Her finn du nyhende som redaksjonen meiner kan vera av interesse. Det vert ikkje lagt ut stoff som omtalar einskildpersonar, bedrifter, lag og organisasjonar på ein negativ måte.  Skånevik nett tar ikkje stilling i konfliktar mellom partar i bygda og har som mål å spreie positive inntrykk frå lokalsamfunnet.   Det er viktig at du som brukar kjem med forslag til oss.  Send gjerne dine tips på e-post.  Informasjon om kommande arrangement og møte  kan også slåast opp her.  Send helst også dette som e-post.

Arkiv over nyhende tidlegare år
2000	2001	2002	2003	2004	2005     2006     2007    2008    2009

08.03.10 Sølv til Skånevik
  Linda Bøthun:  Årets kvalifisering til NM i blomsterdekorering gjekk av stabelen på Bømlo kulturhus søndag 6.mars. Totalt 11 av Nord-Rogaland og Sunnhordland`s beste blomsterdekoratørar utførte sine arbeider med glans. Fra Skånevik Blomster og Gaver deltok Tanja Skøtt, og ho kom heim med skinande sølv.  Konkurransen inneheld to oppgåver. Oppgåve 1: Blomebukett.  Oppgåve 2: La deg inspirera av dette sitatet: Bind deg ein blomekrans”.  Tanja laga to flotte arbeider, og på kransen sin hadde ho nest-beste enkeltprestasjon.

06.03 Arrangement på Skånevik Fjordhotel
  Skånevik Fjordhotel:  Sterke kvinner- saman:  Skånevik Fjordhotel invterer til ei helg dedikert til kvinner, mellom anna med musikalske innspel frå Hanne Krogh og duoen List. Arrangementet finner stad helga 19.- 21. mars.   Billett til konsert med jentene i List - kjent for sin vakre musikk, og bruk av kvinnelist...  Også Hanne Krogh bidrar med inspirasjon og musikalske innspel. Les meir

Close to you - the best of Burt Bacharach:  Sett av 31. mars og/eller 2. april, og opplev en av vårens første og største happeninger i Skånevik her på fjordhotellet: Et fyrverkeri av et musikalsk 60-tallsshow, av og med tre driftige damer - velkjent fra musikaler som Cats, Les Miserables, Fame, Evita, Trollmannen fra Oz og Jesus Christ Superstar.  Les meir

02.03.10 MA-senteret er selt
  Haugesunds Avis: Motorførernes Avholdsforbund (MA) har seld feriesenteret sitt i Skånevik, Toflebrekko Kjøpar er Karmsund ABR-senter og kjøpesummen er langt under takst. 1,6 mill. kroner for den 4,7 dekar store eigedommen med eit 450 kvm stort hus på.

ABR-senteret vil bruka staden til ettervern for tidlegare rusbrukarar som klarer seg godt under tilsyn, men som ikkje bør bu einslege rundt om i rusmiljø.

Det vil bli tilsett eit vertspar, pluss tre tilsette i turnus, på Toflebrekko. Opning er planlagt til slutten av april og kapasiteten blir på sju klientar.  Les meir i Haugesunds Avis

01.03.10  Skånevik nett 10 år
  I dag er det 10 år sidan www.skaanevik.no blei publisert første gong.  Heile historia til nyhendedelen på nettstaden finn ein under Arkiv.  Talet på brukarar av nettstaden har vore aukande og i dag er det svært mange som er innom sida fleire gonger i veka. Skånevik Vekst var mellom fleire initiativtakarar for å få laga ein internettportal for Skånevik.  Seint om hausten 1999 starta ei gruppe med Eli Jørgensen, Ingrid Sævareid, Lars Hovda,  Alf Warloe Christophersen og Alf Ove Nilsen det konkrete arbeidet med dette.  Arbeidet munna ut i konkrete rettningsliner for portalen som blei utvikla av Skånevik nett ved A. O. Nilsen.

Skånevik nett vil retta ei særskild stor takk til næringslivet og til lag og organisajsjonar i Skånevik.  Dykkar bidrag ved annonsering og stoffproduksjon har vore grunnleggande viktig for utviklinga av www.skaanevik.no. Det er eit mål å utvikla portalen vidare med dykkar og alle interesserte i bygda si hjelp.  Kom gjerne med forslag til utbetringar og nye ting som portalen kan presentera.

