugnadsånd og er eit nødvendig og positivt innslag og tilbod i lokalsamfunnet i følge Adm. Dir. Lars Hovda ved SMV.