24.02.10 Velkommen til Skånevikskonferansen
  Inger Karin Larsen:  Hallo gode skåneviksbu – her kjem invitasjon til Skånevikskonferansen 2010!  Håpar de har høve til å delta og vera med å gjera dette til ei flott oppleving – både fagleg og sosialt ! Ha det fint !  Helsing frå Inger Karin.  Les om programmet og om påmelding

22.02.10 Attval for Tungesvik
  Grannar:  Steinulf Tungesvik held fram som leiar av Hordaland Senterparti.  For vel eitt år sidan vurderte Steinulf Tungesvik frå Skånevik å trekkja seg som fylkesleiar i Hordaland Sp etter å ha blitt vraka i nominasjonen til Stortinget. I helga blei det klart at 44-åringen som representerer Bergen Sp, tar eit nytt år som leiar i fylkeslaget. Les meir i Grannar

20.02.10 Ny festival i Skånevik
  Grannar:  — Ein festival i sommar er ikkje nok, meiner Alf Warloe Christophersen. Han går for nok ein Skåneviksfestival i sommar, og første artistnamn er allereie klart.  — Me satsar på noko norsk, og lagar festivalhelg ei lita stund etter bluesen. Ein festival er ikkje nok, musikk må me jo ha heile året, seier Christophersen.

Første artistnamn til den nye, og førebels udøypte festivalen er Vamp.  Dei skal spela i Skånevik 23.juli, truleg blir konserten på ei utescene ved House of Blues.   — Det blir to dagar med norske artistar denne helga, og ikkje noko blues, forsikrar Christophersen, som enno ikkje har andre artistnamn på plass, men likevel har ønskelista klar.  Les meir i Grannar

18.02.10 ZZ Top klar for festivalen
  Skånevik Bluesfestival:  Etter mykje arbeid har vi endeleg fått bekrefta avtalen med ZZ Top (US).  Denne gruppa har millionar av fans over heile verda. Dei har rykte som eit formidabelt live blues – rockband og har seld mange millionar plater. Dei kjem til Vestlandets Blueshovedstad fredag 2. juli.  Les meir på websida til festivalen - Haugesunds Avis - Bergensavisen

17.02.10 Ragnhild Tjelle 100 år
  Hans Olav Tungesvik:  Det er utruleg,  men likevel sant,  at  førstkomande fredag 19. februar fyller Ragnhild Tjelle i Skånevik 100 år.  Ho sit smilande og blid på rommet sitt på Skånevik Omsorgsenter,  med det vakrast tenkjelege utsyn over fjorden og bygda.

Ragnhild – fødd Lothe – eller Lulle som me alle kallar henne til dagleg – har vél fortent ein god plass på Omsorgsenteret.  Ein stor del av livet sitt har ho arbeidd for eldreomsorg og dei eldre sine livsvilkår.  Like frå ho som 23-åring kom til Skånevik frå Haugesund og gifte seg med Kolbein Tjelle,  seinare ordførar i mange år,  kom ho aktivt med i gamleheimsforeininga Tusenfryd,  som i si tid starta Skånevik Gamleheim.   Ho var styremedlem og kasserar for Gamleheimen i 18 år,  og ho var samstundes ei av eldsjelene bak den nye aldersheimen som vart bygd i 1953.  Det er den same bygningen der ho i dag kan nyta sitt otium.

Etter ektemannen døydde berre 52 år gamal,  gjekk ho sjølv inn i politikken og vart medlem av kommunestyre, formannskap og leiar av sosialstyret i den nye Etne kommune etter samanslåinga i 1965.   Ho fann seg vel til rette mellom Etne-politikarane og har mykje godt å seia om dei.

Ragnhild var og aktiv i Høgrekvinnene sin organisasjon,  leiar for Hordaland krets og medlem av landsstyret.   Då ho sjølv vart pensjonist,  var ho med og starta Skånevik Pensjonistforening i 1976,  og ho var første leiaren i dette laget.

Ragnhild Tjelle har i alle dagar vore ei blid og vennleg dame,  som det framleis i dag er ei glede å sjå innom til.  Bortsett frå eit uheldig lårhalsbrot som plaga henne i mange år,  har ho hatt god helse og vore ei aktiv og glad  friluftskvinne både i eigen hage og ved turar i fjell og ved fjord.  Det er med glede me ynskjer Ragnhild Tjelle til lukke med 100-års dagen.
Hans Olav Tungesvik

14.02.10 Mange deltok på skirenn
  Gisle Sellevold:  TOUR de STORDALSVATNET vart skipa til i dag sundag 14. februar 2010 for fyrste gong. Rundt hundre funksjonærar, deltakarar i trimklasser og på tid, møtte opp på Stordalsvatnet på Frette i dag. Rundt 0C, vindstille og overskya. Veldig høveleg ver. Sævareid & Stordalen Ungdomslag hadde sett opp telt, grillgryter og handelsbu med særs unge og flinke seljarar. Lars Jørgen Stålesen hadde tromma saman mange viljuge og flinke dugnadsfolk. Utruleg kjekt! lappar og pølser vart selt til inntekt for SSUL, brus til inntekt for IF Klypetussen og startpengane gjekk til Håland kulturhus. Resultatlista

14.02.10 Næringskonferanse i Skånevik 2010
  Skånevik Fjordhotel:  Tema: Gode dagar i tøffe tider. Mange bedrifter og organisasjonar har opplevd eller opplever vanskelege periodar, særskilt i forbindelse med økonomiske nedgangstider – som til dømes finanskrisa. Kva skal til for at vi får gode dagar også i tøffere tider? Sentralt fokus: Tøffe tider sett i forhold til kva og kven, samt egna verktøy til bruk i prosessane.  Les meir om dette og andre ting som skjer i hotellet sin regi i tida som kjem.

10.02.10 Spar Jentebølgen
  Anna Eriksen:  Laurdag 29.mai.kl. 15.30 skal Skånevik kultur- og idrettshall arrangera SPAR  JENTEBØLGEN i Skånevik i lag med  Bislett Alliansen,Oslo.  Spar Jentebølgens  frontfigur er Liv Grethe Skjelbreid Poiree, og ho er sjølvsagt invitert til å bli med på løpet her i Skånevik. Sjå Liv Gretes treningsprogram.

  Det er Noregs største mosjonsløp for jenter i alle aldrar og har vore arrangert heile 16 gonger. Distansen er  5 km - kor du kan springa, gå eller jogga,  trent  eller utrent , et løp utan prestasjonskrav. Start i sentrum, løypa går ut til Leknes  via Kjærlighetstien, ned til Milje, bort og ned med Larsen Bakeri og ut til Spar. Det blir felles oppvarming til fengande musikk med profesjonelle instruktørar. Ta med venner eller kollegaer, nabo eller familie, treningsvenner eller klassen din…. og bli med!!!!!  Les meir

10.02.10 Bilete av Bjørn Kristiansen
  Sjå Bjørn's Fotosider med dei svært fine bileta av Skåneviksfotografen Bjørn Kristiansen.  Her finn du m. a. landskapsbilete, panoramabilete, Skånevik i snø og mykje meir.

10.02.10 Fjord-Aliiansen informerer
  Gisle Sellevold:  Velkommen til Tour de Stordalsvatnet søndag 14. februar.  Alle frå Skånevik er ekstra velkomne! Kyrping Bensin og Dagligvarer lover middag for to til trekkepremie.  Åkrafjordtunet lover middag for to til trekkepremie.  Fleire trekkepremiar.  Sævareid og Stordalen Ungdomslag sel lappar og kaffi.  Sjå også den nye websida til Fjorda -Alliansen.  Dette er ei ny heimeside for IL Gro, IF Klypetussen & Fjæra og Rullestad IL. Men på lista "tilskpingar" har me alt med "Torgdagane" og "Juraskarstråkket".

Akrafjordløpet 2010
  Allereie 18 førehandspåmelde frå seks ulike lag: Haugesund IL, Fjæra og Rullestad IL, IL Gro, Hordaland Politi's IL, IF Klypetussen. Roy Kaldheim har alt meldt seg på. Me prøver 23 - like mange som ifjor - men no med seks månader igjen. 10 - heile ti - Flaxlodd trekkast blant ein av dei som har meldt seg å betalt innan midnatt sundag 14. februar. 3543.101212.8 er kontoen. I tillegg trekker me 4 Flaxlodd blant dei første ti jentene som melder seg på!  Påmelding før 1. mai gjev deg i tillegg avslag på kr 50.- og gratis t-skjorte. Vanleg startkontingent på løp er kr 200.- Familie kr 300.-  Meld deg på no!

06.02.10 På alle nutane
  Gisle Sellevold:  Desse to flotte jentene, Evely Bøthun og Julie Røgelstad,  er fine representantar for Skånevik IL. I 2009 vart dei jente nr 2 og 3 som klarte "Alle 30" nutane i Etne kommune sidan starten i 2002. Tøft levert!  Paul Tungesvik klarte prestasjonen også i 2009, og har med det klart alle åra. Ståle Tungesvik med hytte på Nes på Vannesvegen, er den andre som har klart alle åtte åra. Inge Sævareid har kome opp i fire år på "Alle 30". Rektor på Skånevik skule, Kjell Ingvald Matre og kona Unni fyrste blant jentene, har klart "Alle 30" fem år. Fasit: mange tøffingar i Skånevik!

05.02.10 Bygdakino i Skånevik kultur- og idrettshall onsdag 17. februar
  Kl 18:00, Pelle Politibil går i ...Aldersgrense: Alle kan komme inn  Hele Norges favoritt politibil er tilbake! I "Pelle Politibil går i vannet" tar vår kjære venn opp kampen med de sleipe miljøforbryterne brødrene Grevling, sammen med sin lille venninne Oda Oter. 
 Kl 20:00, The Twilight saga - New ... Aldersgrense: 11 år I andre avsnitt av Stephenie Meyers fenomenalt suksessrike Twilight-serie, stiger romansen mellom dødelig og vampyr når Bella Swan (Kristen Stewart) dykker dypere ned i mysteriene knyttet til den overnaturlige verdenen hun lengter etter å bli del av - og befinner seg snart i større fare enn noen gang.

28.01.10 Kurs i Coaching m.m.
  fjordhotellet.no:  Handelshøyskolen BI og Skånevik Fjordhotel (ved coach og eier Inger Karin Larsen), har et samarbeidsprosjekt om gjennomføring av kurset BIK 2914 Coaching, selvledelse og emosjonell intelligens. Dette innebærer at kurset gjennomføres intensivt i Skånevik over fire dager, som alternativ til å strekke undervisningen over et helt semester ved BI Bergen.

Dette kurset, BIK 2914, er Fase 2 av et faglig opplegg som går over tre deler (Fase 1, Fase 2 og Fase 3), og som leder frem til en sertifisering i coaching i næring.  Les meir

28.10.10 Bøsseberarar for Haiti
  Grannar:  Elevar frå Enge og Skånevik skule samla inn heile 77.000 kroner til jordskjelvoffera på Haiti.  Til saman 80 elevar frå heile Etne kommune tok beina og bøssene fatt til inntekt for dei jordskjelvramma på Haiti måndag ettermiddag. 69 elevar frå Etne og 11 elevar frå Skånevik mellom 5. og 10.klasse sette som mål å bæra bøssene i heile kommunen i løpet av tre timar.
Innsamlingsaksjonen var i regi av Etne Røde Kors, og responsen frå elevar som ville gå med bøsser var enorm, skryt nestleiar Lars Olav Bergsvåg. Les meir i Grannar

24.10.10 Dei første artistane er klare!
   Skånevik Bluesfestival:  Vi er godt i gang med planlegginga av den 14. Skånevik Bluesfestival.  Svært mykje arbeid gjenstår, men dei første artistane er alt klare:
  Stjerneskotet Joanne Shaw Taylor og den hotte bluesfornyaren Aynsley Lister.  Begge frå England.  Vi får også besøk av soul - og gitalsjefen Eddie Cotton frå Missisippi. 
  I tillegg er også våre eigne bluesstjerner Bjørn Berge, Reidar Larsen, Knut Reiersrud og Noregs souldiva Noora Noor klar for Skånevik Bluesfestival 2010.  Det same er ORBO & The Longshots.  Les meir på websida

24.10.10 NM-sølv til Chris
  Chris Jespersen gikk inn til sølvmedalje i NM-stafetten for Byåsen sitt 1. lag.  Han gitt ein flott sisteetappe og tok igjen Johan Kjølstad frå Skogn IL, men tapte med vel 1 sek. i spurten.  Gratulerer med ein strålande innsats Chris.    Les meir i Grannar

24.01.10 Nytt bedrifts- og lederutviklingsprosjekt
  fjordhotellet.no:  Stretch Leadership  er navnet på nyetableringen, og har valgt å legge hovedprogrammet i kursvirksomheten til fjordhotellet.  Stretch tilbyr leder- og organisasjonsutviklingsprogrammer på meget høyt nivå, og er etablert med hovedkontor i Skånevik og avdelingskontor i Stavanger. Selskapet legger utviklings- og opplæringsprogrammene til fjordhotellet, for slik å kunne utnytte hotellets utmerkede fasiliteter kombinert med mulighetene for aksjonslæringsprosesser i de fantastiske fjord- og fjellomgivelsene som omgir bygden.    Les meir
 
19.01.10 Gjer klar for solfest
  Skånevik Fjordhotel:  Rundt 20. november kvart år forsvinn ho nemleg frå Skånevik. Mot slutten av januar kjem sola endelig tilbake, noko vi sjølvsagt feirar med brask og bram. Staden er Skånevik Fjordhotel, laurdag den 23. januar 2010. Dørene opnar 18.00. 
 
 Solfestarrangementet inneheld spanande solmat med freistnader ifrå varmare strøk og livemusikk. Ta med solskinshumør og sommarlengsel for ein minneverdig solfest på fjordhotellet – og ifør deg gjerne eit antrekk som gjev assosiasjonar til blå himmel, 30 grader og milelange sandstrender...  Les meir

11.01.10 Ved stengetid for P. Bøthun Daglegvare
  Hans Olav Tungesvik:  Så er det definitivt slutt for min barndoms viktigaste nærbutikk ved sida av Skånevik Handelslag.  Frå 01.01.2010  har Helga og Svein Bøthun stengt dørene for ordinær butikkdrift for siste gong – i dagane etterpå har det berre vore opphøyrsal med servering av kaffi,  te og herleg bakverk frå Helga og svigerdotters kjøkken.

Det er verkeleg vemodig at butikken vert nedlagd,  ikkje minst for dei av oss som har fylgt butikkens liv gjennom 70 av dei vel 80 åra han har eksistert.

 ”Og gamle minner dukker atter frem…”

 For underskrivne vil nedlegging av Bøthuns  butikk  bety noko heilt spesielt,  av di eg har to av mine sterkaste barndomsminne knytt nettopp til denne butikken.

Det eine minnet er svært positivt,  både fordi det er  mitt aller tidlegaste minne her i livet,  og fordi det fekk meg til å føla meg litt ”vaksen”.  Det andre minnet er av ein heilt annan kvalitet,  av di det var det flauaste eg nokon gong kom borti, trur eg.

1. 3 ½  år gamal  fekk eg fylgje av slektningen Ingeborg Tungesvik på Duberg,  som var sjukepleiar i Oslo og var heime på ferie.  Ho skulle fylgja meg til Bøthun for å kjøpa mitt livs første beksaumstøvlar.  Dette var hausten 1939,  og dei vaksne sa det var fare for at det kunne bli krig,  derfor måtte me sikra oss godt skotøy medan det enno var å få.   Eg hugsar kor kry eg var då eg steig opp  det eine trappetrinnet for å gå inn i butikken.  Her skulle dei få sjå  kar med flotte støvlar!
2. Frå 12-årsalderen har eg eit minne som den gongen var så flautt at det mest ikkje er til å nemna.  Eg gjer det likevel.                                                                               Heime hos oss budde den gongen møbeltapetserar Kjell Johansen,  og han hadde verkstad i kjellaren.  Bror hans,  Paul,  var ein periode med som medhjelpar,  og han var ein skøyar og ein luring.   Ein dag fortalde han at det var noko feil med framhjulet på sykkelen hans,  og han spurde om eg ville gå til Bøthun og kjøpa for ei krone i keisarsnitt,  som han trong til reparasjonen.    

Jo,  eg var tenestevillig,  gjekk ned til Ruth Ness,  som stod bak disken,  og presenterte mitt ærend.  Ho vart heilt stum,  sikkert på grensa til å spruta ut i ein lått.  Men det greidde ho å unngå,  sikkert for å spara meg.  men bak meg i køen  stod ein som hadde større vanskar med å halda låtten tilbake,  nemleg humoristen Edvin Wiland.  Han sprakk fullstendig og sette i med sin velkjende skratt.  Giss om det var ein som vart flau!   Eg forstod at eg hadde trakka grovt i salaten,  luska ut og sprang heim til mor og spurde kva keisarsnitt var for noko.  Då eg fekk vita det,  la eg straks ein plan om korleis eg skulle ta hemn på Paul.  Kva det vart til,  minnest eg ikkje,  men seinare har eg fått rikeleg høve til å skaffa meg kunnskap om keisarsnitt.

I dag er det vel knapt nok nokon 12-åring som ikkje frå før den alderen veit kva det er.

Jo,  minna knytte til Bøthuns butikk er nok mange og varierte,  men ein ting er sikker:  Butikken vil bli sakna,  og Helga og Svein fortener stor takk for innsatsen.

                                                                                                       Hans Olav Tungesvik

10.01.10 Gode løp av Chris Jespersen
  Grannar:  Chris Andrè Jespersen frå Skånevik hamna blant dei ti beste under Skandinavisk cup i Åsarna i helga.  Han gjekk inn til ein niande plass blant 66 løparar på 20 km fristil på laurdag. 26-åringen som går for Byaasen IL, kom inn på tida 48.33 under løpet.

Søndag sikra han seg ein sjette plass under 15 km klassisk. Jespersen gjekk då i mål på tida 41.33. Saman med 5. og 7.plass, kom Jespersen inn berre sekundet etter 4.plass-vinnaren, blant dei 92 løparane frå heile Skandinavia.  Les meir i Grannar

07.01.10 I riksdekkande innvandringshistorie
  Grannar: Polske Pawel (39) og Agnes Blaszkiewicz (36) kom til Marit og Reidar Ebne i Skånevik som bærplukkarar for femten år sidan. Nå blir dei nokre av historieforteljarane for moderne innvandringshistorie på NRK.  Dei neste fem tysdagskveldane skal dokumentarserien «Det nye landet» rulla over NRK-skjermane. Det er bergenske Pandora film som står bak serien, som set fokus på fleire sider av norsk innvandringshistorie dei siste 40 åra både frå etniske og nye nordmenn sine ståstader. Første episode set arbeidsinnvandrarane i søkelyset, dei som kom til Noreg først for å bli ein periode, men som ende opp med å busetja seg her for livet. Ein av suksesshistoriene fann regissør Lars Petter Gallefoss på Skånevikstranda i Etne. Les meir i Grannar

01.01.10 Stor vatnlekasje i Idrettshallen
  Haugesunds Avis: Trolig har flere tusen liter vann rent ut i Skånevik idrettshall.  Antageligvis har flere tusen liter vann rent ut i hallen, sier vakthavende befal Tore Tendal i Etne brannvesen avdeling Skånevik til h-avis.no.  Ifølge Tendal har et frossent rør ført til vannlekkasjen, som har påført hallen store skader. Seks personer fra Etne brannvesen avdeling Skånevik og to personer fra Haugesund brannvesen deltok i arbeidet i hallen.

- Vannet har rent ut i kafeteriaen og på toalettet og videre ned i garderobene. Det vil nok kreve en god del reparasjon, sier Tendal.  Det rant også vann ut på utsiden av hallen.  Les meir i Haugesunds Avis

29.12.09 Leo Andre Markhus i Chile
  Ved hjelp av sin chilenske trenar Julio Nuñez i Skånevik IL fikk den talentfulle Leo Andre høve til å reisa til Santiago i Chile for å trena og bu der i eit heilt år. Les den fantastiske historia til den 16 år gamle Leo Andre Markhus frå Skånevik.

28.12.09 Skåneviksbu leia redningsaksjon
  sunnhordland.no:   Ein cabincruiser stod i ettermiddag ( 20.12.09) i full fyr i Leirvik hamn. To vaksne og to born - deriblant ein baby - vart redda frå infernoet av éin av Tide sine snøggbåtar.

21.12.09 Tannlegesaka i Skånevik
  Hans Olav Tungesvik: Det er eigna til stor undring at Fylkestannlege Inge Magnus Bruvik i framlegget til fylket sin plan for tannhelsetenesta for dei komande åra,  rår til at tannklinikken i Skånevik skal nedleggjast den dagen Olaf Larsen sluttar i tenesta.   Dette framgår av reportasjen i Grannar 23. november.

Framlegget står sterkt i strid med dei inntrykka underskrivne sit att med etter å ha hatt samtalar  om saka  med fylkesordførar, fylkesrådmann og fylkestannlege så seint som i sommar og tidleg på hausten.  Etter at det hadde kome framlegg om radikal nedskjering av tannlegetilbodet i Skånevik og overføring av det meste av Olaf Larsen si arbeidstid til Etne,  gjorde han det klårt at han kom til å seia opp stillinga og søkja arbeid annan stad.   Dette vart meldt til fylkesrådmannen,  som melde tilbake at han hadde gitt melding til fylkestannlegen at det måtte finnast ei løysing som gjorde at tannhelsetilbodet i Skånevik kunne halda fram.

Fylkestannlegen var i Skånevik 26. august,  og i samtale  underskrivne hadde med han då,  kom det klårt fram at tannhelsetenesta i Skånevik skulle haldast oppe med 3 faste kontordagar.   Dette vart oppfatta som ei prinsippavgjerd og ikkje berre knytt til Olaf Larsens person,  jamvel om det i samtalen og vart peika på den viktige funksjonen han har som medlem av Skåneviksamfunnet,  med fleire viktige verv innan frivillig arbeid. Det er lite meining i å knyta eksistensen av ein offentleg tannklinikk til ein persons nærver og arbeidstid.

Eg har forstått at ei grunngjeving for å leggja ned kontoret i Skånevik,  var at ein rekna med at det ville vera vanskelegare å få tannlege til Skånevik enn til Etne.   Det er vel ingen konkrete haldepunkt for at så er tilfelle,  all den stund stillinga i Skånevik ikkje har vore utlyst på 29 år!

Det er Fylkestinget som skal ta avgjerd om tannhelsetenesteplanen,  og det skal skje først til våren.  Det blir derfor viktig å driva lobbyverksemd i månadene framover for å berga tannklinikken i Skånevik.   Denne saka har me ikkje råd til å tapa!   Det gjeld framtida for dei som har vanskar med å ta seg fram til eit tannlegekontor 3 mil unna,  det gjeld einkvar som har behov for tannlegehjelp,  og det gjeld ikkje minst framtida for eit  levande lokalsamfunn som og skal vera attraktivt for tilflyttarar.   Hans Olav Tungesvik.

20.12.09 Rekordstort snøfall skapte kaos
  Grannar:  Det indre Haugalandet er ramma av det største snøfallete på fleire tiår.  Søndag føremiddag var det kome nærare ein meter snø, og framleis var det nedbør i lufta. Over Fikse var det i natt kolonnekøyring. Uveret har skapt mange problem på vegane det siste døgnet, og verst har det truleg vore på E34 mellom Ølen og Etne. Haugaland og Sunnhordland politidistrikt har fått inn mange meldingar frå bilistar om dårlege køyreforhold på denne strekkja.

- Vegtrafikksentralen blei informert, og opplyste at tilgjengelig mannskap var i arbeid. Me hadde politipatrulje til staden kl 23.20 laurdag kveld, då meldingane blei fleire, og vegen blei sperra, opplyser operasjonsleiar Svein Roald Vikse ved Haugaland og Sunnhordland politidistrikt.  Les meir i Grannar

17.12.09 Utbetring av Skånevik stadion
  Under handsaminga av budsjettet og økonomiplanen for Etne kommune vedtok Etne K-styre m.a. dette:  Det skal setjast i gong utgreiingsarbeid vedkommande opprustning av idrettsanlegget i Skånevik med tanke på at anlegget har sege og må tilførast massar og rettast opp, både grasmatte og løpebane.  Kommunen må snarast gå i dialog med Skånevik Idrettslag for å få avklart kostnad, arbeidsfordeling og når opprustningsarbeidet av Skånevik stadion skal ferdigstillast. Det skal i 2010 fremmast eiga sak for K-styret som skal innehalda budsjett og framdriftsplan for prosjektet. Begge idrettsanlegga i kommunen bør vera i ønska stand før starten av sesongen våren 2011. Dei noverande vedlikehaldsavtalane mellom Etne kommune og Etne Idrettslag/Skånevik IL skal reforhandlast. Før kvar budsjetthandsaming skal avtalepartane peika på kva arbeid som bør gjerast i kommande budsjettår og kva kostnader dette vil få for kommunen.

11.12.09 Bevar tannhelsetenesta i Skånevik
  Fylkestannlegen ønskjer i sin plan til fylkestinget å leggja ned tannhelsetenesta i Skånevik når tannlege Olaf Arne larsen sluttar.  Tysdag skal Etne kommunestyre komma med utale til planen og rådmannen i Etne er klar i sin tale:  Tannlegetilbodet i Skånevik skal bestå uavhengig av noverande tannlege.  Skånevik Helselag har underskriftsliter liggande ute på Spar og Bøthun for at folk i bygda skal kunna få sei si meining om denne viktige saka for Skånevik.  Skriv under på skrivet som vert sendt til fylkestannlegen saman med svaret frå Etne kommune.